رواية التوأم الفصل الثالث بقلم ايمان
رواية التوأم الفصل الثالث
قالت رغد مرتبكة : مالوا هو فيه ايه
فبادرة ضحى مسرعة : لالا ما تخديش فى بالك تلاقيه حصله ذهول زى اللى حصلى انا وماما بس طلع معاه بكده تعالى ارتاحى جوه يلا
بمجرد ان شعر توفيق باندماج سعاد وضحى مع رغد فى الحديث صعد على الفور خلف عمر ليهدئ من روعة وعند دخوله حجرته وجده يجمع ملابسة
ايه يا عمر انت بتعمل ايه
انا حمشى يا بابا انا مش ممكن اقعد معاها تانى فى بيت واحد
هى مين دى يابنى
سهى يا بابا سهى
دى مش سهى دى رغد
فألقى بنفسه فى حضن ابيه وهو يجهش بالبكاء ويقول
مش مهم اسمها سهى اى شىء تانى بس شكلها اللى دايما حيفكرنى بسهى وبالى عملته سبنى امشى يا بابا
يابنى انت عاوز امك يجرلها حاجة امك ما تستحملش تمشى وتسبها وكمان انا مش حينفع اخلى بنتى تعيش بعيد عنى لوحدها ولا انا حقدر على بعدك عنى يابنى
عمر بعصبية : ومش حينفع اعيش انا وهى فى مكان واحد
انت ياعمر اغلب وقتك بتقضية فى الشركة دى امك واختك ياما اشتكوا انك مش بتقعد معاهم
طب ولو حبيت اخد أجازة
ابقه وقتها سافر اى مكان واهو تغير جو وصدقنى رغد حاجة تانية خالص وبكرة تعرفها بنفسك
خلاص يا بابا خليها من فضلك ما تقربش منى نهائى
هى لوحدها بعد االلى عملته تحت ده مش ممكن تقرب منك خلاص يا حبيبى مبسوط كده
خلاص يابابا
قوليلى بقه ياستى ازاى كنتى عايشة فى فرنسا وبتتكلمى مصرى كده
أنا عشت فى فرنسا فى الفترة الاخيرة بس فى الاول كنت عايشة بين مصر ودبى
اااااه قولتيلى . وانتى بقه خريجة ايه
انا درست فنون جميلة وأنتى
انا السنة دى اخر سنة فى كلية حقوق
بالتوفيق ان شاء الله
يارب لحسن انا خلاص طهقط
ليه بس انتى مش بتحبى دراستك ولا ايه
لا طبعا بكرهها كره العمى
فانفجرت رغد بالضحك من اسلوب ضحى وقالت : طب امال بس دخلتى ليه حقوق لما انتى مش بتحبى دراسة القانون
والله ما انا دا المجموع بقه ربنا يسامحه
خلاص بقه امرك لله وبعدين انتى بتقولى دى اخر سنة يعنى خلاص هانت وحتخلصى من الدراسة اللى انتى كرهاها دى نهائى
يارب يارب
ياه انتى بتكرهيها اوى كده
واكتر يابنتى دا لوله بس الناس اللى اتصحبت عليهم هناك كان زمانى قررت ماكملش تعليمى واقعد اتستت فى البيت لحد لما يجيلى عدلى
فضحكت رغد عن أخرها ثم فاجأتها قائله
ضحى ممكن تكلمينى عن سهى
فارتبكت ضحى بشدة عند ذكر سهى فهى لا تعلم ما قاله عنها أبيها لرغد وما يخفيه فهى تعلم جيدا انه مهما حدث فلن يخبرها والدها بكل شىء فقالت :
أكيد بابا كلمك عنها
يعنى مش كتير هى صحيح نسخة طبق الاصل منى
ايوة فى الحقيقة انتوا الاتنين زى ما بيقولو كده فوله واتقسمت نصين
وفى هذة الاثناء دخلت عليهم والدتها وهى تقول : يلا يا بنات العشا جاهز
فأخذت ضحى نفس عميق وقالت فى سرها الحمد لله ياماما انقذتينى واشارت لرغد تقول : يلا يلا يا رغد اكل ماما حيعجبك اوى ان شاء الله
طب بعد العشا نكمل كلام ماشى
فقالت لها والدتها : ماتقلقيش يارغد ضحى بنتى دى مش بتبطل رغى يعنى من غير ما تطلبى منها هى حتصدعك
بقه كده ياست ماما شكرا
لا والله ياطنط دى قاعدتها حلوة اوى
شوفتى بقه ياست ماما عشان تعرفى قمتى بس
طب بطلى لماضه واطلعى اندهى لبابا وعمر
حاضر يا مامتى
وصعدت على الفور وهى تصيح : يا بابا يا عمر يلا العشا جهز ويتلحقه يا ماتلحقوش انا قولتلكم اهو
فقال توفيق لعمر : يلا يابنى لحسن انت عارف ضحى مش بتهزر فى حكاية الاكل دى
معلش يابابا مليش نفس خالص ارجوك انزلهم انت بقه وانا حنام
خلاص يابنى انا حسيبك برحتك تصبح على خير
وانت من اهله يا بابا
وفتح توفيق الباب ليصتدم بضحى : ايه يابنتى مش براحة
يلا يا بابا العشا جهز فين عمر
لا عمر مش نازل هو حاسي انه عاوز ينام
بابا قبل ما تنزل كده ع السريع رغد سألتنى عن سهى
فقال على الفور : اوعى تكونى حكيتى ليها اى حاجة
لا ماما انقذتنى بحكاية العشا دى بس هى مصممه تعرف عنها كل حاجة اعمل ايه
قوللها انى مش بحب حد يتكلم عنها او اقفلى معاها الموضوع ده باى طريقة انا مش عوزها تعرف حاجة دلوقت فهمه
ولو انى فى الحقيقة مش فهمه بس حاضر
جدعة يلا عشان نتعشا
يتبع الفصل الرابع اضغط هنا
- الفهرس يحتوي على جميع فصول الرواية كاملة :"رواية التوأم" اضغط على اسم الرواية