رواية فقدان مؤقت الفصل السادس 6 - بقلم سلمى أشرف
رواية فقدان مؤقت الفصل السادس
ليلي قابلت دكتور حاتم وحكتله كل اللي حصل بينها وبين هادي ..
دكتور حاتم : ليلي .. انتي مرتاحة كده ؟
ليلي باستغراب : مش فاهمة قصدك
دكتور حاتم : بصي .. اللي فهمته من شخصيتك انك مش بتاعة مصاحبة والكلام ده .. وده معناه أنه في مشاعر من ناحيتك تجاه هادي في نفس الوقت اللي هادي اعترفلك أنه مفيش مشاعر من ناحيته ليكي .. انتي واعية للي عايز أوصلهولك ؟
ليلي : بس أنا متأكدة أنه هيحبني مش بينا تآلف أرواح ؟
دكتور حاتم : افهمي ي ليلي مش معني أنه فيه تآلف أرواح بينك وبين حد يبقي ده شريك حياتك خلاص ! وحاجة كمان أنا شاكك فيها أو بنسبة كبيرة متأكد منها
ليلي بتوتر : حاجة اي
دكتور حاتم : أنه وارد اللي بينك وبين هادي ميكنش تآلف أرواح
ليلي بتوهان : مش فاهمة حاجة وليه بتغير كلامك
دكتور حاتم : ليلي في حاجة عايز اعرفها انتي ليه افترضتي أن حسام اللي بتدوري عليه هو هادي !! يعني قصدي أن الاسمين مختلفين تماما عن بعض ! وهل حسام اللي شوفتيه في الحلم هو نفس شخصية هادي ؟ومن حيث الشكل هو هو ؟
ليلي بضياع : أنا مفتكرش غير ملامح بسيطة من شكل حسام .. وقولت أنه هادي عشان حوار الكتاب اللي رشحهولي يعني قصدي أن مقابلتي مع هادي في معرض الكتاب حصلت في الواقع وفي الحلم فده اللي خلاني اقول أن حسام هو هادي
دكتور حاتم : وليه مفترضتيش أن الأمور تداخلت عليكي وان حسام مش هو هادي !!
ليلي بصدمة وضياع : مستحيل !!! أنا مش هقتنع باللي بتقوله ده ومش هدور تاني علي وهم انت افترضته.
دكتور حاتم : اهدي ي ليلي أنا شايف أن هادي مش هو الشخص اللي انتي حلمتي بيه .. وده واضح شويه من بعض التفاصيل اللي ذكرتيها واللي بتبين أنه هادي مش هو نفس الشخصية اللي انتي حكتيلي عنها في الحلم ! انتي مش هتدوري علي حد تاني ي ليلي بس لازم تحددي علاقتك ب هادي عشان كده هيتسبب في أذية ليكي عشان بتحبيه لكن هو مبيحبكيش
ليلي بكدب : وانا مش بحبه ولا حاسة بأي حاجة من ناحيته
دكتور حاتم ساخرا : امال كنتي بتدوري عليه لي ؟
ليلي بعصبية : عشان عايزة اعرف ده حقيقة والا وهم
دكتور حاتم : وبعدين ؟
ليلي : لو افترضنا أن كلامك صح ليه هادي بيحلم بيا ؟
دكتور حاتم : وارد عشان كان جزء من حلمك ..
ليلي بتفكير : ماشي
دكتور حاتم : وبعدين ؟
ليلي ببرود : أنا هتصرف
دكتور حاتم : زي ما تحبي بس خليكي فاكرة لو وقعتي ف دائرة الحب من طرف واحد هيبقي صعب تخرجي نفسك منها زي ما دخلتي .. خليكي فاكرة ده كويس .
..
عدي شهرين وليلي كل يوم بتتعلق ب هادي وهو اعتبر علاقتهم صحوبية ويزن كان رافض تصرفات ليلي وبيحاول يبعدها عن هادي بقدر الإمكان ..
صحيت ليلي علي مكالمه هادي
ليلي بنوم : صباح الخير ي هادي
هادي بفرحة : صباح القمر عايز اقابلك ضروري
ليلي : حاضر افوق ونتقابل في نفس الكافيه بس صوتك باين أنه فرحان خير حصل اي ؟
هادي : نتقابل وهقولك
ليلي : هقوم البس اهو
يزن : رايحة فين ؟
ليلي : هقابل هادي
يزن بعصبية : ليلي الموضوع زاد عن حده وانا مش عايز اتصرف تصرف يدايقك عشان واثق فيكي لكن ده غلط ومينفعش السكوت عليه
ليلي بتنهيدة : هقابله دلوقتي عشان شكله كده هيعترف بحاجة ولما اجي نتكلم في الموضوع ده
يزن : ماشي ي ليلي أما نشوف اخرتها .
..
ليلي : اتاخرت عليك ؟
هادي بابتسامه : براحتك خالص ولا يهمك طلبتلك النسكافيه بتاعك
ليلي : تسلم يباشا ها اي الموضوع
هادي بفرحة : بابا وافق اني أخطب البنت اللي بحبها
ليلي بتوتر : اللي هي مين ؟
هادي : ياسمين زميلتي في الشغل
ليلي بصدمه : وانا !!!
هادي باستغراب : مش فاهم مالك ي ليلي
ليلي : انت مش قولت ندي لعلاقتنا فرصة وطلبت مني افضل جنبك ؟
هادي : أيوة بس أنا مش شايف علاقتنا غير كده ي ليلي أننا أصحاب وبس
ليلي بتوهان : لي ي هادي ؟ لي مش شايفها غير كده؟
هادي : انتي تتحبي ي ليلي لكن أنا بحب ياسمين وكنت محتاج وقت عشان اتاكد من مشاعري ناحيتها واتاكدت من ده فعلا ! لكن اي دخل الحب في علاقتي أنا وانتي !! من الاول قولتلك أنه مفيش مشاعر من ناحيتي ليكي ؟!
ليلي بدموع وصدمه : عندك حق أنا اللي كنت غبية اني فضلت جنبك عموما الف مبروك ربنا يتمملكم علي خير سلام
هادي مشي وراها : استني ي ليلي
جريت ليلي بره الكافية وهي بتعيط ومصدومة مكنتش مقتنعة بكلام دكتور حاتم ودلوقتي ندمت أنها مسمعتش لكلامه ! وفضلت تجري ورا وهم .
يتـبـــــــــــــــــــــــع الفصل السابع اضغــــــــط هنا
الفهرس يحتوي على جميع فصول الرواية " رواية فقدان مؤقت " اضغط على اسم الرواية