رواية معاناة الحب الفصل الحادي عشر بقلم مارينا عبود
رواية معاناة الحب الفصل الحادي عشر
عمر بغضب:ايه هو إللى مينفعش يا رو*ح ام*ك وضربه بالبوكس وقعه فى الارض
امير وسليم جريوا عليه ومسكوا
محمد قام بغضب وحط ايده مكان الضرب "انت ازاى تمد ايدك عليه يابن الهوارى انت اتجننت
عمر وهو كاد ان ينفجر من الغضب : وانت ازاى تقرب من مرات عمر الهوارى يلااا
محمد :هندمك على إللى حصل جامد اووى يا عمر
امير بعصبيه:ف ايه يابن الانصارى متجننش واعرف انت بتكلم ميين ويلاه من هناا بدل ما اعمل حاجه متعجبكش
محمد مشى وهو ملامحه كلها غضب وحقد على عمر
عمر بص عل تاج وهى كانت خايفه مسكها من دراعها بقوه "انا مش قولتلك متتكلميش مع حد
تاج بخوف ودموع :انا معملتش حاجه صدقنى هو إللى
قاطعها سليم :عمر البنت باين عليها خايفه اهدا شويه محنا عارفين انه محمد الانصارى شاب قليل أدب وبيحب يرخم على البنات هى ذنبها ايه
امير :كلام سليم صح وبعدين انت إللى غلطان مكنش المفروض تسيبها
عمر ساب ايدها واتكلم بجمود عكس النار إللى جواه :خلاص اهدى وناده على الجرسون يجبلها ميه
تاج شربت وبدأت تدريجيا تهدا وبصت على امير وسليم بخوف
امير لاحظ خوفها منهم ف قرر ياخد سليم ويروحوا يقفوا مع صاحبهم ويسيبوهم لوحدهم
امير؛سليم تعال معايا نشوف محمود
سليم "ماشى
امير وسليم مشيوا وسابوا عمر
عمر بص عليها لقاها بتترعش وخايفه استغرب اووى من تصرفها وخوفها الزايد من كل حاجه وخصوصا المشاكل قعد جنبها ومسك ايدها بحب :انتى كويسه
تاج هزت رأسها بمعنى اااه
عمر :تعالى نرقص
تاج بتوتر:بس انا
عمر بابتسامه:مفيش بس قومى يلاا
عمر قام واخد تاج وراحوا يرقصوا
عمر مسكها من خصرها وشدها ليه وتاج حطت ايديها حولينا رقبته وفضلوا يرقصوا وكانت الأنظار كلها عليهم
عند امير وسليم
امير وسليم كانوا واقفين وبيضحكوا مع بعض وفجاه تليفون امير رن
امير :ايه ده سياده اللواء بيرن ليه دلوقتى
سليم:شوفه عاوز ايه
امير فتح التليفون
امير :ايوه يا فندم
اللواء:........
امير:طيب جاى فورا
امير :سليم انا لازم امشى
سليم:ضرورى يعنى
امير:ااه
سليم:ماشى خلى بالك من نفسك
امير بابتسامه:حاضر
امير طلع من الحفله وركب عربيته وراح القطاع
بعد وقت
عمر وتاج خلصوا رقص والكل صقفولهم وخلصت الحفله
عمر اخد تاج وركبوا العربيه وراحوا الفيلا
فى الفيلا
تاج وعمر نزلوا ودخلوا الفيلا
تاج بصدمه :ماااما
بسمه بحب :حبيبتى
تاج جريت واترمت فى حضنها
عمر :مش على اساس جايه بكره
بسمه :هههه كنت عاوزه اعملكم مفاجأه
عمر بفرحه:واجمل مفاجأه
تاج :وحشتينى اووى
بسمه ؛يا روحى وانتى كمان قوليلى عمر زعلك
تاج بحب :لا
عمر:ماما احنا جايين تعبانين وأكيد انتى كمان علشان كده تعالوا نناموا وبكره كملوا كلامكم
عمر وتاج طلعوا الأوضه وتاج دخلت غيرت وطلعت وكان عمر قاعد على السرير
تاج بحزن :انا اسفه
عمر باستغراب:على ايه
تاج؛بسببى اتخانقت فى الحفله بس صدقنى انا كنت قاعده فى حالى هو إللى جه و
قاطعها عمر:انا عارف متتاسفيش انا مكنش المفروض اسيبك لوحدك
تاج :هما مين الاتنين إللى كانوا واقفين معاك باين عليهم قريبين منك
