رواية حب غير مشروط الفصل العاشر 10 - بقلم روان فايز

رواية حب غير مشروط البارت العاشر 10 بقلم روان فايز

رواية حب غير مشروط الفصل العاشر 10

ابو رهف بغل : يعنىىى اية مش لاقيين حاجة .. اقلبلى طوب الارض عليهم !

تابع بييجى من برة .. وبينادى :  يا زعييم ، لقناااة نازل من عمارة فى مركز قريب من هناا ! 

عامر نازل عالسلم .. وفجاة بيشوف رجا*لة لابسة اسود طالعين بسرعة 

عامر بيلمح واحد بيبصلة بطرف عينية .. 

الشخص دة : .. بسرعة ، هو دااا يا زعيييم ! 

عامر بيسبقهم وبيطلع فوق على شقة الراجل المقنع اللى كان بيسلمة شنطة الفلوس. 

الشخص بيفتح  : .. انت هتقضى الليلة هنا ولا اية !؟ 

عامر بيزقة بسرعة .. وبيقفل الباب 

المقنع بصوت عالى:  انت بتعمل اية ؟ 

عامر بيحط ايدة على بق المقنع .. وبيقول بصوت واطى : شكل جماعة القمر الاحمر عرفوا مكانى  .. اوعى تعمل صوت وكإن معاك حد ، لو جم وخبطوا عليك افتح عادى .. زى اى راجل شريف فبيتة،،، اوعى تتوتر والا هنروح فداهية احنا الاتنين ! 

كمان .. دقيقة .. اتنين .. ثلاثة كان الباب بيخبط .. 

المقنع بيبص لعامر برعب وبيخلع القناع .. عامر واقف ورا الباب بيرفع الابهام وبيحذرة ... 

المقنع بيبلع ريقة وبيفتح الباب براحة .. 

فى منزل عامر 

رجاء بخوف : خير يا دكتور ! 

الدكتور .. الاخبار مش مبشرة خالص يا رجاء هانم .. البنت دى عندها نزيف داخلى نتيجة للضغط للعصبى اللىى هيا بتمر بية .. 

رجاء حطت ايديها على صدرها بوجع : ي .. يعنى اية !!؟ 

الدكتور : لازم يتعملها عملية فوراا وإلا مش هتشوفوها تانى .. 

الدكتور بيلم عدتة 

وفتحية واقفة ورا الباب بتسمع الكلام ..وبتقول فى نفسها :  يا خيبتك يا حلوة ..ملحقتيش تتهنى ، أنا خوفى كلة من عامر بية ! هيعمل معاكى اية  بس ؟؟ 

الدكتور : بالمناسبة .. هى تقربلكوا اية يا رجاء هانم ؟! 

رجاء بلغبطة : .. ه .. هى تبقى مرات عامر ! 

الدكتور بتعجب لرجاء : اه .. أها ربنا يجعلها اخر الاحزان ، عن اذنك .. 

رجاء ماشية وراة وضمة ايديها بقلق وهى بتبص على رهف ...

فتحية بعدت بسرعة لما باب الاوضة اتفتح ومشيت الناحية التانية من السلم .. الدكتور ورجاء ماشيين ناحية البوابة ..  

رجاء بتحاسب الدكتور 

الدكتور بحزم : أنا هجهز عربية اسعاف حالا تيجى تاخدها و لما استاذ عامر ييجى لازم يكلمنى ضرورى .. علشان نبتدى الاجراءات اللازمة للجراحة .. بما انة جوزها والوصى عليها ... 

بيفتح البوابة :  .. فى حفظ الله...

.. رجاء بتطلع فوق وبتحاول تستجمع قواها .. وتتصل بعامر تقولة .. 

رجاء .. بصر*ييخ : لااا. .. للاا مش هقدر اقولة !! 

فتحية : دا قدر يا ست رجاء .. قدر ولازم نتحملة ، بمصمصة شفايف : الله يكون فعون سى عامر بس ! 

استووب .. هو مال عامر بالموضوع ؟؟؟! ..اكيد مش هقولكوا دلوقتى كالعادة 🤗🙂 

فى العمارة عند عامر .. 

الباب بيتفتح براحة.. .. 

ابو رهف ورا الباب .. ولسة هيزقة برجلية .. كان اتفتح وظهر قدامة المقنع .. 

المقنع وحدقة عينية وسعت برعب : عم .. عمى ! 

ابو رهف على : .. انت ساكن هنا يا كماال ! 

كمال بتوتر : اااه .... خير يا عمى فية حاجة ؟! 

الجاسوس الى مع على ... : لا مؤاخذة .. احنا بس كنا بنسأل .. اذا كنت شوفت حد غريب طالع فالعمارة من شوية ... مسمعتش صوت خبط قدام شقتك .. اى زعيق خناق كدة ! 

