رواية زواج غير مدبر الفصل التاسع بقلم أسماء سلام
رواية زواج غير مدبر الفصل التاسع
حسام بعين مبرقه ايه اللى انتى لابساه ده !!؟
رحاب لابسه ايه ، هو انا لابسه فستان عريان ولا حاجة ، انا لابسه إسدال
حسام انتى لو لابسه فستان عريان فده عادى لانك مراتى لكن تقعدى معايا باسدال صلاة وبطرحة وجسمك كله متغطى واحنا فى عز الحر مينفعش
رحاب عادى أنا مرتاحة كده
حسام اعتبرينى زى اخوكى فعادى تقعدى معايا بشعرك لكن كده مينفعش
رحاب حسام أنا قولتلك ننسى اللى حصل بينا
حسام وانا نسيت ، هو انا عملت حاجة
رحاب اللى حصل بينا ده نتيجة انك اعجبت بجسمى لكن لو انت مشفتش جسمى فده مش هيتكرر تانى
حسام بس مينفعش كده يا رحاب
رحاب يا حسام أنا بعمل اللى بيريحنى وكمان أنا بكلمك عادى اهو
حسام ده اللى ناقص انك متكلمنيش
رحاب لو فضلت كده هيقطع الكلام معاك
حسام بس ده مينفعش وبكده انتى هتخلينى اروح لطريق وحش وابص بره مدام مراتى بتعمل كده
رحاب ده لو انت ضعيف بقى ، أنا بتصرف معاك عادى واعتبرنى محرمة عليك
حسام ماشى يا رحاب، دى مبقتش عيشة وهل بقى عملتى الغدا ولا لأ
رحاب لأ اكيد عملت ، احنا هنتكلم عادى واطبخلك وكل حاجة فى شغل البيت لكن اديك حقوقك كزوج لأ مينفعش
حسام ماشى يا رحاب يلا ناكل
على الاكل
حسام عملتى ايه فى الشغل النهارده
رحاب عادى معملتش حاجة جديدة غير الشغل ، طب وانت
حسام افتكر كلام طارق وقال لأ بس عايز أسألك سؤال
رحاب ايه هو
حسام دلوقتي الناس مفكرة انى متجوز منة ، طب انتى الناس هتقول اختفت فين ولو شافونا مع بعض هيفهموا غلط ولو حد اتقدملك اعمل ايه
رحاب طب ليه مفكرتش وقولت نعلن زواجنا
حسام ازاى يعنى ، هقول للناس يوم الفرح اتجوزت اخت مراتى وان مراتى سابتى وهربت ويا ترى بقى هربت لأنها مش موافقة عليا ولا علشان بتحب حد غيرى وهربت معاه
رحاب طب نعمل ايه
حسام أنا شايف أننا نحاول نبعد عن الناس شوية ولو حد سالك على زواج وكده قولى مش بتفكرى فى الموضوع وكمان هنخلى اهلك يقولوا انك بقيتى تقعدى فى البيت كتير وخلاص
رحاب ماشى اعمل اللى يعجبك ، فى كل حالة سمعتى هتكون وحشة
حسام لأ يا رحاب ، أنا مضطر لكده
رحاب ماشى يا حسام وقامت سابته ودخلت الاوضة
حسام طب اعمل ايه دلوقتي، مقدرش اقول للناس انى اتجوزت اخت مراتى ، كده هتكون فضيحة
عند رحاب فى الاوضة
رحاب بتعيط وبتقول كله بيفكر فى نفسه ، محدش بيفكر فيا ، فيها ايه لو قال انا هقول للناس كلها انك مراتى مدام مش بنعمل حاجة غلط ولا عايزنى اديله حقوقه كزوج لكن ميقدرش يعترف بيا قدام الناس وبقول علشان كلام الناس ، اصلا الناس بتتكلم عنى من غير حاجة فكمان هيشكوا فيا ويقولوا انى بوقع زوج اختى ، لكن لو قال انتى مراتى الناس كانت هتتكلم بس هكون قادرة ابص فى عينيهم بكل ثقة مش خايفة لحد يشوفنى معاه أو وانا باجى هنا وهو بيجى هنا فكده هيشكوا فينا ، فينك يا عمر فين لما احبت الناس كلها علشانى مع انك كنت لسه صغير بس الرجولة مواقف وانت فعلا رجلى الوحيد
Flash back
الأهل يا بنى انت صغير على الكلام ده
عمر لأ مش صغير ، أنا بقول أنا بحب رحاب ومش عايز اتجوز غيرها وانى هستنى العمر كله علشان تكون ليا وممكن استنى 5 سنين لحد ما تكون فى ال 20 واتجوزها بس ادونى وعد أنها هتكون ليا
الاب مينفعش اديك وعد ، انت لسه صغير وقلبك وعقلك مش ناضجين لسه علشان كده كلامك لا يأخذ بعين الاعتبار
عمر ماشى يا عمى بس انا بوعدك انى هشتغل وابقى شخص مسئول وأجى اطلب منك ايد رحاب
الاب ماشى يا بنى بس متكلمهاش وانت بره علشان متعشمهاش بحاجة وسيبها وقلبها وانت تعمل كده ولو فضلتوا بتحبوا بعض اتجوزوا لكن لو هى حبت غيرك هجوزها لغيرك وانتى كذلك ، ماشى يا ابنى ؟
