رواية احببت مصارع البارت الثالث والثلاثون 33 بقلم يوستينا سامي
رواية احببت مصارع الفصل الثالث والثلاثون 33
وفعلا يوسف فتح الباب بتاع شقة ادهم بس .....
يوسف وفهد سمعوا صوت ض:حكة من بنت
يوسف: فهد خد بسنت وانزل تحت ...
فهد بص ليوسف بحزن :مكنتش متوقع أنه زبالة كدة
يوسف بحدة :فهد خد بسنت ونزل ..
وفعلا فهد اخد بسنت ونزل بيها تحت وقعدوا في العربية ...
لكن يوسف دخل البيت ورزع الباب علشان ادهم يسمع صوته ...وفعلا ده الي حصل ادهم وهو في الاوضة سمع صوت باب الشقة بيترزع
البنت: اي الصوت ده يا ادهم هو في حد هنا ولا اي .
ادهم بخضة :معقول ..اوعي كدة ..اوعي
وفعلا أدهم قام وخرج من الاوضة ولقه يوسف قاعد برا علي الكرسي وماسك في أيده المفتاح ...
ادهم بتوتر: يوسف ..خير عايز حاجة ..انت اي جابك
يوسف بثبات: في خلال خمس دقائق يا ادهم البت الي جوا دي تمشي ..حالا.
ادهم بعصبية: وانت مالك تمشي ولا لااااء ..انت جاي بيتي وتقولي امشي مين ولا لااااء
لو انت مش حابب تقعد في البيت ده شايف أنه ع.ار عليك اوي كدة ...امشي انت.
يوسف بنفس الثبات: ماشي يا ادهم يعني ده اخر كلام عندك
ادهم بحدة ؛اه اخر كلام عندي ..وقبل ما تمشي يا يوسف هات النسخة الي معاك بتاعة شقتي
يوسف .......
وحصل حوار كبير بينهم ......
حوالي نص ساعة وبعدها يوسف نزل لفهد في العربية ...
فهد بقلق: في أي يا يوسف اي حصل مع ادهم
ومالك مبوز ليه كدة
يوسف ؛مافيش يا فهد ولا اطلع بينا علي اسكندرية
فهد :معقول دلوقتي يا يوسف ..
يوسف: اه ...يلا اطلع
فهد :خلاص اطلع ..مطلعش ليه ....
وفعلا فهد بدأ يتحرك علي اسكندرية
ويوسف اخد بسنت في حضنه ونامت في حضنه
وطول الطريق يوسف كان بيفتكر الي حصل مع ادهم
وكان حزين اوي علي كلامه .......
يا ترااااا اي حصل عند ادهم !!!؟
تعالواااا نروح لفريدة ...
فريدة قاعدة في اوضتها بتتفرج علي صورها مع عمر وكانت دموعها بتنزل
اختها ..وبعدين معاكي يا فريدة انت لسه معاكي صور ليه يا حبيبتي ده انت خطوبتك الاسبوع الجاي ليه تربطني نفسك بحد هو اصلا مش سأل فيكي كدة
فريدة بوجع : من حظي حبيت واحد كداب كان طول الوقت محسسني أنه بيموت فيا ويغير عليا لكن طلع ده كله كدب في كدب ...
اختها: طلاما انت عارفة أنه كدب رابطة نفسك بيه لحد دلوقتي ..ليبيه
فريدة بدموع :علشان مش قادرة أنساه ..لسه بحبه اوي ..يارب ساعدني انسااه
اختها: طب وحامد يا فريدة معقول معرفتيش تحبيه
فريدة: بالعكس. حامد بجد شخص مافيش منه
وهو الوحيد الي حسسني بالامان بس عمر في قلبي ومش قادرة انسااه وحتي ابطل افكر فيه
اختها: يبقي لازم تتطلبي تاجيل خطوبتك يا فريدة
مينفعش يعلقي حامد وفي الاخر تصدميه
فريدة: انا هكلمك حامد وهطلب منه أننا ننفصل
اختها :انت هبلة ولا اي ..لا طبعا انا مقصدش كدة
انا راي انك تاجلي شوية لحد ما تتاكدي أن عمر خرج تماما من دماغك ....فهمتي ولا لاء ..لكن تضيعي واحد زي حامد من ايديك تبقي بجد عبيطة
فريدة مسكت دماغها بانهيار: لا انا مش هقدر اخدعه
انا مش بحب حامد ولو كملت معاه ابقي كدابة..
اختها: انت حرة .انا قولت نصيحتي ..اعملي الي يريحك بقي ..انا ماليش دعوة اصلا
فريدة : أيوة انا هعمل الي انا عايزاااه ..سيبوني في حالي بقي ....
