رواية خطايا الماضي البارت التاسع 9 بقلم اية عامر
رواية خطايا الماضي الفصل التاسع 9
رحيم بصدمه مليئه بالحزن: يعني ااي.. هتشيل الرحم؟!!!
الدكتورة: لا لا.. مش كده.. هو كان في حمل وكان لسه الجنين بينغرس في بطانه الرحم بس للأسف الرحم نفسه مش مستحمل في الوضع الحالي..
ريم: يعني ي دكتورة هي مش هتقدر انه يحصل حمل خالص!!
الدكتورة: الأول هنعالج المشاكل اللي موجودة.. والحقيقه ممنوع حمل لمدة تلات سنين من دلوقتي..
رحيم: اللي انتي شايفاه ي دكتورة هيتنفذ.. المهم ان ندي تبقي كويسه..
الدكتورة: متقلقش هتبقي كويسه.. وتقدر تتابع معايا هنا او في العيادة.. و ده رقم تليفوني تتصل بيا في اي وقت.. وهتجيلي الاسبوع الجاي عشان نبدأ في العلاج...
رحيم راح لأوضة ندي.. لقي والدته قادعة جمبها.. مسك ايديها وبصلها بحنية..
رحيم: قلقتيني عليكي...
ندي: الدكتورة قالتلك اي؟
رحيم: قالتلي ان انتي كويسه..وهتروحي البيت عشان ترتاحي..
ندي بتعب: ايوا انا عايزة اروح...
رحيم: ماشي هنمشي.. ريم جهزيها علي م اخلص اجر... هي فين ريم..
فاطمه: مش عارفه ي ابني كانت واقفه هنا من شوية وبعدين خرجت...
رحيم: طب جهزيها انتي ي ماما..
فاطمه: حاضر..
ريم خرجت من الاوضه بسرعه ورجعت لعزيز اللي كان واقف قدام عربيتة وأول م شافها لقاها معيطه..
عزيز: انتي معيطة!!
ريم: انا هروح معاهم.. ممكن تمشي انت..
عزيز: طب قوليلي اي اللي حصل جوا..
ريم بغضب: وانت مالك.. انت اي دخلك في حياتي اصلا.. مره واحده واحد لسه معرفهوش اصلا.. مشفتوش الا مره واحده ومن اسبوع وجاي يقولي انه بيحبني وعايز يتجوزني.. انا معرفكش ومش عايزة اعرفك.. ولا انت فاكر الحركتين اللي عملتهم دول هيبهروني و اوه بقي ده انت ازاااي بتحبني كدا.. لا انا ميهمنيش.. واتفضل بقي امشي من هنا عشان انا مش طايقه اشوفك...
عزيز بصلها بغضب وبعدين ركب العربية ومشي...
وهي دخلت تاني لندي...
ندي: الدكتورة قالت اي..
ريم: قالت انك تعبانه شوية ومحتاجة راحه..
ندي: انتي بتكدبي صح! م تقولوا في اي!
رحيم: يلا ي ندي نروح عشان انتي تعبانه..
ندي: طب اندهيلها ي ريم لو سمحتي عايزة اتكلم معاها شوية..
رحيم راح لعند ندي وشالها..
رحيم: لما نروح هنتكلم..
خرجوا من المستشفي وحطها في العربية.. بصت ريم حواليها وارتاحت لما ملقتيش عزيز.. وركبت جمب ندي..
بدر رجع لبيته.. دخل علي المطبخ وأخد ازازة ماية ساقعه وقعد علي السفرة بتعب... وهو بيفتكر..
فلاااش باك..
رحمه: حبيبي.. انا نازلة..
بدر: استني هننزل سوا..
رحمه: هتروح قبل معادك الشركة كدا لسه بدري..
بدر: عشان اوصلك اولا ثانيا انا عندي شغل من امبارح ف هروح بدري..
رحمه: ماشي ي قلبي هستناك..
رحمه فضلت مستنياه لحد م لبس وخلص وخرج من الأوضة.. بصتله بعبوس وبعدين شالت شنطتها ومشيت قدامه..
بدر: في اي!!!
رحمه بغيظ: مفيش..
بدر بإستغراب: لا في..
رحمه: ممكن اعرف انت متشيك ليه كدا ولما واحده تحط عينيها عليك وتخ*طفك مني..
بدر بضحك: لا متقلقيش محدش هيخ*طفني ولا حاجة.. انا حبيبك انتي وبس.. وانا ادمانك الوحيد...
رحمه بتوتر: طيب روح دلوقتي خرج العربيه من الجراج وانا هجيب حاجه وجاية وراك..
بدر: حاجة اي..
رحمه بتوتر: انا مش هتأخر ثانية واحده بس..
