رواية التوأم الفصل التاسع 9 بقلم ايمان

     رواية التوأم الفصل التاسع  بقلم ايمان

رواية التوأم الفصل التاسع 

هو حضرتك مش حتروح الشركة انهاردة كمان

لا يا عمر انا حقعد جنب رغد

طيب

وهم بالانصراف ولكنه عاد يقول  لابيه بحزن: بابا انا مش قادر على الطريقة دى

طريقة ايه يا عمر

بتكلمنى بالعافية كمان مش بتبص فى وشى بابا انا مقدرش على زعلك وانت عارف كده كويس

انا مش زعلان منك انا زعلان عليك

فنصرف عمر دون كلمه

مر يومان استردت فيهم رغد عافيتها وبدءت تعود كما كانت 

رغودة اختى حببتى ما تيجى نخرج بما انك بقيتى كويسة نتمشى ونشترى  شوية حاجات

لالالالا شوفى حد من اصحابك يخرج معاكى انا لا

ليه بس صحيح يارغد انتى من يوم ما جيتى لا شوفت حد بيجيلك من صحابك ولا كلمتينى عنهم 

انا معندبش اصحاب من الاساس بسبب تنقلات ماما مع اجوزها من مكان لمكان ومن بلد لبلد

اااه طيب . طب يعنى مش حتيجى معايا 

لا انا حقعد مع ماما سعاد اساعدها

فى أثناء جلوسهم جميعا لتناول الغداء قالت رغد فاجأة : متشكرة اوى يابابا على مجموعة الالوان اللى جبتهالى

فأجابها توفيق بدهشة : انا ماجبتش اى الوان ليكى

فهب عمر واقفا على الفور وهو يقول : طيب يا جماعة انا خارج ويمكن اتأخر شوية

وتركهم وانصرف على الفور . فمالت ضحى على اذن رغد والتى كانت شاردة الفكر قائلة : بعد الغدا انا حفهمك كل حاجة

فنظرت لها رغد بعدم فهم دون ان تنطق

فغمزت لها ضحى بعينها

فأكملت طعامها على عجل ثم قامت وهى تسحب ضحى من يدها على غرفتها لتخبرها ما الامر

هو مش انت اللى جبت الالوان لرغد يا توفيق

لا طبعا

امال حيكون مين

اللى قام متسربع من ع الاكل وخد بعضه وخرج

تقصد عمر معقول

طبعا مفيش غيره لا انا ولا انتى ولا ضحى حد فينا اللى جابهم يبقه مين ؟؟؟

صحيح عندك حق . اكيد عشان تصالحه وترضى عنه يا توفيق

انتى عارفة انا بحبه اد ايه دا انا بحبه اكتر من بناتى وعشان كده عاوز اكسر القسوة اللى بقه فيها دى عشانه هو اكتر من اى حد تانى

طب عشان خاطرى كلمه بقه دا قلبه وجعه اوى من خصامك ليه

وهو انا مخاصمه ما انا بتكلم معاه

اه بتتكلم معاه فى حدود الشغل وبس لكن كأب وابنه زى الاول لا وانت عارف ان ده اشد عقاب ممكن تعاقب بيه عمر

عوزة يفوق لنفسه وينسى اللى فات ويرجع زى زمان

طب اهو بدء اهو واكيد حكاية الالوان دى عشان يصالحك ويصالحها هى كمان والنبى يا توفيق ترضى عنه بقه

ماشى ياستى طبعا ماهو كمان عارف نقطة ضعفى وانى مقدرش ارفضلك طلب

ربنا يخليك لينا يا توفيق ولا يحرمناش منك ابدا

ولا منك ياسعاد

قولى بقه غلبتينى مين اللى جاب الالوان

يابنتى ماهى وضحه لوحدها عمر طبعا

جه فى بالى بس استبعدتها بعد ما بابا قال ان مش هو اللى جابهم ولا انتى ولاماما كمان اتكلمتوا

