رواية عاصفة القدر الفصل السابع بقلم إيمان المهدى
رواية عاصفة القدر الفصل السابع
خالد. سارة
التفتت سارة له نعم
خالد البقاء لله. أنا آسف وقتها مقدرتش اعزيكى بسبب الحالة ال كنت فيها
سارة بدموع وتوتر. شكرا ياخالد أنا اصلا مرجعتش غير بعد سنه من المصحة
خالد أنا مبسوط أنك تخطيطى ال كنت فيه
سارة بصوت مبحوح. اتمنى. بعد إذنك
خالد لنفسه كان صعب عليكى تتحملى كل ال حصل ربنا يصبرك ويرحمك يا شريف
دخلت سارة الشاليه وكان أحمد ونور ف انتظارها
نور. بسعادة وأخيرا سرسور جابت الأكل
دا أنا عصافير بطنى بتصوصو.
رفعت سارة رأسها وواضح الدموع ف عينها حبت تهرب من اخواتها. بعد اذنكم أنا طالعة ارتاح
نور مالك ياحبيبتى. انت لسه صاحيه من شويه
أحمد ف حاجة ياسارة انت صاحيه مبسوطه اى غيرك ياحبيبتى
سارة بعصبيه. مفيش حاجة أنا بس محتاجة ارتاح.
نور خلاص ياحبيبتى روحى ارتاحى. ولا يهمك وانا هجبلك الأكل لقوضك
سارة بهدوء مش جعانه. بس سيبونى شويه لوحدى
أحمد غمز لنور. وسارة دخلت غرفتها. سيبها بلاش ضغط عليها أكيد اتذكرت ال حصل
نور يارب وقفلها ابن الحلال ال يخرجها من وحدتها وينسيها ال عشته
سارة ف بتذكر بعض لقطات الماضى
كانت سارة بتستقبل زوجها ال راجع من الخارج لانه كان بيخلص صفقه تخص شركه باباها.
ف السيارة
شريف. أنا خلاص مش مصدق. ان كلها أيام وهبقى أب واشيل إبنى ياسارة
سارة. ولا أنا والله ياحبيبى بس يارب يا أستاذ شريف متحبوش اكتر منى وتنسى سرسور حبيبتك
شريف لا طبعا. هو أنا أقدر يا أم عتريس
سارة بضحك حرام عليك ياشريف أي عتريس دى بقا أنا سارة سليمان يتقلها أم عتريس
شريف ياسيدى على التواضع ومال عليها بس تعرفى هتبقى أحلى أم عتريس ف الدنيا
سارة. طيب بص قدامك. يا أبوعتريس.
شريف. طيب مفيش تصبيرة دا أنا حتى جاى من سفر
سارة. بقلق تملكها طيب بص قدامك دلوقتى انت على طريق
شريف. مش هبص غير لما اخد التصبيرة حتى لو هموت بعدها وقرب وقبلها. وليكن القدر كتب كما قال وانقلبت السيارة بهم بعد اصتدامها فى سيارة تخرج بشكل مفاجئ من تقاطع
خسرت سارة زوجها وحبيبها وإبنها ال كان أيام ويشوف الدنيا دخلت ف غيبوبه لشهور ولما فاقت مكنتش قادرة تتحمل مصيبتها دخلت ف اكتئاب ورفضت الحياة حتى انها حاولت الإنتحار اكثر من مرة دخلت مصحة ف الخارج للتأهيل النفسى ومساعدتها ان ترجع طبيعيه وبعد سنتين رجعت مصر. بس بقت شخصية منطويه قافلة على نفسها ودا كان بعكس طبيعتها المسبقه
ف المساء
على شاطئ البحر تجلس مروة ليأتى أدهم من خلفها مستند على عكاز انت قاعدة هنا يارورو وسيبانا
مروة. أبدا ياحبيبى حبيت أقعد قدام البحر. بحس بهدوء غريب لما بتكلم معاه وكأن صديق فاهم ال جوانا