وطلعت تليفونها وبعتت لحامد واتس
انا اسفة يا حامد بس انا مش هقدر تخدع انا لسه بحبه
ياريت تنساني لوسمحت أنت مليون بنت تتمناااك..اسفة
______________________________&&
وفعلا بعد فترة طويلة ..وصل يوسف وفهد اسكندرية وكانت الساعة حوالي ٧ ......
يوسف .. رن علي نور
نور كانت صاحية من بدري لانها عارفه أنه جااي
طبعاااا...
الوووو يا يوسف انت فين دلوقتي
يوسف: انا خلاص داخل علي اسكندرية
نور: بجد طب يلا تعالي بقي
يوسف: اجي فين يا بنتي لا طبعا مينفعش دي الساعة ٧ انا هروح بيتي انا وفهد ....
نور بزعل: يووه يعني مش هتيجوو ..انا مستنياك من بدري يا يوسف ..تعالوا بليز عمر صاحي ولله
يوسف :لا يا نور بصي انا هتكسف ولله
عمر أخد التليفون من يوسف :الو يا عم يوسف
يوسف :حبيبي يا عمر عامل اي
عمر: كويس يا معلم ..اي بقي تبقي في اسكندرية ومتجيش ولا اي
يوسف: ولله جاي بس الساعة ٧ بدري اوووي
عمر: يا عم ما انا صاحي ...وبعدين تعالوا يلااااا
انا مش باخد رايكم أوضة الضيوف فاضية
يعني مش هتصحوا حد ...انا مستنيكم...سلام
يوسف: خلاص يا عمر ..حاضر سلام
يلا يا فهد اطلع علي عم عادل
فهد؛ اشطا ..حاضر صحي بسنت
يوسف: لا انا هبقي اشيلها.
فهد بيبص علي دراعه ؛اه ما هو واضح
يوسف: سوق وانت ساكت يا سمج
________________________________$$$.
في اسكندرية ....
نور: حبيبي يا عمر انت بجد عسل
عمر :عدي بقي الجمايل يا ستي ...يلا حضريلهم فطار
نور :هوااااا بس هروح اصحي شمس الاول
نور دخلت أوضتها هي وشمس
نور بفرحة؛ شمس ...قومي بلييز ..يلااااا
شمس بنوم: لا انام شوية بقي ...
نور: لا انت مش عارفة ..يوسف وفهد فاضل أقل من عشر دقايق يوصلوا
شمس قامت من النوم بفرحة: هو فين يا نور ..هو فين
نور حضنتها ؛جاي في الطريق ...قرب اوي
شمس بفرحة: بجد يا نور ولا بتضحكي عليا ..والنبي
نور: اي ده أي ده ..ده حب بقي
شمس: حب بس ...ده انا قلبي حساه هيقف من الفرحة
نور: طب يلا قومي فوقي كدة اعقبال ما احضر الفطار يلاااا
شمس: اوكي ....
وفعلا شمس قامت تغير هدومها وتظبط نفسها ونور جريت علي المطبخ وكانت بتعمل الفطار بصعوبة علشان الجبس ..وعمر كان فرحان اوي لفرحتهم بس حزين علي حاله اوي ...وفضل واقف في البلكونة
مستنيهم .......
وفعلا وصلوااااا......
الجرس بيرن
نور كانت في المطبخ غمضت عينيها اوي اول ماسمعت صوت الجرس .....
وفتح الباب عمر ....
عمر :جووو
يوسف: حبيبي وحشتني اوي
عمر: ههه انا برضو يا كداب يا منافق
يوسف بضحك: هي فين ....
عمر؛ في المطبخ تقريبا اتسمرت جوا لما عرفت انك جيت يا باشا
يوسف: طب انا هدخلهاااا....
ازيك يا شمس ..
شمس بكسرة: فين فهد يا يوسف
يوسف ضحك ؛طب يا ستي ردي السلام الاول .عمتا فهد طالع بس كان بيركن العربية
شمس ضحكت اوي ؛ازيك يا يوسف بقي
يوسف ضحك اوي ودخل المطبخ عند نور
____________________________________
في المطبخ عند نور
كانت واقفة جواه وكانت مستنيااه يدخل ..
يوسف دخل المطبخ ....
يوسف ببتسامة: هربانة مني مثلا ..لا مستخبية في مكان امن فعلا .....
نور كانت بس مبتسمة ....
