رواية الحب الضائع الفصل الثالث بقلم رحمة طارق
رواية الحب الضائع الفصل الثالث
ارين بصدمه: فهد
نظر فهد لها بصدمه مماثله: ارين
ظلوا ينظروا لبعضهم كانت تنظر له بحب وكره وشوق والم وانكسار واستغرب من مشيئة القدر علي لقائهم مرة أخري بهذه الطريقه
استيقظت ارين من غفلتها
وتظاهرت بالجمود ثم قالت : نزلني لو سمحت
كان فهد في عالم اخر كان ينظر لها كيف اصبحت بهذا الجمال هو يعرف انها جميله ولكن الان اصبحت كالفتنه التي تمشي علي الارض
انتبه من شروده علي التي تقول له نزلني
قام فهد بتركها لتسقط علي الارض
ارين بالم: ياحيوان طول عمرك غشيم كده
حاول كتم ضحكته وتظاهر بالبرود: لمي لسانك احسنلك لهتشوفي حاجه مش هاتعجبك
ارين بغضب: يا سلام يعني هاتعمل ايه يعني ثم انت بتعمل ايه هنا
فهد ببرود: اعتقد انا اللي المفروض أسألك السؤال دا
ارين : ليه بقا أن شاء الله كنت المدير
نظر لها ببرود ولم يعقب
دخل المدير : اسف يافهد باشا علي التاخير ثم نظر الي ارين
ارين هاتي الملف ياالله خلينا نوقعه اعطته ارين الملف وسيطرت الصدمه عليها عندما قال مديرها اتفضل يا فهد باشا نوقع العقود
ارين بصدمه: هو ده المدير
نظر لها المدير: بعدما انتهوا من توقيع العقود ايوه يا انسه ارين دا المهندس فهد الرفاعي صاحب شركات الرفاعي العالميه
ودي ارين يا فهد باشا: من اكفا المهندسات اللي موجودين في الشركه اكيد هايكون في تعامل كويس ما بينكم
اردف فهد ببرود: اه اكيد طبعا هايكون في انت قولتلي اسمها ايه
اردف المدير بسرعه: ارين ارين يا فهد باشا
اردف فهد: اكيد يا انسه ارين
ارين ولم تستطع السيطره على دموعها وتجمعت الدموع في عينيها واردفت بسرعه: طب عن اذنكم
خرجت ارين من المكتب واتجهت الي المرحاض وبمجرد دخولها سقطت علي الارض تبكي وتشهق بشده لماذا يحصل معها هذا لماذا عاد الان هل عاد ليدمرني مرة اخري الا يكفي ما فعله بي في الماضي ظلت قرابة الربع ساعه هاكذا ثم خرجت لتتابع عملها وعزمت امرها علي فعل شئ
دخلت المكتب وتفاجا الجميع انها لم تضحك معهم فاعلموا أن هناك شئ ما
اتجهت إليها منار بحذر وقلق علي صديقة طفولتها ارين يا حبيبتي مالك
ارين ولم تستطع السيطره علي دموعها
ارتمت ارين في احضانها تبكي استغرب الجميع ردت فعلها ماذا حدث ليجعل صانعة البهجه تبكي بكل هذا الالم
ادم: بحب مالك يا ارين انتي كويسه
لم ترد ارين وظلت تبكي في حضن منار
منار: معلش يا جماعه ممكن تسبونا شويه لوحدنا
اوما الجميع ثم اتجه للخارج داعين الله ان يريح قلب من تبكي بالداخل
منار بحنان: مالك يا روحي زعلانه ليه
نظرت لها ارين بدموع رجع يا منار جاي يرجع دلوقتي لي لي يا منار انا اه ما نستوش بس مجرد اني اشوفه قلبي بيوجعني قوي يا منار
تساءلت منار من هذا الشخص فسالتها مين دا: ردت ارين من بين شهقاتها فهد فهد يا منار
نظرت لها منار بصدمه ثم قالت: فهد هو فين وانتي شوفتيه ازاي
قصت ارين لها كل ما حدث
منار بصدمه: يعني هو المدير دلوقتي
اومات ارين ثم قامت من احضانها وقالت : انا مش هاينفع اقعد في الشركه هنا انا هاقدم استقالتي
منار بسرعه: ليه يا ارين اقعدي وما تحتكيش بيه
ارين بدموع: مش هقدر يا منار وانتي اكتر واحده عارفه