ادهم فعلا البحر دا أفضل مستمع لينا مش بيناقشنا حتى لو كنا غلط احنا مش عايزين مواعظ احنا بنبقى عايزين حد يسمعنا
يحتضنا حتى لو غلطانين ميكنش هجومى يسيبنا نحكى ونطلع ال فينا أكيد وقتها هنرتاح ولما نرتاح هنفكر صح ونعمل الصح. احنا مش محتاجين النصيحة وقت ضعفنا قد ما محتاجين الإحتواء
مروة بدموع ههههه أنا دمعت يا أدهم حرام عليك بس تعرف انك بتعرف تقول كلام حلو ربنا يسعدك يا حبيبى وقبلته من جبينه
كان هناك من يقف خلفهم على بعد أمتار منهم ينظر لهم بإبتسامه. يابخت كل حبيبين متفاهمين كدا بينهم تناغم جميل قاعدين بأريحيه. ربنا يسعدهم. وبنرة حزينه ف صوته الله يسامحك يامايا على عملتيه فيا وتنهد بأسى
أدهم. كنت بتكتبى مذكراتك مش كدا
مروة. أكيد
أدهم. وإيه الجديد ف مذكرات مروة البحيرى
مروة مش قولنا مليون مرة ان دى أسرار ولا إيه
أدهم. ماشى يا مروة أكيد هقرأها ف يوم رن فون أدهم
مروة اكملت ف مذكراتها. وكل شويه تقطع ف ورق وترميه ايه ال بتكتبيه دا مروة افرض ادهم او محمد قرأوا المذكرة اقولهم ايه
أدهم. مروة. عبد الرحمن كلمنى لازم نرجع الشاليه
مروة ف إيه يا أدهم.
أدهم عبد الرحمن. مامته تعبانه ونقلوها المستشفى ولازم ننزل مصر حالا يادوب نجهز الشنط.
رجع أدهم ومروة الشاليه استعدادًا للنزول مصر
صفحة حكآيات إيمى
أحمد راح وقعد مكانهم وكان سرحان ف العيون ال شافها من يومين شاف أكتر من ورقه على الترابيزة كان عنده فضول يعرف البنت كانت بتكتب ايه ف الورقه وتقطعه بعد كدا بعصبيه مسك الورقه بفضول
"" مش عارفة ليه مشيت تجاهه. ووقفت وراه سمعت صوته الحزين وتنهيده كلها ألم وهو بيلوم نفسه على حبه لبنت خدعته وان ندمان على معرفته بيها. كان واضح ان بيحبها بس مش قادر يسامحها على اغلاطها
مقدرتش اسيبه وأمشى من غير ما احاول ان اطمنه وان عوض ربنا افضل أنا عارفة ان الكل بيقول ان مروة مجنونه وان اكلم شاب معرفوش دا بيأكد هبلى بس حقيقى صعب عليا حبه الكبير ال متقدرش. كان نفسى الاقى حد يحبنى كدا
كل ال اعرفه ان رب الخير لايأتى الا بخير""
أحمد كان مصدوم لما قرأ الورق المتبهدل وحاول يجمع المعاني ال قرأها من كتر الشخبطة ال كانت بتتكتب بتردد معقول دى نفس البنت ال كلمتنى طيب ازاى وايه جبها هنا. ازاى مأخدتش بالى منها. يمكن لإنها كانت عطيانى ظهرها وكنت على مسافة منها معرفتهاش أنا لازم اشوفها
خرج يقابل الجارسون. وسأله على الإتنين ال كانوا قاعدين هنا.
الجارسون. أه دى عيله بقالهم كام يوم هنا بيصيفوا بشوفهم كل سنه هنا
أحمد طيب تعرف مكانهم او هما قاعدين فين
الجارسون. لا والله معرفش بس بشوف زميل لينا معاهم على طول تقريبا كدا بيساعدهم وبيهتم بطلباتهم وهو ال كان جايبلهم شاليه الصيف ال فات وبيكرموه على مساعدته
أحمد طيب المهم هو فين.
