رواية الضوء الخافت الفصل التاسع 9 - بقلم منه محمد
رواية الضوء الخافت الفصل التاسع
في الشركه آمير عطس جامد غاده قربت منه ومعاها فنجان ينسون: آمير انت تعبان اوي
آمير شاورلها علي علبه المناديل
غاده: تحب احجزلك عند الدكتور
آمير: لا انا بخير
غاده: بس لو تعبت اكتر هحجزلك
آمير بص للجهاز: ايه انخفضت مبيعاتنا اكتر
غاده: تاني لا كدا لازم نشوف حل وبسرعه آمير لو المبيعات انخفضت اكتر من كدا اللوم كله هيقع عليك انت
آمير بدهشه: لوم ايه؟؟!!
غاده بخبث: اصلي سمعت من ناس هنا بيقوله انك مش مركز في الشغل انت بس مهتم بشيرين
آمير بعدم اهتمام: الي يقول يقول انا ولا مهتم انا كل همي حاليا المبيعات لازم ترجع ترتفع خلال الشهر ده اخلص الشغل الي قدامي وتعالي نقعد علي رواقه نحاول نلاقي طريقه نحل بيها المشكله سوي
غاده: تمام يا آمير
آمير بعد ما خلص شغله علي الجهاز اخد ملفات يقيم نسبه المبيعات
امير: من خلال تحليلي بعد وفاه فاروق فقدنا عملاء قديمه لاننا متوصلناش معاهم عشان كدا من فضلك ساعديني اجمع اسمائهم ونروح نقابلهم
غاده بتسامه: تمام اديني ساعه اجمعلك كل الاسماء
آمير: اوك
................منه محمد...........
في غرفه سيرين نوال قاعده تدلك رجليها عشان لما يدخل آمير تصعب عليه
سيرين: نوال متعمليش كدا
نوال: لا نعمل ده بسلاسه كمان عشان يظهر انك مشلوله قدامه حقيقي
سيرين: خلاص كفايه هو مش هيرجع بعد الي شافه مني
نوال: لا هيرجع وبعدين لازم تشيلي شعر رجلك بالليزر
سيرين: والله انتي يا نوال رايقه وفايقه
نوال عماله تدلك رجليها وسيرين عيونها هتتخلع علي الباب ومستغربه هي ليه منتظره دخوله بفارغ الصبر
نوال: لا الساعه عدت 2 انا هنام وانتي كمان نامي يله هاخد حماده معايا
سيرين قعدت عيونها علي الساعه لحد ما العقرب جه علي ثلاثه في سرها: الساعه دخلت في ثلاثه الفجر ليه ده مرجعش انشاء الله مارجع انام براحتي
.....................منه محمد...............
في الشركه الوقت اخدهم من ملف لملف وغاده عماله تعطله بزياده والساعه جرت وراها ساعات وغاده عيونها علي الساعه وتبتسم بخبث!!!
آميربدء يكبس عليه النوم بص في الساعه لقاها سبعه صباحا: غاده الساعه سبعه الصبح كفايه كدا نروح نرتاح وبكره نكمل
غاده لمت الملفات وحركت رقبتها شمال ويمين: تمام
آمير ابتسملها: شكر واسف اني تعبتك معايا
غاده بدلته الابتسامه: ولا يهمك انا مبسوط ومكنتش تعبانه
آمير اخد الجاكت وقفل الجهاز ولم متعلقاته وخرج مع غاده!!!
وصلوا للبوابه وآمير دخل الجراش وركن العربيه هو وغاده: الامر بجد متعب
غاده مسكت ايده: وانا مستعده اتعب طالما هتنجح
آمير سحب ايده بهدوء وهزلها دماغه ومشي
لمحتها ايسل من فوق لفت وراحتلها وندهت عليها: غاده
غاده لفتلها وايسل قربت بكل عنجهيه: عارفه الي بتحاولي تعمليه
غاده: بتتكلمي عن ايه ؟؟!!
ايسل: عن الشخص الي وصلك لحد هنا بحذرك بخصوص امير اياكي تعملي حاجه ترجعي تندمي عليها
غاده بعصبيه: انا كنت مع آمير بنظبط الشغل وبس
ايسل: ماهو ده بس الي تقدري تعمليه لان امير ولا معاكي ولا هيجاريكي لسه مش عارفه ياغاده
وفي نفس اللحظه جات مني وداخله لمحتها شكريه: مني هانم صباح الخير
مني: صباح النور
شكريه: ليه جايه بدري اوي كدا
مني: ابدا مدحت سافر وديدي راحت المدرسه قلت هقعد لوحدي اموت حبيت اجي وافطر معاكم يله جهزي فطار ملوكي
شكريه: عيوني حتي ايسل هانم صاحيه من بدري ادخللها هي علي السفره
مني دخلت وسمعت الحوار ووقفت تتسمع كل كلمه!
