رواية في عشق ليلي الفصل الثالث بقلم فاطمة الزهراء علي
رواية في عشق ليلي الفصل الثالث
وفات اليوم من غير احداث تذكر سوى ان ليلي قدمت ورقها في الشركة وهتبدأ شغلها من اليوم التالي" السبت" .
" مساء الجمعه ".
-" ابتسام بصياح": ما يلا بقا يا ست ليلي اتأخرنا علي الست .. تقول علينا اية بس؟
-" ليلي من داخل غرفتها": اية اليوم الزفت دا بس ياربي مش كفاية مش عاوزة اطلع اصلا.
-" ابتسام": ليلييييييي.
-" ليلي": حاضر يا ماما.. جيت اهو.
-" ابتسام ": يلا يا حببتي اتأخرنا.
-" ليلي": مش عارفه انتي مستعجلة علي اية؟
-" ابتسام" : قدامي وانتي ساكته.
-" ليلي": حاضر سكت اهو.. هو بابا فين؟!
-" ابتسام": سبقنا يختي وراح لعمك مصطفي.
-" ليلي": اه ماشي.
" وطلعوا السطوح وقابلتهم مديحه وجمبها امل وجمبها حد ليلي ولا ابتسام يعرفوه" رضوى".
-" مديحه بعد ما سلمت علي ابتسام وليلي": اعرفكم رضوى بنتي الكبيرة..
دول الست ابتسام وليلي بنتها السكان الجداد في العمارة يا رضوى.
-" رضوى بأحترام": الف مبروك عليكوا الشقة .. ويارب تنبطسوا معانا.
-" ابتسام ": تعيشي يا بنتي.
-" ليلي": تسلمي.
-" رضوى ": انتي اسمك ليلي.. اسمك حلو اوى.
-" ليلي": جزاك الله خير.. وانتي كمان اسمك حلو.
-" رضوى": حببتي تسلميلي.
-" امل بمرح": ازيك يا لولو وحشتيني من امبارح.
-" ليلي ضحكت": الحمد لله اية يا بنتي لحقت اوحشك ؟
-" امل وبتحضنها تاني": اومال يا بنتي و اوى كمان.
-" مديحه": اتفضلوا يا جماعه بدال وقفتنا دى.
" ودخلوا جوا ليلي اتبهرت من شكل المكان كان مزين بأحبال من الزينه وشاشة عرض وقعدات".
-" ليلي": واو مين اللي عمل فكرة السطوح دى .. شكله يجنن بجد.
-" امل ضحكت": دا يستي فكرة حسن اخويا هو جت في دماغه الفكرة دى وجاب مهندس صاحبه يعملها.
-" ليلي بحرج متعرفش سببه": اه زوقه حلو ربنا يخليهولك.
-" امل ": تسلمي يروحي.
-" رضوى": انتي صحيح يا ليلي خريجه اية؟
-" ليلي موجهه كلامها لرضوى": انا خريجه آلسن.
-" رضوى": اه.. وبتشتغلي اية؟
-" ليلي ببساطه": بشتغل يا ستي في شركة ترجمه .
-" رضوى ": اه .. ربنا معاكي يا حببتي ويوفقك.
-" ليلي": انا وانتي يا حببتي.
-" امل": ليلي احنا قعدين لواحدنا ومفيش حد بيدخل هنا .. يعني لو عاوزة ترفعي النقاب.
-" ليلي بتوتر": ل ل لا انا مرتاحة كدا.
-" امل بأستغراب": مالك بس يابنتي احنا بنات في بعض عادى يعني" وضحكت": حد قالك اننا من اكلين لحوم البشر.
-" ليلي بتوتر اكبر وبتفرك في ايديها": لا مش موضوع كدا بس عادى انا متعودة.
-" رضوى متداخلة": ماخلاص بقا يا رخمه.. سبيها علي راحتها تعمل اللي هي عاوزاه.
-" امل": هي حرة انا غلطانة يعني؟.
-" رضوى": ما تقومي كدا تجبلنا حاجة نشربها بدل قعدتك اللي ملهاش لازمه دى.
-" امل": علي فكرة بقا انا كنت هعمل كدا.. بس متقوليش مليش لازمه.. انتوا متقدروش تعيشوا من غيري قال مليش لازمه قال.
-" رضوى بضحك": قومي يا بت.
" وقامت امل".
" بعد عدة وقت خلصت القعدة و ليلي تعبت كانت عاوزة تنام عشان شغلها".
-" ليلي بأرهاق": مش يلا بقا يا ماما انا تعبت اوى .. عاوزة انام عشان عندى شغل بدرى.
-" ابتسام ": تمام يلا يا حببتي.. بعد اذنكم.
-" مديحة ": استني بس اعرفك علي حسن ابني اهو جاي علينا اهو.
" وجه حسن😂".
-" حسن": السلام عليكم.
-" ليلي منزله عيونها في الارض بس اول ما سمعت صوته رفعت عيونها بصدمه لمعرفة صاحب الصوت".
