رواية الضوء الخافت الفصل الرابع 4 - بقلم منه محمد
رواية الضوء الخافت الفصل الرابع
الدكتور: الحاله افضل مما اعتقدت لان المريضه عندها دعم معنوي هايل ولو فضلت مواظبه علي جلسات العلاج الطبيعي وتمارين العضلات بنتظام اظن فيه فرصه تمشي من اول وجديد
امير بعدم اقتناع: لحظه من فضلك انت تقصد ايه
الدكتور: مفيش داعي تقلق المدام عندها فرصه تمشي من تاني انشاء الله المسأله مسأله وقت لان اعصابها لسه بتتعافي لحد الان
شيرين بصتله وشافت ملامحه الي اتغيرت وهو لف وبصلها وحاسس بالذنب!!
شرين : لو مفيش حاجه تانيه يا دكتور اسمحلي اروح التوالت( طبعا عشان يتم التبديل)
الدكتورطلب من الممرضه تاخدها التوالت
آمير: يادكتور لحظه من فضلك ممكن اوضح معاك أمر الي اقصده هي فعلا ممكن تقدر ترجع تمشي من تاني؟!
الدكتور: امير بيه ممكن تكون صبور الامور الي زي كدا محتاجه دعم معنوي ويعتبر زوجه حضرتك حظها افضل من ناس كتير من حيث انها عندها فرصه تقدر تمشي من تاني
آمير محتاج يقوله لا دي بتمشي زي الحصان: لحظه انا بعتذر ده معناه انها ممكن ماتمشيش تاني
الدكتور بصله بستغراب من حالته: امير بيه انت بتقول ايه انا مش فاهم
آمير اتنهد بغيظ : الي اقصده انا لما حضرتك كشفت عليها شوفت رجليها بتتحرك ده معناه ايه انا شوفت ده لما ضربت رجليها بالشاكوش يعني عندها شعور
الدكتور: ايوه لان بسبب اصابه الحبل الشوكي زوجتك مازالت قادره تحرك رجليها والمشط بحركه بسيطه ومن خلال فحص الجسم كليا مدام شيرين لقينا جرح لرصاصه في ظهرها وده الي أدي لعدم الحركه
آمير وقف كأنه مصعوق من الي بيسمعه واستأذن بضيق وخرج وقرب عليها لقاها منتظراه قدام الشباك
سيرين بصتله: ها اقتنعت دلوقت تحب ازحفلك لحد البيت عشان تصدق
آمير بصلها بمواساة: انا اسف لاني حطيتك في الموقف ده
سيرين: انسي انا نسيت اليوم كله بس متعملش الامور دي تاني معايا
لقت نوال هي ومحي ومعاه حماده بيجروا عليها بلهفه
نوال بقلق: شيرين
آمير استغرب: استاذ محي انت بتعمل ايه هنا؟!
سرين: انا اتصلت بيه يجي يروحني لاني مش عايزه ارجع معاك تعال يا حماده لـ امك
نوال: انا قلقت عليكي لما اتصل بيا الاستاذ محي وقالي انك في المستشفي
سيرين: انا زي الفل بس الشخص الي عنده صدمه تقريبا هو الشخص الي واقف قدامنا
محي: نرجع البيت
سيرين: ايوه نوال تعالي زقيني لبرا
محي وقف قدامه وبعتاب: ليه تلعب الالعاب دي يا سيد آمير
آمير بصله ومتكلمش ومحي بصله وهز دماغه وسابه ومشي
...........منه محمد........