انا بقه من اول ما قولتى وانا عرفت انه عمر لانه من كام يوم سألنى هى رغد مش بترسم ليه . قولتله ان الوانك كلها اتقلبت وباظت يوم ما خبط فيكى واننا مخرجناش تانى بعدها دا غير انك كنتى تعبانه فسهم ومردش عليا فلما انتى قولتى انك لاقيتى الالوان فى اوضتك قولت اكيد هو مفيش غيره

طب بصى انتى تخديهم ترجعيهمله انا مش عوزة منه حاجة

ليه كده انا ماصدقت انه ابتدى يفكها ارجوكى يارغد لو بتحبينى انا وبابا وماما تقبليهم وعلى فكرة هو كده بيعتذرلك كمان عن اللى عمله هو ده طبع عمر لما كان يزعلنى كان يشوف اكتر حاجة بحبها وكان يجبها ويلفها لفة شيك واتفاجأ بيها فى اوضتى عمر طيب اوى وحنين يارغد

انا مالى طيب لنفسه مش طيب لنفسه برضو كفايه اللى شوفته منه

كده يا رغد 

فتأثرت بالحزن البادى عليها فقالت : خلاص عشان خاطرك انتى بس انا حقبلهم مبسوطة ياستى

اوى اوى اوى يارغد ربنا ما يحرمنى منك يا احلى اخت فى الدنيا والله انتى لما تعرفى عمر كويس حتحبيه

أيه تفى من بؤك

فانفجرت ضحى فى الضحك قائلة : بقه كده طب تعالى شوفى سميرة وجميلة اللى مقطعين نفسهم عليه ونفسهم بس يرمى عليهم السلام

على ايه دا كله

ليه هو عمر اخويا وحش دا ولا نجوم السينما طول بعرض بوسامه بشياكه ولا شعرة الاسود وعيونه العسلية دا يجنن يابنتى دا لو مش اخويا كنت طلبت ايده بنفسى

فانفجرت رغد فى الضحك

ادينى عملت اللى قولت عليه جبتلها احسن مجموعة الوان ولفتها بشياكة وحطتهالها فى اوضتها والهانم افتكرت ان بابا هو اللى جبهملها

عادى طبعا انت اخر واحد تفكر فيه بس اكيد هى دلوقتى عرفت انك انت اللى جبتها

انا مش مهم عندى تعرف ولا لا انا اهم حاجة عندى بابا يصالحنى انا زعله تعبنى اوى

كل لما تقرب خطوة من رغد عمو توفيق حيرضى عنك

نعم ليه وانت عوزنى اعملها ايه تانى

ايه يابنى فى ايه . احنا مش اتفاقنا حتغير معاملتك ليها وحتحاول تقربلها عشان تقدر تنتهى من قصة سهى دى خالص

مش عارف يا عماد حاسس 

سكت ليه فى ايه ياعمر

قال بعصبية وبسرعة شديدة : قربى منها بيوترنى ويلغبطنى وبيخوفنى كمان ارتحت

اه ارتحت كل لما بتشرح لى مشاعرك ده بيوفر علينا وقت وجهد كبير واللى بتحس بيه ده عادى يعنى لانها توأم سهى وشبهه

يعنى مشاعرى دى لمجرد شبه سهى مش اكتر من كده يا عماد انت متأكده

انت لما بتكون قريب ليها بتحس بايه بالظبط صارحنى

مش عارف مش عارف انا مروح

وتركه وانصرف على الفور 

على الافطار فى اليوم التالى تفاجأ عمر بتوفيق يقول له : ايه رايك ياعمر تروح معايا الشركة انهاردة بعربيتى ولا تحب تروح بعربيتك

فقال وبمنتهى السعادة : لالا حروح معاك طبعا وهب واقفا وهو يقول يلا بينا انا خلاص خلصت فطار

