رواية طليق اختي البارت الحادي عشر 11 والأخير بقلم اية زين
رواية طليق اختي الفصل الحادي عشر 11 والأخير
يوسف بتنهيدة:طمني عليها يا دكتور..بقالها شهر على الحال ده..فى تحسن ولا لا!
الدكتور:اللى هيا فيه ده حالة نفسية..هيا رافضة الامر الواقع فعقلها اختار الهروب ودخلت فى غيبوبة..بس دعواتكم ليها..
يوسف بفرحة:روكااا..اخيرا صحيتي يا عيوني!
رقية باستغراب:فى ايه! هو اى اللى حص...
وفجأة تفتكر ان محمد عمل حادثة وهو خاطف ابنها وكمان اختها اتشلت
رقية بدموع:ابني يا يوسف..ابني راح مني يا يوسف..
يوسف بيضمها ليه:لا يا عيوني..محمد عايش والله صدقيني..
رقية بتضم نفسها ليه:متكدبش عليا..انت مقدرتش تنقذ أبني يا يوسف..انا زعلانة منك
يوسف بضحك:طب ابعدي عني بقا طالما انت زعلانة مني
رقية بدموع:لا..انا عايزة افضل كده..بس برده زعلانة منك
يوسف:طب يا روحي هنادي للدكتور بس عشان اطمن عليكي
الدكتور:لا عال عال..كده تقدري تتحولى على اوضة عادية وتخرجي اخر النهار..
وفعلا رقية اتنقلت اوضة تانية
محمد فجأة:مامااااا..اخيرا صحيتي
رقية بدموع:ميدو..حبيب ماما..انت لسة عايش!
يوسف:فى ام تقول لابنها كده!
رقية بسرعة:من فرحتي..لما سمعت امبارح ان احمد عمل حادثة وهو معاه مقدرتش استحمل
يوسف بضحك:امبارح! امبارح اى يا بنتي! انت فى غيبوبة بقالك شهر
رقية:نعم! وده ازاى ان شاء الله!
يوسف بتنهيدة:هحكيلك يا ستي
فلاش باك
يوسف بهلفة:ها.. قالتلك احمد ومحمد فين!
ابو رقية باستغراب:واى اللى خلى محمد مع احمد ياابني
يوسف بغضب:داليا كانت خاطفاه ودلوقتي محمد خطفه..قالتلك هما فين ولا اى!
ام رقية بدموع:يا مصيبتي يا مصيبتي..احمد وامه لسة عاملين حادثة دلوقتي والعربية ولعت بيهم
الدكتور:للأسف يا جماعة..مدام داليا اثر الوقعة العمود الفقري اتأثر..وده هيسبب لها شلل..ارجو انكم تراعوا الموقف
يوسف بلهفة:رقياااااااا
ابو رقية بدموع:دكتور..دكتور بسرعة الحقوا بنتي
يجي الممرضات ويدخلوا رقية اوضة الكشف
الدكتور:للأسف يا جماعة واضح ان المدام اتعرضت لصدمة عصبية وواضح انها مقدرتش تستحملها..فاحنا اديناها مهدأ وهندخلها العناية عشان نطمن عليها..وكمان ساعتين هنشوف النتيجة وان شاء الله خير..عن اذنكم
ام رقية بدموع:يااارب..مش بناتي الاتنين يارب..يارب دول هما اللى طلعت بيهم من الدنيا
ابو رقية:اللهم أخرجنا من حولنا إلى حولك..اللهم إنا لا حول ولا قوة لنا إلا بك..يارب رجعها لابنها وجوزها يارب
يوسف بدموع:يارب..يارب رجعهالي..مش هتبقا هيا وابني يارب..انت أرحم من كده والله
ام رقية بدموع:ياابني محمد مكنش معاهم فى العربية..البلويس قال انهم لاقوا جثتين بس فى العربية..اكيد لو محمد بعد الشر كان معاهم كان البوليس قال
يوسف بفرحة:بجد! طب فى انهو قسم ده يا عمي
ابو رقية بيديله رقم جار داليا:خد ياابني كلم الرقم ده..ده جار داليا اللى كلمني لما البوليس راح هناك..كلمه واعرف منه التفاصيل
يوسف بفرحة:خليكم انتو هنا وانا هجيب محمد واجي ان شاء الله..
يوسف:لو سمحتوا..انا قريب احمد ووالدتوا اللى عملوا حادثة النهاردة..
الظابط: كويس ان حضرتك جيت..احنا لقينا العربية فى حالة صعبة جدا وللأسف ان الاتنين كانوا متوفيين..
