رواية فقدان مؤقت الفصل الثامن 8 والأخير - بقلم سلمى أشرف
رواية فقدان مؤقت الفصل الثامن
يزن : يعني إللى عمل معاكي المقابلة يبقي حسام اللي حلمتي بيه !!
ليلي :أيوة
يزن : وناوية علي اي بعد كده
ليلي بتنهيدة وابتسامه : ولا حاجة انا هسيب كل حاجة تمشي زي ما هي ماشية مش هتعب نفسي تاني .
يزن بابتسامه : دي احلي حاجة هتعمليها.
ليلي : أنا بس حاسة اني هيبقي متوترة وانا بتعامل معاه
يزن : اتعاملي بطبيعتك ومتخليش حوار الحلم يأثر عليكي وحاولي تتناسيه خالص واتعاملي مع حسام أنه شخص جديد وأنك متعرفيهوش عارف ان ده هيبقي صعب عليكي بس انتي هتقدري
ليلي بتنهيدة : حاضر ربنا يسهل اول يوم شغل ليا في الشركة بكره اتمني يعدي علي خير .
..
عدي تلت شهور وليلي اندمجت في شغلها وبتحاول تتهرب من حسام بقدر الإمكان عشان خايفة تتوجع تاني زي ما اتوجعت من هادي وبقي ليها صحاب واهلها فخورين أنها قدرت تحقق حاجة بعد كل اللي مرت بيه .
صباح يوم جديد
ليلي بنوم : الو صباح الخير ي بشمهندس
حسام بابتسامه : صباح النور ي ليلي اسفة لو صحيتك من النوم في يوم إجازة بس موضوع ضروري
ليلي : ولا يهمك عادي خير ؟
حسام : جهزي نفسك عشان هتسافري معايا
ليلي باستغراب : ليه
حسام : عندنا عشاء عمل مع وفد هيوصلو كمان يومين ولازم نلحق نسافر
ليلي : هو مش هيبقي هنا ؟
حسام : لا هيبقي في شرم الشيخ احنا لينا فرع تاني هناك وهنمضي العقود هناك برضو
ليلي بتفهم : اه فهمت حاضر طب هنسافر امتي ؟
حسام : النهاردة بليل هعدي عليكي
ليلي : ماشي هجهز ولما حضرتك توصل عرفني
حسام : ماشي
..
ليلي : بابا أنا مسافرة مع حسام عندنا عشا عمل مع وفد
ابو ليلي بابتسامه : خدي بالك من نفسك ي حبيبتي وطمنيني عليكي أول بأول
ليلي : عيوني حاضر ممكن بقي تاخدني جنبك
ابو ليلي بابتسامه : بس كده تعالي في حضني
ليلي حضنته وهي مبتسمه أنه اخيرا عايشة حياة هادية زي ما بتتمني
ابو ليلي بخبث : مرتاحة في شغلك ؟
ليلي بضحك : اه ي بابا مرتاحة
ابو ليلي : قوليلي عاملة اي مع حسام
ليلي بتوتر : عاملة اي يعني عادي مجرد زمايل في الشغل
ابو ليلي بضحك : بكاشة ماشي هعديها بمزاجي
ليلي بتوتر : احم هقوم البس وأجهز حسام قرب يوصل
..
حسام : مالك ي ليلي ؟
ليلي وهي باصة لشباك العربية وبتنهيدة : اول مرة من فترة اسافر وبليل والطريق هادي حاجة لطيفة ♥️
حسام بابتسامه : اهو فرصة كويسة انك تريحي نفسيتك .. ليلي مدي ايدك في الكرسي اللي ورا هتلاقي كيس هاتيه
جابته ليلي وادتهوله
حسام : خليه معاكي الكيس فيه اكل كتير وهتلاقي في كل الحاجات اللي بتحبيها شوكولاتات وعصاير وغيره وكويس أن الجو ساقع وشتا وكده زي ما بتحبي ♥️
ليلي بفرحة : انت عرفت ازاي اني بحب كل الحاجات دي
حسام بغمزة : من الحلم وبصراحة أنا كنت بحلم بيكي من قبل ما اعرفك
ليلي بسرحان : زي ما كنت بحلم بيك
حسام : وبتحلمي بإيه ♥️
ليلي بتوتر وهي بتبعد عينيها عنه : بعدين بقي
حسام بضحك : براحتك ي جميل أنا يهمني تكوني مبسوطة
ليلي بصتله بابتسامه وعيونها بتلمع من الفرحة أنه هو ده حسام اللي حلمت بيه وأتمنته ♥️
..
