رواية يا انا يا انتي الفصل العاشر 10 - بقلم ملك محمد

رواية يا انا يا انتي البارت العاشر 10 بقلم ملك محمد

رواية يا انا يا انتِ الفصل العاشر 10

:انت انسان مستفز وبارد ومعندكش دم انت مالك أساساً اخرج اتعشى فين ولا مع مين ها انت مالك

أدهم : انا..

قاطعته: اه تلاقيك غيران صح قول انك غيران اعترف اعترف كل حاجه بقت واضحه

أدهم: ...

قاطعته وقالت بعصبيه : كنت عارفه انك غيران انا كنت عارفه تعرف انا رافضه الخطوبه والإرتباط علشان كدا كمية تحكم وتطفل رهيبه زي مايكون البنت رهينه عندكوا

أدهم واقف حاتط ايده ع خده 

قالت بعصبيه : انت واقف كدا ليه ماتتكلم

بضيق: هو انتي مديالي فرصه اتكلم

بعصبيه: اه تقصد اني رغايه مش كدا انا....

قاطعها وحط ايده على بوئها وقال بحده

: ششش اسكتي خالص تمام

بصتله بخوف وسكتت 

شال ايده 

لسه هتتكلم

: انا قولت اي 

سكتت تاني

أدهم : الحوار كله اني مش جايلك  علشان امنعك تروحي تتعشي مع تامر لا انا جي اوصلك ليه مش اكتر لأنه هيتعشى ف نفس المطعم ال انا هتعشى فيه قولت اخدك ف طريقي بالمره

حطت ايدها على وشها بإحراج وبصت لتحت وهي بتقول

: اي الإحراج داه 

أدهم بإبتسامه : ها بتقولي حاجه

بإحراج : انت ازاي مقولتش كدا من بدري 

:  لأن لسانك ال عايز قطعه داه مدليش فرصه اتكلم اساسا

بتفكير : طب وقولت ليه لماما ان انا وانت خارجين سوا

: ماانتي كدا كدا كنتي هتكدبي وتقولي انك خارجه معايا 

بتعجب: عرفت ازاي

: يابت انا بقيت حافظ دماغك اكتر منك

بعصبيه: بارد 

وفتحت باب العربيه وركبت

أدهم ابتسم وركب 

سكوت ثواني

: هو انت رايح تتعشى ف المطعم لوحدك

: اكيد لا طبعاً انا عازم سهام ع العشا 

: هو انت مش مكسوف من نفسك 

بتعجب : هتكسف من اي

: يعني تبقى خاطب بنت وبتخرج مع بنت تانيه

: طب ماتقولي السؤال داه لنفسك كدا ولا ناسيه انك رايحه تتعشي مع تامر

سكتت ثواني وبعدين قالت 

: بس انت ال دبستنا ف الحوار داه انا ذنبي اي 

: ذنبك انك من البدايه قولتي اني خاطفك علشان بحبك وانتي بتحبيني واننا مش هنكون غير لبعض ولا نسيتي

: تقوم انت تيجي تتقدملي انت مجنون

: عند بعند بقى نشوف مين هيقدر ع التاني وبعدين لما موضوع الخطوبه مدايقك اوي كدا مرفضتيش ليه

: انت عارف ان مكنش ينفع ارفض علشان مفيش سبب للرفض 

: خلاص يبقى تحرمي تفتري ع الناس وتقولي حاجات محصلتش

: طب اتصل ب بابا وفركش الموضوع داه

: قولتلك بعينك واسكتي بقى علشان جبتيلي صداع 

:بجد صدعت 

: ايوا جدا ممكن تسكتي بقى

بخبث : عيوني وفضلت تغني بصوت عالي

أدهم وهو بيحاول ميسمعش صوتها : بس بس اي الصوت داه الناس هتفتكر اني مركب بقره جمبي