-" مديحة": دول الست ابتسام وليلي بنتها يا حسن.
-" حسن ": اه اه اذيك...
-" حسن بصدمه": انتي.
-" ليلي": انت.
-" ابتسام": انتوا تعرفوا بعض يا ولاد.
-" ليلي": اه اا لا معرفوش.
-" حسن بغيظ ورفعه حاجب": لا يا شيخه.
-" ليلي": نعم..
-" حسن بأستفزاز": ولا انا اعرفها.
-" ليلي ": لا يا شيخ.
-" حسن بيقلدها": نعم.
-" ليلي": ماما انا نازلة وراى شغل بدرى بعد اذنكم.
-" مديحة ": انتي شغلك فين يا ليلي؟
-" ليلي بنفاذ صبر": في "......".
-" مديحة ": كويس يا حببتي دا جمب جامعة امل حسن بيوصلها .. ابقي روحي معاهم.
-" ليلي بكسوف": لا والله يا طنط ملهاش لازمه.. انا هروح مواصلات.
-" مديحه": لا ليها لازمه ليه تتعبي نفسك وحسن كدا كدا بيودى امل كل يوم وبيجبها ما تتكلمي يا ابتسام.
-" ابتسام بحرج": هي بس قصدها مش عاوزة تتعبه معاها مش اكتر.
-" مديحه": ولا تعب ولا حاجه كلام منتهي هي تتفق مع امل وهو وديهم ويجبهم سوا ولا انت رأيك اية يا حسن؟
-" حسن بفرحه داخلية لانه هيشوفها كل يوم": معنديش مانع اوديها وأجبها مع امل من عيوني حاضر.
-" ابتسام": تسلم يا بني والله ما عارفة اشكرك ازاى علي وقفتك معانا انت واهلك ربنا يجازيكوا خير.
-" حسن": تسلمي انتوا اهلنا متقوليش كدا.
-" امل بمرح": خلاص بقا يا ليلي ان شاء الله هستناكي علي ٨ كدا تكوني جاهزة.
-" ليلي": حاضر مش هتأخر عليكي بأذن الله " وجهت كلامها لحسن": شكرا لحضرتك يا أستاذ حسن.
-" حسن بمرحه المعتاد": قوليلي يا ابو علي.
-" ليلي بكسوف": اية؟
-" حسن وهو عارف انها اتكسفت من عيونها اللي في الارض": هههههههه.. خلاص خلاص اقصد يعني قوليلي حسن من غير استاذ احنا اهل.
-" ابتسام متدخلة": طبعا يا بني أنت زى اخوها.
-" حسن في نفسه اخو مين انا مش اخو حد انا".
-" حسن": اه اه طبعا يا امي.
-" ابتسام ": مع السلامه بقا زمانا اتأخرنا علي مدحت نازل من بدرى.
-" مديحه": اه طبعا .. اتفضلوا.
" صباح يوم جديد".
-" حسن لأمل": اية دا هي اتأخرت كدا ليه مش قولت ٨ هتكون جاهزة؟
-" امل": الله في اية يا ابو علي دا الساعه ٨ وخمس دقايق اصبر زمانها نازلة.
-" حسن بتأفف وشوق لرؤيتها": حاضر هصبر. اه صحيح مش المحك قاعدة في الكرسي اللي قدام .
-" امل ": ليه بقا يا خويا ما انا كل يوم بقعد قدام اشمعنا النهاردة؟
-" حسن": هو كدا وخلاص احسن احلف ما انا موصلك واركبك مكروباص .
-" امل": خلاص خلاص يا اخويا هتزلني عشان بتوصلني.
-" حسن وعيونها علي ليلي وهي جاية عليهم": اسكتي بقا ابو شكلك.
-" ليلي بتنهج": صباح الخير.. اسفه اتاخرت عليكم .. بس راحت عليا نومه.
-" امل ": ولا يهمك.
-" حسن وبيديها ماية": اهدى كدا واشربي ماية .. انتي يا دوب اتأخرتي خمس دقايق مش حوار يعني.
-" ليلي بكسوف": شكرا مش عاوزة اشرب .
-" حسن ": علي راحتك.
" راحت ليلي عشان تركب جمب امل ورا ".
-" حسن": مش الشوفير بتاع حضراتكو انا واحدة فيكم تتفضل تركب قدام.
-" ليلي": اكيد مش انا انزلي يا امل اركبي قدام لو سمحتي.
-" امل بتطلع دماغها من شباك العربية": انزل يا ابو علي؟
-" حسن بيوطي عليها وبيهمسلها ": هاااا احنا قولنا اية يا بنت الوارمه انتي .
-" امل بتصنع الآلم": اه اه مش قادرة والله يا ليلي رجلي فيها شد عضلي .
-" ليلي": خلاص يا حببتي ولا يهمك .. " وبكسوف": هركب انا مفيش مشكله.
-" حسن فرح من جواه وراح فتح لها الباب": اتفضلي.
-" ليلي": جزاك الله خير.