الجارسون تعالا معايا. هوديك مكان ما بيقعد. وبالفعل. راحوا لعندة. والشاب أكد لأحمد وقاله انهم مشوا من عشر دقايق بشكل مفاجئ
أحمد اتضايق ان خسر مقابلتها كان نفسه يقعد ويكلمها ... دا أنا حتى معرفش عنها غير اسمها بجد اتمنى أقابلك يامروة أنا محتاج أسمع كلامك وتحفيزك ليا بالأخص الفترة دى
بعد عدة أيام أمام منزل أدهم وقفت نور بتوتر رنت الجرس لتقابلها مروة بإبتسامه. اتفضلى يا نور
عبير. نور تعالى يا بنتى نورتينا
نور أنا آسفه ان جيت من غير ميعاد بس مش معايا رقم اتصل بيكم
عبير انت تيجى ف اى وقت يا حبيبتى.
نور أنا كنت عايزة اتطمن على أدهم
عبير. تسلمى يا حبيبتى. بس متأخذنيش يابنتى انت عرفتى مكان بيتنا ازاي
نور. أصل أنا روحت على الشط عند مركب أدهم وسألت الصيادين على عنوان صاحبها
عبير. أه طيب قومى يا مروة نادى على أدهم وانا هروح أعمل عصير.
نور ملوش لزوم ياطنط عبير ازاي بقا تبقى ف بيتنا ومتشربيش حاجة. دا انت هتشربى وهتاكلى كمان زمان محمد جاى ونتغدى سوا ومفيش حاجة اسمها رفض
نور كانت قاعدة بتبص على البيت ال بالرغم من بساطته الا انه مليان دفا ومحبه بين اهله
دخل ادهم وشافها بتبص على حيطان البيت. .. عارف ان مش قد المقام ميلقش ب نور سليمان
نور انت بتقول ليه كدا بالعكس البيت جميل ومريح جدا
إدهم أه عشان كدا بتبصى عليه وكأن صعبان عليكى حال أهله.
نور. عايزة افهمك ان البيت مش بالسوء ال بتتكلم بيه بالعكس دا جميل جداً وكفايه الجنيه ومنظر النيل
أدهم. هو فعلا أجمل مليون مرة القصر الكبير ال لا فيه دفا ولا احتواء
نور ليه بتحضر نيه السوء و تقول كلام على لسانى انا مش قولته ولا ف نيتى اصلا وبعدين أنا رأيى من ان البيت مش بفخامته بالعكس البساطة أجمل
بس كمان حتى البيوت الفخمه. بيكون فيها حب واحتواء بالأخص لو فيها سيدة مجتمع بس مهتمه بيبتها واولادها لإنهم أهم
وماما وبابا طول عمرهم بيحاولوا يخلوا بيتنا مليان بالحب والدفا
أدهم كان خجلان من نور وان دايما بيفهمها غلط أنا آسف
نور. يا ادهم أنا مش متعجرفة زى ما انت بتقول
أدهم طيب ممكن تسامحينى زي ما سامحتك قبل كدا انت وباباكى
نور. ليه سامحت بابا بسهوله كدا بعد كل ال عمله
أدهم لسبب بسيط جدا لو أنا اب ف مكانه وشوفت وسمعت ال كلام ال اتقاله مكنتش هسكت وكنت هفقد أعصابى خصوصا ان منظرك واحنا راجعين كان بيوحى. أن حد اعتدى عليكى
نور أه فهمتك
عبير يالا ياولاد الغدا جاهز. اما أنا عامله حلة محشى بورق العنب هتاكلى صوابعك وراها
نور. كدا كتير وهيبوظ الدايت
عبير دايت ايه بس دا انت عامله زى سيخ الكفته
مروة هههه سيخ الكفته
نور مامتكم عليها شويه هزار
أدهم. ماما بتهزر هي لما بتحب حد بتكلموا بأريحيه
نور أنا عارفة. وقابله هزارك يا طنط ف اى وقت
عبير. شوفتوا اخرجوا منها انتوا وملكوش دعوة بينا. ويالا على الغدا صاحى بابا يا مروة
محمد. غدا من غيرى.