يوسف:لا حول ولا قوة الا بالله..بس لو سمحت انا ابني كان المفروض معاهم فى العربية فممكن اعرف الحادثة حصلت فين بالظبط! والدته فكرته معاهم وتعبت فأرجوك تساعدني
الظابط:بس هو فعلا مكانش معاهم فى العربية..بس هو حضرتك تقربلهم اى! وكمان ابنك كان معاهم ليه!
يوسف بكذب:هو زوج اخت زوجتي..وكان واخد ابني وهو مسافر عشان انا ووالدته مشغولين..فعرفني المكان لو سمحت
الظابط وهو بيقوم معاه:اتفضل معانا يا استاذ يوسف انا هروح مع حضرتك هناك
بعد نص ساعة
الظابط:هو ده مكان الحادثة بالظبط..وانا وزعت العساكر يدوروا فى اقرب مكان..وان شاء الله خير
يوسف بتوتر:تمام..شكرا لحضرتك..بس استأذنك اروح ادور عليه انا كمان..
يوسف بحزن:يارب الاقيك يا محمد ونرجع لرقية بقا..كده كتير عليا والله
بعد ساعتين
*لقيناه يا افندم
يوسف بفرحة: محمد حبيبي..
محمد بدموع:يوسف! عمو الشرير كان عايز اخد محمد
يوسف بيضمه ليه:لا يا حبيبي محدش هيبعد محمد عن يوسف..بس اى جابك هنا!
محمد:سمعت عمو ده بيتكلم انه هياخدني بعيد عنك وعن ماما..فاستنيت لما نزل من العربية وقولتله عايز اروح الحمام وجريت منه..بس قعدت اجري جتير اوى لحد ما لقيت شجرة كبيرة استنيتك وراها..وعمو ده لاقاني وقالي انك بتدور عليا
يوسف بدموع:شاطر يا حبيبي شاطر..يلا بقا نروح لماما؟! شكرا لحضرتك جدا يا حضرتك الظابط وشكرا لكل العساكر بجد..
الظابط :ده واجبنا يا استاذ يوسف..بس حضرتك مقولتش ان الاستاذ احمد كان خاطف محمد..
يوسف بتنهيدة:ياافندم احمد دلوقتي بين ايدين ربنا..كلامي من عدمه مش هيفرق كتير..وبعدين اهم حاجة اننا لقينا محمد
تاني يوم الصبح
يوسف شايل محمد وقاعد قدام العناية
ام رقية:ياابني ما كنت تروح عشان ابنك
يوسف:ما حضرتك شوفتي يا طنط امبارح لما رفض أنه يروح من غير رقية..المهم داليا عاملة اى دلوقتي!
ابو رقية: الحمدلله على كل حال ياابني.. الحمدلله انها جت على اد كده.. لولا ان حماتها زقتها على الارض كانت هتبقا بخير..بس اهو الحمدلله..
يوسف:ربنا يطمنكم عليها يا عمي..
محمد بنوم:يوسف! ماما صحت ولا لسة!
يوسف:لا يا حبيبي لسة..تيجي اروحك تنام فى البيت!
محمد بيحضن يوسف:لا..محمد هيفضل مع ماما ويوسف
يوسف بلهفة للدكتور:طمني يا دكتور ارجوك..
الدكتور:للأسف المدام دخلت فى غيبوبة..هيا عضويا مفيش سبب..لكن واضح ان السبب نفسي..ادعولها الفترة دى
باك
~~~~~
يوسف بيقرص خدود رقية:بس يا ستي..فضلنا على كده الشهر ده..نروح انا ويوسف ناخد دش ونغير هدومنا ونجيب اكل واحنا جايين ونقعد قدام العناية..لحد الدكتور ما صعبنا عليه وقال ادخلوا معاها يمكن تفوق..واديكي فوقتي الحمدلله
رقية بتضم ايده ومحمد:معلش انا تعبتكم معايا..انا اسفة
محمد:يلا يا ماما عشان نخرج من هنا..انا مرضتش العب طول ما انت نايمة
رقية بتحضنه: واحنا هنلعب ونعمل كل حاجة ان شاء الله..بس من غير خناق مع يوسف صح!
يوسف بغيرة:الاول كده ابعدي عنه وتعالى فى حضني انا..هو انا مش واحشك ولا اى!
رقية:يوسف!
يوسف بحنية:عيونه والله
رقية بهمس:بحبك
~~~~~
بعد شهرين
رقية بتقلب الأكل:عايزة اقولك انى مش هاجي معاك الشغل الفترة دى
يوسف بيقطع الخضار:ليه ان شاء الله! جالك شغل احسن ولا اى!