" وتحرك بيهم في جو من الصمت ما عدا بعض الأحاديث البسيطه بين ليلي وامل وطبعا الامر لم يخلو من مراقباه حسن الي ليلي".
-" حسن": خلاص وصلنا .. تقدرى تنزلي.
" ولسه هتنزل".
-" حسن ": ثواني بس .. ممكن تلفونك؟
-" ليلي": اه طبعا اتفضل.
-" حسن بيأخد تلفونها ويسجل رقمه عليه ويرن لنفسه": كدا تمام انا كدا نمرتي معاكي ونمرتك معاي اول ما تخلصي رني عليا عشان اروحك.
-" ليلي": ملوش داعي انا هرجع لوحدى.
-" حسن بحدة وصوت عالي اول مرة تشوفها": وبعدين احنا قولنا اية .. خلصي ورني عليا.. اتفضلي.
-" ليلي بدموع من صوته العالي": ت تمام.
-" حسن ولاحظ تغير نبرة صوتها": يا الله وانا عملت ايه بس بتعيطي ليه؟
-" ليلي بتعيط ومش بترد".
-" حسن بيديها منديل": طب خلاص حقكك عليا والله ما اقصد ازعلك انا اهيف من كدا بكتير اصلا.
-" ليلي بدموع": اصلا؟
-" حسن ببراءة": اصلا.
-" ليلي بدموع ": بس برضوا متزعقليش تاني مبحبش الصوت العالي.
-" حسن ": عيوني مش هزعقلك تاني خالص.
-" ليلي": خالص خالص.
-" حسن بيجاريها": خالص مالص.
-" ليلي بعد ما انتبهت للي بتقوله ": اية دا انت بتقول اية؟
-" حسن ببراءة مزيفه": بقول اية ؟
-" ليلي بتوتر ": مش حاجه سلام.
-" حسن": مع السلامه .. في رعاية الله وحفظه.
" ونزلت".
-" حسن": وبعدين معاكي انتي ناوية تجنيني كدا .. هو في براءة كدا .. لما اشوف هتوصلني لاية يا ست ليلي.
" وعدا اليوم عادى من غير احداث".
-" ليلي بعد ما خلصت شغلها": اوف بقا طب انا المفروض اتصل اكلمه ولا اروح وخلاص " وفجأة افتكرت لما زعق فيها": لا لا هكلمه .
-" بترن جرس ومفيش رد ... فجأة رد".
-" حسن": السلام عليكم.
-" ليلي بكسوف": احم احم وعليكم السلام.. انا خلصت شغل.
-" حسن ": عيوني ٥ دقايق وهتلاقيني قدامك هوا انتي فين؟
-" ليلي": انا واقفة قدام الشركة .
-" حسن بلطف": طب ممكن تدخلي جوا تستنيني في الجراش عشان محدش يدايقك.
-" ليلي": حاضر.
-" حسن بحب": يحضرلك الخير "وبعد ما قفل"يا عيوني.
" عند ليلي"
-" شاب من ورا ليلي"
-" الشاب": لولا.
-" ليلي التفتت بصدمه لمعرفة صاحب الصوت ".
-" ليلي بصراخ وهي بتجرى عليه": معتز.!!!
-" معتز": ايوا معتز يروحي" وبيحضنها": وحشاني موت يا لولا
-" ليلي ": وانت كمان يا قلب لولا جيت امتي يا حبيبي.
-" معتز بيشدد علي احتضانها": لسه واصل يا عمرى وكلمات ماما ابتسام وقلتلي علي مكانك قولت اجي اجيب..
" قاطع كلامه لكمه عنيفه في وشه من حسن".
-" حسن": تجيب مين يا روح امك .
" وبيفضل يضرب فيه ومعتز بيحاول يسدد ليه اللكمات لحد ما قواه بتنهد وبيقع علي الارض".
-" ليلي بعياط هيسترى": خلاص خلاص يا حسن دا دا يبقي معتز ابن خالتي.
-" حسن بغيرة وغضب": يعني اية ابن خالتك يعني يحضن ويبوس عادى هو في ايه في الدنيا اومال عاملة نفسك محترمه ليه ولبسالي نقاب ومش عارف اية!
-" ليلي بصدمه ودموع": انت ازاى تتهمني بكدا.
-"حسن": والله دا اللي انا شايفه.
-"ليلي بحدة مصحوبة بالدموع": انا اشرف منك ومن مليون واحد زيك يا حيوان .. انا هقولك ازاى بحضن كدا.. مع اني مش مضطرة ابرر لواحد حيوان زيك لكن انا هقولك.. دا يبقي معتز ابن خالتي واخويا في الرضاعه وكان مسافر.. ولسه جاي وكنت بسلم عليه اي تجريح تاني حابب تقوله يا محترم؟
-" حسن بصدمه": اخوكي؟
يتبع الفصل الرابع اضغط هنا
- الفهرس يحتوي على جميع فصول الرواية كاملة :"رواية في عشق ليلي" اضغط على اسم الرواية