رواية سيف الاميرة البارت الثاني 2 بقلم همس حسن
رواية سيف الاميرة الفصل الثاني 2
شروق بتبرق و عينيها بتحمر : لو قربت خطوة كمان انا هقتلك .. افتكر إني حذرتك وانت الجاني على نفسك
سيف : هتعملي ايه يعني ؟
شروق بتغمض عينيها : خليك فاكر إني حذرتك متقربش
سيف : انا عارف إن زعلك مني كان كبير ، وعارف كمان إن قد ما كان زعلك كبير بتنسي كل حاجة بحضن واحد
بيقرب عليها عشان يحضنها ..
مسكت دراعاته بأيديها الاتنين حصل ماس كهربي بينهم ، اتكهرب سيف واتنطر بعيد عنها
شروق وعينيها حمرااا : قولتلك بلاااااش .. انا مش مراتك ولا مرات غيرك انا إسمي شروق أبويا وأمي ماتوا من زمان واللي رباني عمي ، بشتغل في شركة ملابس انا وفريدة صحبتي من أيام ثانوي عشان أساعد في مصاريفي واخفف عن عمي
بحكيلك كل دا ليه ؟
عشان ااكدلك إن اللي في دماغك دا كله أوهام ، فكك مني وكمل تدوير على مراتك اللي أعتقد انها شبههي لدرجة انك مش قادر تفرق بيننا
راحت على الباب حاولت تفتحه معرفتش ، اتلفتت بصت لسيف تاني
راح سيف فتحلها الباب بمنتهى الهدوء
سيف : عاوزة تمشي امشي .. بس خليكي فاكرة إن كلامنا مخلصش
نزلت شروق تجري على تحت
رجع سيف قعد على السرير وبدأ يفكر
سيف : كدا الموضوع خرج من مجرد واحدة زعلت ومشيت تغضب في أي مكان شوية ، لواحدة مش عارفة هي مين أصلا
طب ياترى مين فينا اللي صح ؟
يمكن الزعل أثر على مخها ؟ يمكن من كتر ماهي وحشاني انا اللي مخي فوت لدرجة اني بقيت شايف الناس هي !!
بس ازاي ؟؟؟؟ دي هي أميرة ، شكلها بجسمها بنظرتها بعينيها .. كل حاجة فيها هي هي ماعدا ا....
Flash back 🔥
شروق عينيها بتحمر وبتكهربه
سيف : انا مش فاهم حاجة !
قام وقف : لو كنتي جنبي ، او حتى في آخر الدنيا يااميرة هلاقيكي وهرجعك بيتك وحضني تاني
حط ايده على دماغه وحس بصداع فظيع ، قام اخد مسكن للصداع
نزل ركب عربيته وطلع
*في البيت *
فريدة قاعدة مع صلاح عم شروق .. صلاح رايح جاي في الشقة متوتر جدااا
فريدة : طب وبعدين ، هنعمل ايه دلوقتي هنسيبها معاه بابطريقة
صلاح : مين قالك إني سايبها ، رجالتي في كل مكان بيدوروا عليها ومش هيحل الليل غير وهي نايمة في فرشتها
شروق بتفتح الباب وداخلة
صلاح قام جري اخدها بالحضن : يااااه قلبي كان هيقف من خوفي عليكي وربنا
فريدة بتحضنها : انتي كويسة ياحبيبتي ؟؟
شروق : متقلقوش ياجماعة انا كويسة الحمدلله ، عارفيني مبغلبش في الحاجات دي
صلاح : طب ابقي خدي بالك من نفسك بعد كدا ياحبيبتي .. المهم مين بقا سيف دا
شروق : واحد مجنون طلعلي في البخت وعمال مراتي مراتي مراتي ، ناقصين جنان احنا
صلاح : واحد إسمه ايه
شروق : سيف
صلاح : سيف ! سيف ايه يعني
شروق : ياعمو هو انا هعرف منين اسمه ا..
