رواية الاعمى الفصل الأخير بقلم ليلة عادل
رواية الاعمى الفصل الأخير
شقه اميره 7 م
فى غرفه الاب والام – الاب يتمدد على السرير يقراء قران تدخل الام وتغلق الباب وتجلس بجانبه بعد قليل يغلق الكتاب ويضع على كومودينو
الام ... خالد ادهم كلمك ولاه لسه
الاب ...يكلمنى ليه خير فى حاجه
الام ... يعنى اميره طالبه الطلاق
الاب ...(باستغراب ) والله من امتى
الام ... من كام يوم , وانت كنت مسافر ومحبتش افتح معاك الموضوع امبارح , قولت ترتاح الاول
الاب ... (بحده ) وهى ازاى تاخد القرار ده من غير ما ترجعلى
الام ... هى كانت هتقولك بس
الاب ... بس ايه يا استاذه يا بشمهندسة تتفقى انتى وبنتك وبعدين تفكرو تقولولى
الام ... الموضوع مش كدا
الاب ...(بنرفزه ) امال الموضوع ايه , واضح ان ماليش لازمه فى حياه بنتك بس ليها حق لان القدوه بتعتها موافقها على ده , هى فين
الام ... خالد انت ليه مكبر الحكايه دى حياه بنتك وده الصح جواز بنتك من ادهم كان غلط
الاب ... مدام عرفه انه غلط وفقتيها ليه من الاساس عن اذنك كلمنا منتهاش
فى الغرفه اميره -
تجلس على السرير وتمسك التليفون ثم يطرق الاب الباب
اميره ... اتفضل
الاب ... ايه اللى انتى عاملتيه ده
اميره ... عملت ايه
الاب ... (بحده ) نتى ازاى تطلبى الطلاق من ادهم من غير ما ترجعيلى , ازاى متقولليش الاول وتكلمينى , ازاى تروحى من نفسك وتتكلمى معه
اميره ... احنا اتكلمنا بس لكن طبعا كنا مستنينة حضرتك ترجع من السفر
الاب ... هو ده سببك انى كنت مسافر كان ممكن تستنينى لحد مرجع ولاه انتى شايفه ايه
اميره ...بابا انا بس فتحت معه الموضوع وقولتله قرارى وكنت مستنيه لحد محضرتك ترجع , هو ده اللى حصل
الاب... ليه وعلى ايه كنتى طلقتى مدام انا ماليش اى لازمه فى حياتك
اميره ... ليه حضرتك بتقول كدا
الاب ...(نرفزه ) لان للاسف بعد العمره ده اتاكدت انى فشلت فى تربيه بنتى , مكنتش عارف انى لما اربيها على حريه الاختيارتعرف تستخدم ده بشكل الصح , لكن للاسف كنت غلطان انتى استخدمتى حريتك غلط ماشيه بدامغك شكلك محتاجه تتربى من الاول وجديد
اميره ... ليه غلط عشان طلبت الطلاق من ادهم يعنى كنت هتفرح لما اتجوزه و اظلمه معايا , انت المفروض تكون فخور بيا لانى مش عايزه اظلم انسان مالهوش ذنب باى شئ
الاب ... وليه اتجوزتيه من البدايه
اميره ... غلطه وادينى بصلحها لانى لو كنت استمريت فيها كان هيبقى كارثه
الاب ... فعلا كارثه لان ادهم يستاهل حد تانى انا هطلقك منه عشان هو راجل محترم و انتى فعلا متستهلهوش , بس اسمعى اوعى تكونى فاكره ان بكدا هوافق على جوازك من مروان لاء , جوازك من مروان مرفوض عن اذنك
(بعد اسبوع )
- شقه اميره 3 م
الاب يدخل من باب الشقه الى الراسبشن وكانت تجلس اميره وياسمين والام بنتظاره
الام ... (تقف بهتمام ) عملت ايه يا خالد
الاب ... خلاص طلقها بس لوكنتى شفتى منظره يقطع القلب , مسكت نفسى بالعافيه والله , قولته انت متستهلش بنتى يابنى حقك على راسى
الام ... معلش ان شاء الله هيكون بخير صدقنى ده الصح
الاب ...(يجلس بجديه ) المهم بقا اوعو تكونو فاكرين ان هسمح ان اميره تتجوز اللى اسمه مروان ده , ولو على جثتى انا عندى تعيش جنبى وتعنس ولا تتجوزه