وصلو شرم الشيخ وحسام حجز اوضتين جنب بعض في فندق عشانه هو وليلي ووصل الوفد تاني يوم وقابلوهم واتفقو علي كل حاجة ومضو العقود ♥️ وحسام كام منبهر بالفستان اللي لبساه ليلي لبست فستان أسود واسع وفيه فصوص بتلمع ولمت شعرها وحطت ميكب هادي ♥️ وليلي كانت طول القعدة بتبص علي حسام وطريقة كلامه ومعاملته واكتشفت أنه بيعاملها غير اي حد لان طبعه جاد شويه في شغله وعصبي ورغم كده معاها هي مش بيتعامل كده بيبقي ألطف في معاملته ليها وكان شكله جذاب بالبدلة السودة اللي لابسها وده كان معصبها أنه في ستات بيبصو عليه وقضو سهرة لطيفة وطلعت ليلي غيرت فستانها ولبست حاجة تقيلة وعملت مج نسكافيه ودخلت في البلكونه قعدت ♥️ شويه وطلع حسام البلكونه لقي ليلي سرحانه وهي باصة للسما ♥️
حسام : احم مساء الخير
ليلي بإنتباه : مساء الفل
حسام : اتكلم معاكي شويه والا ده هيدايقك ؟
ليلي بابتسامه : اعملك قهوة واجي نرغي سوا
حسام بصدمة : بتتكلمي جد ؟
ليلي بضحك : اه لحظة هعملك القهوة
حسام قعد في البلكونه واستناها لحد ما جت ♥️
ليلي : ادي القهوة اتفضل
حسام : تسلم ايدك ♥️
سكتو شويه وحسام قرر يتكلم
حسام : ليلي كنتي زي القمر الليلة بس ممكن اقول حاجة ؟
ليلي بفرحة : اها قول
حسام : فكرتي تلبسي حجاب ؟
ليلي بكسوف : بصراحة اه عايزة البسه بس كنت مستنية البسه عن اقتناع عشان مقلعهوش تاني يعني والدتي اتوفت وانا صغيرة فأهلي كانو بيسيبوني اعمل اللي انا عايزاه عشان ميحسسونيش اني ناقصني حاجة عن باقي البنات ورغم كده كانو ديما بيقنعوني باللبس الواسع وحبيته وبقيت بلبس واسع ديما وفكرت في الحجاب البسه ويعني معنديش صحاب يشجعوني علي الخطوة دي فاهمني ؟
حسام بتفهم : فاهم قصدك بس أنا متأكد أن الحجاب هيبقي قمر فيكي انتي في أي حاجة حلوة ي ليلي وبصراحة مكنتش حابب حد يشوفك وانتي قمر النهاردة كده غيري ولا حابب حد يشوفك بشعرك غيري بردو🙂♥️
ليلي وشها احمر واتكسفت : احم حسام أنا ..
حسام بتنهيدة : ليلي أنا بحبك ♥️
ليلي بصدمة : ..
حسام بابتسامه قرب ومسك أيدها : اهدي ايدك متلجة كده لي
ليلي : انت قولت اي ؟
حسام : أنا بحبك ي ليلي ♥️
ليلي بفرحة ولغبطه وهي بتحاول تاخد نفسها : يعني انت ..
حسام بضحك : عايز أتجوزك ♥️
ليلي : الله وتعيش معايا علي طول وكده ♥️
حسام وهو بيحاول يكتم ضحكته : اه ي حبيبتي
ليلي بسرحان : استني أقول ل بابا
حسام بضحك : اهدي ي حبيبتي أنا هكلم بباكي اخد معاه معاد عشان اجي اتقدملك ♥️
ليلي : حساااام
حسام : عيونه
ليلي : بحبك ♥️
#تمت
الفهرس يحتوي على جميع فصول الرواية " رواية فقدان مؤقت " اضغط على اسم الرواية