اه هو تقريباً قالي إسمه سيف دهب حاجة
صلاح : سيف أبو الدهب ؟!
شروق : ايوون هو دا
صلاح : امممم ، تلاقي مراته شبهك ولا حاجة وبيدور عليها
عموماً قومي يلا خدي دوش وغيري هدومك
فريدة : ماشي ياحبيبتي هسيبك ترتاحي بقا النهاردة وبكرا بإذن الله نتقابل في الشغل
شروق : تمام .. معلش يافريدة جننتك ووقعتلك قلبك
فريدة : خدي بالك من نفسك ❤️
*رجع سيف على البيت *
بالمناسبة ... سيف شاب عنده ٣١ سنة شغال في منصب كويس في شركة استيراد وتصدير ، ساكن مع أهله في نفس العمارة
شقة لأمه وأخته اللي لسة بتدرس ، شقة لأخوه ومراته .. شقة بتاعته واللي هو كان متجوز فيها أميرة مراته
طلع شقته .. فتح الباب ودخل على أوضة النوم
وقف قدام صورة كبييييرة لفرحه هو وأميرة اللي بتشبه شروق بالظبط وكأنها هي
فضل باصصلها شوية .. سابها ودخل الدريسينج روم
فتح الدرفة وطلع قسيمة الجواز ، بص فيها شوية
طبقها وحطها في جيبه .. جرس الباب رن
راح يفتح الباب ... رحاب مرات علي اخوه وفي ايديها طبق أكل
سيف : أهلا يارحاب
رحاب : مش هتقولي اتفضلي !
سيف : اصل ا....
قاعد لوحدي يعني
رحاب بتزق الباب وداخلة : جبتلك الأكل اللي بتحبه عشان عارفة إن اكيد من الصبح مكلتش حاجة .. ماهو لو مراتك موجودة 🙄 كانت شافت طلباتك بس هنعمل ايه بق..
سيف : رحااب .. بعد إذنك متجيبيش سيرتها في غيابها ، وعموما شكراً ع الاكل كتر خيرك بس انا كنت واكل اصلا
وبعدين خلاص متتعبيش نفسك بقا كل يوم .. خليكي في جوزك وابنك
رحاب : لا طبعاً مفيش الكلام دا انت زيك زي أخوك بالظبط انتو الاتنين مسؤولين مني ولازم اراعيكم
سيف : راعي جوزك وابنك وانا امي واختي موجودين ، كتر خيرك
رحاب : ماشي انا هعتبر نفسي مسمعتش حاجة 😒
سيف : طيب .. اطلعي بقا عشان متتأخريش على علي ويزعل
رحاب : طب مش عايزني اعملك أي حاجة في البيت
سيف : لا يارحاب تسلمي كتر خيرك
رحاب : خلاص ماشي لو عوزتني اتصل بيا
سابته وخرجت على برا
تليفونه رن *أمي*
سيف بيرد : ازيك ياست الكل
فاطمة أمه: ايه ياحبيبي فينك من الصبح
سيف : كان ورايا شغل بس ياحبيبتي ولسة جاي
فاطمة : طيب أنزل احطلك تاكل بقا زمانك مكلتش من الصبح
سيف : لا منا اتغديت خلاص بكرا بقا بإذن الله
فاطمة : انت كويس يا سيف ؟؟
سيف : كويس ياحبيبتي ، ليه بتقولي كدا !
فاطمة بعد سكوت شوية : خلاص ماشي ياحبيبي ، ربنا معاك
قفل معاها وراح قعد عالسرير وفتح ألبوم الصور بتاعه هو وأميرة
*في بيت شروق *
شروق داخلة اوضتها .. فكت شعرها وبدأت تسرحه وهي بتفتكر كل حاجة حصلت أثناء اليوم
كلام سيف ، خطفه ليها ، إصراره إنها مراته
واخر مشهد جه في بالها
سيف وهو بيقرب عليها .. وفجأة ملامح وشها اتغيرت ، عينيها احمرت وجالها صداع رهييييب خلاها رمت المشط من ايديها ومسكت دماغها جااامد
تليفونها رن .. مسكته وردت من غير حتى ماتشوف مين بيتصل
شروق بتعب : الو
ياسين : شروق .. انتي كويسة ؟
شروق : ايه يا ياسين ازيك .. لا انا كويسة الحمدلله
ياسين : اومال صوتك ماله كدا !!!