ياسمين ... بابا مروان رايح يعمل عمليه وهيشوف
الاب .... يروح بسلامه بس جواز بنتى منه مرفوض
الام ... (تجلس بجانبه ) ممكن افهم ليه
اميره .. ماما انا مش عايزه اتجوزه اصلا , انا اتطلقت من ادهم عشان مجرد التفكير فى راجل غيره وانا معه خيانه وادهم ميستحقش منى كدا , ياريت نقفل على موضوع ده
الاب ... صح كدا خليكى عاقله زى بنتك
خلال هذه الفتره اميره كانت تتذكر كل شى حدث معها فى السابق لكن لا تعرف ماذا تفعل فهى مازلت تعشق مروان وتاكدت ان مهما حدث ساتظل تحبه بجنون لكن مروان مازال متمسك بفكاره ماذا ستفعل
نادى المعادى 3 م
اميره تجلس على الترابيزة تفكر وتتذكر كل شى حدث معها من وقت ما اقتربت من مروان كلامهم ضحكتهم كل الموقف التى جمعتهم ثم يدخل عليها منير
منير ... ازيك يا مرمر
اميره ... الحمد الله وانت
منير ... الحمد الله ممكن اقعد
اميره .. اكيد
منير ..احنا مسافرين خلاص يوم السبت
اميره ... ان شاء الله على خير
منير ... لسه معنده
اميره ... مش فاهمه
منير ... انا عرفت من حمزه انك اطلقتى
اميره ... ايوا بس ده مش معناه انى ارجع لصحبك صحبك رافضنى اصلا
منير ... انتى ايه اللى حصلك انتى كنتى قويه وبتتحدى اى حد كنت قادره على مروان
اميره ... البركه فى صحبك
منير ... بصى يا اميره صحبى ومتخلف عارف , بس خليكى يا ستى انت البنت العاقله اللى عايز تصلحى العلاقه ومتمسكه فيها , لو هومش عاقل عقليه انتى
اميره ... بس
منير ... مافيش بس هو بيحبك وانتى متاكده من ده , هو مشكلته فى افكاره المتخلفه انتى بقا علجيها , ارجعى اميره بتعت زمان المجنونه اللى مش بيهمها حد , اللى رجعت مروان زى زمان , انا متاكد انك تقدرى على مروان زى مقدرتى مره تقدرى الف
اميره ... (بحيره ) مش عارفه
منير ... فكرى كويس بس بسرعه عشان اقدر احجزلك
اميره ... هو عارف انى اطلقت
منير ... لاء هو فاكر ان فرحك الخميس اللى بعد جاى
اميره ... خليه فاكر كدا عشان يتربى
منير ... ههههههههههه والله فعلا هو محتاج يتربى انتى ابتلاءه فى الدنيا
اميره ... انا ابتلاء
منير ... اه بصراحه هو يستاهل وحده زيك انتى اللى بتقدرى عليه , مستنى منك تليفون بكرا
اميره ... ان شاء الله سلام
(يرحل منير و تجلس اميره تفكر)
(بعد مرور اسبوع)
شقه مروان 10 ص
مروان فى الراسبشن مروان يقف ومعه منير وجنبهم الشنط يقوم بتوديع فاطمه
فاطمه ... ان شاء الله تروح وتيجى بسلامه يا حبيبى انا املى فى ربنا كبير هتيجى مجبور الخاطر
مروان ... يارب يا ماما فاطمه ادعيلى
فاطمه ... بدعيلك يا حبيبى
مروان ... منير
منير ... ايوه يا حبيبى
مروان ... جبت الامانه اللى قولتك عليها
منير ... اه اهى ... (يعطى منير لمروان لفه بها 100الف جينه)
مروان ... اتفضلى
الدادا ... ايه ده
مروان ... مبلغ صغير خليه معاكى لحد مرجع ومرتبك هيجلكم كل اول شهر متقلقيش
الدادا ... بس دول كتير اوى
مروان ... ولا كتير ولا حاجه لو عوزين اى حاجه بس كلمينى على طول
منير ... يلا يا حبيبى عشان معياد الطياره
فاطمه ... ربنا يرجعك لينا مجبور الخاطر يا مروان يا ابن حواء وادك ويكتبلك فى كل خطوة سلامه يارب