فقالت سعاد مبتسمه : ايه ياعمر ما تسيب بابا يكمل فطاره

 يا ماما هو خلص خلاص عندنا شغل كتير

فقال توفيق : فعلا ياسعاد عندنا شغل كتير وانا خلاص فعلا شبعت الحمد لله

يلا يا بنات محدش منكم عاوز حاجة قبل ما امشى

فقال الاثنان معا عوزين سلامتك

فأخذه عمر من يده وانصرف على الغور فيما قامت سعاد خلفهم وهى فى منتهى السعادة

فقالت رغد مندهشه : هو ماله مبسوط اوى وخد بابا ومشى ولا كأنه حيوديه الملاهى

ملاهى ايه بس اكتر من كده بكتيييير

ليه حيوديه فين

اصلك مش فاهمه بابا كان زعلان من عمر من يوم ما تعبتى بسببه ومكنش بيكلمه غير فى الضرورة القصوى وانتى بقه ماتعرفيش زعل بابا ممكن يعمل ايه فى عمر

يسلااااام على اساس ان اخوكى رقيق اوى

رغد بجد حزعل منك

خلاص خلاص عندك حق دا برضو اخوكى

لا مش بس كده الراجل القاسى ده مش هو عمر الحقيقى وبكره تتأكدى بنفسك

أمال فين رغد يا ضحى

بتسأل عنها ليه عاوز حد تتخانق معاه ومش لاقى

بس يالمضة هى فين بجد

طلعت اوضتها تجيب لوح الرسم والالوان

كده طب خدى دول

ايه ده اتنين بار شيكولاته كيندر كده مره واحده دول ليا

لا طبعا يامفجوعة واحد ليكى والتانى لرغد ابقى ادهولها

واقولها انه منك يعنى وغمزت له بعينيها

برحتك يالمضة 

وتركها ليدخل الفيلا وبالمصادفة كانت رغد خارجة وكالعادة اصتدم الاثنان ببعضهما ولكنه هذة المرة ابتسم ومر بجوارها وهو يقول حصل خير فأكملت طريقها الى الخارج وهى فى ذهول مما حدث ولم تنتبه الا على صوت ضحى 

فقالت لها على الفور : مش ممكن مش حتصدقى أللى حصل وانا خارجة جرى من جوه اتخبط فى عمر ولاول مرة ابتسم فى وشى لا وايه قالى حصل خير ومازعقش فيا زى كل مرة

مش قولتلك بدء يتغير . اه صحيح دا قبل ما يدخل ساب لك الشيكولاته دى

ايه بتقولى ايه انا كده فهمت

فهمتى ايه

هو ابتسم فى وشى جوه عشان لما اطلع تدينى الشيكولاته دى اللى حاطت لى فيها السم عشان يخلص منى صح.

بس دا جايب اتنين ليا وليكى وماقلش اديكى وحدة معينه تفتكرى انه عاوز يسمنى انا كمان ويخلص مننا فى وقت واحد 

تصدقى ممكن

فنظر الاثنان لبعضهما وانفجرا فى الضحك

ها يا عم الدكتور ادينى نفذت اللى انت قولت عليه وقربت منها

انت جبت الالوان وسبتهم فى اوضتها جبتلها شيكولاته وخليت ضحى هى اللى تدهالها يعنى ما تكلمتش انت معاها يبقه قربت منها ازاى بقه

ايه وهو انت عوزنى افتح معاها موضيع واخد وادى معاها فى الكلام

وفيها ايه دى

مش بعرف ولحد كده ومش حقدر 

لا حتقدر . بقولك ايه ما تيجى ننزل نشترى بدلة جديدة عشان مناقشة الدكتوراه بعد كام يوم وانا بحب ذوءك فى البدل

بجد انت خلاص خلصتها اخيرا الف مبروك

الله يبارك فيك طب يلا بينا

يلا

بالفعل خرج عماد وعمر وذهبا سويا لمول كبير واخذا يتجولان به لانتقاء البدلة المناسبةوفى هذه الاثناء شاهد عمر ضحى ورغد وشخص ما يصيح بهما فقال : ايه ده

