رواية انتقام خارج حدود المنطق الفصل الخامس 5 - بقلم رحمة نجاح

  رواية انتقام خارج حدود المنطق الفصل الخامس  بقلم رحمة نجاح

رواية انتقام خارج حدود المنطق الفصل الخامس

_طلقني يا سليم ..

ليأتيها صوته الغاضب.. أخرجي يا شمس ..

_لا يا سليم مش هخرج.. انا مش هقبل اني اعيش كده.. وفكرة انك تصدق اني حامل دي نهت كل حاجه ...

_للمره الاخيره بقولك اخرجي يا شمس ..

_لترد بعند...وانا للمره الاخيره بقولك طلقني يا سليم ...

_طلاق مش هيحصل يا شمس ده علي جثتي، عايزه تطلقي استني لما اموت ..

_لترد عليه سريعًا.. بعد الشر.. صمتت لتدرك ما تفوهت به لتلعن نفسها بشده علي تسرعها ..

ليبتسم سليم فهو يعلم أنها قالتها بتلقائية ومن المؤكد أنها تسب نفسها الان ..

_أخرجي يا شمس احسن ..

_سليم انا مش هقبل العيشه دي حتا لو كنت ......

_حتا لو كنتي اي يا شمس ليصمت .. لو كنتي بتحبيني صح ..

شمس بقوه.. لا يا سليم مبحبكش ..

_بتضحكي علي نفسك ولا عليا ..

_مش علي حد يا سليم انا بقول اللي حساه اتجاهك دلوقتي .. مش عايزاك خلاص مبقتش تفرق معايا في شيئ نهائي ...

لينظر لها سليم بعمق.. اممم يبقا احسن بردو مش عايز أفرق معاكي اصلا لنفس السبب اللي قولتيه، مش هماني  ...

لتنظر له بألم... صدقني يا سليم علي قد ما كنت حباك .. لتصمت وهي تحاول أن تجمع كلامها لكي لا تبان ضعيفه له .. علي قد ما حبك اتحول لقلبي مش عايزه اقولك كره .. عشان كده يبقا انتا فارقلي .. لأ اتحول للامبالاه، يعني وجودك بقا زي عدمه في بظبط ..

قالت جملتها وخرجت من الغرفه سريعًا قبل أن تنهار أمامه لا تريد.. أن يشاهدها وهي في أكثر الأوقات ضعفًا لها... ما أستمع سليم الي جملتها شعر بغصه في قلبه.. لا يصدق أنه فقد حبها .. ولكن ماذا يريد بعد أن فعله بها.. حسنًا الحل الوحيد الذي ينفع الان.. هو انفصال كلاهما عن بعض ....

وعلي الجهه الأخري كانت تجلس الام ..

الاب. مالك يا سميره، مش قاعده علي بعضك ليه ..

الام. بنتي يا عز مش مطمنه، ويزن كان عندها امبارح وبيقولي كويسه بس انا مش مطمنه ليه ...

الاب. اهدي بس شويه كده ونروح ليها المهم انتي تبقي مرتاحه ..

الام. ايوه انا لما هاروح ارتاح، نادين اتصلت بيا بردو اكيد فيها حاجه يا حبة عيني.. والله لو في حاجه بسبب سليم.. مش هخلي فيه حتا سليمه ...

الاب. مفيش حاجه أن شاء الله مسبقيش الأحداث ..

الام بقلق. أن شاء الله ...

وعلي الجهه الأخري كان يجلس سليم في غرفته شارد الذهن في شمس ولكن مهلًا مهلًا من الذي أوصل شمس الي المشفي هذه الحلقه مفقوده ويجب أن يعلمها ...

_شمس افتحي الباب ..

لتبتلع شمس ريقها تحاول أن تجعل صوتها طبيعي من أثر البكاء...عايز اي يا سليم ..

_بقولك افتحي الباب عايز اقولك حاجه ..

_فتحته يا نعم ..

_مين وداكي المستشفي ..

لتقول بعدم اكتراث.. يزن ..

سليم بغضب.  وده يوديكي ليه اصلا وايه اللي جابه هنا ..

_هو اي اللي بتقوله ده .. اللي بتتكلم عنه ده اخويا ويجي وقت ما هو عايز .. هو جه قومت اعمله حاجه يشربها اغمي عليا ولما فوقت قالي أنه رايح الشغل عشان محتاجينه في القسم ضروري وبعدين انتا جيت ..

_طب بصي بقا عشان نبقا صارحين كده.. دكر غير ابوكي يخش الشقه دي وانا مش موجود هتزعلي مني يا شمس .. وبصراحه كده انا مش برتاح ليزن ده من ساعة ما خطبتك يا شمس ..

_لا يا سليم موصلتش للدرجه.. اكيد مش هتمنعني من رؤيه اخويا ..