غاده بزهق: ممكن اروح انام بجد تعبانه
ايسل مسكتها من دراعها: غاده انتي بتجري وري راجل انتي ولا علي باله ولا مهتم بيكي ولا عمره هتصعبي حتي عليه
غاده شدت دراعها: لا انا مش نفس الامر انا مسرقتش شخص ملك حد انا عارفه انتي عايزاني افقد الامل في آمير بس انا بحبه
ايسل بعصبيه: اي حب ده ايد لوحدها متصقفش ولا هيطلع منها اي صوت انا بقولك ده لاني بجد قلقانه عليكي
غاده: ليه هو انتي قلقتي عليا قبل كدا
ايسل عروق رقبتها اتشدت
غاده: ايسل اسمعيني لو حبيت اي شخص هخاليه ملكي انا لاني مش بعترف بالخساره بسهوله زيك
وسابتها ومشت
ايسل زعقت: غااااده
مني واقفه وهي فرحانه وسعيده للي بيحصل لان الامر ده في صالحها
.........................منه محمد...........
آمير راح علي فيلته وطلع السلم لقاه سبوره متعلقه علي باب الغرفه ومكتوب عليها قواعد جديده غير مسموح للدخول بعد رجوعك نص الليل آمير جه يفتح الباب لقاه مغلق بينه وبين نفسه: ليه قفلت الباب بس(اتغاظ وخبط )انتي افتحي الباب حالا
سيرين نايمه في ملكوت المولي
آمير راح فتح شباك الحمام ودخل لقاها نايمه مقتوله ومولعه كل الانوار
آمير: اممم نايمه ومولعه كل الانوار
وهو ماشي داس علي لعبه عملت صوت نخ ولم كل اللعب من علي الارض بشويش لقاها بتلف من علي السرير وكانت هتقع علي الارض لحقها وعدلها وقرب وشه من وشها فضل يتأملها بتمعن وابتسم ومد ايده رجع شعرها الناعم علي وري وغطاها ولسه بيقوم لقاه ورقه محطوطه علي الكمدينو اخدها وقرائها لقاها مسابقه في مدرسه حماده وطالبين اولياء الامور يشتركوا معاه اخدها وراح يبدل هدومه ورجع ينام
..............منه محمد......
الصبح في المستشفي محي بيجهز نفسه للخروح و سيرين ونوال قاعدين معاه قالها انه هيروح مع حماده المسابقه
سيرين: استاذ محي وانت هتقدر علي المنافسه في الرياضه
محي: ايوه متأكد وجه يقوم جنبه وجعه
نوال: لا واضح انك قادر فعلا
محي: انا بهزر علي فكره
نوال: والنبي ايه
محي: والنبي بهزر حتي شوفي وعمل شويه رياضه) انا تمام وممكن اثبتلك كمان
سيرين: لا كفايه صدقت انك قادر
محي: وبعدين لسه يومين علي المسابقه عندي وقت اتعافي اكتر يله نمشي
سيرين: اه يله
وصلوا لحد الفيلا
محي: بكره هاجي اخد حماده نروح نشتريله كوتش رياضي
سيرين: حماده عمو محي هيجبلك كوتش عايز ولا لأ
حماده: عايز
نوال: اطلب اكتر من واحد بقي
حماده: ماثي
محي ضحك: هجبلك لون وردي
الكل ضحك انه لون بناتي
آمير جاي عليهم بضيق: استاذ محي عامل ايه بقيت احسن دلوقت
محي: الجرح بيوجع شويه بس الحمد لله
آمير: معلش شده وتزول وبص لسيرين) اه انا لقيت الجواب ده مرمي في اوضتك جبته عشانك خدي
سيرين: مين سمحلك توقع عليه
آمير بصلها وابتسم بخبث ومردش عليها
سيرين بعصبيه: انا سألتك مين سمحلك تروح اصلا
آميرعقد حواجبه: لما انا مش هروح امال مين الي هيروح
محي: انا
أمير: والله انت تاني
سيرين بتحدي: ايوه تاني انا طلبت من الاستاذ محي اما بالنسبه لك مش ضروري
آمير مسح علي شعر حماده: اظن الامر ده حماده الي من المفروض يقرر