فى ايه يا عمر

ضحى ورغد هناك اهم وشكلهم بيتخانقوا

طب بينا نشوف فى ايه

بمجرد اقترابهم قال عمر وهو ينظر للرجل بغضب : فى ايه 

فانفجرت ضحى قائلة : الاستاذ ده عمال يعاكس فى رغد ولما زعقت فيه مش عجبه

فأمسكه عمر من ملابسه وهو يقول : الكلام ده حصل

فقال الرجل بزعر : الانسه فهمه غلط وانا خلاص حخرج من المول كله عشان خاطرها سبنى بقه

فتدخل عماد واخذ يهدىء من عمر حتى يترك الرجل ليرحل وبالفعل ترك عمر الرجل فرحل مسرعا

ثم قال لضحى : اشتريتوا اللى عوزينه ولا لسه

خلاص اشترينا كل حاجة احنا كنا مروحين

كده طب يلا معايا اروحكم بدل ماحد يتعرضلكم تانى معلش يا عماد بكرة حبقه اعدى عليك عشان نشترى البدلة

ولاا يهمك روح روح اخواتك

وبمجرد ان تحرك عمر بسيارته سألته ضحى قائلة : هو دكتورعماد حيخطب ولا ايه

مين قال كده

امال نازل يشتر بدلة ليه

يسلام هو الواحد مايلبسش بدله الا لما يخطب عماد حيناقش الدكتورا كمان كام يوم عشان كده عاوز بدله جديده 

ااااه . قالتها وهى تحمد الله فى سرها

صباح الفل يا ضحى يلا اطلعى صحى بابا وعمر ورغد عشان يفطروا

حاضر يا ست الكل

انا اهو نازل من غير ضحى صباح الخير يا ماما

صباح الخير يا حبيبى

يسلااااام اشمعنى انا مقولتليش صباح الخير يا حببتى

ماشى ياضحى المرة الحاية حقولك اطلعى بقه صحى بابا

انا اهو ياسعاد صباح الخير ياولاد

صباح النور يا بابا

امال فين رغد

انا اهو يابابا

تفاجأ الجميع بها تدخل من باب الفيلا وهى تحمل باقة من الورد

توفيق: ايه الجمال دا يا رغود

انا صحيت بدرى فنزلت الجنينة وقولت اجمع شوية ورد نحطه فى الفاز اللى ع السفرة دى 

ضحى : الله يا رغد ع الجمال ريحة الورد تفتح النفس

سعاد : اه وانتى ياضحى محتاجة حاجة تفتح نفسك

فضحك الجميع

بعد ان غادر عمر وتوفيق صعدت رغد وضحى 

لترتب كل منهما غرفتها وذهبت سعاد للمطبخ فوجدت ان هناك توابل وبعض الخضروات تنقصها فقررت الخروج لشراءها واثناء مغادرتها قابلتها رغد 

ايه يا ماما رايحة فين

ابدا خرحة اشترى شوية حاجات ومش حتأخر

طيب

وبمجرد خروج سعاد تولدت رغبة شديدة عند رغد لتقليده فى الطبخ فلم تمنع نفسها من خوض التجربة   وبمجرد ان أمسكت بالسكين وبدءت بتقطيع بعض الخضروات جرحت إصبعها وبدءت تنزف فانزعجت ولم تدرى ماذا تفعل فى هذه اللحظة ظهر عمر لا تدرى من اين وكيف وقد خرج امامها مع والدها فجهزت نفسها لوابل من التوبيخ ولكن حدث ما لم تكن تتوقعه فبمجرد ان رأها على هذا الوضع انتابه الفزع وتوجه اليها ممسكا بيدها قائلا

ايه اللى انتى عملتيه فى نفسك ده

وسحبها على الفور الى صنبور الماء وفتحه على يدها ليغسلها من الدماء ثم جاء فتح احد دواليب المطبخ واتى منها بمطهر وشاش واخذ يطهر لها الجرح ثم لفه بالشاش جيدا

كل هذا وهى فى ذهول مما يحدث ولا تدرى ماذا تفعل الى اان رفع وجهه ونظر لها فى عينيها وهو يقول : ابقى خدى بالك بعد كده

