رواية فقدان مؤقت الفصل الخامس 5 - بقلم سلمى أشرف
رواية فقدان مؤقت الفصل الخامس
دكتور حاتم : مادام جاية مبسوطة يبقي في اخبار حلوة
ليلي بفرح : لقيت حسام قصدي هادي
دكتور حاتم : امم طلع اسمه هادي ؟
ليلي : أيوة وقعدنا واتكلمنا .
وحكتله ليلي كل حاجة حصلت بالتفصيل
دكتور حاتم بجدية : وبعدين ي ليلي ؟
ليلي باستغراب : مش فاهمة
دكتور حاتم : أنا سبتك تدوري علي هادي عشان انتي مكنتيش هترتاحي غير بعد ما تلاقيه . ودلوقتي أنا بسألك العلاقة دي هيكون شكلها ازاي !
ليلي بتوتر : مش عارفة
دكتور حاتم عدل نضارته : مينفعش ي ليلي انتي بتتعاملي مع هادي أنك بتحبيه بس هو مش اكيد أنه بيتعامل معاكي علي نفس الاساس ده يعني ممكن بيتعامل انكم هتبقو أصحاب مش اكتر ! وقتها انتي رد فعلك اي
ليلي بتوهان : أنا مفكرتش في كده خالص بس مش انت قولتلي أن بيني وبينه ترابط أرواح !! يعني ممكن يكون بيحبني زي ما بحبه !
دكتور حاتم: مش بالضرورة ي ليلي ناس كتير بيحصل بينهم تآلف في الأرواح بس هل ده معناه أنهم لازم في الآخر يحبو بعض ويتجوزو !!
ليلي : اكيد لا مش بالضرورة .. حاسة اني تايهه ي دكتور ومش فاهمة أنا دلوقتي المفروض اعمل ومش عارفة أنا بحبه دلوقتي والا اي
دكتور حاتم : خدي وقتك ي ليلي عشان تقدري تستوعبي كل حاجة حصلت وهتحصل ومتوتريش نفسك وحاولي تفصلي شويه من موضوع هادي ده لحد ما تعرفي انتي المفروض تتصرفي ازاي صح !
ليلي بتنهيدة : حاضر ي دكتور
..
روحت ليلي لقت يزن ومحمد وبباها قاعدين مع بعض
ليلي بابتسامه : مساء الخير
يزن : اهي جت تعالي نجهز الاكل عشان نأكل كلنا كده
محمد بابتسامه : يزن جهز انت الاكل عايز اتكلم مع ليلي شويه
بباهم : طب تعالي ي يزن اساعدك أنا ونسيبهم شويه مع بعض
ليلي : خير ي قمر في أي
محمد : حبيبتي متزعليش اني بعيد عنك شويه الفترة دي عندي ضغط شغل جامد بس هعوضك عن كل ده هاخد افسحك بكره
ليلي بفرح : بجد
محمد : اه ي يختي ويزن هيقعد معاكي يعرفك تفاصيل كتير حصلت في السنه اللي عدت عشان تعرفي اننا مش سايبينك ولا حاجة
ليلي قامت حضنت محمد
ليلي : لو لفيت الدنيا مش هلاقي اخوات احسن منكم
ابوهم : الله الله !!! ملكيش غيرهم يعني !!
ليلي بضحك : ده انت الخير والبركة ي بابا
ابوهم بغيظ : طيب ي ستي شكرا كفاية
محمد بضحك : اي ي بوب متبقاش افوش
ابوهم : قوم يلا ساعد اخوك أنا مش هعمل حاجة تاني
محمد : حاضر ي حج وبعدين انت بتعمل حاجة اصلا
ابوهم : اه ي حيوان تعالي هنا
قام محمد جري وبص لقي أبوه بيبص ل ليلي وهي بتضحك عليهم
ابو ليلي : عاجبك اوي ياختي
ليلي بضحك : الصراحة اه
وقامت قعدت جنبه وحضنتنه
ليلي بارتياح : بهزر معاك ي بوب بقالنا كتير مضحكناش كده
ابو ليلي : عشان البيت كان وحش من غيرك
ليلي : يديمك لينا ي بابا
قامو واتعشو سوا وسهرو يسمعو فيلم مع بعض وليلي حضرتلهم تسالي وحلويات وكانت أول مرة من فترة طويلة اوي يقضو وقت حلو سوا ❤️
..
صحيت ليلي علي رن تليفونها لقت هادي بيرن عليها
ليلي بنوم : صباح الخير
هادي : صباح الفل عاملة اي
ليلي : الحمد لله
هادي : لسه نايمة ؟
ليلي : اه سهرت جامد امبارح
هادي : طب البسي ونتقابل في نفس الكافيه نفطر سوا عشان عايز اتكلم معاكي في حاجة
ليلي : حاضر هو حصل حاجة يعني ؟
هادي : لا متقلقيش بس في حاجة لازم نتكلم فيها
ليلي : ماشي هفوق كده والبس وارن عليك نتقابل
..
هادي : ليلي انتي في حاجة من ناحيتك ليا ؟
ليلي بتوتر : لا يعني هيكون في أي
هادي :طيب بصي ي ليلي أنا مش بفكر في خطوبة وجواز مفيش مشكلة نبقي صحاب لكن حب وكده أنا بصراحة مليش في الكلام ده خالص .. فبما أنه مفيش حاجة من ناحيتك ليا يبقي معتقدش أن عندك مشكلة أننا نبقي صحاب صح ؟
ليلي وهي بصاله وساكته : ليه نتصاحب ؟
هادي بتوهان : أنا مفيش مشاعر من ناحيتي ليكي وفي نفس الوقت مقدرش اسيبك يعني حابب نكون صحاب أو اديني فرصة يعني افهم حقيقة مشاعري الاول .
ليلي : هادي أنا ملغبطة ومعرفش فيه مشاعر من ناحيتي ليك أو لا ساعات بحس كده وساعات لا فاهمني ؟
هادي : فاهمك وعشان كده بطلب منك ندي لعلاقتنا دي فرصة ممكن ؟
ليلي بابتسامه : ممكن ❤️
هادي مسك أيدها وطبطب عليها ❤️
هادي بارتياح : شكرا ي ليلي أنا حقيقي مش عارف اقولك اي بس مكنتش حابب انك تبعدي أنا عارف انه بمرور الوقت هتكوني حاجة حلوة اوي في حياتي
ليلي بكسوف : أنا هنا مش همشي❤️
يتـبـــــــــــــــــــــــع الفصل السادس اضغــــــــط هنا
الفهرس يحتوي على جميع فصول الرواية " رواية فقدان مؤقت " اضغط على اسم الرواية