تعالا يا حبيبى حماتك بتحبك
محمد. إزيك يانور عامله ايه نورتينا
نور الله يسلمك يا محمد
التفوا جميعا حول السفرة ومحمود معاهم بعد ما اتعرف بنور وارتاحلها كلهم حاسوا انها مش غريبه عنهم وانها فرد من عليتهم
تعددت اللقاءات بين نور ومروة واحيانا أدهم
بعد اكثر من ثلاث شهور.
ادهم يانور أنا مش قولتلك ما تجيش هنا الصيادين بيبصوا عليكى
نور. ما هو حضرتك مش بترد عليا اعملك ايه
أدهم. نور انت عارفة ان كنت ف عرض البحر واولا ازاي مكنتش برد وانا فونى وقع منى من امبارح
نور قلقت عليك يا أدهم أول مرة مش تكلمنى خلال اليوم
أدهم تقومى تيجى هنا
نور وأجيلك أخر الدنيا
أدهم. نور انت عايزة منى ايه وإياكى تقولى ان صديقك المفضل
نور. بتفرك ف إيديها بتوتر أنا. أنا يعنى
أدهم. انت إيه يانور. اتكلمى
نور. بصراحة بقا أنا بحبك.
#الحلقةالثامنة
بقلم إيمان المهدى
أدهم. نور انت عايزة منى ايه وإياكى تقولى ان صديقك المفضل
نور. بتفرك ف إيديها بتوتر أنا. أنا يعنى
أدهم. انت إيه يانور. اتكلمى
نور. بصراحة بقا أنا بحبك.
أدهم كان بيضحك بعلو صوته ومتجاهل نور ال وشها كان جايب الوان من تصرفه
نور. أدهم انت بتضحك على ايه
أدهم. كان لسه بيضحك بطريقة هستيريه. ودا زاد من عصبيه نور ال دموعها نزلت ومسكته من لبسه أدهم بصلى هنا. وبطل ضحك. انت فاهم أنا قولتلك ايه بحبك يا أدهم أنا نور سليمان بتحبك
أدهم. ......
نور. رد عليا أرجوك
أدهم ........
نور ببكاء وصوت مرتجف. .. مش هتقول حاجة
ادهم كان واقف ساكت. مفيش أي ردت فعل منه
نور بخيبه أمل. عندك حق ... ايه المفترض تقوله ؟
أنا كان المفروض اخجل من نفسى ان اعترف بحبى ليك وانا مش عارفة مشاعرك .... لم تكمل لتجد نفسها داخل أحضان أدهم
أدهم ف نفسه يارب ساعدنى ان ما اكسرش قلبها ولا اكون سبب ف وجعها. ...
أدهم ابعد نور عن حضنه وتكلم بجمود وعيون مدمعه
أنا آسف يانور مينفعش
نور ليه مش بتحبنى
أدهم. أنا أنا
نور مش بتحبنى
أدهم وبعدين هعمل بيه ايه الحب دا مش هينفع
ببساطه. لانك بنت فايد سليمان عضو مجلس الشعب ومرشح للوزارة. وأخت أحمد سليمان. أكبر استسمارى ف الشرق الأوسط وبنت سميرة الشاذلى سيدة المجتمع ال بتساعد الغلابه ال أنا حالى من حالهم. وانت نفسك كام سنه وهتبقى دكتور قد الدنيا ليكى المستشفى الخاصه بيكى دا غير اسهمك ف شركات آل سليمان. كل دا يخلينى اقولك مينفعش
أنا صياد بسيط بحار عنده مركبه عندى مركبه ال بستنى زبون يطلبها يعمل عليها حفله. او يطلع إجازة بيها كان يوم يستجم
أنا مكملتش تعليمى مع ان كنت الأول ف الثانوية العامة بس كان لازم حد يضحى بعد حادثة بابا وعجزه وملقتش فيه أي دخل
مكنتش قادر استحمل محمد ال فاضله أقل من سنتين ويبقى وكيل نيابه يتخلى عن جامعته وعن حلمه كان لازم أنا ال اضحى عشانهم.
