رواية يا انا يا انتي الفصل الثاني عشر 12 - بقلم ملك محمد

رواية يا انا يا انتي البارت الثاني عشر 12 بقلم ملك محمد

رواية يا انا يا انتِ الفصل الثاني عشر 12

وهما ماشين ف الطريق

ملك : تعرف

ادهم بتعجب : اعرف اي

برخامه: لا دانا بسألك تعرف اصل انا معرفش

مسكها من شعرها وقال: ماتبطلي رخامه يابت انتي

: اااه شعري خلاص مش ههزر معاك تاني

ساب شعرها وقال: دا بجد

بتعجب: هيفرق معاك

:اكيد لا أساساً انا مبحبش هزارك سئيله ودمك يلطش

بضيق: ع اساس انا ميته عليك يابرميل البهجه  وبعدين مش انت ال ماشي معايا من نفس الطريق

: هو الطريق بإسمك ولا اي ماامشي من الحته ال تعجبني

بمكر :  بس دا مش طريقك أساساً انت ماشي غلط

: ياسلام ولسه مكتشفه دا دلوقتي انه مش طريقي

بخبث وضحكه انتصار : لا انا مش عايزه اقولك علشان تخبط المشوار وتكتشف ان دا مش طريق بيتك فترجع تاني

بثقه: ومين قالك بقى اني رايح بيتي اساسا

بتعجب: امال رايح فين

: رايح بيتك انتي

وقفت مره واحده : بيتي انا !

وبعدين جريت لحقته

: تعمل اي ف بيتي مش فاهمه

: ولا حاجه حماتي عزماني ع الغدا وانا مقدرتش ارفض طلبها بصراحه قلبي حنين اوي

ملك بعصبيه: ادهم انت بتهزر

: لا مبهزرش قوليلي بس حماتي اكلها حلو ولا لا

بعصبيه : هو انت كدبت الكدبه وصدقتها احنا مش مخطوبين أساساً

: خلاص افسخي الخطوبه لو مش عايزاها

بضيق: مانت عارف اني مش عارفه اعمل حاجه زي كدا علشان انا ال دبست نفسي فيك

وهو بيغظها : خلاص يبقى تسكتي خالص وتستحملي نتيجة جنانك داه

وقفت مره واحده وقالت : يعني انت بجد جي عندنا

وقف هو كمان وقرب منها وقال بهمس وابتسامه غيظ: تخيلي

بضيق : طيب ابقى روح انت بقى وسلملي ع حماتك

وسابته ولفت ضهرها علشان ترجع

مسكها من قفاها وهو بيقول : لا والله هو بسهوله كدا

: ماشي ياماما ماشي

: امشي قدامي انجزي

وصلوا البيت ودخلوا

والدتها : اهلا اهلا ياحبيبي اتفضل نورتنا والله

ادهم : تسلمي ياطنط ربنا يبارك ف حضرتك

ودخل قعد

والدتها بصت لملك وقالت : انتو اتقابلتوا صدفه ولا اي

ادهم : لا احنا ف الشغل مع ب...

ملك قاطعته : قابلته صدفه اه ياماما هو كان خارج من شغله وانا خارجه من شغلي والصدف بقى ال جميله جمعتنا سوا مش كدا ياادهومي

ادهم بصلها ورفع حاجه وهو بيقول لنفسه : حتى دي مخبياها عليهم

والدتها : طيب ثواني بس هكمل ال ف المطبخ وارجعلك اصل الأكل ع النار وزي مانت شايف مفيش حد بيساعدني

: خدي راحتك ياحماتي انا مش غريب

ملك بضيق وصوت خافت : حمى اما تشقلبك

ادهم بإبتسامه غيظ : بتقولي حاجه ياحبيبتي

: بقول نورت ياحبيبي نورت اوي انا هدخل المطبخ مع ماما بقى اصل انا ست بيت شاطره وكدا

والدتها: مطبخ اي دا ال تدخليه يعني انتي اساسا مبتدخلهوش ف الايام العاديه جيه تدخليه وخطيبك هنا

بإرتباك : لا مانا لازم اجي اساعدك ميصحش بردو

والدتها : لا ياختي كتر خيرك دانتي اخر مره فكرتي تساعديني البيت كان هيولع

ادهم كاتم ضحكته

ملك بضيق: اي ياماما داه انتي لو ناويه تفضحيني مش هتقولي كدا قدامي ياماما قدامي لو سمحتي

والدتها : واد يالؤي تعالى اقعد مع خطيب اختك عما اخلص ال ف المطبخ

دخلت المطبخ مع والدتها

ملك بغضب: مين قالك تعزميه ممكن افهم

والدتها وهي بتقلب الأكل: اي يابت الطريقه دي مااعزمه وقت مااحب مش هيبقى جوز بنتي

ملك كانت بتشرب مايه المايه خرجت من بوئها وشرقت وهي بتقول

: جوز مين !