كمال بيتظاهر بالشجاعة وبيجارية : أنت بتتكلم عن اية يا اخيناا .. لهجتك مش عاجباانى ! 

على بيخبطة فى ايدية وبيبص لكمال باسف : معلش يابنى .. احنا بس كنا بندور على استاذ ***** زميلنا فالشغل وكان لازم يمضى على عقود مهمة  .. 

كمال بارتياح : لا ابداا يا عمى لا تعب ولا حاجة  .. دا أنا اشيلك فوق راسى

 وبيبص للجاسوس بكره 

والجاسوس بيضحك على جنب وبيدى امر للرجا*لة ينزلوا الاول .. 

كمال : .. يلزمك خدمة يا عمى ؟ 

الجاسوس : معلش يا كمال بية .. لا مؤاخذة فالكلمة يعنى .. انت عندك مطرح ... عندك حمام يعنىى افضى فية احسن القولون تاعبنى اخر تعب ! 

ولسة هيخش. . كمال حط رجلية ووارب الباب اكتر .. 

كمال : بيتصلح .. بنكسر فية لانة بينقط عالشقة اللى تحت ومينفعش تخشة دلوقتى .. 

الجاسوس بسخرية : يا خسارة .. 

على .. : بينا يا حامد .. معلش يا بنى ازعجناك ... وهما نازلين عالسلم كمال بيسمعهم .. 

على : دا خطيب بنتى .. دا متقربلووش تانى يا حاامد ! 

كمال بيقفل الباب بفرحه .. وعامر بيحط ايدة على قلبة .. 

كمال : شوفت مواهبى الفنية دلوقتى ... أنا مكنتس بعرف اطلعها قبل النهاردة .. 

عامر بسخرية : وفكرك هتعدى بالساهل .. الجبلة حامد دة زمانة بيدبرلك مقلب كويس قبل ما يكشف حقيقتك ..! 

كمال : بس على بيق 

عامر بمقاطعة .. : العجوز دة يقول اللى يقولة .. المهم الرجا*لة دى .. متصنعش منهم اعداء ، لانك مش قدهم ! 

عامر بيتجة لكنبة قدام للتليفزيون وبيقعد عليها ببرود وكمال بيبص علية بحقد .. 

عامر لكمال : متفضلش واقف عندك كدة كتير ليجيلك ضربة شمس .. 

.. كمال : لية انت مش هتمشى !؟ 

عامر بيفرد رجلية عالكنبة : .. أنا عرفت لية انت دماغك قفل .. علشان دايما بتسبق الاحداث ، سيب الدنيا تمشى براحتها؛ محدش بيجرى وراك .. 

كمال : يعنى انت محستش مرة .. انك عايز تغمض عينك تلاقى كل حاجة قلقاك  .. خلصت ! 

.. عامر : هاااه ، مفيش حاجة اسمها كدة ! .. أنا كنت فى امس الحاجة للقدرة دى فى يوم .. قبل عشر سنين بالظبط ... كان نفسى افتح عينى الاقينى مش ببكى ولا شايل الهم يوم .. بس محصلش !

.. امى جالها نزيف مفاجىء  ومكنش معانا حق العملية ... فاضطريت اشتغل مع عصابة القمر الاحمر .. وادخل فطريق غلط من الصغر .. يوم اتنين وأنا حاطط ايدى على قلبى ومش متخيل فيوم انها هتفارقنا ... المبلغ مكملش فمعرفناش نعمل العملية, بس بالفلوس .. عملنا جنازة محترمة ورخصنا مكان للدفن .. 

.. بيكمل بصوت مهزوز .. فعرفت أن العالم مش مكان للناس الكويسة .. عرفت أن الناس الكويسة بتسيبنا بدرى لانها نجحت فالامتحان بدرى .. مكانهم مش هنا . ... كان نفسى ابقى واحد منهم 

بس ،، مقدرتش اطلع .. دخلت فقاع حفرة مليانة وحوش كل ما احاول اطلع بيزقونى وبيحفرولى جوا اكتر .. لحد ما بقيت عامر الانصارى ،، تاجر المخدرات اللى استاذ كمال الاخضر .. بيساعدة باخلاص .. 

بيقوم ... وبيحط ايدة على كتف كمال .. اخلاصك ده مش هنساة ! 

وبيروح الحمام وهو ماسك كرسى حديد  .. بيكسر البلاط وبيفتح الصنبور فينزل ميا عالشقة اللى تحت.. 

عامر .. قدام باب الشقة : دا تعبير عن شكرى . .. اوعى تنسى انك متراقب من اللحظاتى ! 

• تابع الفصل التالي عبر الرابط: "رواية حب غير مشروط" اضغط على أسم الرواية