رواية غيرة عاشق الفصل الثالث بقلم منة مصطفى
رواية غيرة عاشق الفصل الثالث
بحدة / عرفينى ايه هو سر وجودك هنا انهارده
بصتله اسراء بذهول ثم اخذت تضحك تحت نظرات الغضب من زين
اسراء بضحك / انت عبيط يا بنى بجد ايه السؤال الاهبل ده وبعدين ثوانى بس انت مالك اصلا
روفيدا كانت جايبة العصير ولقتها وقفة مع زين فأسرعت بأتجاهها بخوف شديد
روفيدا بخوف / فى ايه يا اسراء
اسراء بصتلها بضحك ثم الى زين بتحدى
اسراء باستهزاء / مفيش يا بنتى مش عارفة ايه الكلاب اللى بتظهر الصبح ده يلا يا روفى نروح مول غير ده
روفيدا وزعت نظرها بينها وبينه بخوف ان يحدث كارثة
ورفعت اسراء شعرها عن وجهها استعدادا للخروج من المول لكن زين مسكها من دراعها لأنه بيكره أن أي حد يطنشه مهما كان
زين بعصبية ومن بين سنانه / أنا مخلصتش كلامي فامتسبنيش وتمشي انتي ايه مش بتفهمي يابت انتي ولا ايه
اسراءبصت لايده وسحبت دراعها من ایده
اسراء بشجاعة / علي ما اظن مفيش اي علاقه بينا عشان أقف واتكلم معاك انت بقي الي مش بتفهم ...
لفت عشان تخرج لكن رجع مسكها تاني من دراعها بحده وكانت قريبة منه جدااا
زين والي حس بدقات قلبها طبول : أقسم بالله هتندمى على كل كلمة قولتيها يا زبالة
اسراء بقوة زائفة / يمكن اكون زبالة بالنسبالك
أو زي ما انت بتقول لكن انا بقا بنت يفتخر بيها أهلها والمجتمع مش طول الوقت سكرانه زى حضرتك انت للاسف عار على اهلك
زقته بعيد عنها وخرجت وسابته وهو في حالة صدمة وذهول من كلامها ومن الي حصلو من بنت تحت المستوي واهانته قصاد الكل رغم نفوذه ومكانته وظل يتوعد لها بأشد انواع العذاب
نذهب الى شقة اسراء
شهد بصدمة / يعنى انت بتحبها
احمد بصدق وحب / انا مش بس بحبها انا بعشقها بحبها بكل تفاصيلها بحب ضحكتها وجنانها وبحب غيرتها عليا بحبها ذى ما هى
شهد باستغراب / انت يا بنى هتجننى ازاى بتحبها وخطوبتك بعد يومين على غيرها
احمد بضحك / ومين اللى قالك ان انا هخطب غيرها
شهد / وحياة امك
احمد / اهدى كده يا شهودة ومن غير شتيمة وانا هفهمك كل حاجة
شهد / اتفضل يا اخويا
احمد / بصى يا ستى
وحكالها كل الموضوع
احمد / ها فهمتى
شهد بتعجب / طيب وليه عملت كده
احمد / احم كنت عايز اعترفلها بحبى بطريقة شيك 😂
شهد بسخرية / شيك وانت فاكر ان اسراء هتسامحك
احمد بثقة / انا متأكد يلا بقا ضيعتيلى وقتى الثمين انا ماشى
شهد / فى داهية يا حبيبى
احمد / الجملة مش متراكبة على بعضها 😂
شهد / برة يالا
احمد / مالك اتحولتى كده ليه
وذهب سريعا للخارج تاركا شهد فى حيرة
____________________
اسراء بعصبية / بقا انا زبالة امال هو يبقى ايه
روفيدا بضحك على منظرها / اهدى يا اسراء
اسراء / انتى بتضحكى على ايه والله لو ما بطلتى ضحك لهقوم اجيبك من شعرك قدام الناس كلها وانتى عارفانى مجنونة واعملها
