رواية حب الصدفة الفصل الثاني عشر 12 - بقلم ملك عتمان
رواية حب الصدفة الفصل الثاني عشر
فارس: عشان بحبك
ألين: بتحبنى
فارس: أيوة بحبك ومش حب عادى كمان أنا بعشقك من أول مرة شوفتك فيها وعينى مكنتش راضية تنزل من عليكى لما كنت بشوفك مع عمر كنت بتعصب وببقى عايز أكسر دماغه لما جبتلك الفستان جبته عشان أشوفك مبسوطة مش أكتر لما عملت عملية بباكى عشان أريحك ومخلكيش شايلة هم حاجة إنتى حياتى كلها ومقدرش أستغنى عنك أبدا ومش هسمح لحد ياخدك منى أنا بقيت مدمنك يألين
ألين كانت واقفة مذهولة من كلامه مكنتش متوقعة إنو يطلع بيحبها مشاعرها ساعتها كانت متلخبطة هى فعلا الفترة الاخيرة كانت حاسة بمشاعر ناحيته بس مش متأكدة
فارس: ألين ردى عليا بتحبينى ولا لا
ألين: مش عارفة أنا همشى
وطلعت تجرى على بره علطول
فارس سابها تمشى رغم انه زعل لما قالتله مش عارفة بس سابها قال لازم يسبلها وقت تفكر أكيد هى متلخبطة دلوقت
ألين طلعت تمشى فى الشارع كالعادة راحت للبحر وقعدت قصاده الصراحة كانت فرحانة من كلام فارس بس كانت محتاجة وقت تتأكد من مشاعرها وبعدين ترد عليه وفجأة لقت تليفونها بيرن
ألين : ازيك يا عمر عامل ايه
عمر: أنا الحمدلله طمنينى عليكى نزلتى مصر
ألين: أنا تمم ايوة نزلت فى حاجة
عمر: كنت عاوز اقابلك ضرورى وياريت النهاردة
ألين: حاضر بس فين
عمر: فى مطعم ................
ألين: تمم أنا جاية أهوه
وبعد شوية ألين كانت وصلت المطعم أول مدخلت لقت الدنيا ضلمة كانت لسه هتتصل عليه لقت الأنوار مرة واحدة نورت وعمر واقف وماسك بوكيه ورد فى إيده
وقرب منها وقالها
عمر: ألين أنا بحبك وقام نازل على رقبته تقبلى تكونى مراتى
ألين لنفسها: ينهر إسود الاتنين فى يوم واحد
ألين لعمر: بص يا عمر أنا الصراحة من ساعة معرفتك وأنا معتبراك صديق عمرى مشوفتك حاجة غير كدا أنا مش عايزة أجرحك والله
بس انشاء الله ربنا هيرزقك بالأحسن منى
عمر قام وقف: انتى بتحبيه صح
ألين: مين
عمر: فارس
ألين سكتت مكلمتش
عمر: أنا بحبك عشان كدا ال هقوله هيكون صعب عليا شوية مدام قولتيلى إنك مش بتحبينى يبقى انتى بتحبى فارس وإنتى عارفة كدا كويس وهو كمان بيحبك لو بتحبيه متسبيهوش يضيع منك الحب مش بيجى غير مرة واحدة بس وأصعب حاجة لما يبقى من طرف واحد بس انتو الاتنين بتحبوا بعض أنا عارف إنى مش هلاقى حد زيك لو لفيت العالم كله بأدبك وأخلاقك وطموحك للمستقبل بس أهم حاجة عندى إنى أشوفك مبسوطة مش أكتر
ألين: شكرا بجد يا عمر إنك فهمتنى وبجد أنا عمرى مهلاقى صديق أحسن منك وإنشاء الله صحبيتنا تدوم علطول وبعدين راحت ماشية
وبعد شوية كانت وصلت بيتها دخلت أوضتها علطول وغيرت وإتصلت على نهى صاحبتها
نهى كانت نايمة مسكت التليفون وردت
نهى: استفغر الله العظيم بتتصلى ليه دلوقت يعنى هو الواحد ميعرفش ينام خالص
ألين: بقولك ايه صحصحى معايا كدا عايزة أحكيلك حاجة