وادى النتيجه صياد بسيط وانا مش ندمان بس يوم ما أتجوز أخرى بنت تعليم متوسط واهلهم حالهم من حالى.
نور. انت ليه شايف نفسك قليل كدا. انا ميهمنيش كل دا لا فلوس ولا نفوذ أنا يهمنى انت وبس.
أدهم. خاليكى واقعية يا نور. بصى على حد من مستواكى الفكرى والإجتماعى هو ال هيقدر يسعدك اكتر منى
نور. انا سعادتى معاك يا ادهم. عرفتك من شهور قليله شوفت فيك الرجوله والنخوة وعزة النفس والكرامه وانا مش محتاجة غير السند. ال يحمينى ويقف جمبى من غير ما يكون بيعمل كدا مجامله لبنت فايد سليمان انت ساعدتنى وانت متعرفش هويتى اتعذبت واتهنت من بابا بس سامحت ومفكرتش ف إنتقام لان فاهم معنى الخوف على العيله. بتضحى عشان سعادة غيرك وانا مش عايزة غير أنك تكون سعادتى
أدهم مش هقدر أسعدك صدقينى
نور. أقل القليل منك هيسعدنى يا أدهم
أدهم. آسف يانور
نور أدهم جاوبنى لآخر مرة انت بتحبنى يا أدهم؟
أدهم. بحبك يا نور بس....
نور. يبقى متخسرنيش يا أدهم ببكاء أنا امووت لو مش جمبى ارجوك متكسرنيش ببعدك
أدهم. مقدرش بس أنا
نور. اشششش. اوعدنى ان نكون إيد واحدة منتخلاش عن بعض مهما حصل
أدهم .....
نور. اوعدنى ارجوك
أدهم. أوعدك يا قلب أدهم
بعد كام اسبوع ف غرفة أدهم
تدخل عبير لتجد أدهم أمام المرآة ينتهى من لبسه
عبير أنت خارج يا حبيبى
أدهم. أه يا ماما النهاردة عيد ميلاد نور وعايز اعملها مفاجأة
عبير. هتروحلها القصر
أدهم. وهو يضع برفانه. ولم يلاحظ وجه عبير العابس. لا ياماما هي هتخلص حفلتها ف القصر وتيجى نكمل الحفلة على المركب
عبير لوحدكم
أدهم. هاااا. اااه عادى ياماما دا عشا بسيط وهقدملها هديه وخلاص مش هنتحرك بالمركب
عبير. ودا صح يا أدهم
أدهم. ماما أنا مش بعمل حاجة غلط
عبير. وسهركم لوحدكم مش غلط يا ادهم
أدهم ....
عبير يا حبيبى انت عندك اخت وال هتعمله مع نور هيتعمل ف اختك
أدهم. أنا عارف حدودى ومتخطتهاش لا أنا ولا نور
عبير ولما اخوها يعرف ان اخته سهرانه مع شب غريب على مركب لوحدهم تفتكر هيفكر ازاى لو بتحبها يا أدهم خد خطوة وبلاش تسيب فرصة لحد يتكلم ف حقها
أدهم. خايف ياماما. من أبوها انت فاكرة ان مبسوط بالوضع دا أنا بحبها والله بحافظ عليها من نفسى نور حاجة كبيرة اوووى ف حياتى يا ماما ومستحيل اكسرها او اسببلها ألم
عبير يبقى لازم تواجه الكل عشانها خليك قوووى عشان حبك.
أدهم. حاضر ياماما. بس ارجوكى هروح اقبلها دا أول عيد ميلاد ليها واحنا مع بعض ومتقلقيش. حسن (بيساعد أدهم على المركب) هيكون موجود قريب مننا. خليكى واثقة فيا
عبير. واثقه فيك يا حبيبى. سلم على نور وقولها كل سنه وهي طيبه
أدهم. حاضر يا ماما باى
ف بيت. خالد.