(يحضن مروان الدادا وينزل)
- مطار القاهره الدولى 11ص
منظر عام للمطار من الخارج ثم داخل احد الطائرات المتجه الى انجلترا يجلس مروان فى الكراسى الاماميه فى الدرجه الاول وبجانبه منير يقوم منير برط حزم الامان لمروان
منير... ها ياحبيبى كله تمام
مروان ... تمام ادعيلى بجد ربنا يسهلى الامور لان ده اخر امل ليا
منير ... متقلقش الدكتور ده عمل عمليات كتير وكلهم نجحو ونفس حالتك بالظبط انا متفائل
مروان ... خير ان شاء الله (فجأه مروان يضع ايدو على قلبه)
منير ... فى ايه
مروان ... مش عارف بس حاسس ان
منير ... ان ايه
(فجاه تظهر اميره واقفه بعديه ب 4 كراسى)
(مشهد فلاش باك )
- داخلى شقه اميره 10 م
غرفه اميره - اميره تقف جانب الشباك تمسك تليفونها وتتصل بمنير
اميره ... الو
منير ... عامله ايه
اميره ... الحمد الله انا فكرت
منير ... وايه هو قرارك
اميره ... احجزلى معاك بس بشرط
منير ... ايه هو
اميره ... مروان ميعرقش حاجه
منير ... تمام
(مره اخر مشهد الطياره)
(اميره تقف جانب الكرسى والمضيفه تقف جنبها)
المضيفه ... يا فندم ده كورسيك
اميره ... ما الاتنين جنب بعض عادى يعنى
المضيفه ... يا فندم مينفعش
اميره ... ايه اللى مش هينفعه يعنى هو كرسى حد
المضيفه ... لاء
اميره ... طب خلاص اخلعى انتى بقى
المضيفه ... يا فندم دى لسلامه سيتك لو حصل اى حاجه فى الطياره , بيكون معروف كل واحد كورسيه فين
اميره ...(بسخريه ) ده على اساس ان الطياره لو اتحرقت او غرقت هتفرق وقتها
(اثناء حديثهم مروان يسمع صوتها ويضحك يقول لنفسه مجنونه مش هتتغير )
مروان ... هههههه اميره دى صح
منير ... معرفش حاجه
مروان ... لا والله
منير ... انا ماليش دعوه
المضيفه ... يا فندم دى تعليمات
اميره ...(نرفزه وسخريه ) تعليمات ان الكورسى ده اللى عليه يموت غرقان وده محروق , بقولك ايه يلا يا حبيبتى عشان مش هقوم , انا محتاجه اموت غرقانه مش عايزه اتحرق ممكن
المضيفه ... برحتك انا مش مسؤاله
اميره ... ميه ميه انتى كدا
مروان ... هى قاعده فين
منير ... بعدينا بثلاث كراسى هى الرابع
مروان ... طب انا رايح
يقوم مروان ويرجع الى الخلف واميره غير منتبه ثم يقف بجانبه تنظر له بزهول ثم تضع ايدها على بوقها لانه يعرفها من نفسها
مروان ... الكرسى ده بتاع حد
اميره ... (سكته ما بتردش)
مروان ... لو سمحت.... اممم طيب ... (يجلس بجانبها)
اميره ... تنظر لها مصدومه بصمت
مروان ... هو لو سمحت الطياره دى هتنزل ترنزيت... انتى مش بتردى ليه ... اه شكلك مش مصريه يعيد عليها بلانجليزى
اميره ... ( ترد مع تغير صوتها) .... نو
مروان ... يضحك يروح مكلمها بلفرنش
اميره ... (تشيل ايدها من بوقها ) اييييه ( نظرات بصدمه انها نسيت نفسها وتكلمت
مروان ... ههههههههه عرفت اوقعك
اميره ... (بمزح ) ... لا انت بتخم اصلا لانك عارف انى مش بعرف اتكلم فرنش
مروان ... والله انتى اللى عبيطه لانك كان ممكن مترديش بس نقول ايه ديما متسرعه مش بتفكرى
اميره ... عرفتنى ازاى بقا
مروان... رادك ده اكدلى انك انتى مع انى كنت متاكد انك انتى
اميره ... لا والله