في مطعم بعد خروجهم من المشفي
نوال بشماته: اظن امير دلوقت حاسس بالحيره ياحرام اتاريه بعتالي محمد البواب يرخم عليا وانا استغربت
سيرين بغيظ: يستاهل عايز يكشف خطتي ومش هيكون قادر المهم ان حماده شاف شيرين واكيد مبسوط
حماده: مبسوط
نوال: حماده لما تحب تشوف ماما شيرين لازم تسمع كلام خالتك سرين وابله نوال في الاول
حماده: موافق
نوال باسته من خده: شطوره
سيرين: شرين حاسه انك تعبتي من التمثيل
شيرين بهدوء: لا يا حبيبتي انا بخير ومرتاحه
نوال ضحكت: مرتاحه كدا انتي بتحبي التمثيل ومش اقل من سيرين في الموهبه
شيرين: بس ازاي كشفتي خطه آمير
سيرين: لحسن الحظ ان نوال كانت دايما تقولي ان الراجل ده بيخطط لحاجه يكشف بيها خطتنا ده غير سمعته هو ومحمد الحارس بيتكلموا وبيخططوا سوي
شيرين: اه مش عايزه افكر حتي لو معرفناش ده واذا فعلا خضعتي للكشف بدل مني ايه الي ممكن كان حصل
سيرين قامت ونخت وقعدت قدامها : مستحيل اخالي حد يأذيني مفيش داعي للقلق
شيرين عيونها دمعه: المره دي قدرنا نساعدك لكن مين عارف المره الجايه هتبقي محظوظه ولا لأ
محي: بس انا واثق فيها وفي ذكائها
نوال: فعلا وانشاء الله روح فاروق بيه تبقي معانا وتساعدنا نوصل للجاني بسرعه
سيرين: انشاء الله لان امير ده شكله مجنون وعمره ما هيوقف الشك الي عنده
شيرين: ناويه تعملي ايه بعد كدا
سيرين: والله لو وقف امير وبطل يشك هبدء خطتي الجديده
نوال بحماس: واو خطه جديده
سيرين بفرحه: تعالوا اقولكم انا ناويه اعمل ايه؟؟!!
......................منه محمد............
في مكتبه دماغه هتنفجر من التفكير وبصوت مسموع: لالالا انا بقيت بفكر كتير
غاده دخلت وسألته: بتفكر كتير بخصوص ايه؟؟!!
آميربتعجب: غاده من امتي وانتي هنا
غاده: ابدا خبطت علي الباب كذا مره بس انت مسمعتنيش ها كنت بتفكر في مين
آمير اتحرك وقعد علي المكتب وبدء يطقطق علي الجهاز: ابدا بفكر بخصوص الشغل
غاده: فعلا طيب اخدت شيرين وروحت فين النهارده الصبح
آمير: روحنا المستشفي
غاده بستغراب: المستشفي!
آمير عيونه علي الجهاز: ايوه اصل حصل سوء فهم بس الامر حاليا تمام
غاده: امير معلش هكون فضوليه واوعي تزعل مني بس في الفتره الاخيره انت مبقتش مركز في الشغل
آمير بصلها: لو اهملته كله عليكي فأنا بعتذر
غاده: بس انا مش بحب اشوفك كدا ممكن توقف اهتمام بالست دي لاني حاسه انها شخصيه خطيره!عشان كدا لازم تفضل بعيد عنها بجد انا قلقانه منها عليك
امير بصلها وابتسم ابتسامه مغتصبه وبدء يشتغل علي الجهاز وغاده بصتله بغيظ
......منه محمد........
علي السفره الكل قاعد ومجتمع
مني بضيق:استغفر الله العظيم فين اداب الطعام المفروض الناس متلطعش حد كدا شايفه يا ديدي اتعلمي تحترمي الناس
مدحت بهدوئه: مني وبعدين احنا لسه واصلين يادوب مفيش داعي تسمعيها كلمتين
مني بنهر: تعرف تسكت خالص
مدحت اتحرج وسكت شويه ولقوها جايه
مني بهمس: الليدي شرفت
سيرين: ممكن اعرف الكل بيبصولي كدا ليه؟؟!!
مني قامت بهجوم غير مبرر: بنبصلك ازاي يعني وايه الفستان الي انتي لبساه ده
رقيه وهي مرتبكة: فعلا انتي معندكيش لبس مناسب تلبسيه
سيرين: لا عندي بس حبيت البس الفستان ده كأشاره لحاجه معينه في دماغي
غاده بحده: اشاره ايه؟؟!!