دخلت رحمه لاوضتها وخرجت تاني لبدر اللي كان واقف مستنيها..
بدر: نسيتي اي!!
رحمه بكذب: م منسيتش حاجه ي حبيبي كنت بحط النضارة الجو مش شمس اوي ف دخلتها..
بدر: هاتي ي رحمه اللي جيبتيه..
رحمه: مجيبتش حاجه..
بدر بهدوء: نفذي اللي قولته وهاتي الزفت اللي معاكي..
رحمه بدموع: قولتلك مش معايا حاجه..
بدر: طب هاتي شنطتك..
رحمه: هتفتشني..
بدر: انا اسف.. بس هفتشك فعلا..
بدر اخد الشنطه بتاعتها وفتش فيها وبالفعل لقي كيس صغير فيه م*خدرات.. غمض عنيه ب ألم وحزن كبير وحاول يكون هادي..
بدر: تاني!!
رحمه وقعت علي الأرض وهي بتعيط وصوت عياطها كان بيأذيه..
قعد جمبها وحضنها بهدوء..وبنظرة حزن اتكلم معاها..
بدر: هترجعي المصحة تاني..
رحمه: لا لا ي بدر.. عشان خاطري مش عايزة ارجع هناك..
بدر: ده الحل ي رحمه.. ده الحل لحد م تبطلي الزف*ت ده.. انتي رجعتي كلمتي اللي اسمها منار دي تاني...
رحمه: مكلمتهاش..
بدر: بطلي تكذبي عليا.. كلمتيها ولا لا!
رحمه ببكاء: ايوا..
بدر: تعرفي عنوانها؟
رحمه: هتعمل اي!!!
بدر: البت دي حد زقها عليكي عشان تخليكي تدمني ولما انتي روحتي المصحه رجعت تاني.. ف ده معناه انها مستقصداكي...
رحمه: يعني هتعمل فيها اي!!
بدر: هتصرف معاها.. بس انا أسف ي رحمه علي اللي انا هعمله دلوقتي...
بدر شالها وحطها في العربيه.. عرفت انه هيرجعها للمصحه.. قعدت تعيط وهي بتترجاه ميرجعهاش تاني بس هو بص للطريق ب جمود..
بعد شوية وصل بالفعل للمصحة وشالها وكلم الدكتور اللي مختص بحالتها.. وسابها ومشي!!!
ركب عربيته تاني وغصب عنه نزلت دمعه من عنيه.. مسحها وهو بيبص الطريق قدامه بغضب..
راح للعنوان اللي قالتله عليه... وخبط جامد علي الباب..
فتحتله منار كانت بنت بسيطه عندها 24 سنة...
منار بغضب: انت بتخبط كده ليه اي قلة الزوق دي؟
بدر بغضب قاتل: انا جاي اسئلك سؤال وهمشي.. ي اما تجاوبي واسيبك فعلا ي اما اقسم بالله لتبقي ج*ثة قدامي...
منار: انت مين!
بدر: انا بدر.. جوز رحمه.. فكراها ولا افكرك بيها..
منار بضيق: ايوا فاكراها..
بدر: مين اللي زقك عليها..
منار: محدش زقني عليها ي استاذ بدر.. مراتك مدمنه وانا كنت بتصرفلها في اللي هي عايزااه عشان اكل عيش انا كمان..
بدر بغضب: شايفه ده.. كيس مخ*درات.. وده تليفون وده رقم البوليس.. ي اما تنطقي ي اما اتصل بيهم واقولهم انك معاكي مخد*رات.. وشوفي بقي هيصدقوكي انتي ولا انا...
منار بخوف: انت عايز مني اي.. انا مليش دعوة انا بعمل كده عشان اكل عيش..
بدر بغضب: تضيعي مستقبل واحده محترمه عشان خاطر تاكلي عيش..
منار: لو عليا انا لوحدي كنت كلت من الز*بالة ولا اعمل كده... بس اخواتي وامي تعبانه.. اعمل اي مهو لازم اعمل كده..
بدر وهو بيبص حوالية: وهو في واحده مش لاقية تاكل.. عندها لاب توب ابل...
منار: ده مش بتاعي.. بتاعي اخويا شغال عليه..وايوا انا اللي شارياه لان اللي بيدخله سدد تمنه من زمان..
بدر: بيعمل بيه اي؟
منار بضيق: هكر...
بدر: نرجع لكلامنا.. مين اللي زقك علينا..
منار بضيق: واحد ظابط اسمه مهاب..
بدر: شغال في قسم اي!
منار: قسم****
بدر: وعايز اي منها!
منار: بص ي باشا..مهاب ده راجل مش مظبوط وبيجري ورا البنات وانا كنت اولهم...