سيرين: حماده تختار مين يروح معاك
حماده بص لمحي ورجع بص لعمو امير
حماده: هتديني ايه لو اخترت ولعب حواجبه
آمير بص لمحي بتحدي لحد ما حماده اختار أمير وامير كان فرحان انه انتصر عليهم وبالفعل اخدها وراحوا المسابقه امير لبس ترنج رياضي ماركه وسيرين نفس الشئ وعامله شعرها قطتين كأنها طفله
سيرين حبت تضيقه: ليه يارب تحكم عليا اروح مع الراجل المجنون ليه ياحماده اخترت البني ادم ده ياابني
آمير بيزقها بالكرسي بغيظ: طبعا عايزه محي مش انا مش كدا
سيرين: طبعا لما اجي مع محي احسن ما اجي معاك
آمير: خدي بالك من كلامك انا براقبك
سيرين بتريقه: يارب تخسر يارب ومهما عملت برضو تخسر
آميرقلدها: اقولك سر شخص زي ميعرفش كلمه الخساره
سيرين:فرجني مهاراتك ارجوك
آمير: هتشوفي ده بعينك
سيرين ابتسمت: هنشوف
الميس قربت منهم ورحبت بيهم وصحاب حماده اخده معاهم
الميس: الاب والام موجودين اتفضلوا استعدوا للمسابقه وسجلوا اسمائكم هناك
آمير سجل اسمه ومسك ايشارب اصفر رمز الفريق واخده وربطه حوالين رقبتها وعمالها فيونكه وهو عمل نفس الشئ اخد ايشارب ولفه حوالين رقبته وراح لحماده حطله الايشارب وبدئت المسابقه وسيرين قاعده تشجع لحد ما آمير فاز لما اكلوا الكيكه المعلقه في الحبل في وقت قياسي وكل لعبه امير يصمم ان حماده يفوز ويشوف الفرحه في عيونه وعيون سيرين لحد ما اعلنوا انتهاء المسابقه بفوز حماده وكام واحد من زملائه والولد كان مبسوط جدا بالنصر
سيرين: ممكن اتكلم معاك
آمير قعد جنبها علي الرصيف: قولي
سيرين: لا قرب مني شويه
آمير: لا قولي
سيرين مسكت ودانه وشدته: تعال قلت
آمير: عايزه ايه؟؟!
سيرين: بص اتظاهر بالخساره
آميربصوت عالي : اتظاهر بالخساره انتي مجنونه
سيرين: اتكلم براحه بتزعق ليه
آمير: انا حر
سيرين: بس ليسعمك حماده
آميروطي صوته: انتي مجنونه ليه عايزاني اتظاهر بالخساره
سيرين: اسمعني لو ابني عرف يخسر دلوقت
لآمير قطعها بتريقه: دي بتتكلم بثقه ايه الخطه الي عندك
سيرين: معنديش اي خطه افهم مش لازم تفوز دايما لاننا زي ما بنعرف طعم المكسب لازم ندوق طعم الخساره وحماده لازم يتعلم ان الدنيا مكسب وخساره عشان يبقي عنده حصانه من الحياه
آميربقتناع: تمام طالما عندك سبب موافق
..............منه محمد......
وبدئت الجوله التانيه للمسابقه وامير مره يكسب ومرات يخسر وطبق كلام سيرين الي عماله تهددده لو كسب وبالفعل امير خسر حماده وزعل وكشر وامير بصلها بغيظ وهي حركت له حواجبها
سيرين: حماده حبي في الرياضه مكسب وخساره لازم تتعلم حبيبي بس انت اليوم كنت هايل جدا لانك عرفت طعم المكسب والخساره
حماده مكشر جدأ وهز دماغه
آمير: شوفتي عاميلك
سيرين: انا هتعامل معاه بنفسي
امير بصلها ومش عجبه الوضع
سيرين: حماده انبسط النهارده
حماده: انبسط
سيرين: اهم حاجه عايزاك تنبسط مع اصحابك المدرسه عملت المسابقه دي عشان الكل ينبسط شايف كل زمايلك مبسوطين وبيلعبوا يله ابتسم يا حماده لانك كنت ممتاز
آمير بصلها وبسخريه: انتي كمان ممتازه
سيرين بستفزاز: انا ممتازه جدا
آمير: تقصدي ايه ممتازه في ايه؟؟!