عمر ماشى يا حاج وانا اوعدك انى مش هكلمها خالص ولما اجهز هاجى اتقدم
بس رحاب متعرفش أن عمر بيعرف اخبارها من صاحبة وطبعا محدش عارف انها اتجوزت فهو مش عارف بس لو عرف هيعمل ايه
End
بحبك اوى يا عمر وعمرى ما حبيت حد غيرك ومع انى كنت صغيرة لما الموقف ده حصل بس لسه معلم معايا وكمان حب الطفولة لا ينسى وانت الحب الاول فى حياتى ، نفسى اشوفك بس خايفة تعرفى اللى حصل بينى وبين حسام وانتى اتجوزته وبقيت مراته شرعا وقانونا بس بأمل انك تسامحنى
-----------------------
حسام بيخبط على باب رحاب وملقاش منها رد فدخل عليها
رحاب كانت بتعيط وهى بتفكر فى عمر ومش سامعه خبط الباب واول لما لقت الباب اتفتح سحبت الطرحة بسرعة على شعرها
حسام ليه كل ده ، انتى مراتى وعادى اشوف شعرك
رحاب احنا اتكلمنا فى الموضوع ده وخلاص انتهى وبعدين انت عايز ايه وازاى تدخل كده
حسام انتى مسمعتيش صوت الخبط فدخلت وبعدين انا مقلتش انى موافق على لبسك ده
رحاب توافق ولا متوافقش ده قرارى أنا واتفضل اطلع بره ومدخلش من غير لما استأذنك
رحاب وحسام قعدوا كل واحد فى اوضة وكل واحد بيفكر ، حسام بيفكر ازاى يحسن علاقته برحاب، ورحاب بتفكر ازاى تبعد عن حسام علشان ميتعلقش بيها ويطلب منها اى حاجة هى مش قادرة عليها وهى بتفكر فى عمر
تانى يوم رحاب راحت لاهلها مش للشغل بس مقالتش لحسام
الام حاضر يالللى على الباب
الام رحاب حبيبتى وحشانى وخدتها فى حضنها
رحاب ياااااه ، وحشنى حضنك يا امى
الام وانتى كمان يا روحى ، عامله ايه واخبارك ايه ، مالك شكلك اصفر كده ليه ، مش بتاكلى ولا ايه، حسام عامل معاكى ايه
رحاب وحشنى كلامك واهتمامك ده يا ماما
الام انتى بنتى البكر يا رحاب ، اول فرحتى ، ربنا يسعدك يا بنتى ، عامله ايه مع حسام
رحاب الحمد لله بنتعامل كويس وزى الصحاب
الام طب هل حصل
رحاب لأ يا امى ، أنا مش بحبه ومينفعش ده يحصل بينا وكمان ليه مجتيش تشوفينى من ساعة لما اتجوزت
الام اصل اصل ...
رحاب فى ايه يا امى متخبيش عليا
الام مفيش كنت تعبانه شوية ومش قادرة امشى والدكتور كان شاكك انى عندى سرطان بس الحمد لله تمام ومفيش حاجة
رحاب الحمد لله يا امى
الاب حبيبتي يا رحاب
رحاب حبيبى يا بابا
رحاب قضت اليوم كله عند اهلها ونسيت حسام تماما
حسام قاعد قلقان وعمال يقول هى راحت فين ، واتأخرت ليه وكمان موبايلها مقفول وطبعا مينفعش يتصل على حد يسأل عليها لأن كده الناس هتشك وعمال يقول معقول جرلها حاجة أو تعبت او
رحاب رجعت قرب العشاء
اول ما رحاب دخلت وحسام شافها قام وقرب منها وحضنها جامد وقالها أنا كنت خايف عليكى اوى ولو مكنتيش جيتى كنت اتجننت ، انتى كويسه جرالك حاجة
رحاب بعدته عندها وقالت مفيش حاجة ، أنا كنت عند اهلى والوقت سرقنى ومحستش فيه ، متقلقش أنا كويسه ، المهم انت كلت ولا لأ
حسام بزفير عالى ازاى اكل وانا هموت من القلق عليكى وتانى مرة تقوليلى راحة فين وبيتهيألى ده حاجة سهلة يعنى
رحاب حاضر يا حسام هدخل اغير وأحضر الاكل
رحاب غيرت وعملت الاكل
حسام تعالى اقعدى جنبى هنا مش بعيد كده
رحاب مالك يا حسام فيك حاجة ، أنا حاسه انك تعبان اصلك بتبصلى بطريقة غريبة
حسام لأ ابدا
رحاب وحسام كلوا بس رحاب مكلتش كويس علشان كانت خائفة من نظرة حسام ليها
رحاب بتغسل المواعين ليها وفجأة لقت حد وراها ، هى حاسه بيه بس مش لامسها بس حاسه بأنفاسه على رقبتها
رحاب بصت وراها ولقت حسام وراها
رحاب بخوف بتعمل ايه هنا يا حسام
حسام مردش لكنه قعد يقرب منها اوى
رحاب ابعد يا حسام ميصحش كده
يتبع الفصل العاشر اضغط هنا
- الفهرس يحتوي على جميع فصول الرواية كاملة :"رواية زواج غير مدبر " اضغط على اسم الرواية