رواية نهاية العالم الفصل الرابع 4 - بقلم ولاء حسين
رواية نهاية العالم الفصل الرابع
ابتديت اكتب، ع العهد نقسم أن صداقتنا صامدة أبد الدهر
مصدقتش نفسي لما فتح!
مازن : كنت متأكد إنك هتعرفه
ظهر فايل لما فتحته اتصدمنا! ..............
فتحت الفايل لقيت أبحاث عن تجارب ع البشر ولقيت 3 فيديوهات،
فتحت أول فيديوا شوفت منظر من أبشع المناظر اللي شوفتها ف حياتي! دكاترة بتتعامل مع البني آدمين كأنهم فران تجارب بمنتهى القسوة والذل ! بيعذبوهم ويحقنوهم بحاجات غريبة!
فتحت تاني فيديوا كان لفرح : أهلا أنا دكتور فرح اكتشفت حاجة خطيرة جدا ع وشك إنها تحصل ومظنش إني هقدر أمنعها لوحدي ، الوفد اللي انتقل للمدينة من ضمنهم جروب علماء من ألمانيا بيرأسهم عالم اسمه لوكاس، كانوا شغالين ع تجربة ف بلدهم والتجربة دي فشلت فشل ذريع واتوقفوا واتحقق معاهم ف تهمة خطف الأطفال وإجراء تجارب عليهم ولما حصلت الكوارث الطبيعية استغلوا الفرصة وهربوا ودخلوا مصر مع الوفد ، ضحكوا ع اونكل محمود بالشهادات اللي معاهم وطموحهم إنهم يخلو مستقبل مصر خالي من الأمراض ،وبقوا شركاء وأصبحو هما المسؤولين عن المختبر السري اللي انشأوه تحت معمل الأدوية واللي كان مجهز ع أعلي مستوى ، كان محذور علينا ندخل المختبر أو نتكلم عنه ودا اللي أثار الشكوك، لكن مقدرناش نتأكد من حاجة،
وف يوم جاتلي مكالمة من أونكل محمود بيتكلم بعصبية وقالي أنه اكتشف مؤامرة خطيرة بتحصل ،وإن هدفهم السيطرة ع مصر وتبقي حقل تجارب كبير بالنسبالهم من غير قوانين ولا أي حد يمنعهم ، وف مسؤلين كبار ف البلد بيساعدوهم ،
أثناء إجراء تجاربهم ع البشر ،
لاحظوا قدرة بعض المواد الكيميائيه ع تغيير أفعال وسلوكيات الأشخاص وميولهم للعنف واتجاههم للعدائية بشكل كبير جدا ودرجة الوعي بتقل ،
يعني ببساطة ؛
المواد دي بتستقبل الإشارات العصبيه من المخ وتعدل عليها فبتغير رد فعل أجهزة الجسم كلها لكن طبعا جسم الانسان مقدرش يتكيف ع التغير المفاجئ دا وكل الحالات ماتت ، أونكل محمود اكتشف الموضوع دا بالصدفة وهما بيتخلصوا من جثث الاشخاص دي، ودارت بينهم مشادات عنيفة وهدد أنه هيفضحهم لو استمروا ف التجارب دي وسابهم ومشي، كان متأكد أنهم اكيد هيحاولوا يتخلصوا منه فاتصل بيا وقالي كل حاجة ، تان يوم سمعت خبر وفاته ف حادث عربية ، أنا كنت متأكدة إنه حادث مدبر لكن مقدرتش اثبت حاجة ،
قررت بعدها اني مش هسكت ولازم أوقفهم، وبدأت أبحث ف تاريخهم لحد معرفت إنهم جزء من مافيا خطيرة جدا ! ساعتها خوفت مش ع نفسي لكن ع الناس القريبين مني لأني ساعتها اتاكدت إنهم قتلوا اونكل محمود ،فقطعت كل صلاتي بكل حد يعرفني ،
وبدأت اتجسس عليهم لحد م عرفت إنهم شغالين ع المواد وقرروا يجروا التجربة دي تاني لكن المرادي ع تلات جرعات بحيث الجسم يقدر يتكيف مع المواد دي!
بحثت كتير عشان أشوف المضاد للمواد دي لحد م اكتشفت إن تأثير المواد دي بيستمر لأنها بتخدع الجسم ومبيقدرش يتخلص منها فاشتغلت ع الدوا المضاد واللي هيكون عبارة عن جزئ بيرتبط بالمواد دي ويحللها وساعتها الجسم يقدر يتخلص منها ،وبالفعل جهزت كميات كبيرة جدا من الدوا المضاد تحسبا لأي حاجة هتحصل وخبيتها ف التلاجة ف علب الايس كريم عشان محدش يوصللها وعملت الفيديوا دا عشان لو جرالي حاجة ربنا يستر. الفيديو قفل
كنت بسمع الفيديو أنا ومازن وبنبص لبعض بدهشة! ،
من الصدمة مقدرتش أتكلم،
مازن :كل الخراب دا بسبب علماء مجانين!
- علماء ايه بقي ! دول مجرمين ! غمضت عيني من الوجع وكملت ؛وفرح اتورطت معاهم انا مش متخيل كم الرعب اللي عاشت فيه بسببهم ! والله لدفعهم التمن غالي
مازن : دا مش وقته ياعمر احنا لازم نشوف الدوا دا الأول ونفكر هنعمل إيه
الفيديوا التالت كان باسمي ف مازن فهم وراح يتأكد ان الدوا موجود
فتحت الفيديوا :
عمر أنا أسفه... عارفة إني خالفت قسم الصداقة لكن مقدرتش احكيلك حاجة ،كنت خايفة عليك والله
أنا أسفه لأني مش هكون موجودة ف حياتك ومش هنكبر سوا زي متفقنا ، أرجوك حاول متزعلش وكمل حياتك وابقي افتكرني..
وانا بحاول اتجسس عليهم اتكشفت ومتأكدة إنهم دقايق وهيوصلولي، المضاد هوا العلاج ياعمر
أنا بحبك جدا سلام..
الفيديوا كان تلات دقايق بالظبط أول مرة أشوف قلقها ومطمنهاش أول مرة تخبي عني يافرح!
مازن: انا لقيت الدوا و.... انت كويس ياصاحبي!
يتـبـــــــــــــــــــــــع الفصل الخامس اضغــــــــط هنا
الفهرس يحتوي على جميع فصول الرواية " رواية نهاية العالم " اضغط على اسم الرواية