سيرين: الاشاره لليوم الي كنت هتقتل فيه
غاده وآمير ملامحهم اتغيرت 180 درجه
سيرين داست اكتر في الكلام: اصل الفستان ده نفس الفستان الي كنت لبساه يوم ما انضرب عليا النار ومن وقتها وانا مشلوله قلت يمكن بعض الاشخاص هنا يفتكروا اليوم ده
آمير: بتتكلمي كما لو كنتي عارفه الشخص الي ضربك بالنار
سيرين بقوه وثقه: طبعا اعرفه
ايسل الشوكه وقعت من ايدها وعملت ضجه كبيره وبان عليها التوتر والارتباك
آمير: ايسل انتي بخير
ايسل هزت دماغهاوبتترعش: ايوه بخير
رقيه بتوتر: شكريه فرغي الاكل من فضلك خلينا ناكل ونقوم
والكل قاعد ياكل لكن الي متوتر قلقان عادي وفضل الجو متكهرب لحد ما سيرين رجعت غرفتها بمساعده نوال
............منه محمد.......
بعد الغداء في غرفه سيرين الي حست بنتصار لبشاير بنجاح خطتها
نوال: كدا ايسل اكتر واحده مشتبه فيها او مني هي كمان
سيرين بتفكير: مقدرش استنتج لكن انا نفسك نفس شكك بس مقدرش أأكد ده بشكل قاطع
نوال: قصدك نحذفهم يعني من القايمه
سيرين: لا مقلتش كدا بس انا شاكه في ايسل انها رقم واحد لانها بتتصرف بغرابه وبطريقه مخيفه
نوال عقدت حواجبها: مش فاهمه
سيرين: هدوئها صمتها بحس انه مصطنع هي عكس ايسل الي حكتلنا عنها شيرين دي مختلفه تماما
نوال: عندك حق ايسل القاسيه الي راحت من سنتين تتخانق مع شرين راحت فين واختفت ولا يمكن بعد وفاه زوجها فاروق اتحولت
سيرين بسخريه: لا بتفهمي
نوال: اول مرة احس اني فعلا مفيده بس لازم نهنيها علي التحول
سرين اتنفست بعمق: لا الي اقصده انا انها بتحاول تخاليني افكر في تغيرها عن عمد
نوال بحيره: ازاي
سيرين: التظاهر ،، تتظاهر بالطيبه وتخدعنا عشان نثق فيها علي الاخير
نوال فتحت عيونها على وسعها: بت العفريته دي عندها خطه عاليه
سيرين : بس تقدر تخدع بيها الاغبياء
نوال كشرت: كدا بتهنيني يا سيرين خدي بالك
سرين ضحكت على شكلها : حد كلمك
نوال رمتلها بوسه في الهواء: حبيبتي
سيرين: في النهايه احنا الي علينا اننا نضايقها ونقرفها لحد ما تظهر لونها الحقيقي وساعتها هخليها تدفع التمن جاهزه
نوال بحماس كبير: جاهزه
...........منه محمد.......
في بهو الفيلا بدؤا خطتهم الي اتفقوا ينفذوها بحرافيه
نوال: محمد حطها هنا واتأكد انها مش مايله
غاده جات بعصبيه: ايه الي بيحصل هنا؟
سيرين رفعت راسها بثقه واضحه: ابدا بعلق صورتي مع فاروق
ايسل قربت : ناويه تعملي ايه يا شيرين؟؟!!