يوسف قرب منها: وحشتيني يا بنت الايه
وفجاه نور اترمت في حضنه جامد لدرجة أنها خبطته في الجرح
يوسف بوجع :مجنووونة ولله
نور خرجت من حضنه: وحشتني اوي يا يوسف
يوسف :لا ما انا قررت اني مش هوحشك تاني خلاص
نور: ازاي بقي
يوسف: انا مش نمشي من هنا غير وانت معايا .انا قررت خلاص
نور: مينفعش طبعااااا اي الي بتقوله ده يا يوسف
يوسف: انا ولله ما باخد رايك ابدا ...انا مش هقدر علي البهدلة دي بجد ...انت هتيجي معايا. فأكيد يبقي الأحسن لابوكي انوا يجوزنااا بدل الفضائح
والمطابخ
نور ضحكت: ومين قالك اني انا موافقة بقي
يوسف؛ امممم انت هبلة بقي ..انت اي كلمة عايزة تستخدميها بتسخدميها ...ياماما اختاري الوقت المناسب ده انت لسه حضناني
نور اتكسفت: بس اخرس شوية ..وبعدين كداب ده انت الي حضنتني أصلا
يوسف برخامة؛ لا ولله ..طب نبعت لعمر نسأله
نور ؛لا ولله نسأله علي موضوع الحمام والاوضة
يوسف بضحك: اوبا انا بتهدد ..ولله عيب ..ده انا
نور بتقليد ؛ يوسف المنشاوي ..يا بنتي
يوسف؛ يا واد يا جامد انت ..ماشي يا نور
عاملة اكل اي بقي
نور؛ بص تعالي دوووق
_______________________________#$
برا المطبخ ..
شمس وفهد ...شمس كانت مستنية فهد علي نار
وفعلا فهد طلع بس كان شايل شنطة هدوم وبسنت
واول ما دخل من بص علي شمس ..
عمر :حاسب هات بسنت ..هات
فهد؛ نايمها علي السرير والنبي يا عمر
عمر؛ ماشي يا حبيبي هاتها ..
وفعلا أخدها ودخلها الاوضة
فهد شمس وجري عليها حضنهاااا وشمس حضنته اوي وحشتني اوي يا فهد اوي
فهد: وانت اوي ...
عمر :احم احم ..احترم نفسك ونزل ايديك
يوسف خرج هو ونور
يوسف؛ وانت مالك يا رخم ..واحد ومراته
عمر بضحك: لا ولله وانت مصدق يا يوسف
هو انت كنت بتعمل أي في المطبخ كدة فكرني بس
نور ضحكت اوي
يوسف بضحك: ايه هتاكدي تفكيره يا بنتي ..
عيب يا عمر .عيب ده انا حتي متصاب
عمر ؛يا راجل هو انت بتحوق فيك حاجة برضوو .
فهد ؛مين الواد ده ..بقولك اي أوضة الضيوف دي ليا انا و شمس انت ويوسف وبسنت كمان مع بعض بقي
شمس اتكسفت اوي ووطت رأسها علطول
عمر: بس يلا يا اهبل هو انت مش مطلقها ..
فهد: لا هردهااا ..واخرس بقي شوية
عمر :ماشي يا عم ردها وانا أجرك شقة مخصوص يا عريس
نور ؛خلاص بقي كسفتوووو البت
يوسف: عقبالك يا قمر
نور: عقبالي اي
يوسف: اعبال ماتتكسفي يا اختي ..نفسي اشوفك مكسوفة
عمر و فهد ضحكوا جامد
نور اتحرجت : كدة برضووو ماشي يا يوسف
يوسف: ههههه ولله بهزر
عمر: لا ده مش هزار دي رخامة
يوسف: خليك في حالك يا سمج
عمر بضحك ؛ماشي يا عم هو فين ادهم يا شباب
يوسف بحزن : ادهم مجاش ..بقول اي انتوا مش عاملين فطار يلا ناكل انا جعان اوي
عمر: اوك يلا يا بنات جهزوا الفطار
فهد: لا طبعا انتوا بتحركوا شمس ..شمس مينفعش تتحرك علشان رجليها ..
يوسف :لا نور بتعرف يلا يا نور علي المطبخ
نور مسكته من التيشيرت: تعالي ساعدني يلا
يوسف ببتسامة؛ أوامرك يا كبير ..بعد اذنكوا
عمر بتريقة: لا يا حبيبي براحتك البيت بيتك .
فهد: احم عمر ...
عمر: يا نعم .
فهد :ماتشوف اي حاجة تعملها بعيد عن الصالة يعني
يوسف وهو في المطبخ: والمطبخ كمان .
عمر: اعاااا ماشي انا هكبر بمزاجي بس حركة كدة ولا كدة ....