سلمى مالك يا خالد سرحان ف إيه. ال واكل عقلك يا خالود
خالد. سلمى اسكتى أحسن حتى دلعك ز فت
سلمى خلاص مش هقول خالود ينفع معاك لولو
خالد بزهق طيب قومى من جمبى أحسن والله اطلعه عليكى
سلمى. ههههه طيب خلاص هتكلم جد. قولى مالك دا أنا سرك يا أبو خليل
خالد. اللهم طولك ياروح. ماشى ياسلمى انا هحكيلك بس اياكى لسانك دا ينطق بكلمه
سلمى. دا أنا بردوا هااا ماشى احكى. احكى كل آذان صاغيه
خالد. تعرفى شوفت مين من كام شهر لما كنا ف اسكندريه
سلمى. مين.
خالد. سارة
سلمى سارة مين
خالد. هو أنا أعرف ف حياتى كام سارة
سلمى. بتهزر يا خالد سارة. حبيبة القلب
خالد. تقصدى سارة مرات ابن عمنا الله يرحمه.
سلمى انت لسه فاكرها ياخالد
خالد وانا عمرى نسيتها اصلا
سلمى. بس دى مش ليك يا خالد
خالد. حتى بعد موت شريف
سلمى حتى بعد موت شريف. بالعكس دلوقتى بقا مستحيل
خالد ليه بقا
سلمى. خالد. انت حبيت سارة قبل شريف بس حتى حبك دا بابا رفضه لما عرف أنك بتحب بنت معاك ف الجامعة أكبر منك بسنتين عايز دلوقتى وهيا ارمله ابن عمك وخارجة من مصحة يوافق انسى ياخالد بابا مستحيل يوافق وانت عارف
خالد. انت ال بتقولى كدا يا سلمى وانت بنت زيها.
سلمى. أنا معنديش اعتراض على سارة بالعكس سارة بنت مؤدبة وطيبه بس بابا يا خالد
خالد وانا مش هفضل أقول حاضر طول عمرى. عشان خايف منه وهتجوز سارة يعنى هتجوزها
سلمى. وسارة تفتكر هتوافق او حتى بتفكر تتجوز بالأخص أنت ال بتعتبرك اخوه لشريف
خالد. كفايه بقا متقفلهاش ف وشى أنا خارج حاسس ان مخنوق
أدهم. انت فين
نور. ساعة بالكتير واكون عندك
أدهم بزهق نور متجيش الوقت اتأخر
نور. طيب خلاص مش هتأخر هكون عندك خلال نصف ساعة باي بقا
قفل أدهم. مع نور. وفضل يفكر ف كلام مامته ... ماما عندها حق مينفعش أكمل مع نور بالشكل دا لازم يكون فيه خطوة. كان بيلوم نفسه ... من امتى يا أدهم وانت كدا ازاي مخفتش عليها لو حد شافها معاك. طيب مخفتش وجودكم لوحدكم يخليك تتخطى حدودك لو بتحبها تعمل المستحيل تحافظ عليها من نفسك.
ف مكتب محمد بعد منتصف
محمد الووو مين معايا
ليأتى صوت باكى. ومرتجف. محمد أنا محتجالك
محمد. أنت مين.
مايا. انت نسيتنى ااانا مايا ال ...
محمد. أه أه ازيك يامايا مالك فيكى ايه
مايا ببكاء. أنا محتجالك اوووى ارجوك تعالا
محمد. اجى فين
مايا هبعتلك العنوان.
محمد. آسف مش هقدر أقدر الوقت متأخر
مايا. ارجوك أنا حاسة ان بتخنق من فضلك تعالا. محدش هنا هيقولك انت جاي ليه
محمد ودا يخلينى مجيش يا مايا
مايا .....
محمد. مايا طيب ممكن تبطلى عياط وتتكلمى معايا
مايا. أنا حاسه ان بختنق. وملقتش حد غيرك اتكلم معاه
محمد. وانا ياستى هفضل معاكى على الفون لحد ماتنامى بس كمان مش هنقضيها عياط
مايا. معنديش غيره
محمد. بس أنا عندى. تعرفى ان صوتى حلو جدا
مايا بتعرف تغنى
محمد هههه قصدك بعرف أقرأ أنا حافظ القرآن الكريم واظن ف حالتك دى محتاجة تسمعى لربنا
مايا اسمعه ازاى.