شروق : شوية صداع بس
ياسين : طيب خدي مسكن او حاجة
شروق : ماشي .. كنت عاوز حاجة ؟
ياسين : اه كنت عايز أقولك المدير النهاردة قلب الدنيا على ملف شركة الصفوة اللي اتعاقدنا معاها الأسبوع اللي فات وبعد ماروحت افتكرت إن الملف دا معاكي انتي
شروق : خلاص ماشي هجيبه معايا الشركة بكرا بإذن الله
ياسين : تمام .. تحبي نروح لدكتور أو حاجة
شروق : لا لا انا بقيت كويسة خلاص .. تصبح على خير
ياسين : وانتي من أهله
*تاني يوم الصبح في شقة فاطمة أم سيف *
حبيبة أخت سيف داخلة على امها الأوضة
حبيبة : صباح الخير ياروح قلبي 😍😍
فاطمة : صباح النور ياحبيبتي .. لابسة ورايحة على فين كدا
حبيبة : رايحة الجامعة كدا عندي شوية محاضرات
فاطمة : ماشي خلي بالك من نفسك
حبيبة : ماما انتي كويسة؟؟
فاطمة : اه كويسة ، ليه ؟
حبيبة : حاسة فيه حاجة مدايقاكي
فاطمة : مفيش كنت بكلم اخوكي امبارح بالليل بس وحسيت صوته مش كويس خالص ، والنهاردة الصبح من شوية بنشر الغسيل شوفته خارج يجري من العمارة ركب عربيته ومشي من غير حتى ما يصبح عليا زي كل يوم
حبيبة بقلق : ماهو للأسف سيف من ساعة ما أميرة اختفت وهو حاله ميسرش خالص ، بس مسير ربنا يحلها من عنده ونلاقيها بإذن الله
فاطمة : ياارب يابنتي
تليفون حبيبة بيرن .. اتوترت وبصت ع الفون بخوف
حبيبة : طيب ياماما انا هنزل بقا عشان متأخرس
فاطمة : بس الوقت متأخر ياحبيبة
حبيبة : على طول ياحبيبتي
ماشي ياحبيبتي انزلي
قامت حبيبة بسرعة نزلت على تحت .. وقفت على باب العمارة بصت بعيد ... شاب واقف مستنيها بعربيته
ابتسمت وراحت في اتجاهه
شروق داخلة الشركة مبتسمة وبتضحك هي وفريدة
ياسين جاي من بعيد : صباح الخير ياشروق 😍😍
شروق : صباح النور ❤️❤️
فريدة : هي شروق بس اللي من حقها يتصبح عليها ولا ايه 🙄
ياسين : يابت بطلي لماضة كنت لسة هصبح عليكي اهو 😂👊
فريدة : 😂😂 طب استنوا هروح أرد ع الفون
راحت فريدة ترد .. ياسين بيقرب من شروق خطوة
ياسين : بقيتي كويسة النهاردة ؟؟
شروق : اه الحمدلله بقيت كوي...
قاطعها وهو بيحط ايده على راسها : حاسك داخلة على دور برد
شروق لسة بتبرق وهتشيل ايده من على راسها ... جه سيف من ورا مسك ايده والغضب باظظ من عينيه الحمرا
سيف : بالظبط زي ما انت اللي داخل على دور موت
- تابع الفصل التالي عبر الرابط: "رواية سيف الاميرة" اضغط على أسم الرواية