رواية يا انا يا انتي الفصل الحادي عشر 11 - بقلم ملك محمد

رواية يا انا يا انتي البارت الحادي عشر 11 بقلم ملك محمد

رواية يا انا يا انتِ الفصل الحادي عشر 11

تامر : خير في اي

أدهم بتردد: خير خير إن شاء الله

تامر بتعجب: مفهمتش بردو انت عايز اي

أدهم بتفكير: كنت عايز كنت عايز اه كنت عايز اسألك سؤال مهم جداً

تامر : اتفضل أسأل

أدهم بص لنسكافيه ال ف ايده وقال: تفتكر ليه بنشرب النسكافيه

تامر بذهول : هو دا السؤال

ادهم وهو بيبص ناحية ملك : اه بصراحه محيرني اوي وبقالي فتره بفكر فيه ومش عارف الإجابه

تامر: لا دا فراغ مش أكتر

وسابه ورجع تاني ناحية ملك

ادهم لحقه

ملك بتعجب: واضح ان بينكوا اسرار

تامر بسخريه : ولا اسرار ولا حاجه دا بيسأل سؤال تافه اوي

ادهم بإرتباك: سؤال اي بس دا انا كنت بهزر

ملك بصت لتامر وقالت بخبث: قولي كان بيسأل عن اي

ادهم بحده : تامر اياك تقول حاجه

تامر بضحك: ياستي كان بيسأل احنا ليه بنشرب النسكافيه

ادهم وهو بيكز ع اسنانه: ماشي يازفت

ملك بذهول : اي دا فعلاً هو احنا ليه بنشرب النسكافيه ع فكره دا سؤال مهم

ادهم بثقه: مش قولتلك دا سؤال مهم

تامر بتعجب : هو اي ال سؤال مهم انتو بتتكلموا جد

ملك بشرود وهي بتفكر : يمكن علشان مينفعش ناكله

ادهم بتعجب : تصدقي صح جبتيها ازاي دي

ملك : ايوا احنا بنشرب النسكافيه علشان مينفعش ناكله

تامر : لا دانتو لاسعين ع الآخر وسابهم وراح ناحية مكتبه

ملك بفرح شدت النسكافيه من ايده وشربت بوء منه وقالت : عرفت اجاوب اهوه اي خدمه

ادهم بحده شد منها النسكافيه وقال : طول عمرك مش فالحه ف حاجه غير ف التفاهه ركزي ف شغلك ركزي

وسابها ومشي راح ناحية مكتبه

ملك بضيق: هو مفيش مره يقولي شاطره ابدا بني ادم بارد

ادهم قعد وبص ع النسكافيه ال شربت منه وابتسم وشرب مكانها

بعد مرور بعض الوقت تامر طلع موبايله وبعت رساله لملك

فتحت فونها وقرتها

: قايم اجيب قهوه اجبلك معايا

بصتله وابتسمت وبعدين كتبت: لا خليك انت هقوم اجيب انا

تامر كتبلها : لا خليكي انا ال هقوم اجيب

ملك كتبتله : لا انا ال هجيب

وقاموا ف نفس الوقت من ع الكرسي بصوا لبعض وفضلوا يضحكوا

ادهم بيبص عليهم بتعجب ومش فاهم في اي

تامر بإبتسامه  : خلاص يبقى نروح سوا

ملك : تقريباً دا الحل الوحيد

وراحوا مع بعض

ادهم قال لنفسه: انا حاسس اني شبه قرطاس اللب ليه كدا

بيعدي الوقت وبيرجعوا سوا وهما بيضحكوا وكل واحد بيروح ع مكتبه

بعد شويه ملك بتقوم علشان تودي ملف للسكرتيره تامر بيقولها

: خليكي هوديه انا

ملك بتبتسم وتدهوله وتقعد تاني وهي بتقوله: متشكره جدا ياتامر

ادهم بيبص عليهم بذهول

رجع تامر وقعد ادهم قرب بالكرسي منه وقاله

: هو في اي

تامر بتعجب: مش فاهم

ادهم : حاسس ان انت وملك بتقربوا من بعض اكتر

تامر بإبتسامه وهو بيبص ناحيتها : تقريباً كدا في بينا كيميا وعلاقتنا شكلها هتبقى لذيذه