سيرين ابتسمت بهدوء: بما اني صاحبه البيت حبيت اغير كل حاجه
رقيه بصوت ارتفع شوي: مش ملاحظه ان ده كتير يا شيرين هانم
سيرين: ازاي كتير يعني
مني بعصبيه: دي كمان بتتجرء وترد عليكي يا ماما
رقيه بحده: انتي نسيتي ان انا كمان ليا في البيت
سيرين: لا منستش اطلاقا حتي صورتك انتي والعايله هناك متعلقه محدش شالها
رقيه بحده:انتي واضحه زياده عن اللزوم او ده لاني كنت لطيفه معاكي عشان كدا مش شايفه وجودي في الاول رفضت احكم عليكي بس في الاخير كل الستات الي تقبل تبقي عشيقه كلهم نفس بعض نزلي الصوره قبل ما افقد اعصابي
اسيل: مفيش داعي يا ماما رقيه حتي لو الصوره اتغيرت عمرها ما هتغير الحقيقه اني الزوجه الاولي والشرعيه وكل الوقت ده قدرت اتحمل امور اكتر من كدا وانا قابله يا ماما
سيرين حركت خصلات شعرها بغرور: طالما مدام ايسل قابله ده يخاليني اقولك تتنقلي من اوضه فاروق لاني هستخدمها مخزن
غاده بعصبيه: انتي بجد اتخطيتي حدودك وبزياده
مني صرخت فيها: بجد انتي اتجننتي رسمي ايسل اياك تستسلملها
سيرين: ايسل معندهاش اي اختيار لان ده بيتي انا والي اقوله يتنفذ الي عايش معايا فيه
غاده بشراسه :انتي
ايسل قطعتها: غاده
سيرين بثقة وعيونها تلمع ببريق حاد :انا كدا لطيفه وظريفه جدا والا كنت طردك انتي واختك برا البيت
رقيه: كدا انا كمان هستخدم حقي كمالكه لنص البيت وهخالي ايسل تفضل في نفس الاوضه
سيرين ببرود: لو طلبتي مني ده ادهالك بس هبدلها بأوضتك الكبيره واستعملها كمخزن
مني صرخت فيها: انتي حقـ
سيرين قطعتها: اظن الاوضه اوضه جوزي فاروق يعني حقي
ايسل عروقها اتشدت: حقك الي في الوصيه مش كدا لكن حقكك كشخص انتي مفكره ان تصرفاتكي دي طبيعيه
سيرين: ياتري سالتي نفسك قبل كدا الشئ الي عملتيه ليا ده كان من حقكك
ايسل: لو عايزه الاوضه اوي كدا خديها اشبعي بيها
غاده بنفعال: ايسل انتي هتفذلها
ايسل بحقد: بس مستحيل استسلم انا وافقت عشان الوصيه ده كل الي في الموضوع وافتكري كلامي ده كويس انا دايما واقفه علي الطريق الصحيح لان فاروق عمره ما حبني بس ده مش معناه انك تعملي كل الي انتي عايزاه يا مدام شيرين
وسابتهم وطلعت تجري وراحت غرفتها وأأعدت وري الباب ضمت نفسها تبكي بمراره ومسكت الموبيل تتصل بالدكتور النفسي الي بيعالج حالتها!!!!!!!
...........منه محمد......
غاده فضلت رايحه جايه متوتره كأن الغضب بيحركها بعد ما دقت الباب علي اختها ورفضت تفتحلها والود ودها تقتل شيرين وتملا ايدها بدمها وتلطخه علي الحيطان لمحها امير الي لسه راجع من الشغل راح عليها:غاده
غاده بصتله بتوتر ومكلمتهوش كالعاده
امير قرب اكتر بخطواته ووقف قدامها
غاده مثلت التوتر والضيق :امير انت رجعت تحب اخليهم يجهزولك الغداء حالا اروح اخليهم يحضروه
اميرمنعها تتحرك: لا استني انتي كويسه
غاده بحزن :ايوه
امير بشك :بس شكلك بيقول العكس فيه حاجه مضيقاكي
غاده بخنقه :ولا حاجه
امير رفع دقنها وبصلها بتفحص :متكدبيش عليا ياغاده ايه الي حصل
غاده سكتت
امير اتنهد ومسك ايدها :قوليلي مين الي ضايقك عرفيني
غاده: والله لو ضيقتني انا كنت هموتها لكن هي ضايقت ايسل بجد انا مقهوره علي حالها
امير :مين الي ضايق ايسل
غاده بقهر:مين يعني غيرها الهانم شيرين
امير بعد ما سمع افعالها حس بالدم يفور جواه ومشي بسرعه يروح يوقفها عند حدها
...................منه محمد.................