هزت منار راسها فهي تعرف صديقتها اذا اسرت علي شئ فسوف تفعله وهي لم ترغب بان تضغط عليها يكفي ما حدث لها
اما في المكتب بعدما وقع علي العقد جلس ليتابع عمله ولكن كان عقله معها تري كيف تعيش حياتها الان هل مازالت تحب ذلك الشخص
عند هذه الفكره وجد النار تغلي في عروقه ثم اردف مستحيل دا انا كنت اقتلها
سرح في ذكرياته
FLASH BACK :
عندما كان في الصف السادس الابتدائي كان يمشي وجد طفله اقل ما يقال عنها ملاك بشعرها الاسود الحريري الطويل وبشرتها البيضاء وشفتاها وانفها المحمر من كثرة البكاء
ذهب اليها وسالها بحنان : ايه يا قمر بتعيطي ليه
نظرت اليه ببنيتها التي تسحر كل من ينظر اليها
ردت عليه ببكاء وطفوله : فييد خاد مني السوكولاته اللي بابا جبهالي وانا كنت بحبها وكنت عاوزه اكولها
رد عليها بحنان بس كده: طب تعالي معايا
اخذ يديها وتوجه بها الي كشك صغير في المدرسه وقام باخد كل انواع الشيكولاته التي كانت موجوده
ثم اعطاهم لها: ايه رايك بقا دول حلوين ولا اجبلك كمان
نظرت ارين له بفرح شديده ثم ارتمت في احضانه قائلة : سكلا سكلا (شكرا شكرا)
تفاجا من ردت فعلها ما لبث ان ابتسم لتلك التي خطفت قلبه
ابتعدت عن احضانه قائلة: صحيح انت اسمك ايه
ابتسم لها قائلا فهد وانتي بقا اسمك ايه
ردت عليه بابتسامه ساحره: ارين
استفاق من ذكرياته علي صوت طرق الباب
فهد: ادخل
دخلت ارين عليه ببرود: ثم اعطته ورقه
فهد باستغراب: ايه ده
ارين ببرود: ورقة استقالتي
في كلية السن
كانت تقف رقيه مع زميلاتها
رودينه احدي صديقات رقيه: بت يا رقيه مش ملاحظه ان الدكتور حاطط عينه عليكي من اول المحاضره
نظرت لها رقيه باستنكار: الدكتور ويبصلي انا مره واحده
مريم: نفسي يكون عندك ثقه في نفسك شويه يا بنتي دا انتي قمر وفعلا رودينه معاها حق الدكتور دا شكله منمر عليكي
رقيه : طب اسكتي بس منك ليها اما نشوف السواق مجاش ليه
اتصلت رقيه بوالدها
محمد: نعم يا روقه
رقيه بتذمر : بابا هو السواق مجاش ليه
محمد بتذمر : اه معلش يا حبيبتي نسيت انه روح اصل مراته تعبانه
رقيه: ماشي تمام يا بابا انا هاجي لوحدي هركب تاكسي وجايه
محمد: طب استني يا حبيبتي وانا هاجي اجيبك
قاطعه صوت مازن تجيب مين يا عمي
محمد: اصل رقيه السواق روح عشان مراته تعبانه ورقيه لسه في الجامعه وبتقول عاوزه تركب تاكسي
مازن بسرعه: تركب تاكسي دا ايه واحنا موجودين قولها ماتتحركش وانا هاروح اجيبها
محمد: تمام يا بني روح وانا هاقولها
ذهب مازن لكي يحضر معشوقته من جامعتها
اما محمد اخبر رقيه بان مازن سيحضر لتوصيلها
دق قلبها بشده عندما علمت بان حب طفولتها سياتي ليقلها
قامت بتوديع صديقتيها وانتظرته حتي ياتي
سمعت شخص من خلفها ينادي باسمها
الدكتور معتز: انسه رقيه ممكن كلمه
رقيه : اتفضل يا دكتور
الدكتور معتز بتوتر : الحقيقه انا من اول مره شفتك فيها وانا معجب وكنت عاوز اجي اتقدملك
كانت تهم بالرد ولكن سمعت صوت من خلفها يقول بصوت جهوري هز المكان : نعم يا روح امممك
ياتري ايه اللي هايحصل مع ابطالنا
يتبع الفصل الرابع اضغط هنا
- الفهرس يحتوي على جميع فصول الرواية كاملة :"رواية الحب الضائع" اضغط على اسم الرواية