ادهم بدهشه: كيميا اي وزفت اي انت عايز تضيع حياتك دي واحده مجنونه

تامر : يابني بطل تقول عليها كدا  انا فعلاً بقيت بدايق من طريقتك

ادهم : انا مقصدش بس انت ازاي ممكن تعجب بواحده زي دي انت مش شايفها عامله ازاي

تامر بنظرة برود: لا مش شايف وريني انت عامله ازاي

أدهم بص ناحيتها لقاها بتلم شعرها لفوق وبتربطه وبعدين بصتلهم وابتسمت وشكلها كان يخطف القلب

قاله بإرتباك وهو بيبلع ريقه : عامله زي مانت شايف كدا المهم انكوا مش لايقين ع بعض

تامر : انا بصراحه مش فاهمك

ادهم : انا هفهمك

_________

على الجانب الآخر

بتيجي سهام وبتشد كرسي وتقعد جمب ملك

ملك بتعجب : في حاجه

سهام بدلع :  اصل انا خلصت شغل وقولت اجي ادردش معاكي شويه

ملك بتعجب: انا وانتي ندردش شويه غريبه يعني

سهام : مستغربه ليه

ملك: اصل احنا منعرفش بعض

سهام وهي بتبص ناحية ادهم : ماحنا هنتعرف وهنقرب من بعض ولا عندك مانع

ملك لقتها بتبص ناحية ادهم قالت : قولي انتي عايزه اي ع طول

سهام : بصراحه حاسه انك انتي وادهم تعرفوا بعض

بتوتر: لا منعرفش بعض احساسك غلط للأسف

بمكر: اتمنى دا فعلاً لأني مس هسمح لأي بنت تبص لأدهم بصه واحده

بضيق: ليه هو حضرتك واخداه رهينه

بضحك : دمك خفيف اوي لا مش قصة رهينه بس انا وادهم بنحب بعض من زمان اوي

اتعدلت ف قعدتها وقالتلها: اظن التعبير خانك ومفروض يكون اصل انا بحب ادهم من زمان وهو مش معبرني

بإحراج : ع فكره بقى هو بيحبني بس بيتقل

بثقه: مفيش حد بيحب بيتقل الراجل لو حب بيقرفك ف عيشتك من كتر الإهتام

بتوتر: طب بصي واضح انك شاطره وانا حبيتك ومحتاجه منك خدمه بصراحه

بتعجب: خدمة اي

وهي بتبص ناحية ادهم : عايزاكي تخلي يحبني وانا هنفذ كل حاجه هتقوليها

بصدمه : عايزاني انا اخليه يحبك!

: ايوا ولا انتي مش قدها

بغرور: مفيش حاجه ملك مش قدها بس اشمعنا داه يعني حبيتي في اي مش فاهمه دا دمه يلطش وبارد ومستفز ومينطقش

: حيلك حيلك

وبعدين بصتله  بهيام وقالت وهي حاتطه ايدها تحت خدها

: دا قمر وكاريزما وحاجه تخطف القلب كدا

ملك بصت ناحيته وقالت بذهول: دا ادهم ! فعلاً مراية الحب عاميه

سهام : ها قولتي اي هتساعديني

ملك بتفكير وشرود قالت لنفسها

: انا لو ساعدتها وادهم حبها فعلاً كدا هخلص منه وهيطلعني من دماغه ويفكه من موضوع الخطوبه داه

سهام : اي سرحتي ف اي

ملك بفرح : موافقه

سهام بسعاده شبكت ايدها بإيد ملك وقالت : اتفقنا تحبي نبدأ من امتى

ملك : نبدأ من بكرا بس هاتي نمرة موبايلك علشان نتواصل مع بعض

ادهم وتامر كانوا قاعدين بيتكلموا وادهم كان بيحاول يقنع تامر ان ملك بنت مجنونه ومينفعش يحبها