عمر بحب:بصى يا ستي الشاب ابو دقن خفيفه وعيون عسلى ده سليم ابن خالتى وشريكى فى الشغل والتاني الطويل امير الباشا صديقى المقرب وظابط ويلاه بقااا علشان ننام
تاج:ماشى
- بس ممكن طلب
عمر :اطلبى
تاج ببرائه:ممكن انام فى حضنك علشان بخاف لوحدى
عمر بصلها وابتسم وفتحلها دراعه وهى اترمت فى حضنه وحضنها وناموا
♡♡♡♡♡♡♡
بقلم/ مارينا عبود ♥️♥️♥️♥️♥️
فى مكتب اللواء رفعت
امير طرق باب الغرفه ودخل لقه ماسه والمستشار احمد سليمان قاعدين
امير لنفسه:اتمنه ميكونش إللى فى بالى صح وتكون وافقت ياربى مش هستحمل المجنونه ديه دقيقه وحده
اللواء رفعت "امير تعال يابنى واقف ليه
امير قدم الاحترام لمعالى المستشار واللواء
المستشار:اسمعنى يابنى ماسه وافقت انه تروح معاك
امير بصدمه:وافقت
ماسه بغيظ:ااه
امير بصلها بغيظ
المستشار:اسمعنى يا ابنى ماسه هتكون فى حمايتك لحد معرف مين الشخص إللى بيهددنى بيها ماسه بنت عصبيه شويه وعنيده بس انا واثق انك هتقدر تستحملها
امير بصلها بغيظ:متقلقش يا فندم فى عيونى بس الوقت اتاخر ولازم امشى علشان والدتى ف ياريت تتفضلى معايا يا انسه ومتقلقيش الفيلا هيكون عليها حراسه
ماسه :اوك
ماسه قربت وحضنت باباها واخدت شنطتها وراحت مع امير امير اخد ماسه ونزلوا وامير اخد شنطتها وحطها فى العربيه من وره وركب وهى ركبت جنبه
ماسه:ممكن اعرف انت هتاخدنى على فين
امير:لما نوصل هتعرفى
ماسه :بس انا عاوزه اعرف
امير بصلها ومردش
ماسه بغيظ :دنت مستفز ياجدع
امير:ياجدع دنا شكلى كده اتورطت
ماسه:هههه للأسف
بعد وقت امير وصل
امير ؛انزلى
ماسه:اوك
ماسه نزلت ووقفوا قدام فيلا جميله اووى
ماسه:احنا فين
امير:ادخلى الأول
ماسه :اووك
امير اخدها ودخلوا وكان فيه اتنين حرس قدام الفيلا
ماسه دخلت وكانت الفيلا من جو عامله زى القصر وكبيره
امير:انتى هتبقى هناا لحد متخلص المهمه ديه
ماسه :طيب هبقه لوحدى
امير :متخفيش انا هاجى كل يوم اطمن عليكى وهيكون ف اتنين حرس معاكى بره لحمايتك ودلوقتى لازم امشى علشان مينفعش اتاخر اكتر من كده وآسيب والدتى لوحدها خدى راحتك واختارى الأوضه إللى تعجبك علشان تنامى فيها وانا هجيلك بكره
ماسه :اووك
امير طلع وقال للحرس يخلوا بالهم منها وماسه اخدت شنطتها وطلعت فوق دخلت اوضه جميله اووى وغيرت هدومها ونامت
امير اخد عربيته وراح الفيلا بتعته وسلم على مامته وركب اوضته وراح فى نوم عميق
بقلم/مارينا عبود
♡♡♡🖤🖤🖤🖤
فى صباح يوم جديد 💥
فى فيلا عمر الهوارى
عمر قام من النوم وكانت تاج فى حضنه قرب منها وطبع قبله رقيقه على خدها وبدأ يمشى ايدها على شعرها بحب
تاج فتحت عيونها لما حست بلمسته
عمر بابتسامه:صباح الخير
تاج:صباح الفل
عمر :قومى يلا علشان نفطر
تاج :ماشى
عمر قام ولبس ونزل وتاج دخلت غيرت هدومها ونزلت وراه كان عمر قاعد على السفره
تاج نزلت وقبل ما تقعد اتكعبلت عمر قام بسرعه ولحقها ووقعوا الاتنين عمر وقع وتاج فوقه بسمه نزلت وابتسمت لما شافتهم
وعمر كان سرحان فى عيون تاج الجميله وفجاه سمعوا صوت واتصدم
عمرررررررر
يتبع الفصل الثاني عشر اضغط هنا
- الفهرس يحتوي على جميع فصول الرواية كاملة :"رواية معاناة الحب" اضغط على اسم الرواية