رواية خطايا الماضي البارت الخامس 5 بقلم اية عامر
رواية خطايا الماضي الفصل الخامس 5
رحيم: دي ورقة طلاقنا...
ندي بدموع: تمام.. هاتها كده..
رحيم مد ايده بالورقه لندي ف أخدتها منه وقطعتها قدام عنيه...
ندي: مش همشي من هنا.. مش هسيبك..
رحيم: اسمعي ي ندي.. انا بتكلم معاكي بهدوء.. انا مش هساامحك ومش هنسي.. هتمشي من هنا بعد م تعملي التحليل انتي وعمي وبعدها هبعتلك ورقتك وهتاخدي حقوقك..
لأن لو فضلتي هنا هتشوفي أسوء ما فيا..
ندي: هفضل هنا..
رحيم بغضب: افتكري ان انتي اللي عملتي كده في نفسك...
شدها من ايدها بغضب وخرجها من الأوضة..
رحيم بغضب: نص ساعه تجهزيلي الغدا وتكوي هدومي عشان عندي اجتماع برا الشركه.. ومش مستعد اتأخر بسببك..
ندي: حاضر.... هنزل احضرلك الغدا..
رحيم بغضب: استني هنا.. اكوي للهدوم الاول عشان البس قبل م انزل..
ندي: حاضر...
دخلت ندي طلعت هدومه وهي بتترعش من عصبيته الزايدة دي و وقفت تكويهااا...
وهو قعد قصادها علي اللاب توب بتاعه.... وندي بصتله بحب وهي بتكوي...
ندي في نفسها: عارفه انك مش عايز تطلقني وإلا مكنتش هتستني ورقه عشان تنفصل عني وكنت قولتها..
عارفه انك متأكد ان قلبي كان ليك في كل وقت..
خالد مشي ناحيه الباب وهو مصدوم من أبوة...
خالد: اتجوز مين!!
شريف: ريم.. دي ورثها لوحدها اكبر من شركتنا دي.. وكمان هنقدر نضغط بيها علي رحيم يرجع حقنا...
خالد بغضب: ي بابا هو احنا حالنا ماله.. ليه باصص للي في ايد غيرك.. احنا في نعمه كبيرة وعايشين احسن من غيرنا بكتير... ليه الطمع اللي فيك ده...
شريف بغضب: خالد! اتكلم مع ابوك بإحترام..
خالد بغضب: اسف ي بابا.. واسف بس مش هقدر اتجوزها.. مش هقدر..
شريف بغضب: عشان البت الفقيرة المعدمه اللي انت متجوزها من روانا...
خالد بصدمه: انت عارف!!!
شريف: ايوا عارف.. بس قولت اهو شاب وبيتسلي...
خالد: انا مبتسلاش بيها..دي مراتي علي سنه الله ورسولة..
شريف بسخرية: دي حته عيلة في ثانوي.. ضاحك عليها بكلمتين وشاريها بقرشين من أهلها...
خالد: متقولش ليه ان هما اللي باعوها.. انا بحميها منهم..
شريف: خلاص احميها هو انا كنت اتكلمت بس ليك تتجوز غيرها..
خالد بغضب: لا ي بابا لا.. انا مش هتجوز ريم واعمل اللي انت عايزة...
شريف: يبقي تطلع برااا بيتي وبرا شركتي ولا انت ولا أعرفك..
خالد بغضب: تمام ي بابا.. تمام انا همشي...
خالد خرج من الشركه وهو متعصب وأخد عربيته ورااح علي شقته اللي اشتراها عشان تعيش فيها ملك مراته...
فلااااش باااك...
بنت مراهقه بتجري في الشاارع وهي مرعوبة الساعه واحدة بليل...
والمطر بيصعب حركتها أكتر وأكتر... وقعت علي الأرض وأختلطت دموعها بالمطر..
ملك: لية ي رب اللي بيحصل فيا ده... لي أهلي يكونوا بالقسوة دي.. ي رب انجدني منهم ي رب...
خالد وقف عربيته لما شافها من بعيد وصعبت علية.. خرج من عربيته ومعاه شمسية فتحها عشان المطر و وقف جمبها...
خالد: انتي كويسه ي انسه...
ملك ببكاء: انتي شايف اني كويسه؟
خالد: أنا شايف ان في جرح في راسك وطرحتك كلها د*م...
ملك حطت ايدها علي راسها في اتألمت..
ملك: انا مش فاكره انا اتعورت امتي...
جه ابوها من رواهم وهو متعصب وباين الشر في عينيه...