فضلت تغني بصوت عالي علشان تدايقه

فجأه العربيه وقفت 

بتعجب: هو اي ال حصل

أدهم : اتخضت من صوتك 

بضيق: بس ياخفه شغل العربيه يلا 

أدهم حاول يشغلها مشتغلتش 

: لما بتبقي معايا ببقى متأكد ان في مصيبه هتحصل

بعصبيه : انت ال عربيتك خربانه وكل مره تحطها فيا انا 

أدهم : طب انزلي انزلي 

نزلت وقفلت باب العربيه جامد 

ادهم بعصبيه : افتحي وأقفلي الباب تاني بالراحه انتي فاكره دا باب أوضتك 

ملك : اي دايقتك القفله طب اهوه

وراحت فاتحه الباب وقفلته تاني بطريقه اجمد من ال قبلها

كز ع اسنانه وهو بيقول 

: المشكله الناس حوالينا يعني لو قتلتك هنا هبقى متلبس بالجريمه 

: بطل برطمه وشوف حل للعربيه علشان هنتأخر

اخد نفس وفتح باب العربيه وبص فيها كدا من بعيد وقال

: واضح ان مفيش أمل 

:ولا حتى عمر 

: بطلي ياظريفه

: بطلت ممكن تنجز انت بقى 

: بقولك مفيش امل انجز اي 

: يعني اي يعني كدا هتأخر على تامر 

: ومالك شايله همه كدا ليه اي  الأحساس ال بقى عندك فجأه داه

: بطل كلام وشوفلنا حل انجز

اتصل بشخص من الورشه ال بيتعامل معاها يجيله 

قعدوا ع الرصيف يستنوا 

ملك وهي بتبص ع العربيات : العربيه ال جايه لونها احمر

فعلاً ال جت لونها احمر

أدهم : اي دا شطوره 

ملك : امال دانا استاذه ف اللعبه دي 

أدهم :طب ع فكره ال جايه لونها أسود 

ال جت مكنش لونها اسود 

ملك وهي بتغيظه : ااي خسران كدا واحد صفر الدور عليا بقى ال جايه لونها ابيض

ال جت لونها مكنش أبيض 

أدهم بضحك : خسرتي قال استاذه قال 

وهي ضاربه بوز: اتفضل قول

: ال جايه لونها اسود 

وفعلاً ال جت لونها اسود

"فضلوا يلعبوا سوا ويضحكوا لحد ما بصوا لبعض وسكتوا شويه 

ملك بخجل بصت الناحيه التانيه 

: بصيتي الناحيه التانيه ليه

بإرتباك: لا ولا حاجه

"فجأه المكانيكي وصل"