محمد. بصى يا مايا القرآن الكريم فيه كل المفاهيم والنصايح ال لو اتبعناها نقدر نتخطى اى وضع ف حياتنا وبيه بنتعرف على ديننا. اى مشكله فالكون وحلها ف الكتاب والسنه ال هى احاديث على لسان
أشرف الخلق عليه أفضل الصلوات. تعرفى لو مخنوقه واستمعتى للقرآن بتحسى براحة غريبه أنا بقا هقرأ بعض آيات تخفف عنك الضيقة والخنقه دى شويه بس استمعى
مايا. أول مرة حد يقرألى قرآن بس أنا حابه أستمع.
ف مركب أدهم.
أدهم كان مزين المركب بشكل رومانسى
نور. الله يا أدهم ايه الجمال دا كل دا عشانى
أدهم. اهم حاجة تكونى مبسوطه كل سنه وانت طيبه يا حبيبتى.
نور أنا فرحانه اووووى يا أدهم ربنا يخليك ليا
أدهم. مسكها من إيديها تعالى وطلع الدور الثاني للمركب كان محضر ترابيزة عليها تورته عليها صورتها وشموع وأزهار التوليب
نور. جميل اوووى يا حبيبى. منستش حاجة الكيك ال بحبه والورد
أدهم. انت ال شكلك نسيتى ان النهاردة عيد ميلادك والمفروض أجبلك هديتك
نور. انت هديتى يا أدهم. وجودك ف حياتى أكبر هديه
أدهم. قدملها بوكس كبير افتحيه
نور فتحت البوكس. بضحكة ههههه ايه دا يا أدهم. وردة دبلانه معقول ههههه
أدهم. دى الوردة ال اديتهالى ف المستشفى
نور بصتله بحب وكملت تشوف ايه ف البوكس لقت فردة حلق. معقول دا حلقى لقيته فين
أدهم. ف المركب بعد ما خفيت رجعت ولقيته وافتكرت ان نفس ال كنت لبساه ليلة ما اتقبلنا.
نور كان بتفتح الباقى لقت علبه صغيرة فتحتها. نور لا بقا أكيد بتهزر أكياس شيكولت فاضيه يا أدهم
أدهم. أول مرة جيتى شوفتينى ف البيت جبتيلى شيكولاته. اخدتها ومأكلتش حد منها وكل يوم أكل واحدة اخبى الفارغ متسأليش أنا نفسى مش فاهم ليه
نور بإبتسامه بحبك. اوووى
أدهم. كملى.
نور فتحت علبه. لقت ساعتين متشابهين
ادهم. طول ما الساعتين منورين أخضر كدا هعرف انك عطيانى اشارة ان قلبك لسا ملكى وليا وانا كمان دى اشارتى ليكى
نور وهيفضل ملكك على طول. وكملت فتح الهدايا لتجد صورها مع أدهم وهما على المركب.
واكملت لتجد علبة قطيفه. ليأخذها أدهم. أدهم أنا ال هفتحها
نور فيها ايه العلبه يا أدهم
أدهم دا خاتم مكتوب عليه إسمى اوعدينى يفضل ف إيدك طول العمر
نور. اوعدك ان هيفضل معايا طول عمرى ومش هقلعه من إيدى مهما حصل
أدهم. أنا هروح لفايد بيه بكرة أطلب إيدك منه
نور. بقلق. بس حاولت تداريه عن ادهم. بجد يا أدهم أنا النهاردة أسعد إنسانه ف الكون كله
أدهم كان بيبصلها بحب
وف نفسه أتمنى ان القدر ينصفنا يانور وفايد سليمان.
ميكنش عاصفة تقف أمام حبنا
أتمنى أقدر أواجه عواصف أقدارنا
يتبع الفصل الثامن اضغط هنا
- الفهرس يحتوي على جميع فصول الرواية كاملة :"رواية عاصفة القدر" اضغط على اسم الرواية