تامر بتعجب: انا مش فاهم اي الاصرار ال عندك داه انك توصلي اني مينفعش احبها

ادهم: مش احنا صحاب ولازم اخاف عليك

تامر : لو صحبي بجد اقف معايا وساعدني اقرب منها

ادهم بتنهيده: يعني دا قرارك خلاص

: ايوا ومش ناوي اغيره

ادهم : طيب تمام براحتك اوي براحتك خالص انا مش هقولك حاجه بعد كدا

ورجع بالكرسي ع مكتبه

وقت الشغل خلص وكل واحد بيلم حاجته من ع المكتب

تامر راح ناحية ملك

بإبتسامه: تحبي اوصلك ولا لسه عند موقفك

بتعجب : موقف اي انا معنديش مواقف

تامر: لا مش قصد موقف العربيات انا اقصد موقفك من اني اوصلك وكدا

ادهم عدى من جمبهم وقال: غبيه ريح نفسك

وسابهم ومشي

ملك بضيق: مالوا البارد داه

تامر : سيبك منه ها قولتي اي هتيجي اوصلك

: لا متشكره جدا انا هروح لوحدي

بإبتسامه : تمام مش هضغط عليكي خدي بالك من نفسك

وسابها ومشي

شالت شنطتها ومشيت هي كمان

ركبت الأتوبيس لقت مكان فاضي جمب شاب قاعد بيقرأ وحاتط الكتاب ع وشه

قعدت جمبه وطلعت الفون تقلب فيه لقت تامر بعتلها فديو يضحك فتحته وقعدت تتفرج عليه وهي بتضحك

فجأه لقت الشاب ال جمبها بينزل الكتاب من ع وشه وبيقول

: بايخ ميضحكش ع فكره

بذهول: ادهم

: مالك شوفتي عفريت

بتعجب: انت بتعمل اي ف الباص

: عربيتي ف الورشه فمضطتر اروح مواصلات عندك مانع

: لا معنديش براحتك

وقفلت الفون وحطته ف الشنطه

: ماتكلميه عادي ولا مينفعش قدامي

: وانت مالك اكلمه ولا لا دا اي الصدفه ال تسد النفس دي

: مسدتش نفسك لوحدك انا لو اعرف انك بتركبي الباص داه كنت استنيت ال بعده

بضيق: والله لو مديقاك اوي كدا اتفضل انزل

: اطمني طول مانتي معايا ببقى متأكد ان هتحصل مصيبه قولي يارب بس نوصل بالسلامه

بعصبيه : قصدك تقول اني نحس يعني ولا اي

فجأه الباص بيقف والسائق بيقول: حصل عطل مفاجئ ياريت ننزل دقيقه ع جمب

ادهم : براكتك يااختي

بصدمه : اي دا دا طلع بجد

نزلوا من الباص وقرروا يكملوا الطريق مشي لحد مايلاقوا تاكسي

ملك حاضنه شنطتها وماشيه بيأس بتفكر ف كلام سهام واتفاقهم

أدهم: مالك يابومه ساكته ليه

بيأس: مفيش حيل للمناكفه هتسكت ولا امشي من الناحيه التانيه

: لا مش هسكت وبعدين مالك القطه كلت لسانك ولا اي

: واضح انك رايق وانا مش فايقالك

ولسه هتعدي الشارع علشان تمشي من ع الرصيف التاني شدها من ايدها وقال

: خلاص خلاص دا واضح انك بتتكلمي جد

سكوت دقيقه

فون ملك رن طلعته بصت فيه وقفلته تاني وحطته ف شنطتها

ادهم بتعجب: تامر مش كدا ! كنسلتي عليه ليه

ملك بذهول: انت عليك عفريت اسمه تامر ،ادهم انت بتغير منه

بتعجب: وهغير منه ليه

: يمكن علشان احلى منك وكاريزما ومثقف ولطيف وحنين..

قاطعها: حيلك حيلك انتي هتهبدي هو مين دا ال احلى مني

: الشكل مش كل حاجه ع فكره

: يعني بتعترفي اني احلى منه

: قولتلك الشكل مش كل حاجه انت اه احلى بس هو في مميزات عنك

ابتسم وقال: المميزات موجوده بس انتي عاميه

ملك بصتله بغيظ وقالت: مغرور

ادهم : بعيداً عن الغرور هو انتي ممكن تحبي وتتجوزي عادي ولا هتفضلي رافضه فكرة الزواج

: لو جالي الشخص ال بتمناه هرفض ليه

بتعجب: يعني ناويه تتجوزي

: حد قالك اني ناويه اعنس

: لا حد قالي انك تسكتي خالص

: مانا كنت ساكته وانت بتقولي اتكلمي

: انا غلطان اسكتي بقى

: بارد

سكوت ثواني

ملك : هو انت ليه مبتحبش سهام

ببرود : ومين قال اني مبحبهاش

بذهول: يعني بتحبها

: صديقتي من الطفوله مش هحبها ليه مش فاهم

: لا انا اقصد حب من التاني

: وانتي مالك انتي بالحاجات دي

بإرتباك: مليش ولا حاجه بس كنت عايزاك تاخد بالك منها يعني واضح انها بتحبك

: خليكي ف نفسك انتي

• تابع الفصل التالي عبر الرابط: "رواية يا انا يا انتي" اضغط على أسم الرواية