رقية بخبث:والله هو حاجة زى كده..بس انا مش عارفة بقا اى رد فعلك
يوسف:اتحفيني يا عيوني..قولي يااختي قولي فى اى!
رقية بتمسك ايده وتحطها على بطنها:ولا حاجة..شكل كده محمد جايله اخ او اخت قريب
يوسف ببلاهة:ده انت حامل وفيه هنا ابننا يعني وكده!
رقية بضحك:تخيل! مالك مصدوم كده ليه!
يوسف:مصدوم اى! تعالى يا شيخة ارتاحي جوة وانا هعمل الغدا وهجيب محمد واجيلك
رقية:مالك ياابني! ما الدنيا ماشية تمام اهو
يوسف بيسحبها من ايدها:اسكتي انت اسكتي..محمد..ميدووو
محمد:نعم يا يوسف
رقية بزعل:محمد!
محمد:نعم يا بابا..حلو كده!
يوسف:حلو حلو.. افرح بقا عشان هيجيلك اخت صغيرة قريب ان شاء الله
محمد: ليه! انتو مش بتحبوا محمد!
رقية بتمسك ايده وبيمشوا على الاوضة:لا يا حبيبي بنحب محمد وكتير اوى..بس احنا قولنا نجيبلك اخ او اخت يلعبوا معاك..مش انت عايز حد تلعب معاه! فربنا ادانا النونو ده
محمد بيحضن رقية:لا..ماما بتلعب معايا..انت هتحبي النونو ده اكتر مني
رقية:لا يا حبيبي هنحبكم انتو الاتنين زى بعض..وبعدين عايزينك تحب اخوك وتخاف عليه ماشي
يوسف بفزع:لااااا..انا عايز بنت مليش دعوة..مش انت عايز بنت انت كمان يا محمد!
محمد:لا عا...
يوسف بوشوشة:لو النونو جه ولد هياخد ماما مننا احنا الاتنين
رقية بتدخل بينهم:بتقوله اى يا اخرة صبري!
محمد: بيقول ان النونو لو جه ولد هياخدك مننا
يوسف:اى! مش حقيقة؟ انا عايز بنت وتبقا شبهك عشان يبقا عندي اتنين رقية
رقية بقلة حيلة:انا فقدت الامل فيكم خلاص
محمد ويوسف:بحبك يا ماما الله
رقية بتضمهم ليها:وماما بتحبكم اكتر حاجة فى الدنيا
~~~~~~
ابو رقية بنفاذ صبر:انت عايزة اى دلوقتي يا داليا!
داليا:عايزة ابني يعرف انى امه على الأقل..وبعدين ما رقية حامل اهي..متديني ابني واربيه انا
ام رقية:يا بنتي وتحرمي الواد من ابوه ليه؟ مش ده كان قرارك لما قررتي تجوزيهم! قولتي انك هتتنازلي عنه عشان يبقا مع ابوه..
داليا بدموع:قرار وندمت عليه..لكن دلوقتي انا عايزة ابني
ابو رقية: الكلام ده تقوليه لما هو يتم ال 16 سنة..يبقا يقرر هو عايزك ولا عايزهم..واكيد رقية هتعرفه انك امه.. لكن مش دلوقتي عشان نفسية الولد..واقفلي السيرة دى بقا..
~~~~~~
محمد بفرحة:هييييه يعني ماما هتجيبلي نونو ولد ونونو بنت!
رقية بضحك:ايوة يا سيدي..الولد تلعب معاه والبنت تحافظ عليها ومتزعلهاش ماشي!
محمد بطفولة:مش هزعلها ابدا ابدا ابدا..وهحبها زى ماما
رقية:شاطر يا حبيب ماما..وانت يا استاذ يوسف..خير ساكت ليه!
يوسف:فرحان انك اخيرا هتجيبيلي بنت شبهك والعب معاها كده
رقية:يا حبيبي انت هتبقا باباها..اصحى بقا..وبعدين فى ولد توأم معاها على فكرة
يوسف بضحك:لا ما انا قررت اخلى الولد مع محمد عشان افضالك انت ورقية الصغيرة بقا..انا اسف انى خليتك تأجلى الحمل الفترة دى كل...
رقية: ده كان أحسن قرار يا بابا.. مكنش ينفع فوسط تعبنا وتفكيرنا نجيب طفل ونبهدله معانا..وآدي ربنا رزقنا باتنين مرة واحد
يوسف بيبوس ايدها:تسلميلي يا أحلى ماما
~~~~~
بعد 13
محمد:خديييجة..قولتلك مية مرة متلبسيش الطقم ده
خديجة:اوف بقا..وانت مالك!