: لا اله الا الله مش دا ال رفضتي عرسان الدنيا علشانه وهربتي معاه كمان

بيأس: انا استاهل ضرب الجزمه فعلاً علشان انا ال عملت كدا ف نفسي

بتعجب : ليه اي ال حصل اوعى تكوني مش عايزاه اصل وربنا ابوكي يروح فيها

: لا مين قال كدا دانا بعشقه بعشقه اوي لدرجة اني نفسي اخنقه من كتر الحب ال بحبهوله

: ودا حب دا ولا تخليص حق ربنا يهديكي يابنتي وتعقلي كدا دانا احنا مصدقنا حد يحبك

: ماما هو انتي شايفاني قرد مثلا هو اي ال مصدقنا حد يحبك مانا زي القمر اهو

بحزن: زي القمر اه بس العقل مفيش الحمدلله فعلاً مفيش حد بياخد كل حاجه

بذهول :ماتتبرو مني وخلاص

والدتها : يااختي ياريت كان ينفع بس مين هياخد واحده شحطه زيك يربيها عنده وبعدين احنا سابينك تكفير ذنوب تقريباً انا وابوكي مش سالكين علشان كدا ربنا رزقنا بيكي

ملك شدت حته من صنية الفراخ وكالتها وهي بتقول :  انا متأكده انكوا لايقيني قدام باب الجامع

"ف الخارج"