يوسف خرج من المطبخ: ولااااا. .هتعمل اي
عمر :ولا حاجة يا كبير ..ولا حاجة لو عوزتوا حاجة رنوا علياااا.
شمس ضحكت اوي .....
وفعلا بعد فترة جهزوا الفطااار وقعدوا يفطرواااا كلهم وبعد ما خلصوا اكل
عمر: ها هترتاحوا شوية
يوسف :انا مش جايلي نوم خالص
نور :ولا اناااا ...تيجي نتمشى شوية علي البحر
اي رايك يا عمر ..
عمر: ماشي اوك .
فهد: بتبصيلي ليه كدة .. لا طبعا انت مينفعش تتحركي علي رجلك بليل هنروح نكشف وبعد كدة
افسحك شوية
شمس بزعل :ماشي يا فهد ..ماشي
وفعلا نور ويوسف نزلوا ...وفهد وشمس قعدوا في البلكووونة
لكن مع يوسف ونور لما نزلوا يتمشوا حصل حاجة ..
______________________________________$
في القاهرة
علي كان مروووح بس شاف خناقة جامدة اوي
وقف العربية ونزل في الخناقة علشان يحجز
فشافهاااا أيوة هي تمارا .....
علي: هو انت يا بنت المجانين
تمارا: اوعي كدة انت مين اصلا ..اوعي كدة ...
علي: هو في اي يا بنتي .... اي بيحصل هنا ..
تمارا ؛الراجل ده بيستقوي علي الست الغلبانة دي علشان فقيرة ..انت فاكر نفسك اي
الراجل: يا بت حلي عني بدل ما اعورك
علي؛ تعورها ..وانا بقي هسيبك صح
تمارا ؛اخرص انت انا فيا لسان واعرف ارد كويس
علي بصدمة: يا بنت الج:زمة ده انا بدافع عنك
تمارا بتبصله بقرف ورجعت وبصت الراجل: انت عارف بقي انا هحبسك
علي بغيظ؛ طب وحياه ام'ك يا بت انتي لانا الي هحبسك
الراجل: ايوا يا باشا دي عمالة تشتمني من الصبح
تمارا: تحبسني انا ..انت مجنون ولا اي
وفعلا علي كلم امير وكانوا موجودين خلال عشر دقايق ومسكوا الراجل ...
علي بغيظ: تعالي بقي معايا
تمارا: نزل ايديك دي انت عايز اي مني لله
علي: لا ولله هعوز اي منك مثلا ...هحبسك بس
تعالي معايا بقي
تمارا: انت عارف انا مين علشان تفكر بس تحبسني
يا حضر الظابط
علي: تصدقي انك بجد مستفزة طب تعالي معايا
وفعلا علي اخدها علشان يركبها معاااه وفعلا اخدها
معاه القسم ........
بس عيل غبي مش عارف داخل علي اي ...ربنا معاه
______________________________________
امير بعصبية ... الو يا ندي انت فين
ندي بتوتر ..انا ...انا
امير: أنت سافرتي منغير ماتكلميني ولا حتي تقوليلي
ندي؛ امير قلتلك طول ما انت خطيبي ملكش حكم عليا ...لازم تفهم كدة
امير بعصبية جاو : يسلااام ماشي يا ندي ..انا بقي مش عايز ابقي ليا حكم عليكي لا دلوقتي ولا بعدين
ندي باستغراب: يعني اي يا أمير انت مش فاهمة
امير بغل؛ يعني كل الي بينا انتهي يا ندي
وقفل السكة في وشهااااااا......
ندي بغيظ ؛ماشي يا أمير ..بس انت الي اختارت ..
اما ادهم راح لعلي بغيظ وهو مضايق اوي من ندي
في بيت ادهم ......
كان قاعد مضايق اوي وزعلان
وقرر أنه يروح فيلا ابراهيم وفعلا رااااح ......
ودخل قعد في الاسطبل عند زهرة
ادهم قعد جمب زهرة واتكلم بوجع ...انا بجد مخنوووق اوي ..انا مش عارف انا جاي ليه
بس يوسف قالي أنه بيرتاح لما بيحكي معاكي ..
انا قررت ابعد عن مصر ..انا الشغل الي معروض عليا في إنجلترا كويس جدا هعرف اكون بيه مستقبلي واحقق كريري ..بس مخنوق اوي حاسس أن كل حاجة حلمت احققها ضاعت مني ....
حتي يوسف بس الي قولتوا ليه خلاص بقي مش طايقني .....علشان كدة انا قررت.....
تفتكروا ادهم فعلا هيسافر !؟
- تابع الفصل التالي عبر الرابط: "رواية احببت مصارع" اضغط على أسم الرواية