سيف:خديجة..عيب..محمد خايف عليكي..وفعلا الطقم ده مينفعش تخرجي بيه..ده ضيق اوى
رقية بصوت واطي:عيالك رجالة من ضهر راجل..خايفين على اختهم
يوسف: لازم يخافوا عليها طالما طالعة قمر لامها"بغمزة"
رقية:اتلم يا يوسف..احنا كبرنا على كده بقا..
يوسف:كبرنا اى بس يا باشا..ده انت ق..
سيف:بابا..ماما..طنط داليا عايزاكم
رقية بتمسك ايد يوسف:يوسف!
يوسف بيضم ايدها:محمد فين يا سيف!
سيف:دخل اوضته..
رقية بدموع:انا هروح اشوفه يا يوسف
رقية:حبيب ماما بيعمل اى!
محمد بيحضنها ويعيط:انا بحبك اوى يا ماما..انا مش عايز امشي واسيبك
رقية بتطبطب عليه:محدش يقدر ياخدك من حضني..انت ابني مهما حصل..حتى لو قررت تروح تعيش معا...
محمد بسرعة:لالا..مش عايز اسيبك انت وخديجة وسيف..عايز افضل معاكم
يوسف بهزار:يعني ممكن تسيب بابا عادى!
محمد:لا طبعا يا چو..ده انت الاصل برده
يوسف:طب يلا..داليا برة عايزة تكلمك
~~~~
داليا:اى ده يا محمد! انت لسة مجهزتش شنطة هدومك!
محمد:وانا هحضر هدومي ليه!
داليا:عشام تيجي معايا يا حبيبي
محمد:لا ما انا مش هسيب ماما واخواتي واجي اعيش مع حضرتك..
داليا:بس انا امك..هيا فى الاول وفى الاخر خالتك..
محمد:هيا امي اللى ربتني..اللى ساعدتني امشي اول خطوة..هيا امي اللى كانت بتسهر جنبي وانا تعبان..هيا امي اللى بتخاف عليا اكتر ما بتخاف على نفسها..هيا امي اللى كنت بتعبها وبزهقها وعمرها ما اشتكت مني..بالعكس كنت بلاقي حضنها ضاممني..هيا امي اللى بتسمعني..
داليا:بس انا اللى جيبتك على الدنيا.. وبعدين هيا ليها اتنين غيرك..لكن انا مليش غيرك
محمد بسخرية:اااه..يعني عايزاني عشان معرفتيش تخلفي بعدي! وبعدين انا عرفت ان سيادتك كنتي عايزة تسقطيني عشان كنتي شايفة أني هبقا عقبة فى حياتك..لولا الراجل ده كان زماني مجيتش على الدنيا
رقية:محمد! عيب كده..ميصحش تكلمها بالأسلوب ده..وبعدين مين اللى قالك كده..ده ك...
محمد:ماما..لو سمحتي..انا سمعت تيتا وهيا بتواجهها بكل اللى عملته...انا مش هسامحها على اى احساس خليتك تحسي بيه..انت متستاهليش ده كله والله..انت تستاهلي الحب وبس يا ماما
داليا:يعني هتبعد عن امك المشلولة وتسييها لوحدها؟!
محمد:لو سمحت سا جدو عرفها ان الاسلوب ده مش هينفع دلوقتي..هيا محتاجة ممرضة وحضرتك موفرلها ده حضرتك بالنسبة ليا خالتي فليكي عندي صلة رحم..وده من تربية ماما رقية ليا..لكن انى ابعد عن حضن ماما واخواتي فمعلش انا مش موافق ..عن اذنكم..
داليا تمشي هيا وابوها وامها
خديجة بتمسح دموعها:كنت خايفة تختار انك تروح مع مامتك يا محمد
محمد بيضمها:ومين اللى يطلع عينك فى اختيار لبسك!
رقية بتضمه ليها وتتكلم بدموع:كنت خايفة تبعد عني ياابني
محمد بيبوس ايدها:مقدرش ابعد عنكم..وبعدين مين اللى يتنافس مع سيف وبابا على حضنك لو انا مشيت
خديجة:انا أحق واحدة بيها
محمد ويوسف وسيف بيجروا على رقية وفى صوت واحد: لا..دى ماما انا بس..
رقية بتضمهم ليها:وانتو عيالي وضي عيني وتهمس ليوسف: وانت ابويا وصاحبي وحبيبي ربنا يديمك ليا
يوسف بحب:ويديم وجودك لينا يا ماما❤️❤️
تمت النهاية .. اقرا ايضا رواية غمزة الفهد كاملة عبر دليل الروايات للقراءة والتحميل
- تابع الفصل التالي عبر الرابط: "رواية طليق اختي" اضغط على أسم الرواية