رضا: انا هفكرك ي روح امك.. انتي بتجري مني والله لأربيكي من اول و جديد...
خالد مسك ايديه قبل م يمدها علي ملك اللي انكمشت من الخوف تاني في نفسها....
خالد: حضرتك والدها!!
رضا: أيوه..
خالد: طب انا شايف انكوا تحلوا المشاكل بهدوء ومفيش داعي انك تستخدم العنف..
رضا: انت هتعلمني اربي بنتي ازااااي!!
خالد بغضب: والله بالطريقه دي اه اعلمك... بنتك بتموت قدامك..
رضا: مش هتموت الا.. الا...
ملك بخوف: الا لما تقبض حقها..
خالد بصدمه: حقها!!!
رضا: بقي انا مجوزك جوازه تحلمي بيها وانتي بتعصيني..
خالد: ااه واضح.. هيديك كاام!!
رضا بغضب: انت بتقول اااي؟
خالد بغضب: بقولك هيديك كام م خلاص اتكلم بدال فاهمين بعض..
رضا بضيق: 200 ألف...
خالد بسخرية: مش قولتلك.. خلاص سيبها وهديك فوقهم 100...
رضا: انا اديت الرااجل كلمه..
خالد: خلاص اخسر بقي مية ألف عشان الكلمة...
رضا: بس هتتجوزها..
خالد بصدمه: اااي!!!!
رضا: ايوا اومال انت فاكر اااي انا كنت هجوزها مش هبيعها..
خالد سحب ملك من ايديها بعيد عنه..
خالد: انت متأكده ان الراجل ده ابوكي..
ملك ببكاء: حظي الاسود..
خالد: بس انا مش هقدر اتجوزك..
ملك ببكاء: وحياة أغلي حاجة عندك م ترجعني معااه.. اكتب عليا قدامه وصدقني هينسااني.. اخواتي اتجوزوا وميعرفش عنهم حاجه مهو خلاص خلص منهم وساعتها طلقني ومش عايزة منك حااجه...
خالد: ده اي الورطه السودة دي..
ملك ببكاء: مش ورطه ولا حاجه شهر ولا اتنين وطلقني بس والنبي مترجعنيش معاااه..
خالد بضيق: طيب..
رجعوا الاتنين ل رضا و وقفوا قداامه....
خالد: خلاص موافق..
رضا: يبقي يلا ع المأذون..
خالد: دلوقتي!!!!
رضا: ايوااا انا كنت خلاص هخلص منها النهاردة...
خالد: وهتحيب مأذون منين دلوقتي..
رضا: انا هتصرف...
باااااك...
خالد دخل لشقته ولقي ملك قاعدة قداام التليفزيون وبتاكل فشار...
ملك اول م شافته اتخضت لانهم بقالهم أربع شهور وهو مطلقهاش بس مكانش بيروحلها خالص غير مره في الشهر يديها فلوس...
خالد: هي دي المذاااكره!! انتي ثانوية عااامه ي اما..
ملك: والله انا زهقت قولت اتفرج علي فيلم او اي حاجه..
خالد: اتمني..
ملك: احم.. هو انت جاي لي..
خالد: تخيلي جاي بيتي!.
ملك: ااه بيتك طبعا مش قصدي والله بس اصل انت مبتجيش غير مرة في الشهر...
خالد: ااه م انا قاعدلك هنا خلاص..اي الريحه الحلوة دي انتي طابخه..
ملك بتوتر: قاعد هنا!!!
خالد وهو دااخل المطبخ وهي ورااه...
خالد: اتخانقت مع ابويا وطردني من البيت والشركه.. وكلمت واحد بيشتغل عندنا يجيبلي هدومي علي هنا و زمانه جااي..
ملك بتوتر: يعني انت هتقعد هنا!!
الباب رن وهي علي نفس صدمتها...
ملك: هروح افتح...
خالد: اااي.. تعالي هنا.. هو انتي بتفتحي للناس كده!!!
ملك بتوتر: ايوا.. اااا.. لا لا طبعا بس انا مبيجيليش حد أصلا..
خالد بغضب: خليكي هنا متخرجيش..
..........
رحيم بغضب وهو داخل للمطبخ: هو كل ده الغدا مخلصش.. خلاص انا مااشي..
ندي: لا خلاص خلصت استني متمشيش...
رحيم: ي رب نخلص....
مسكت معلقه سخنه سيباها بالغلط جنب الناار... وصرخت لما مسكتها..
رحيم: في ااااي!!