نهى: قولى
ألين حكتلها كل حاجة حصلت
نهى: مش قولتلك بيحبك ظنى ميخيبش أبدا بس انتى بقى بتحبيه ولا ايه
ألين : مش عارفة والله ينهى مشاعرى متلخبطة
نهى: عليا يبت أنا برضوا دنتى تلاقيكى دايبة فى دباديبة وراحت ضحكة
ألين: تصدقى انا غلطانة إنى اتصلت عليكى وكلمتك وراحت قافلة فى وشها السكة
نهى: احسن برضوا انك قفلتى وراحت مكملة نوم
ألين لسه هتنام لقت تليفونها بيرن ردت بسرعة من غير متشوف مين افتكرتها نهى
ألين: ايه يكلب البحر بترنى تانى ليه
فارس استغرب من كلامها: كلب البحر
ألين اتفجعت: فارس بيه أسفة افتكرتك نهى صاحبتى خير فى حاجة
فارس : اه اطلعى البلكونة
ألين : ليه
فارس: اطلعى بس
ألين طلعت البلكونة لقت فارس واقف تحت ومعاه بوكس
فارس : انزلى
ألين : انت جاى هنا ليه امشى علطول قبل حد ميشوفك
فارس: لو منزلتيش هطلعلك أنا
ألين لما قالها كدا نزلت علطول
ألين: جاى ليه
فارس: مقدرش أروح غير لما أشوفك وأسمع صوتك
ألين خدودها إحمروا خالص من كلامه ومردتش
فارس بضحك: عارفة أحلى حاجة فيكى ايه خدودك ال بتبقى زى الطماطم دى من أقل كلمة أقولهالك خودى يستى جايبلك البوكس ده كمان
ألين أخدته فتحته: الله دى شوكولاتة أنا بحبها جدا
فارس بفرح: طب كويس انك بتحبيها كنت خايف متكونيش بتحبيها
ألين بفرحة : شكرا جدا متتخيلش فرحت أد أيه اصل انت مش عارف أنا بحب الشوكولاتة ازاى
فارس: طب أنا همشى دلوقت ونتقابلوا فى الشركة
ألين : تمم
فارس مشى وألين طلعت فوق قعدت تاكل فى الشوكولاتة وبعد شوية نامت
تانى يوم ألين صحيت من النوم وحضرت الفطار وقعدت تنده على أخوها
ألين: كريم يكريم اصحى يلا
محمد : أخوكى نزل الامتحان النهاردة أول يوم
ألين: يلهوى نسيت لما أرجع من الشغل هبقى أشوفه عمل ايه
وبعدين لبست ونزلت شغلها
فى شركة المحرقاوى
فارس اتصل على تليفون مكتب ألين
ألين: نعم يفارس بيه
فارس: هاتيلى ورق الصفقة وقهوة على مكتبى
ألين : حاضر
ألين دخلت وحطت الورق قدامه ولسه هتحط القهوة قامت مدلوقة عليه
ألين : ينهر إسود أنا أسفة بجد وجابت مناديل وقعدت تمسح هدومه
فارس: خلاص خلاص سبيهم
ألين: لا أنا ال كبتها عليك يبقى لازم أنا ال أمسح ال على هدومك وقعدت تمسح فيه
فارس استغل قربها منه راح مرة واحدة شدها عليه وقرب من ودانها وقالها: بحبك يألين
ألين وشها إحمر كالعادة على الأخر قامت زقاه وطلعت بسرعة بره بتنهج أكنها كانت فى سباق
فارس ابتسم وكمل شغل
أخر النهار ألين كانت خلصت شغل خبطت على مكتب فارس
فارس: ادخل
ألين: أنا خلصت شغلى أقدر أمشى
فارس: ماشى يلا بينا عشان هوصلك
ألين : بس
فارس: مفيش بس ومش عايز كلام ولا عايزة يحصلك زى محصلك المرة ال فاتت
ألين بإستسلام: حاضر
* يتـبـــــــــــــــــــــــع الفصل الثالث عشر اضغــــــــط هنا
* الفهرس يحتوي على جميع فصول الرواية " رواية حب الصدفة " اضغط على اسم الرواية