قاعده تلعب مع ابنها بكل اريحيه لقته داخل عليها ببركان ثاير من الغضب !!!!!
آمير: انتي زدتي في حدودك
الطفل خاف من حده الصوت وبكا
سرين حركت الكرسي المتحرك: حماده تعال لـ امك يله حبيبي متخافش
الولد قرب عليها وهي حضنته بحنان: متخافش حبيبي عمو آمير مش قصده يزعقلك بس هو بيتكلم بصوت عالي شويه (مسحت علي شعره برفق) اهدا حبيبي
سرين بصتله بغيظ: عاوز ايه انت ليه بتزعق كدا ابني خاف من صوتك
آمير: غاده خليكي مع حماده من فضلك
غاده بغيظ: اوك
آميرقرب من الكرسي ودفعها بيه بغيظ علي برا: فيه امور لازم اتكلم معاكي فيها
سرين مسكت في العامود بقوه: هتكلم معاك في ايه
آمير شد ايدها وحررها من العامود ومد بالكرسي لبرا وبصلها بغيظ: ليه مصممه تضايقي الي هنا
سيرين ببتسامه مستفزه: اه انت متعصب عشان مدام ايسل
آمير: ممكن افهم ليه مصممه متفضليش مكانك
سيرين بثقه وبكل هدوء: علي فكره انا في مكاني انا صاحبه البيت
آميرسألها بفضول: خاليني اسألك بصراحه اكتر انتي عندك قلب وبتحسي انتي سرقتي زوجها ولسه مش راضيه علي الاقل انتي ست زيك زيها من المفروض تتعاطفي معاها
سيرين ابتسمت ابتسامه تهكميه ثم حركت خصلات شعرها الأشقر
آمير: اتعاطفي معها علي اساس انها الزوجه الاولي انتي عارفه انك تكوني الزوجه الاولي وفي لحظه تبقي مهمشه والتانيه تاخد كل حاجه عارفه كم الالم الي مرت بيه
سيرين: اظن انت الي نسيت انك ابن الزوجه التانيه
آمير ملامحه اتغيرت وده وضح عليه جدا!!!!
سيرين: بتتكلم كأنك ابن الزوجه الاولي
آمير حط كفوف ايده علي حرف الكرسي وميل علي الكرسي: متحاوليش تستفزيني
سيرين: انا مش بستفزك انا بس بفكرك انك لازم تتعاطف معايا انا لاني نفس امك
آمير باقتضاب: ليه اتعاطف مع واحده انانيه معندهاش كرامه
سيرين نطقت بحرقه: وانا مش هجادل معاك لان الي عملته كان غلط مفيش واحده في الدنيا تتمني ولا تحب تبقي زوجه تانيه او عشيقه زي ما بتسموها داخل عائلتكم الكريمه
آمير: عارفه في حياتنا احنا بس الي بنقدر نختار بنفسنا ليه اشخاص زيك يختاروا يدوسوا علي الحب ويدمروا عائلات كانت سعيده لان الي زيك ناس انانيه بما فيه الكفايه
سيرين بغيظ من اتهامه الجارح القاسي.: انت عشان عمرك ما حبيت عمرك ما هتفهم ابدا
امير: لو كان الحب هنأذي بيه غيرنا يبقي ملعون ده ابو حب وملعون اني القيه جاي ماشي)
سيرين: كل الي قولته مظبوط عشيقه زي لازم تكون في مكانها الخاص(بتريقه) بصراحه اخدت كتير ولازم اكون مكتفيه طول حياتي عشان محدش يقدر يأذيني