لؤي قاعد بيبص لأدهم بنظرات غريبه

ادهم عمال يبص ع نفسه ويعدل هدومه ومستغرب هو في اي

خرج عن صمته وقال  : مالك ياحبيبي في حاجه

لؤي: صعبان عليا اوي ياسطا

ادهم بتعجب: اسطا ! ماعلينا صعبان عليك ليه مش فاهم

بحزن: واضح انك مش بار بأمك علشان كدا دعت عليك تتجوز ملك اختي

أدهم : ليه مالها ملك

قرب منه وقال بصوت واطي وهو بيبص حواليه: دي مجنونه انفد بجلدك

بإبتسامه : اطمن انا قدها

وهو بيبص حواليه: لا دي بالذات ميقدرش عليها الا ربنا اسمع مني

بإبتسامه: طب قولي بتعمل فيك وانا هجبلك حقك منها

بذهول: انت بتهزر بقى دي محدش يقدر عليها قولتلك

: طب قول يمكن انا اقدر

بص حواليه وقرب منه وفضل يحكيله بصوت خافت على كل حاجه ملك بتعملها فيه

بعد بضع دقائق

ملك بتدخل عليهم

لؤي بخوف بيبعد بعيد عنه

ملك : اي مالكوا كنتو بتتكلموا ف اي

لؤي غمز لأدهم

ادهم : ولا حاجه هنتكلم ف اي يعني

ملك بصتلهم بنظره مريبه وهي بتقول: معرفش بس قلبي مش مرتحالكوا لا

والدتها : يلا الأكل جهز قوم ياادهم يابني معلش جوعناك معانا

ادهم : لا مفيش حاجه بس هو عمي مش جي ولا اي

والدة ملك : لا دا بيرجع متأخر من الشغل قوم يلا غسل ايدك وتعالى

ادهم قام غسل ايده ورجع قعد ع السفره

ملك قربت منه وقالت بصوت واطي: تخلص اكل وتمشي تمام

: وانتي مالك انتي وقت مااحب امشي همشي

بغضب: مستفز

والدتها: هتفضلوا تتودودو كتير ولا اي يلا الأكل هيبرد

ملك بضيق مسكت السكينه غرزتها ف نص  الفرخه وهي بتقول : شكلي هرتكب جنايه دلوقتي

ادهم ببرود وهو بياكل : طب حاسبي السكينه تعورك

ملك فضلت تاكل وهي مدايقه

ادهم : تسلم ايدك ياحماتي الأكل تحفه

والدة ملك : بألف هنا ياحبيبي انت منورنا والله العظيم

__________

بعد الغدا وهما قاعدين ف الصالون

ملك : انت مش ناوي تروح بقى ولا اي

ادهم : قولتلك هروح بمزاجي قومي اعمليلي كوباية قهوه

ملك : انت هتتأمر كمان مش عامله حاجه

ادهم بصوت عالي : ياطنط

ملك بضيق: خلاص خلاص دانت غتت

وسابته وراحت ع المطبخ

قام يتمشى شويه ف البيت وراح ع أوضتها

دخل بهدوء وهو بيبص حواليه على صور النادي الأهلي ال ف كل حته قرب من مكتبها وبدأ يقلب ف الورق

فجأه سمع حد بيقوله

: انت بتعمل اي هنا

بص لقى ملك رد بتعجب

: مفيش انا بس قولت اخد فكره مراتي المستقبليه منظمه ولا لا

بذهول: مرات مين ياعنيا

: مراتي

ملك بعصبيه : اطلع بره ياادهم احسنلك

: مش طالع قولتلك بمزاجي واسمها استاذ ادهم مش ادهم حاف

: اي العجرفه دي انت فاكر نفسك مين

قعد ع كرسي المكتب وهو بيقول: خطيبك مثلاً

بعصبيه وهي بتكز ع اسنانها: ماقولنا دي كدبه ومفيش الكلام داه

ببرود: طب اندهي والدتك عرفيها

اخدت نفس وقالت : تاخد كام وتفكك مني

: تصدقي لو فلوس الدنيا اترمت قدامي مش هسيبك الا لما اطلع عينك دانتي دخلتيني السجن ال عمري ماتوقعت اني ادخله دانا من يوم ماشوفتك شوفت بهدله ماشوفتهاش ف حياتي حتى شغلي جيتي ورايا علشان تخربي الدنيا عليا انتي اي مصيبه مبتتهديش

: طب مانا قولت اسفه ع فكره

: اعمل اي بأسفه دي اصرفها ف انهي داهيه

: طب عايز اي وانا اعملوا وتفكك مني بقى

بتفكير ورفعة حاجب : تعالي اقعدي قدامي هنا

شدت كرسي وقعدت

: ها عايز اي

: اول حاجه اخوكي الصغير مدايقهوش ولا تاخديه منه حاجه خالص

: هو قالك الحيوان

: اه قالي ولمي لسانك داه ومتاخديش منه حاجه تاني

بنظرة استعطاف: بس انا بحب الشكولاته اوي

: انا هجبهالك

بذهول: ها

: ها انتي قولتي اي

: خلاص مش هدايقه تاني في أوامر تانيه

: لسانك دا ميطولش تاني فاهمه عايزه اشوفك بنت رقيقه كدا وكيوت

وهي كاتمه غضبها: حاضر حاجه تاني

: بصراحه حالياً لا بس كل اما افتكر حاجه هقولك

: اي انت واخدني من السبايا ماتقول كل حاجه مره واحده خلينا نخلص

: شوفتي لسانك بيتحول بسرعه ازاي 

وهي كاتمه غضبها: حاضر يااوستاذ ادهم تؤمر بحاجه تاني

: اه القهوه فين هو

:ثواني وهجبهالك

وبعدين قالت بضيق وصوت واطي: تشربها بالسم الهاري

ببرود: سمعت ع فكره كبيها واعملي كوبايه تانيه علشان مبحبهاش بالسم الهاري

راحت ناحية المطبخ بعصبيه

والدتها : مالك متعصبه كدا ليه

: ولا حاجه ياماما كل الحكايه ان الاستاذ قاعد ف اوضتي ياريت تخليه يطلع بالزوء تمام

بضحك: طب والله جدع أخيراً في حد قدر يدخل أوضتك دانا كنت قربت احس انك مخبيه فيها مخدرات