ندي بتوتر: مفيش.. مفيش حاجه...
رايحه جايه في المطبخ بسرعه وهي محتاسه بتجهز أكله اللي طالبه وهي مستعجلها وايديها محروقه...
رحيم بغضب: ندي اااثبتي..
ندي بدموع: انا خلاص خلصت اهوه.. دقيقه واحده..
رحيم بغضب من نفسه: هاتي ايديك..
ندي: انا كويسه متقلقش..
رحيم مسك ايديها وشدها تحت الماية الساقعه وسابها شوية وهي بتعيط...
بإيديها التانيه مسحت وشها بالماية وبتحاول تهدي...
فتح الفريزر وأخد قطعه تلج وحطها علي ايديهااا..
رحيم: أقعدي وخليكي ماسكاها...
ندي قعدت وهو طفي النار علي الأكل وغرف الأكل علي سفرة المطبخ...
أكل وهي فضلت ساكنه مكانها وبتبصله ومطلبش منها تاكل ( علي اساس مش مهتم وكده ي اخي اتنيل)
رحيم: ماما فين؟
ندي: من شوية بدر وصل هو و ريم وماما طلعت معاها تظبط اوضة ليها؟
رحيم: و والدتك مشيت!
ندي: من شوية..
رحيم: مش كانوا قالوا هيتغدوا سوا!
ندي: مكانش في أكل جاهز وطلبوا من برا بس ماما مشيت عشان.. عشان....
رحيم: عمي قالها تمشي..
ندي: أيوا...
رحيم: انا همشي عشان إتأخرت...
ندي بدموع : رحيم!... حاول تسامحني.. صدقني كل حاجه كانت غصب....
رحيم بمقاطعه: كلة بإرادتك مفيش حاجة كانت غصب...
سابها وخرج من المطبخ ومن الفيلا كلها...
..............
عزيز: ده رقم العربية اهو اعرفلي صاحبها واعرف متجوز ولا لا.. ولو متجوز اعرفلي مراته وكل حاجه عنها...
أكرم: اعتبره حصل ي باشا..
عزيز: عملت ااي مع عزت الزفت..
أكرم: بعت الراجل بتاعه وطالب نقعد ونعمل معاهده سلام بينه وبين شريف السيوفي..
عزيز: شريف السيوفي اي ده اللي اعمل معاه معاهده.. مش ده اللي انت كنت شغال معاه..
أكرم: ايوا ي باشا.. بس شغله تعبان ومش دارس الشغلانه...
عزيز: لا مش تعبان ده ماشي كويس..
أكرم: ي باشا ده ابنه الكبير هو اللي ممشي الشغل برا..
عزيز: سليم السيوفي..
أكرم: ايوا ي باشا..
عزيز: يبقي نشتغل مع سليم انا مبحبش الأغبيا..كلم عزت وقله صفقه السلاح مع سليم لو هيقدر عليها يبقي تمام..
أكرم: حصل ي باشا..
عزيز: انا وصلت القصر مش عايز اي اتصالات تاني مفهوم..
أكرم: مفهوم ي باشا..
دخل القصر وكانت تسنيم واقفه في المطبخ مع الخدامه وبيهزروا سوا..
عزيز بغضب: تسنيم.. اي اللي مقعدك عندك!
تسنيم: ملقيتش حاجه اعملها ف جيت قعدت مع هدي شوية..
عزيز بغضب: انتي اميرة القصر ده عارفه يعني اي يعني متعقديش مع خدم انتي فااهمه..
تسنيم: عادي ي عزيز انا بس مكنتش لاقية حاجه اعملها..
عزيز: بردو متقعديش مع خدم ولا تدخلي مطبخ أصلا..
تسنيم: حاضر...
عزيز: عملتي اي في اول يوم في الكلية..
تسنيم: اليوم كان جميل اوووي ي عزيز واتعرفت علي بنت قمورة اووي اسمها ريم..
عزيز افتكر ريم عرف اسمها لما بدر قاله وقت اما اتقابلوا واتعصب لما افتكر الموقف...
عزيز: متثقيش في اي حد تشوفيه.. متثقيش في حد أصلا..
تسنيم: علفكره هي طيبه..
عزيز: مش من يوم واحد ي حبيبتي هتعرفي انها طيبه...
تسنيم بضيق: طيب..
عزيز بإبتسامه: طب قوليلي بقي كنتوا بتعملوا أكل اي!!
تسنيم: بيتزااااا... كان نفسي فيها وعملناها..
...........
في المساااء.....