امير لفلها ومسك كتافها : عارفه انتي انسانه مختلفه عن الشخصيه الي حكي لي عنها اخويا فاروق فاروق كان بيقولي عن الست الي بيحبها انسانه هاديه مسالمه بس واضح ان ده العكس تماما يظهر ان اخويا اتخدع
سيرين دفعت ايده بقوه وردت عليه باندفاع وحده : اه لما معرفتش تثبت اني مش مشلوله قولت تخترع قصه جديده عشان تعمل معايا مشكله بس اي ان كان تفكيرك دي حياتي انا والعدل ان كل حاجه ترجع لشيرين
امير مسك الكرسي يمنعها من الحركه: لو كان العدل انك تأذي الناس في عايلتي مش هسيبك تعملي ده بسهوله وخليني اقولك مقدما لو عايزه تعيشي في الدنيا بسلام متعمليش لنفسك مشاكل ودفع الكرسي بعصبيه وسابها ومشي
نوال جات وراها ودفتعها لحد غرفتهم: سيرين اياك تتهميني اني جبانه بس بجد الي عملتيه كان قاسي اوي
سيرين بقوه: القسوه احيانا بتبقي مطلوبه عشان تقدري تشوفي اللون الحقيقي لمعادن الناس في البيت ده
نوال: ازاي ده يعني ده كلهم النهارده الود ودهم يهجموا علينا يموتونا
سيرين :وده بالظبط الي حبيت اشوفه من اول ما خطيت البيت ده الكل كانوا طيبين معايا بس شوفتي اختي انتقموا منها ازاي
نوال بخوف:والنبي ما تخوفيني
سيرين: اذا المجرم ذكي بما فيه الكفايه هيعرف انا جيت هنا ليه وهيرقبنا بالتاكيد نوال من هنا ورايح لازم تاخدي بالك كويس جدا وتفتحي عينك وافتكري ان مينفعش نثق في اي حد
نوال :خصوصا ايسل دي بس تفتكري هتسمحلك تعملي اي حاجه تانيه ده لو كان فيها مره تانيه
سيرين: يله خاليني انام
نوال:طيب
........................منه محمد........................
تاني يوم في الشركه ايسل قدمت علي اجازه طويله بدون ذكر اسباب!!!!
امير دخل مكتبها: ايسل اايه الي حصل
ايسل بتعجب: ايه الي حصل
امير: ابدا سمعت انك قدمتي علي اجازه لتكون السبب شيرين
ايسل بضيق: الموضوع ملوش علاقه بالست دي
امير بشك :انتي متأكده
ايسل: ايوه انا بس محتاجه ارتاح وانا بلغت ماما رقيه بقراري
مني جات ووقفت تتسمع علي كلامهم وهي فرحانه جدا والود ودها ترقص من الفرحه...
امير: لو كان فيه اي امر مخليكي مش مرتاحه بلغيني فورا
ايسل :بس لازم اعمل ده لوحدي يا امير اظن انت عارف ان حالتي مش مظبوطه خصوصا الفتره الاخيره ولازم اشوف الدكتور النفسي بستمرار وانا واثقه فيك وباهتمامك بالشركه وبالشغل
امير :طبعا ايسل انتي ارتاحي في الاول ولما تكوني جاهزه تقدري ترجعي شغلك
ايسل بمتنان: بجد شكرا ليك
امير بدلها ببتسامه جميله
مني بمكر :حلو اوي كدا يا ايسل حلو اوي ورجعت مكتبها بسرعه
...................منه محمد.......