منظمه المسابقه قربت عليهم: اسمحولي فيه دلوقت عقاب للخسران في كل لعبه وده لـ اولياء الامور والاطفال هتقف تتفرج عليكم
آمير: اي عرض
المنظمه: اي عرض تعمله واحنا جهزنا كل حاجه اتفضل روح استعد
سيرين: تمام موافقين
آمير بستسلام: تمام جاي ولف بصلها بنرفزه) دي العيبك انتي خدعتيني
سيرين ببرود: انا مالي انت الي مقرتش النشاط
امير: انتي مستفزه وقام ونفذ هو وحماده فقره الساحر كانت من اجمل الفقرات وحماده انبسط بيها اوي
امير قرب عليها: انا عمري ما عملت شئ زي ده بسببك عملت افعال غبيه
سيرين عملت صوت سخريه: فين الغبي في ده يا آمير بيه الكل لعب
آمير: ايوه بس انا مدير شركه مش بهلوان كدا هفقد وقاري وهيبتي
سيريبن: محدش مهتم الكل هنا عشان يفرحوا ولادهم المهم فرحه الطفل الي مش ممكن تلاقيها بسهوله خزن كتير من السعاده الي محروم منها هنا
آمير : عندك حق بس سؤال امتي اخر مره حسيتي انك طفله
سيرين: يوه تصور من زمان
أمير بخبث ومكر:يبقي لازم نلاقي حاجه تعمليها تحسي انك طفله فيها
سيرين بصتله شويه بستغراب!
اميرعلي سهوه راح رافع بيها الكرسي : كدا مثلا
سيرين صرخت: لالالا آمير
آمير ضحك وجري بيها والاطفال كلهم اتلموا عليهم وقضوا يوم جميل كله لعب وضحك من قلوبهم
.........الضوء الخافت......
بعد رجوعهم البيت حماده نام من التعب وسيرين دخلته لنوال
نوال: نام مهدود شكله تعب اوي
سيرين بنبساط: اخد اليوم كله لعب وتنطيط وبدئت تتثاوب
نوال: انتي شكلك تعبانه من صحيان بدري يله روحي نامي وارتاحي ونامي زي القتيله وبطلي اه اه فهمتي
سيرين ضربتها في دراعها:روحي اتخمدي يا نوال اتخمدي
نوال ضحكت: هتخمد يا ختي هتخمد
سيرين قامت قعدت علي الكرسي ونوال دفعتها لحد الغرفه في دخولها آمير كان خارج من الحمام
آمير: هتنامي دلوقت تعالي ارفعك للسرير
سيرين: لا مش جايلي نوم
آمير: هسيبك دقايق لان انا تعبان لحد الموت
سيرين ابتسمت له وفتحت موبيلها وفضلت تطقطق عليه كانت بتبعت صور المسابقه لشيرين
سيربن: امير
آميربيلف علي الغطاء: ها
سيرين برقه: شكرا علي اليوم الجميل ده وشكرا لانك كنت ابو حماده خليت حماده مبسوط وسط الولاد ومحسش بالنقص
آمير بصلها كتير وبعدين مال عليها: انا عملت ده عشان اخويا وحماده معملتش ده عشانك فـ أنسي الامر الي عملته النهارده متشغليش بالك
سيرين بغيظ: هنسي لاني شوفت امير الانسان الطبيعي النهارده الي في الاصل شيطان
آمير: عليكي كلام دبش (راح يجهز الكنبه) يله هتنامي
بيبص لقاها نامت وشخرت علي الكرسي
آمير قرب وضحك: لما بتكوني نايمه تباني كيوت ورقيقه ورفعها نايمها علي السريراخدته معاها ومدت ايدها ولفتها حوالين رقبته وكلبشت فيه وهو بلع ريقه حاول يرفع ايدها بهدوء لقاها متمسكه فيه كأنه هيهرب لحد ما استسلم هو كمان وراح في النوم من شده التعب واخدها جوه حضنه وهي تبتت فيه
الصبح حست ان فيه جسم صلب في حضنها حسست عليه لقت عضلات قامت وفتحت عيونها وصرخت بهلع نوال سمعت الصرخه قامت جابت المفتاح الاحتياطي
آميربفزع: مالك يا مجنونه
سيرين زعقت: انا الي مالي يامجنون يا ابن المجانين انت قليل الادب ومش متربي انطق عملت فيا ايه
آمير: انا معملتش حاجه