_انا اعمل اللي عايزه انتي فاهمه ..

كادت أن ترد عليه ولكن طرقات الباب منعتها ليذهب سليم لكي يفتح ..

 وما انتشله هي طرقات الباب ...

_اي اللي جابك ..

يزن بابتسامه..الله مش قولتلك هتشوفني كتير، فين اختي بقا  ..

لياتيه صوتها.. انا هنا يا يزن ..

يزن. عامله اي دلوقتي يا قلبي ..

شمس بابتسامه.. كويسه احسن كتير الحمد لله ..

يزن. الدكتور قالك اي ..

كادت شمس أن تجيبه وتحكي لها جميع ما حدث معها ولكن سليم قال... ضعف عندها ضعف يا يزن ...

لتنظر شمس له بزهول شديد فهي كانت أن تقول لاخيها جميع ما حدث معها ومن المؤكد أنه كان سيسمعها عكس ما فعل سليم ...

شمس. هقوم اجبلك حاجه تشربها ..

يزن بسرعه. لا اقعدي يا شمس عشان متتعبيش تاني وأنتا يا استاذ اختي تخلي بالك منها لاحسن أخدها اوديها لاهلها احسن أنتا سامع ...

سليم بغضب من حديثه.. مش انتا اللي هتقولي اعامل مراتي ازاي يا استاذ ...

يزن. لا انا اللي اقولك يا استاذ وفيها اي يعني ..

لياتيه مكالمه ..

يزن. للاسف مضطر امشي ناجل نقشنا لوقت اخر ...

شمس. اقعد شويه يا يزن انا محتجاك ...

ليستشيط سليم من جملتها تلك ..

يزن. اسف يا قلبي هيجيلك تاني وده وعد بس محتاجني في القسم في مهمه صعبه ولازم ابقا موجود ..

شمس. ربنا يقويك يا عيوني ..

ليخرج يزن من المنزل وظل سليم يقف ينظر لها بغضب كانت أن تدلف غرفتها لكي تتلاشي نظراته ولكن امسك ذراعها بقوه ...

_كلمات الغزل اللي ماشيه تقوليها دي مسمعهاش منك تاني ..

شمس بانزعاج.. سليم انا مش قدرالك صدقني الشغل ده انا مش عايزاه.. اخويا هعمله زي ما كنت بعامله قبل ما تدخل حياتي ...

_وانا دخلتها يبقا في فرق ..

_في فرق ده لما يبقا شخص انا معرفوش ساعتها انتا ليك حق تتكلم اومال ده اخويا افهم بقا ...

قالت جملتها لتسحب يديها منه بقوه وتدلف غرفتها وتغلق الباب بقوه لكي يعلم أنها غاضبه منه ....

ما أن دلفت غرفتها حتا وجدت هاتفها يعلن عن اتصال ....

_الو يا نادين ...

_اي يا شمس برن عليكي مش بتردي ليه انا قلقت عليكي ..

_معلش يا عيوني اسفه مكنتش فاضيه ..

_شمس انتي كويسه ..

لتحاول شمس أن تسيطر علي دموعها فهي من الأشخاص أن أحد سألها عن ماذا بها لا تستطيع أن تمسك دموعها .....

_اه الحمد لله يا قلبي متشغليش بالك انتي ..

_طب انتي وسليم كويسين مع بعض ..

_اه الحمد لله ..

_متاكده يا شمس ..

_خلاص بقا وانتي عامله زي المفتش كرومبو كده مش ساكته ما قولنا كويسه وزي القرده كمان ..

_ربنا يديمك كويسه عالطول ..

_هتنزلي مصر امتي ..

_مش هينفع انزل دلوقتي خالص أن لسه نازله ساعة فرحك.. ودي يعتبر اجازه مش هعرف اخد زيها تاني ..

_مش عارفه اي لازمة سافرك بس... ما انتي مدرسه كنتي خليكي في اي مدرسه هنا بدل وجع القلب والسفر ده ..

__انتي عارفه اني بحب المانيا وده سبب سافري ...

ياستي ربنا يخليكوا لبعض ..

_ويخليكي ليا.. هقفل معاكي دلوقتي ..

_اشطات سلام ...

لتجلس شمس وهي تفكر في شيئًا ما، لتقوم من جلستها وتتوجه الي غرفة سليم لكي تقول له عن ماذا يدور في عقلها عذرًا فهي ستقول عن ماذا فكرت ولم يهمها رأيه ...

_شمس وهي تاخذ نفسها بقوه لكي تقول له عن ماذا قررت...سليم انا قررت...... .

سليم. بغضب. مستحيل يا شمس مش موافق ...

يتبع الفصل السادس  اضغط هنا

   •تابع الفصل التالي عبر الرابط التالي:-"رواية انتقام خارج حدود المنطق"اضغط على اسم الرواية