روفيدا وهى تحاول ان تكبح ضحكتها / طيب خلاص
اسراء / روفيدا مش ناقصاكى اتصلى بالزفتة ايمان يلا
روفيدا بإحراج / هى قالتلى انها راحت مع احمد واشتروا
اسراء بألم / تمام يلا بينا احنا
وعدى اليوم وسط غضب روفيدا من اسراء لانها لم يعجبها شئ
روفيدا / ابعدى يا اسراء والله مش هتكلمك
اسراء / ليه بس يا باشا دنا حتى غلبانة
روفيدا بسخرية / غلبانة اوى
اسراء / بت مش ناقصة وجع دماغ يلا تعالى روحينى
روفيدا بانفجار / انتى هتتنكى يا اختى مش كفاية ملففانى معاكى طول اليوم وكمان فى الاخر مشترتيش حاجة
اسراء بحزن / انا مالى انتى عارفة ان استايلى مش كده ومعجبنيش حاجة
روفيدا / طيب خلاص انا اسفة متزعليش منى ونبى
اسراء بابتسامة حزينة / مزعلتش والله عادى
روفيدا / طيب يلا علشان اوصلك لان المطر ده شكله مطول والوقت اتأخر
اسراء / معلش يا روفى ممكن امشى لوحدى
روفيدا / لا طب.....
اسراء / يا بنتى متبقيش غلسة بقا انتى عارفة انى بحب المطر اوى وبحب امشى تحته
روفيدا / طيب استنى خدى الجاكيت ده والشمسية علشان متتعبيش
اسراء بضحك / حاضر يا ماما روفيدا حاجة تانية
روفيدا / تصدقى انا غلطانة انى خايفة عليكى اولعى يا اسراء
ومشيت روفيدا بعربيتها وتركت اسراء التى تخلت حالة المرح الى حالة الحزن والكسرة فكانت دموعها تتسابق مع مياه الامطار تريد ان تصرخ بأعلى صوت وفجأة اصبح المطر غزير وانطلق البرق مصاحبا بالرعد
اسراء بحسرة / يا سواد السواد يا ابو رشدى ايه النحس ده
ووقفت تستني تاكسى وكل ماتشاور لتاكسي محدش راضي يقفلها من شدة المطر وفجاءة لمحت شخص واقف قصادها في الشارع التاني وبصصلها بتركيز فحاولت تشوف مین ده الي مركز عليها لكن كان هناك عربية معدية لم تستطيع ان تراه وبعد ما جريت العربيه اختفى الشخص مکانه اسراء حست بنغزه في قلبها تماما
اسراء بخوف / انا غلطانة انى مسمعتش كلامك يا روفيدا اهدى كده الله يخربيتك يا شيخة ايه بقيتى تتوهمى ولا ايه اهدى احسن حاجة ارن على روفيدا تيجى تاخدنى
... وبمجرد ما مسكت الموبايل لقت حد بيسحبه منها وبيشدها للعربية وبصت للشخص ده واتصدمت لما عرفت انه ..............
عند روفيدا
كانت فى العربية بتاعتها قلقانة على اسراء وكانت بترن عليها بس مكنش فيه شبكة واخيرا لقتها بترن عليها جاية تجيب الموبايل وقع منها ومدت ايدها علشان تجيبه ومكنتش شايفة الطريق وخبطت فى عربية كانت واقفة
روفيدا / الله يخربيتك يا اسراء انا لو نزلت هيتعمل منى كفتة
ثم نزلت
روفيدا وهى تتحدث للشخص / بص انا اسفة مكنتش اقصد
وعندما لف هذا الشخص كانت الصدمة حليفتها
روفيدا بصدمة وخوف / اننننننننت
يتبع الفصل الرابع اضغط هنا
- الفهرس يحتوي على جميع فصول الرواية كاملة :"رواية غيرة عاشق" اضغط على اسم الرواية