رواية عشقت دكتوري ولكن الفصل الرابع بقلم سلمى ياسين
رواية عشقت دكتوري ولكن الفصل الرابع
صحيت حياة وهي بتبص لفهد واول ما فهد فتح عينه بيبص لحياة وبيضحك بيقولها اي من حبك فيا بتراقبيني طول الليل
ردت حياة: بالعكس عاوزة اعرف ازاي انا مش فكراك ومش فاكرة ملامحك مع ان دكتور مصطفي اكدلي اننا كنا بنحب بعض من قبل الجواز ازاي مش فكراك ازاي مش فاكرة اني بحبك او انك بتحبني
رد فهد وعاوزة تفتكري وتتعبي ليه لما ممكن نبني ذكريات جديدة واكتر من اللي عملناها
حياة: معتقدش
فهد: ليه
حياة: معرفش بس مش مرتاحة وهمس فالبيت خالص اه مشوفتش منها اي حاجه وحشه بس مش مطمنالها
فهد: طيب اي يرضيكي
حياة: مش عاوزه حاجه بس بجد بتوتر لما بشوفها
فهد: اوعدك اول ما تخفي هنقلها فبيت لوحدها
حياة: طيب
قاطعهم خبط همس علي الباب ودخلت همس ومعاها الفطار فطروا سوا التلاته وخرجت همس من غير ما تنطق حرف
حياة: هي مالها زعلانة ولا اي
فهد: مش عارف
حياة: احنا مسألناش عليها من امبارح خالص
فهد: وده مزعلها؟ معتقدش هي عارفة انك تعبانه!
حياة: فهد نسيت انها اتحرقت
فهد: ينهار ابيض انا نسيت خالص هقوم اشوفها
حياة: استني خدني معاك
قاموا سوا جت حياة وهي خارجه من باب الاوضه مسكت فهد وقالتله الحقني انا حاسة اني دايخه
فهد: طيب تعالي اقعدي علي السرير
حياة: لا طبعا هشوفها الاول
فهد: انتي اهم دلوقتي انتي تعبانه جامد
حياة: اسندني بس عشاان مقعش وتعالي نروحلها واقعد برا زهقت من الاوضة
فهد مسكها وسندها كويس وخرجوا اول ما همس شافتهم كده ادايقت اكتر
حياة: رجلك بقت احسن دلوقتي
همس: الحمد لله احسن انتي بقيتي احسن
حياة: لا والله حاسة بدوخه فظيعه بس قولت نخرج انا وفهد نقعد برا الاوضه زهقت
همس: اعملك حاجه تشربيها
حياة: لو هتعملي ليكي اعمليلي معاكي متعمليش مخصوص مش عاوزة احس انك خدامة بتخدمني انتي اختي
ردت همس قالتلها متقلقيش انا مش حاسة بكده خالص
حياة تمام يا قمر
فهد تعالي نتفرج ع التليفزيون حتي نختار حاجه وهمس تتفرج معانا
فهد: فكرة حلوة
اخدها وقعدوا على الانتريه وفضلوا يقلبوا فالقنوات
حياة بصتله وقالتله هو مفيش فيديو لفرحنا او صور نشوفها يمكن افتكر
همس: لا فيه طبعا
فهد: مش لازم يا حبيبتي سيبيها براحة كده الذاكرة ترجع لوحدها
ردت حياة قالتله حاضر بس وريني
فهد فتح فيديو فرحهم
وهمس جابت عصير مانجا لكل واحد منهم مفيش نص ساعه وحياة بقت بتصوت من المغص اللي فبطنها وبتتلوي جامد وهمس جريت عليها في اي بس مالك
ردت حياة: مش عارفه الحقني يا فهد بسرعة
همس: قالتلها تعالي ادخلك الحمام تشوفي في اي
حياة: لا عاوزة الدكتور
فهد: اهدي بس وتعالي اغسلي وشك وبراحة كده
دخلت حياة وفهد ساندها تغسل وشها
وبرا همس فرحانة فيها ما هي حطتلها زيت خروع فالعصير
ونسيت انها حاطة الازازة فالحمام
حياة شافت الازازة وريتها لفهد وفهد خدها فجيبه ونزل بحياة للدكتور
الدكتور: اكيد زيت الخروع هو اللي عمل كده بس متخافيش مفيش خطر منه احنا عملنالك تنضيف معده وهو اصلا مش مضر
خرجوا من عند الدكتور
حياة: قولتلك مش برتاحلها
فهد: اهدي يا حبيبتي بس وانا هتصرف بس مش عاوزك تتكلمي
حياة: حاضر
روحوا البيت
فهد اخد همس من ايدها ودخلوا اوضتهم
فهد: لمي كل هدومك هترجعي بيتك التاني يلا
همس: ليه في اي
فهد خرج الازازة من جيبه وقالها في اني متوقعتش ان غيرتك تخليكي تأذيها
همس اتصدمت وعيطت
فهد يلا لمي حاجتك بسرعه الليله هتكوني فبيتك وخرج لحياة
فهد: النهاردة اخر يوم ليها هنا هوديها شقتها لحد ما اجبلها شقة
حياة: مش مهم انا مسمحاها خلاص
فهد: انا بقا مش مسامح ومش هستني يجرالك حاجه تاني
حياة: بصتله وقالتله انا خايفه افضل لوحدي اتعب
فهد: هاخدك معايا نوصلها ونرجع سوا
وفعلا نزلوا كلهم ووصلوها ومشيوا يرجعوا البيت وهمس اول ما طلعت شقتها اتصدمت...
يتبع الفصل الخامس اضغط هنا
- الفهرس يحتوي على جميع فصول الرواية كاملة :"رواية عشقت دكتوري ولكن" اضغط على اسم الرواية