كان مركز مع رحمه وعايزها بس هي مكنتش بتبصله حتي واته*جم عليها مره وهي هربت منه..
عشان كده جالي وقالي اخليها تبقي مدمنه عشان ينتقم منها..
بدر بصلها بغضب وخرج من بيتها ورجع لعربيته...
وصل لقسم الشرطة وسأل عن مهاب.. بس قالوله انه اتنقل للصعيد..
باااااك...
بدر في نفسه: مخدتش حقك منه بس مش ناسيه.. مش ناسيه ي نور عيني..عارف اني اتأخرت.. واتأخرت اوي كمان بس صدقيني هاخد حقك منه...
.........
رحيم حط ندي في سريرها ودخل غير هدومه وخرج وهي بتبصله...
ندي: هو انا هموت؟
رحيم: بعد الشر عنك ي حبيبتي.. صدقيني الموضوع بسيط... انتي بس اللي خايفة..
ندي: طب قولي الدكتورة قالتلك اي!
رحيم: قالتلي انه ممنوع حمل قبل تلات سنين.. وانك عندك مشاكل في الرحم بس تتعالج.. عشان كده هنروح الاسبوع الجاي عشان تبدأي في العلاج...
ندي فضلت ساكتة شوية وبعدين مسحت دموعها..
ندي: كان لازم اتعاقب علي اللي عملته في حياتي..
رحيم: لا ي ندي مش كده..
ندي: بس انا خسرت ابني هو في اكتر من كده.. بس انت ذنبك اي تتعاقب معايا..مشاكل في الرحم يعني ي أخلف ي اما لا..
رحيم: متقوليش كده.. ان شاء الله الأمور كلها هتتحل.. المهم ان احنا مع بعض وهنواجه اي مشكلة.. نامي وارتاحي عشان تهدي.. بس اعرفي ي ندي ان ده اختبار من ربنا واحنا لازم ننجح فيه ونحمده علي كل حال..
ندي بدموع: الحمد لله علي كل حال..
رحيم: شاطرة.. نامي وارتاحي..
رحيم تليفونه رن.. بص فيه ومردش وفضل شوية جمب ندي لحد م راحت في النوم..
بعد شوية مسك التليفون وخرج من الأوضة..
رحيم: اي اللي حصل...
...... : عرفوا ي باشا ان انت اللي بلغت عنهم..وفي واحد كمان شغال معاهم اسمه عزيز ده لسه معرفتوش.. وشكله اتقل واحد فيهم...
رحيم: طب اعرفه.. وكمان معني انهم عرفوا يبقي في واحد في البوليس شغال معاهم لازم نعرفه..
...... : انا خايف ي رحيم باشا..ومنار اختي لو عرفت هتمنعني...
رحيم بغضب: وانت فاكر لو بدر عرف اني اتعاملت معاك بعد اللي اختك عملته هيحصل اي في علاقتي بيه.. انت مش صغير ي خالد...
خالد بسخرية: معاك حق 17 سنة للي زيي مش صغير علي الشغل ده.. المهم دلوقتي.. تغير الشريحه بتاعت التليفون وانا خلاص هراقب تليفوناتهم وعايز اشيل الميكرفونات اللي عندهم قبل م يلاحظوها.. بس ابعتلي مبلغ في الحساب عشان الحالة واقعه خالص..
رحيم: هبعتلك اللي انت عايزه..بس اخر حاجة.. عايز كل حاجه عن عيلة اللي اسمه عزت ده..
خالد: معايا..
رحيم بغضب: ولما هي معاك مبعتليش ليه!!
خالد: ي باشا كله الا اننا نأذي ناس ملهاش ذنب..
رحيم: هو انت فاكرني اي قتال قتلة... اخلص قول اللي عندك...
خالد: اللي عرفته ي باشا ان عزت ده كان متجوز وقت*ل مراته عشان كانت بت*خونه مع واحد من نفس العينة بردو.. ومعاه بنت صغيرة عندها 12 سنة و دي بقي بعيده كل البعد عن شغله وعايشة في شقه معاها المربية بتاعتها وتقريبا محدش من المحيطين بيه عارف الموضوع ده...
رحيم: امم.. طب وانت عرفت ازاي..
خالد: جهاز المراقبه اللي حطيته في عربيته هو اللي وصلني لشقته البنت.. وسألت البواب قالي انها بنته والمربية بتاعتها.. ف فضلت ادور وراه هو ورجالته ل م وصلت لموضوع الق*تل ده...
رحيم: في حد تاني!
خالد: مفيش الا شريف السيوفي وسليم ابنه ودول انت عارفهم... والاخير بقي واتقلهم هو اللي اسمه عزيز ده بس موصلتش لمعلومات عنه ولا اعرف شكله حتي..