في بيت مني الي رجعت شايطه من زوجها وبنتها لقتهم داخلين عليها
ديدي: اما كان حته فيلم هايل بس ليه كل مره اشوفه اقعد اعيط يادادي
مدحت ابتسم: ليه ده حتي الفيلم كوميدي
ديدي: طبعا انت كل مره تاخدني السينما تنام من اول الفيلم بس انا مبسوطه انك اخدتني نتسوق انا بحبك اوي
مدحت: وانا بموت فيكي
مني نزلتلهم: انتم كنتم فين انتم الاتنين كدا
مدحت: ابدا بنتي كان عايزه تشوف فيلم واخدتها السينما
مني بتريقه:والله عال تسبوني اكل لوحدي
مدحت: مش انتي قولتي انك هتتغدي مع اصدقائك في النادي
مني: مين الي قالك
ديدي: انتي قولتي ده بنفسك ولا مكناش سبناكي وروحنا السينما
مدحت بمجملها زائفه: فعلا اصل انا وديدي لو اكلنا لوحدنا مش هيكون الجو لطيف ولا ممتع من غيرك يا روحي
مني: اسمع انت وهي دي اخر مره تعملوها عارفين شيرين عشيقه فاروق طلعت شيطانه نزلت صوره ايسل وحطت صورتها هي واعلنت انها صاحبه البيت وكمان طردت ايسل من الشركه
مدحت: بس معلوماتي ان ايسل طلبت اجازه
مني :مجرد اعذار بس ده مش صحيح الي عملت كدا عشيقه فاروق واحنا لازم نلاقي طريقه تزيحها من طريقنا في اسرع وقت ممكن مش فالحين بس تروحوا السينما لو عندكم وقت استغلوه وساعدوني في التفكير نخلص منها
ديدي بتريقه :دادي ساعد مامي في التفكير اصل انا عايزه انام
مني بغضب:شايف بنتك مفيش منها منفعه بدل ما تاخدها تفسحها علمها ازاي تعامل امها
مدحت: اهدي حياتي
مني: لا انا ماشيه اوف
مدحت: علي فين
مني :رايحه عند ماما في حاجه
مدحت وهو يبتسم :لا يا حبيبتي طريق السلامه
..............منه محمد..........
مني دخلت الفيلا وشافت محي مقرب من شيرين وبيلعب في شعرها لكن هو كان بيشلها ورقه شجر وقعت عليها لكن هي استغلت الوضع وجريت عند امير
مني بصوت عالي :عرفت حاجه بتحصل بين اتنين من ورانا
امير رفع عيونه من علي الفون: ايه هو الي عرفتيه يا مني
مني بسم الافاعي: ابدا عشيقه اخوك فاروق والمحامي محي فيه حاجه ما بينهم
امير برفض:محي اظن ده مستحيل
مني بمكر :انت مش مصدق ومفيش داعي تصدق بس لو مكنتش مصدق اتفضل روح و شوفهم بنفسك وانا داخله لقيتهم قريبين من بعض جدا مين عارف اكيد حطوه قرون لفاروق
امير بيبعد الفكره: لا انتي بتبالغي كتير
مني :خليك متفائل طبعا انت مش هتقدر تمسكها متلبسه ولو انت عايز تفضل مخدوع براحتك انا حذرتك
امير رماه التابلت من ايده وخرج راح للجنينه لقاه بالفعل محي مقرب من سيرين جدا وهنا الدم غلي في نفوخه وكل شياطين العالم رقصت قدامه فضل منتظر لحد ما لمحها داخله غرفتها وبسرعه البرق راح سحبها بالكرسي وهي فضلت تستغيث بنوال !!!!!
سيرين: انت بتعمل ايه يا مجنون
امير دخلها واغلق الباب بالمفتاح
سيرين بصوت فيه رعشة بسيطة:انت بتعمل ايه فهمني
امير ثبتها بالكرسي وحاسس نار قايده في صدره: انا الي من المفروض اسألك انتي الي بتعملي ايه؟؟
سيرين رمشت بعيونها بتوتر: اعمل ايه في ايه انت بتقول ايه انت شارب
آمير بنفعال: انتي غبيه ولا بتتغابي بس انا هخليكي تفهمي حالا وهجم عليها يبوسها بوحشيه لحد ما حست ان نفسها انقطع عنها
يتـبـــــــــــــــــــــــع الفصل الخامس اضغــــــــط هنا
الفهرس يحتوي على جميع فصول الرواية " رواية الضوء الخافت " اضغط على اسم الرواية