نوال عماله تزعق من برا: مستحيل يكون فيه يوم هادي في البيت ده ابدا امير وسيرين خناق لا ينتهي
حماده قلق: مالها شيرين
نوال: ايه لا هي بخير عندها مغص باين يله حبيبي كمل فطارك وانا راجعه ماشي
سيرين بتضربه بالعبه بلاستك: اطلع برا يا مجنون يا منحرف
آمير: بطلي ضرب البتاعه دي بتوجع
سيرين بعصبيه: ازاي تعمل فيا كدا
آميرنفخ بملل: استغفر الله انا شوفتك نايمه علي الكرسي شلتك نيمتك علي السرير
سيرين بنرفزه: مين سمحلك تنام جنبي علي السرير مين؟
آمير: بطلي ضرب بجد كتفي وجعني واسمعيني الاول انا اشرحلك انتي كنتي مخموده علي دراعي مقدرتش اتحرك لـ اي مكان ولما جيت اتحرك حضنتيني اوي عايزاني اعمل ايه
سيرين شهقت: ايه حضنتك انت مجنون وكداب بتكدب ليه ها بتكدب ليه
آمير بيتألم من ضربها: اه
سيرين: قولي ليه بتكدب
آمير زهق وقام قعد وراها وكتفها وضحك: ايه سكتي ليه طاقتك خلصت هنجتي
سيرين بتعافر: امشي اخرج يله
آمير: انا عايز اعرف انتي بتجيبي الطاقه دي منين تمام عايزه تلعبي يله نلعب ولسه هيربطها بالحزام ايد ورجل!!
نوال راحت تفتح الباب لقته مغلق راحت تجيب المفتاح الاحتياطي وفتحت ودخلت تزعق فيهم: لا مش ممكن مستحيل كل يوم تتخانقوا بقي الموضوع كل دقيقه كل يوم شيرين اسمعي لو كان امير بيه ناوي يعمل حاجه كان عملها فيكي من اول ليله دخلتي البيت
آميرهز دماغه: ايوه مظبوط
نوال بزعيق: استوب وانت يعني كل يوم خبط وهجوم كل يوم مبتعملش ليه جرالك ايه ايه لعب العيال ده كل يوم خناق وافعال مفيش
أميراتك علي شفايفه وابتسم: ليه انتي سمعتي قبل كدا وبعدين محدش يدخل في خصوصيه راجل ومراته
نوال: انت بتهزقني
سيرين صرخت فيهم: سبني بقولك
أمير حدفها: انا غاير من وشك خالص
سيرين حدفته باللعبه: غور يا مجنون
آميرمسك اللعبه وحدفهالها:خدي دي العبي بيها يا هبله
سيرين بغيظ: نوال خدي تعالي هنا
نوال قربت: ايه الموضوع
سيرين مسكتها بغل وضربتها بالعبه علي دماغها
نوال صرخت: ليه بتضربيني دلوقت
سيرين: لان المفروض تقفي معايا انا مش معاه هو
نوال: نسيت قدام جماله وحلاوته بضعف
بس خلاص نبدء من اول تاني صرخي بصوت عالي بكره وانا هفتح الباب بهدوء واجري عليه وابوسه
سيرين مسكت دماغها: اه منك يا نوال اه
نوال ضحكت: ايه هعمل ده عشانك يمكن يحبني ويبعد عنك
..............منه محمد.......
حضر محي ياخد سيرين ونوال يجيبو حماده من المدرسه جهزوا وقعدوا شويه في الجنينه
سيرين: من اول الحادثه الي حصلت لشيرين منعرفش الرصاصه جات منين وشيرين مشفتش الجاني اكيد الدليل مكان الجريمه زي دواء السكر نفس مرض رقيه
نوال: ايوه رقيه اكتر واحده عدوه الزوجه التانيه وعندها السكر وتقدر تضرب نار
محي: وكمان كانت قريبه من مكان الحادث وقالت وقتها مجرد صدفه
نوال بنفعال: كدا اكتر واحده مشتبه فيها هي بس مفيش في ايدينا اي دليل انها المجرمه
سيرين ضيقت عيونها: ولو مقدرناش نلاقي دليل يبقي لازم نجبرها تعترف
محي: ده مستحيل لانها شخصيه ذكيه جدا ووممكن تتحكم في مشاعرها صعب تتخدع بسهوله
لكن انا ممكن اروح لبيت صديقتها واسال اذا كانت هناك ولا لأ ولو فيه كاميرات مراقبه احتمال نلاقي صوره اتسجلت وقتها وهنعرف لو خرجت رقيه في نفس التوقيت ده ولا لأ رغم انه صعب لان فات حوالي سنتين!!!