مروان ... اه والله .. وايه بقا اللى جايبك هنا
اميره.... مسافرة اغير جو وشم هوا
مروان ... ليه مافيش هوا فى مصر
اميره ... الدكتور قالى جو انجلترا حلو
مروان ... اممم لا اذا كان كد سافرى بس مش غريبه
اميره ... ايه الغريب فكدا
مروان ... نفس رحلتى وبعدى بكام كورسى
اميره ... صدفه يا دكتور صدفه مبتؤمنش بالصدف
مروان ... لا ازى بأمن يا دكتور
اميره ... بس كدا
مروان ... (بهدواء وعقل) ... اطلقتى من ادهم امتى
اميره ... من اسبوعين
مروان ... (بزعل ) ... كان ايه بقا لازمتها استفدتى ايه من كل ده
اميره ... انت السبب
مروان ... انا
اميره ... ايوه انت
مروان ...لاء انتى
اميره ... تانى بص خلاص بقا مش عايزه عيتاب لانى مش عايزه اتخانق معاك احنا على سفر والبت المضيفه حسستنى اننا هنتفجر فى الجو
مروان ... (بمزح) .... بس بردو مش هتجوازك على فكره
اميره ... (بدلع) ... لاهتتجوزنى على فكره
مروان ... لاء
واميره ... وحيات ربنا هتتجوزنى
مروان ... ياسلام على الثقه
اميره ... اه والله هتتجوزنى وانت اللى هتلف وريا وتتحايل عليا عشان اوفق وسعتها هقولك افكر
مروان ... ههههههههه كمان
اميره ... امال انت فاهم ايه هوافق على طول
مروان ... لا ازاى هههههه
اميره ... (بتحدى ) ... اضحك اضحك والله هتتجوزنى وهتموت فيا ده لو مكنتش ميت فيا من دلوقتى
مروان ... ههههههههههه
اميره ... عارف نفس الطياره دى هنرجع فيها وانا هكون نايمه على كتفك عارف الفرق ده اللى بين الكرسين
مروان ... اممم
اميره ... انت بنفسك هتشيلو وتاخدنى فى حضنك وحيات ربنا هتجوزك خلاص مابقاش وريا غيرك يا اتجوزك يا قتلك
مروان ... هههههههههه مجنونه والله
اميره ... بحبك والله ايه بقا
مروان ... ايه
اميره ... مش هتقولها بقا
مروان ... اقول ايه
اميره ... بحبك
مروان ... تو
اميره ... ونبى
مروان ... تو تو
اميره ... (بدلع ) ... وحياتى
مروان ... ( بصوت واطى وهادى) ... بحبك
اميره ... (بصدمه وفرحه وجنان تقوم تقف وتتنطط بصوت عالى )
قالى بحببببببك
مروان ... بس بس اقعدى بلاش جنان
اميره ... اقعد ايه ده انت شللنى من اول الفيلم ... ( ثم تقعد )
مروان ... (يسمك ايدها) ... انتى اعند بنت قبلتها فى حياتى وعندك وجنانك ده اللى خلاكى عايشه هنا
اميره ... ( ببتسامه رقيقه) ... ايه ده انت متعرفش
مروان ... ان البنت العنيدة رزق
يضحكون سوى .....ثم يقبل ايدها
الى اللقاء فى الجزء التانى
#النهاية # الاعمى للكتابه ليلة عادل
ماذا سيحدث؟
هل ستتزوج اميره من الرجل الذى عشقته منذ الصغر الذى كانت ومازالت تحلم باليوم الذى سيجمعهم سويا؟
هل سيتخلى مروان عن افكاره وسيتزوجها؟
هل سيتقبل المجتمع فكرة زواج طالبه من دكتورها الذى يكبرها باكثر من 15 عام؟
هل ستنجح عمليه مروان؟
وهل سيظل مروان اعمى بالمعنى المعنوى وليس المادى؟
ماذا سيفعل ادهم هل هى دى نهايه قصه مع اميره أن سيكون له رد اخر
الكثير من الاسئله تركت فى الجزء الاول دون اجابه مفتوحه للقراء!!
لكن قريبا سيجيب عنها الجزء الثانى من الاعمى
يتبع الفصل الأول من الجزء الثاني اضغط هنا
- الفهرس يحتوي على جميع فصول الرواية كاملة :"رواية الاعمى" اضغط على اسم الرواية