رواية حلم عمري الفصل الثالث 3 - بقلم ايمان صالح
رواية حلم عمري الفصل الثالث
دعاء: ها بقي يا ايه مش موافقه لي
ايه : كده مش عايزاه انا عايزه واحد حالته الماديه متيسره
مش اتعب فجاه معرفش اروح مستشفي نفسي اتجوز في فيلا وعندي عربيه وجوزي يبقي عنده شركه كبيره
دعاء: بس الفلوس مش كل حاجه
ايه : لا في الايام دي الفلوس كل حاجه ومهمه كمان
دعاء: ومهمه في اي بقي إن شاءالله
ايه : ما انا قولتلك نفسي اعيش في رفاهيه
دعاء: طيب ما ممكن تتجوزي واحد معاه فلوس بس
ميحبكيش
ايه : مش مهم يحبني اهم حاجه اعيش في رفاهيه بدل الفقر
ال احنا فيه
دعاء : بس ادهم من كلامك فهمت أنه بيحبك
ايه : انا عارفه أنه بيحبني لكن انا مش عايزه الحب ده الحب
ده ولا حاجه تقدري تقوليلي الحب ده هياكلنا ولا هيشربنا تقدري تقوليلي لما طفل من اطفالنا يحصله حاجه الحب ده
هيعمل اي
دعاء : انتي بتحاولي تقنعيني ب اي ما هو الحب ده
هيخليكي تقفي جمبه لحد ما يكبر ويبقي عنده شركه وعربيه
ذي ما انتي عايزه وهتبقي في النهاية هتبقي كسبتي الاتنين الحب والفلوس والرفاهية
ايه : انتي قولتي اهو نهايه يعني ليه منبتديش حياتنا بالرفاهية ليه نستني النهايه
دعاء : ممكن تكون البدايه حلوه والنهايه وحشه
ايه : لا بالفلوس البدايه والنهايه حلوه جدا
دعاء : انا مش عارفه اتفاهم معاكي انتي اذاي فنون جميله
وتكلمي كده المفروض يبقي عندك موهبه وإحساس عالي مش تتكلمي في الفلوس
ايه : يلا ندخل المحاضره
دعاء : اتهربي اتهربي انتي من امتي بيهمك محاضره
ايه : ولا بتهرب ولا حاجه نتأخر علي المحاضره ونرجع تاني تقولي اخرتيني
دعاء : يلا يا اختي ندخل المحاضره
ايه : يلا بينا ودخلوا المحاضره مع بعض
علي الجانب آخر قام ادهم من النوم وبيحاول ينسي اي حاجه تفكروا بيها قام اتوضي وصلي وقعد علي سجاده
الصلاه بحزن : يارب هي كسرتني وانا عايز اطلعها من دماغي وقلبي عايز مفتكرهاش تاني ودعي كتير وطلع قابل مامته
: اي يا ادهم مالك
ادهم : مفيش يا امي خير
: انت رجعت امبارح بعد ما كنت ماشي مبسوط اي الحصل
ادهم : مفيش يا امي انا رايح الشغل
: ربنا يوفقك ويصلح لك حالك يبني
ادهم وقبل ايديها : ربنا يخليكي ليا يا امي ادعيلي دايما
: بدعيلك دايما يا ادهم
ادهم : مع السلامه يا امي
: سلام يبني ادهم نزل ومشي راح الشركه الشغال فيها هي قريبه من بيته ماشي وفجاه خبط في حد
: انا اسفه جدا
ادهم : ولا يهمك يا انسه
: ادهم !
ادهم : معلش مين انا مش فاكرك
: انا اميره
ادهم : حقيقي مش فاكرك
اميره : كنا جيران زمان مع بعض
ادهم : اها اميره اذيك
اميره : الحمدلله تمام انت اخبارك ايه
ادهم : تمام انتي رايحه فين كده
اميره : رايحه الشركه ٠٠
ادهم : انتي شغاله هنا
اميره : لسه متعينه جديد
ادهم : تمام اصل انا رايح الشركه دي انا شغال فيها
اميره : تمام هستاذن انا
ادهم : استني هنمشي مع بعض احنا رايحين نفس الشركه
اميره : لا اسفه مش هينفع
ادهم بتعجب : لي
اميره : معلش عشان كلام الناس
ادهم : تمام اتفضلي ومشيت راحت الشركه وهو كمان دخل مكتبه الشغال فيه وقعد يشتغل وبيحاول يخرج ايه من دماغه بعد شويه خرج لقي اميره قاعده علي مكتبها راح عندها ووقف
ادهم : مقولتليش يا اميره انتي خريجه اي
اميره : انا لسه متخرجتش انا معايا بس دبلوم سكرتاريه
ولسه طالبه في كليه فنون جميله
ادهم : حلو بس انتي بتشتغلي لي
اميره : عادي ببني نفسي من الاول
ادهم : يعني مش احتياج مادي
اميره : لا خالص والدي حالته كويسه بس عادي انا بعتمد علي نفسي
ادهم : تمام تشربي حاجه
اميره : لا شكراً
مشي وسابها
خرجت ايه من المحاضره هي ودعاء وقعدوا في الكافيتريا مع بعض
ايه : مقولتلكيش
دعاء: قولي
ايه : جالي عريس امبارح بس اي غني
دعاء : وهتوفقي
ايه : طبعا يا بنتي هوافق
دعاء:٠٠٠
*يتـبـــــــــــــــــــــــع الفصل الرابع اضغــــــــط هنا
*الفهرس يحتوي على جميع فصول الرواية " رواية حلم عمري " اضغط على اسم الرواية