وبعد شويه من كلامهم اخدا هي ونوال راحوا يجيبوا حماده من المدرسه والمدرسه قالتلهم بان جدته جات اخدته بنفسها وده قلق سيرين جدا ومحي اتصل برقمها غير متاح
سيرين بخوف: ها ردت
محي ملامحه اتغيرت: رقيه هانم قفلت الموبيل
نوال بتوتر:وانا سالت محمد قالي انها طلعت بعربيتها وساقتها بنفسها ومرجعتش لحد دلوقت
سيرين الخوف ملاها: استاذ محي لازم نرجع حالا
وهما في العربيه سيرين اتصلت بأمير الي رد من اول رنه: الو
سيرين: امك اخدت ابني فين؟
آمير بستغراب: بتقولي ايه
سيرين: امك رقيه اخدت ابني من المدرسه من غير ما تقولي قولي ممكن تكون راحت بيه فين
أمير اضايق من نبرتها ورد :انا معرفش ولو خلصتي اقفلي لاني رايح اقابل عميل
سيرين بحده:كدا امك خطفت ابني ووالله لو جراله اي حاجه لطربق الدنيا فوق دماغها وهبلغ عنها فساعدني القيها
امير قفل في وشها واتصل بـ ايسل وسألها: قوليلي مدام رقيه قالتلك هتاخد حماده فين
ايسل: هي عمتي راحت اخدت حماده
امير :ايوه قالت رايحه فين؟
ايسل بهدوء: لا انا معرفش حاجه
اميربحيره: طيب نعمل ايه انا مش عارف اوصلها موبيلها مغلق
ايسل ببرود :يمكن اخدته للملاهي زي اي جده ما بتعمل مع حفيدها امير اهدي
امير اتنهد :تمام لو عرفتي اي حاجه ياريت تبلغيني
امير رجع اتصل بسيرين وطلب منها تروح مطعم ربما تكون بتتغدا هناك وبالفعل راحت وملقتهوش وفضل متابعهم علي الفون وبعد ما دلهم علي كذا مكان وكل مايرحوله مفيش خرج من مكتبه لقاه غاده في وشه: امير لازم نروح نقابل العميل في خلال نص ساعه
اميربربكه :روحي انتي يا غاده انا اتصلت بيه وبلغته انك هتهتمي بالامر
غاده :بس لازم انت
امير قطعها بستعجال :انا معتمد عيلكي ومشي
غاده بصوت عالي:امير
..........منه محمد.......
امير وصفلها صالون تدليك راحت علي الاستعلامات ولسه بتسال عليها لقت الي طالعه وبترد
ايسل :هي مش هنا جيت اشوفها بس ملقتهاش
سيرين بتعجب :ازاي عرفتي بموضوعنا
ايسل: امير اتصل بيا وبلغني
سيرين بغيظ :امير ده مش بيعمل حاجه غير الفوضي
ايسل: اظن لازم نتفرق ده حيكون اسرع شيرين تعالي معايا
سيرين بشك :ليه اجي معاكي
ايسل: لاني ممكن اخمن عمتي تكون فين
سيرين :بس فيه اماكن قليله يقدروا يرحوها الكبار في السن انا كمان قادره اخمن نفسك
ايسل بهدوء غريب: انا قلقانه علي ابنك نفسك بالظبط بس لو هضيعي الوقت لانك مش واثقه فيا ده يخصك انتي ده ابنك انتي
سيرين: فعلا انا كمان مجاش في تفكيري انه ممكن يكون حد قلقان علي ابني اكتر مني
محي تلفونه رن وكان امير رد لا :ملقنهاش بس كلنا روحنا كل الاماكن الي قلت عليها (وبفجه) ايه بتقول فين
استوب ياتري رقيه اخدت حماده وراحت فين ؟؟!!
يتـبـــــــــــــــــــــــع الفصل العاشر اضغــــــــط هنا
الفهرس يحتوي على جميع فصول الرواية " رواية الضوء الخافت " اضغط على اسم الرواية