بعصبيه: انتي بتضحكي ياماما كمان اي العيله دي بس

وبعدين قالت لنفسها : ماشي يا ادهم يا انا يا انت

ادهم قاعد ف اوضتها فجأه سمع موبايلها بيرن ف جيب الجاكيت بتاعها

طلعه وبص فيه لقى نمره مكتوب عليها المسهوكه هانم

ضحك وقال : دي فعلاً مجنونه

وبعدين فكر شويه قال

: هتكون مسمياني اي ياترى

طلع فونه ورن عليها

بص لقاها مسمياه : الساحر الشرير

بتعجب قال لنفسه : لما انا الساحر الشرير انتي تبقي اي يابلوه

دخلت ملك عليه لقته ماسك فونها حطت القهوه وشدت الفون من ايده وهي بتقول

: اي دا انت ازاي تمسك فوني بدون اذن

ادهم : بقى مسمياني الساحر الشرير طيب انا هوريكي الشر بيبقى ازاي

بصحكة ارتباك : لا دا الفون اوقات بيهنج اشرب القهوه اشرب متاخدش ف بالك

بدأ يشرب فعلاً وملك عماله تبص عليه

بتعجب: في اي انا مش مطمن لنظراتك دي

بخبث : لا مفيش كمل يا حبيبي

بإبتسامه : يا اي

بتوتر: لا انا مقصدش حاجه دي كلمه لازقه ف لساني

ادهم بإبتسامه ونظره غريبه : ماشي هعديها

ملك: متبصليش كدا قولتلك دي كلمه عفويه الواحد عليه شوية عفويه تودي ورا الشمس

ادهم وهو بيشرب القهوه: شوية عفويه ولا شوية طولة لسان ورخامه وغتاته

:تصدق انك انسان با...

قاطعها : ها

سكتت وقالت : انسان محترم اوي يعني كمل شرب كمل

ادهم خلص اخر بوء من القهوه وبعدين حس بدوار 

حط ايده ع دماغه

ملك بمكر: اي مالك

ادهم : لا مليش بس معرفش ليه حاسس اني عايز انام

وقام من مكانه وهو بيقول : هستأذن انا بقى

بفرح: نورتنا بصراحه متبقاش تيجي عندنا تاني بقى

ادهم اخد بعضه وراح ناحية الباب وهو عمال يتاوب ومش قادر

خرج من باب الشقه وملك قفلت الباب وقالت  بفرح :باي باي باي

والدتها جت بتعجب وهي بتقول : اي دا هو ادهم مشي ولا اي

ملك : اه الحمدلله دا زي مايكون قاعد ع قلبي اووف اي داه

ودخلت اوضتها

ادهم كان شايف الدنيا ضباب وهو ماشي ومش قادر يفتح عنيه شاور لتاكسي وركب علشان يروح

اول لما حد دماغه نام

صاحب التاكسي بتعجب

: انت يااستاذ انت يابيه

فضل يحاول يصحي فيه ولكن لا حياة لمن تنادي

_________

"نهار يوم جديد"

ادهم بيحس بحد بيحسس ع وشه وبيفتح عينه بهيام وحب بيتفاجئ بمعزه فوق دماغه

قال لنفسه وهو بيحاول يفوق: اي دا ياملك انتي اتسخطي معزه

المعزه : ماااااء

قام بسرعه مخضوض

: اي دا انا فين

بص حواليه لقى نفسه ف بيت ف مكان عشوائي

خرج بسرعه لبره

قابله صاحب التاكسي: انت صحيت يابيه

ادهم بعصبيه : هو اي ال جابني هنا انطق

صاحب التاكسي: اهدى بس وانا هفهمك

ادهم مسكه من لياقة قميصه وهو بيقول : اهدى اي اتكلم بقولك

بخوف : يابيه انت وقفتني امبارح علشان اوصلك لبيتك ونمت ف التاكسي بدون ماتقولي العنوان قولت اجيبك تبات عندي بدل مااسيبك ف الشارع يعني انا غلطان

ادهم نزل ايده ورجع بالذاكره لورا وافتكر أنه كان عند ملك امبارح بيشرب قهوت وحس بالنعاس فجأه فقام يروح

قال لنفسه بذهول

: عملتيها ياكلب البحر اما اشوف وشك حاضر

صاحب التاكسي: فيه حاجه يااستاذ

ادهم : لا مفيش متشكر جدا ياسطا واسف ع عصبيتي ال انت شوفتها من شويه

صاحب التاكسي: ولا يهمك يافندم

ادهم بص ف الساعه لقى نفسه اتاأخر جدا ع الشغل

قال بضيق : هترفد بسبب كائن ميجيش متر ونص البت دي اي شيطانه ماشي ياملك يا يا انت حاضر

• تابع الفصل التالي عبر الرابط: "رواية يا انا يا انتي" اضغط على أسم الرواية