رواية حب الصدفة الفصل العاشر 10 - بقلم ملك عتمان
رواية حب الصدفة الفصل العاشر
ألين: هو أيه ال حصل
فارس مرة واحدة اتعصب: ال حصل يأستاذة إنك كنتى هتضيعى بروس لى الكلب قولتلك ابعدى عنه بس انتى غبية مبتسمعيش الكلام حطلك مخدر فى العصير وخدك على الفندق بتاعه لولا إنى لحقتك فى أخر لحظة كنتى هتضيعى عارفة أنا حسيت بأيه لما دخلت لقيتك مريمه على السرير والكلب ده كان هيغتصبك خلاص حسيت إنك هتضيعى منى وراح سايبها وطلع بره الأوضة
ألين كانت بتعيط على الأخر بعد معرفت ال كان هيحصل فيها وقعدت تشكر ربنا إن محصلهاش حاجة
فارس كان قاعد بره وهو سامع عياطها مقدرش يمسك نفسه قام داخلها علطول وأخدها فى حضنه وقعد يهديها ويقولها : اهدى أنا معاكى متخافيش لغاية ملقاها سكتت وراحت فى النوم
وبعديها بشوية لقى الباب بيخبط فتح لقاه أبو بروس لى
فارس: جاى هنا ليه لو فاكر إنى هطلعه بعد ال عمله مش هيحصل
جت لى: إحنا كدا هنفض الشراكة ال كنا هنعملها والصفقة مش هتم
فارس: كويس انك فكرتنى انا كنت جايلك بكره أصلا عشان لغيت الصفقة خلاص وابنك مش هيطلع غير لما ألين هى ال تقرر بنفسها يلا مع السلامة
بعد ما جت لى مشى فارس دخل لألين وقعد يلمس على شعرها لحد منام هو كمان
عند عمر كان قاعد يتصل عليها وهى مكانتش بترد كان قلقان جدا فقرر يتصل عليها بكره تانى
تانى يوم ألين صحيت من النوم لقت فارس نايم جنبها إبتسمت وقامت خدت دش ولبست وراحت تصحيه
ألين: فارس بيه اصحى
فارس قام مرة واحدة : إنتى كويسة بقيتى أحسن
ألين: أيوة
فارس: طب استنى هلبس وجايلك عشان نروح الاسم مع بعض
ألين: ليه
فارس: عشان تقولى ال كان هيعمله فيكى بروس لى
ألين: ماشى
فارس دخل الحمام عشان يلبس وألين كانت قاعدة مستنياه بره وفجأة لقت تليفونها بيرن
ألين: ازيك يا عمر عامل ايه
عمر: إنتى ال عاملة ايه طمنينى بكلمك من امبارح مش بتردى ليه
ألين: أصل انا فى الصين سفرية تبع الشغل وكدا وكنت مشغولة شوية
عمر: طب الحمدلله إنك بخير افتكرت حصلك حاجة
ألين: متخافش كله تمم
عمر: طيب أنا هقفل دلوقتى وهكلمك تانى بليل سلام
ألين: سلام
فارس طلع من الحمام لقاها بتكلم فى التليفون
فارس: كنتى بتكلمى مين
ألين: ده عمر كان بيطمن عليا
فارس لما سمع اسمه إتعصب: ايه وحشك ولا ايه متخافيش كلها كام يوم وهنرجع
ألين: عفكرة عمر بالنسبالى صديق بس مش أكتر وكمان انت بتكلمنى كدا ليه
فارس إبتسم من جواه لما عرف انها معتبراه صديق ليها
فارس: مفيش يلا عشان ننزل
نزلوا وبعد شوية وصلوا مركز الشرطة
الظابط جاب بروس لى
الظابط : هو ده حضرتك ال حاول الاعتداء عليكى صح
ألين: أيوة
الظابط: طب القرار ليكى نقفل القضية ولا يتعرض على النيابة ويتحبس
فارس: طبعا يتحبس لازم يتعاقب على ال عمله
الظابط: لو سمحت أنا سألتها هى
فارس كان بيبص لألين على أساس أنها هتحبسه على ال عمله
ألين: أنا سحبت القضية تقدر تطلعه
فارس بصلها بإنصدام ازاى توافق تطلعه
وبعد مطلعوا بره
فارس: إنتى ازاى توافقى تخرجيه بعد كل ال كان ناوى يعمله فيكى إنتى مش بتفهمى ولا ايه ده كان هيضيعلك مستقبلك
ألين: مش عارفة هتقدر تفهم كلامى ولا لا بس احنا مش جايين هنا عشان خناق أو نحبس حد وكام يوم وهنرجع بلدنا تانى ليه نحبسه ونضيع كام سنة من عمره والحمد لله محصليش حاجة وربنا سترها ليه نعمل مشاكل ونخلقلنا أعداء فى بلد كام يوم جاينها وهنمشى تانى فكر فى كلامى مش هستفاد حاجة لو حبسته وهو أكيد اتعلم من غلطة
فارس : عارفة يألين كل يوم بكتشف فيكى حاجة أحلى من ال قبلها بجد إنتى ملاك نازل على الارض
ألين اتكسفت من كلامه ووشها إحمر فحاولت تتوه من كلامه : احنا مش هنتغدى ولا ايه انا جعانة جدا
فارس بضحك: يلا يستى ناكل
راحوا مطعم
فارس: تاكلى ايه بقى يستى
ألين:محتارة الصراحة الأكل كله باين عليه انه يفتح النفس الصراحة
فارس : لو سمحت
الجرسون: نعم يفندم
فارس: هاتلى كل الاكل ال موجود فى المنيو
الجرسون يإستغراب: كله
فارس: أيوة
ألين: إنت إتجننت ولا ايه مين هياكل كل الاكل ده
فارس: إنتى كان نفسك فيه كله وأنا جبتهولك مش مهم هيتاكل كله ولا لا المهم إنى عملتلك ال عايزاه
ألين بصتله وسكتت معرفتش ترد تقوله أيه
وبعد شوية الجرسون جاب الأكل حطوه على تلت ترابيزات كبار
ألين بصت للأكل وقعدت تاكل على أخرها وبعد شوية
ألين: أه يبطنى مش قادرة
فارس كان بيضحك على منظرها كان بوقها حواليه أكل وإيديها بايظة على الأخر تقريبا كلت نص الأكل لوحدها
فارس أخدها وداها الحمام وأول مطلعت قالها روحى أقعدى هناك هدخل الحمام وجايلك
وأول مطلع من الحمام كان رايح لألين وأول مشافها
فارس لنفسه: ينهر إسود
* يتـبـــــــــــــــــــــــع الفصل الحادي عشر اضغــــــــط هنا
* الفهرس يحتوي على جميع فصول الرواية " رواية حب الصدفة " اضغط على اسم الرواية