رحيم: تمام ي خالد.. هبعتلك الفلوس بس انت كمل شغلك ولو في اي صفقات تاني ي ريت تقولي..
خالد: هتبلغ البوليس تاني!!
رحيم: اومال هقف اتفرج؟
خالد: ي باشا بقولك عرفوا ان انت اللي بتبلغ وممكن يموت*وك..
رحيم: متقلقش.. شريف السيوفي مستحيل يفكر في موتي قبل م ياخد مني الشركه...
خالد: ازااي عمك اصلا وصل للناس دي!!
رحيم: اهو بيجري وراا الفلوس وخلاص.. يلا سلام..
رحيم قفل مع خالد وتليفونه رن ب رقم غريب...
رحيم: الو...
..... : الو حضرتك نتيجه تحليل ال DNA اللي المدام عملاه مع والدها طلعت والنتيجه ايجابيه.. انا قولت لحضرتك اول م ظهرت زي م انت قولتلي...
رحيم: ايجابيه.. الحمد لله.. متشكر جدا لحضرتك..
.... : العفو ي فندم.. ان شاء الله النتيجه هتوصلكم بكرا..
رحيم: لا هبعتلك عنوان تبعتيها عليه...
... : تمام ي فندم..
................
رحيم دخل أوضه ريم لقاها واقفه في بلكونتها سرحانه..
رحيم: احم.. احم..
ريم بخضه: ي لهوي اتخضيت..
رحيم: انتي اللي في عالم تاني..
ريم بتوتر: كنت سرحانة شوية..
رحيم: طب ادخلي من البرد ده وتعالي عشان عاوز اتكلم معاكي في مواضيع كتير اووي..
ريم: تمام..
رحيم دخل وقعد علي كرسي مكتبها وهي قعدت علي السرير قصادة...
رحيم: اولا.. نتيجه التحليل بتاعه ندي وعمي طلعت ايجابيه.. ف بناء عليه هنروح انا وانت عشان تطلعي بطاقة ب اسم ريم السيوفي رسميا..
ريم: و عمي عرف وهيعترف بيها ولا لا..
رحيم: لسه هيعرف بكرا الصبح.. المهم عايزك بكرا متروحيش الكلية عشان هنروح كذا مشوار..
ريم: مش هروح الكلية!! م ماشي..
رحيم: بصي ي ريم خلي الفيزا دي معاكي اصرفي منها واشتري اللي انتي عايزاه كله...
وكمان بعد م نخلص من حوار البطاقة هكلم المحامي عشان تاخدي ورثك من بابا الله يرحمه...
ريم: ورثي!!
رحيم: ايوا.. لما بابا اتوفي ماما قالتلي ان ورثك لازم يفضل محفوظ لحد م ترجعي هي عمرها م فقدت الامل انك ترجعيلنا تاني..
ريم: تمام.. ماشي..
رحيم: اخر موضوع بقي وأهمهم..
ريم بتوتر: اي هو؟
رحيم: بدر متقدملك..
ريم بصدمه: بدر صاحبك!
رحيم: ايوا..
ريم رفعت حاجب واحد وهي بتبصله فهو ضحك وكمل كلامه..
رحيم: والله كانت نفس رد فعلي.. اسمعي انا عارف انكو اتخانقتوا لما كان بيوصلك الكلية بس ي ستي ما محبة الا بعد عداوة.. هو قالي انه شايفك محترمه وكويسه.. وانا بردو ي ريم شايفه كويس..
وبصراحه انا كمان موافق عليه.. بس رايك اكيد اهم حاجة ف انا عايز قبل م تقولي رأيك.. تقعدي معاخ وتتكلمي لما يجي يتقدم بشكل رسمي..
ريم: انا مشكلتي مش مع بدر او غيره.. كل المشكلة اني لسه في سنة تانيه في الكلية والجواز مسئولية..
رحيم: فكرت في كدا بردو ولكن لسه عند رأيي ان بدر شخص مناسب ليكي ف عشان كدا خدي وقتك و فكري وبعدين انا مش هجوزك بكرا ولا حاجة..
ريم بهدوء: ماشي ي رحيم هفكر وهرد عليك...
رحيم: تصبحي علي خير..
ريم: وانت من أهل الخير...
رحيم خرج وريم قفلت الباب ورا وسندت جبهتها علي الباب بتعب من كل تفاصيل اليوم...
_هتفضلي واقفه كدااا كتير..
ريم فتحت عنيها بصدمه كبيرة شلتها عن التفكير بصت وراها لقت عزيز نايم علي سريرها وحاطط رجل علي رجل..
عزيز: عجبتك المفاجأة؟
- تابع الفصل التالي عبر الرابط: "رواية خطايا الماضي" اضغط على أسم الرواية