كانت هذه اول مرة ترى عينية عن قرب بلونهما العسلى كمان ااخبرتها ضحى من قبل فسرحت فى روعتها

أاااااايه فى ايه سرحان فى ايه

فسحبت يدها من بين يديه على الفور وهى تبتعد عنه قائلا : لا ابدا متشكرة

امال ماما فين 

ماما خرجت تشترى شوية حاجات

طب لما ترجع قوللها انا وبابا حنتأخر شوية انهاردة 

حاضر

وغادر بعدها على الفور

فدخلت عليها ضحى وهى ما ذالت شارده تقول 

الله انا شايفة عمر خارج هو رجع امتى

من شوية

ايه ده ايه اللى فى ايدك ده

كنت بقلد ماما سعاد وادى النتيحة 

بس كويس انك لفتيها كده

مش انا دا عمر دخل وانا مكنتش عارفة اعمل ايه طهرها ولفها كده

ااااه قولتيلى

ضحى هى سهى هربت من عمر ليه

انا مش حكيت لك كل حاجة اعرفها

انا حاسه ان مش دى الحقيقة

ليه بتقولى كده

برغم من معاملة عمر ليا الجافة بس برضو ليه كام موقف كده بيثبتوا انه فعلا حنين زى ما انتى قولتلى غير حب بابا ليه ومعاملته ليه اللى كلها حنان وود معنى كده انه حقيقى انسان كويس غير كده انتى قولتى ان سهى وعمر كانوا مرتبطين جدا ببعض من وهما صغيرين يبقه ازاى تهرب منه او تحب غيره كده بكل سهولة مش قدرة اصدق ده

اقولك الحقيقة ولا انا بس هو ده اللى انا عرفته واللى ماما كمان تعرفه بس قلبى بيقولى ان فى حاجة تانية ميعرفهاش غير بابا وعمر بس ومش عوزين يقولوها 

فعلا فى سر فى الموضوع ده

ايه مالك فى ايه اتفزعت ليه لما شوفت ايدها غرقانه دم وليه كنت ماسكها كده ومش عاوز تسبها

ااااه اديها صغننه خالص وناعمه جدا زى الاطفال له حق مدحت لما كان ماسكها ومش عاوز يسبها انا مش عارف ايه اللى بيحصلى ده هل ده بسب حبى القديم لسهى ولا ايه يارب اهدينى للصواب

بمجرد ان انهت حديثها مع ضحى توجهت لغرفتها وجلست هى الاخرى تفكر فيه

معقول حنيته دى وكل مرة كده يظهر لما اكون فى ورطة ومش عارفة اتصرف وهو ينقذنى 

دا غير عينيه اللى حسيت انى غرقت فيهم ايه ده ايه اللى بقوله ده هو انا بتكلم عنه كده ليه اكيد اللى بيعمله معايا ده برضو عشان الشبه اللى بينى وبين سهى  اكيد

ضحى: انا مبسوطة اوى يابابا انك انت وعمر معانا انهاردة على الغدا من فترة طويلة متجمعناش كلنا كده 

عمر : اه عشان كده ماشاء الله نزله اكل على أخرك

كده ياعمر طب انا فرحانه عشان بابا بس 

ياروح قلب بابا يا ضحى

لا يا بابا انا مصدقت تزعل يمكن تسيب لينا حاجة ناكلها 

فضحك الجميع

كده ياعمر طب زعلانه منك وحاكل برضو هه بس

شايف يا بابا برضو مفيش فايدة

ووسط ضحك الجميع رن جرس الباب فقال توفيق خليكم انا خلاص شبعت وحقوم افتح

وبمجرد ان فتح الباب وجدها ترمى بنفسها على قدميه وتتوسل له قائلة : سامحنى أنا غلطانه وعرفت غلطتى ارجوك يا بابا سامحنى

نعم ياسادة فقد عادت سهى

يتبع الفصل العاشر اضغط هنا

• الفهرس يحتوي على جميع فصول الرواية كاملة :"رواية التوأم" اضغط على اسم الرواية