رحيم رجع بعد تعب في الاجتماع والشركه...
دخل أوضته لقي النور مطفي.. وأضواء الشموع هي اللي منورة المكان...
والشباك مفتوح ونسمات الهوا قابلت وشه أول م دخل...
والورد في كل مكان باللون الأحمر والزهري....
وندي واقفه بفستان سهرة باللون الأسود... بتفرك في ايديها بتوتر وبتحاول تبتسم...
ندي: ممكن تسمعني...
رحيم: مش هقدر انسي حتي لو انتي مش غلطانة.. حتي لو انتي بريئه...
ندي: لا.. انا مش بريئه.. انا فعلا غلطانه بس اسمعني..
رحيم: تفتكري من حقي اني ألومك انك محافظتيش علي نفسك حتي رغم ظروفك...
ندي ببكاء: والله العظيم انا قلبي محدش ملكه غيرك... ندي اللي واقفه قدامك مش هي ندي المراهقه اللي عندها 16 سنه اللي هربت من دار الأيتام...
رحيم: هربتي!!
ندي: ايوا هربت.. معاه.. كنت مراهقه.. لسه صغيرة ي رحيم.. انا كنت كل سرقه بعملها كانت عشان مش لاقيه أكل..
كنت زيي زي اي بنت عايزة بيت و زوج وحياة مستقرة...
بس مفكرتش مع مين بقي ومكانش فيه غير أكرم..
وعدني فعلا بالجواز.. انا لا كنت بدور علي حب ولا حنية.. كنت تعبت وعايزة ارتاح...
بس التمن كانت الشغل ده.. كل عملية يوعدني انها هتكون الأخيره...
لحد م جه قالي عنك ووعدني تاني انها الاخيرة وانه هيخلي اللي كلفه بالشغل ده يجيبله وظيفه محترمه وليا انا كمان ودي كانت بالنسبة ليا حلم كبير اوووي..
انا كان نفسي مسرقش.. كان نفسي اكون محترمه.. كنت ممكن استحمل بس اترسملي أحلام كبيرة أوي كان نفسي تتحقق...
بس لحد م جه قالي اني لازم اتجوز غيرة... عرفت انه مش عايزني وبيلعب بيا.. بس بردو كملت عشان ببساطه مكانش ليا غيرة...
قالي انه جواز علي ورق بس مش أكتر...
جيت واشتغلت معاك وفعلا انت خليت سكرتيرتك تسأل عني وعن أهلي وانت عرفت اني يتيمه وطلبت ايديا...
خلاني اتصرف طبيعي زي اي بنت وخدت وقت علي اساس افكر و فعلا وافقت...
وافقت وانا من جوايا مكنتش عايزااك بس في نفس الوقت عمري م حسيت رااحه بالشكل ده مع حد...
عشت معاه في بيت واحد بس كنت بقفل باب اوضتي وانا خايفه منه وقلقانه مع اني عرفاه من سنين..
بس لمجرد اني كنت بشوفك كنت بحس بالأمان..
جيت البيت ده و والله من أول يوم شوفت حنيو والدتك عليا.. وادتني كلمه ماما اللي اتحرمت منها كتير... بدأت ارجع وافكر بقلب وبعقل ندي مش بتملك أكرم... قولت خلاص هقول لأكرم اني معرفتش اخد منك الأملاك او اقدر حتي اوصلها...
بس حبيتك.. في فترة قليله اوي وقعت في طيبتك وحنيتك عليا.. وعرفت اني محبتش غيرك...
ايوا كنت عايشه مع أكرم بس عشان مكانش معايا فلوس اعيش لوحدي..
بس عمره م لمس مني شعره واحده... ايوا مكنتش محجبه ولا حتي كنت متدينه بس عمري م حسيت براحه زي اللي كنت بحسها وانت بتصلي بيا إمام... وتسبح علي ايديا وتقرأ قرأن بصوتك..
يمكن لو كان حد عملي كده وانا صغيرة كنت بقيت الملتزمه اللي انت كنت بتتمناها..
وأيوا ندمت اني بنيت أحلام اكبر مني وهربت من دار الايتام قبل السن القانوني..
بس حتي بعد اللي حصل في علاقتنا انا مش ندمانه ابدا اني حبيتك.. ولا عمري ندمت اني مرات رحيم السيوفي...
اللي بتمني انه يفهم اللغبطه اللي مريت بيها ويسامحني.. هتسامحني؟
رحيم:....
- تابع الفصل التالي عبر الرابط: "رواية خطايا الماضي" اضغط على أسم الرواية