 فتح العربيه وبص فيها وقال لأدهم 

: العربيه مفهاش حاجه ياادهم

أدهم بإرتباك : شش وطي صوتك 

وطلعلوا فلوس من جيبه وقاله اعمل انك بتصلحها وانها هتاخد وقت جامد 

الشاب بصوت مرتفع: ياااه دي هتاخد وقت جامد اوي 

ادهم بصوت مرتفع: ياخبر دي مشكله واحنا ورانا معاد بس يلا حاول تستعجل بسرعه

ملك وهي واقفه بعيد 

: يعني اي 

أدهم : مضرين ندخل المطعم ال وراكي داه نستنا فيه وبصراحه انا جعت 

: طب وال مستنينا هناك 

شدها من ايدها وهو بيقول: ضميرك بيصحى ف اوقات غريبه 

دخلوا المطعم وقعدوا

فجأه موبايل ملك رن طلعته من شنطتها وقالت 

: اكيد تامر بيرن 

: اه هو اكيد قلق دلوقتي

أدهم : وهيقلق ليه إن شاء الله انتي من بقيت أهله

: بس بقى علشان ارد 

: الو 

: انتي فين يابنتي بقالي نص ساعه مستنيكي

: انا اسفه جدا حصل ظرف طارئ معرفتش اجي انا بجد اسفه

أدهم وهو بيقلدها : انا بجد اسفه نينينيني

ملك بصتله : شش

تامر : يعني مفيش أمل نتعشى سوا النهارده

: لا صعب جدا

أدهم بصوت عالي شاور للجارسون

: لو سمحت 

الجارسون: تحت امرك يافندم

تامر بتعجب: هو انتي فين

بإرتباك : الو تامر انت سامعني واضح ان الشبكه قطعت

وراحت قافله الفون 

أدهم طلب الأكل

ملك بعصبيه: كان لازم تتكلم وانا بكلمه يعني

: وانتي خايفه منه كدا ليه يكونش بتحبيه

بإرتباك : ملكش دعوه 

فجأه فونه بيرن وبيرد عليه

سهام : اي ياأدهم انت فين

: انا اسف جداً نسيت اكلمك اعتذرلك

: تعتذرلي! يعني أفهم انك مش جي 

: اه معلش حقك عليا المرادي بس صدقيني غصب عني 

ملك بصوت مرتفع : أدهم انا هقوم ثواني وجايه

بصلها بحده

سهام : اي دا هو انت في حد معاك

بإرتباك : لا لا مفيش انا هقفل دلوقتي سلام

بعد ثواني جت ملك وقعدت

: هو انتي كان لازم تتكلمي وانا بكلمها يعني

ببرود : وانت خايف منها كدا ليه 

: وهخاف منها ليه انا بس مش عايزها تزعل 

: لا حنين اوي بص جسمي قشعر من حنيتك ازاي 

فجأه بيجي الجارسون وبيحط الأكل قدامهم وبياكلوا وبيخرجوا من المطعم 

لقوا العربيه موجوده والميكانيكي مشي

بتعجب: هو صلحها ومشي ولا اي

أدهم : تقريبا كدا اركبي يلا 

ركبت ووصلها البيت 

نزلت ومشيت خطوتين لقدام

أدهم : ملك

بصتله : نعم

: نسيت اقولك ان فستانك حلو متلبسهوش تاني 

هزت راسها بتعجب (يعم مش فاهمه)

ابتسم وركب العربيه ومشي 

ابتسمت هي كمان وطلعت شقتهم 

____________

في منزل ادهم

دخل ورمى مفاتيحه ع الترابيزه واترمى ع الكنبه وتساؤلات كتير عماله تدور براسه

: هو انا حاولت مخلهاش تقابل تامر ليه؟ هو انا ليه بعمل كل داه  

حاسس اني بقيت بعمل حاجات غريبه اوي الفتره دي 

وبعدين افتكر شكلها وهي قاعده جمبه ع الرصيف وبتضحك ابتسم وغمض عيونه

______________

في منزل ملك

نايمه ع السرير وحاضنه مخدتها وعماله تفكر 

: افتكرته جي يمنعني من مقابلة تامر وانه غيران عليا اتاري الأستاذ جي يوصلني ليه 

: وبعدين هيغير عليا بتاع اي يعني انتي هبله متخليش طموحك يعلى اوي كدا 

وبعدين افتكرت وهما قاعدين مع بعض ع الرصيف وبيضحكوا ابتسمت وغمضت عيونها ونامت

"نهار يوم جديد"

ف الشركه 

تامر بيروح ناحية مكتب ملك 

: بقى كدا متجيش امبارح 

حطت القلم من ايدها وبصتله : اسفه بجد حصل ظرف طارئ 

شد كرسي وقعد : بس انا كلمة اسفه مش كفايه بالنسبالي

بتعجب: طب عايز اي

: تعوضهالي مليش دعوه بقى

ابتسمت وقالت : من عيوني حاضر شوف اي يوم يعجبك وانا معاك فيه 

أدهم جي من بعيد ماسك ملف ف ايده وكوباية نسكافيه شافهم قاعدين بيتكلموا قال لنفسه بضيق

: هما هيفضلوا لازقين لبعض كدا ع طول ولا اي

لسه رايح ناحيتهم فجأه بتيجي سهام وتقف قدامه 

: كدا ياادهم متجيش امبارح

: غصب عني ياسهام انتي عارفه 

: طب ممكن اعرف اي ال اخدك مني امبارح

أدهم وهو بيبص لملك وتامر ال قاعدين يهزروا  : بعدين هنتكلم ف الموضوع داه بعدين

بتعجب : بعدين اي انا ليه حاسه انك بقيت مشغول الفتره دي وبقيت بتتجاهلني

أدهم بإبتسامه مصطنعه : هو انا اقدر انتي عارفه اننا اصدقاء من زمان وعلاقتنا هتفضل زي ماهي 

: بس انا مش عايزاها تفضل زي ماهي انا عايزه اكتر من كدا

: تاني ياسهام الموضوع داه

: تاني وتالت ورابع ومش هزهق 

أدهم وهو مركز مع تامر وملك : طب مش كفايه بقى كدا علشان انا زهقت 

سهام بتعجب : زهقت مني

أدهم : لا لا مقصدكيش خالص ثواني بس وهجيلك نكمل كلامنا 

راح ناحية المكتب وقال

: تامر  عايزك ف كلمتين ممكن

تامر : اتفضل طبعاً

: لا مش هنا ع جمب 

وقف من ع الكرسي : اه تمام 

وقال لملك 

: ثواني وجي 

• تابع الفصل التالي عبر الرابط: "رواية يا انا يا انتي" اضغط على أسم الرواية