رواية فجر جديد الفصل الثالث عشر 13 - بقلم إيمــــان

    رواية فجر جديد الفصل الثالث عشر 13 - بقلم إيمــــان

*    رواية فجر جديد الفصل الثالث عشر 

بمجرد دخوله الى مكتبه وجد اتصالا من منزل شقيقته نادرة

الو

رفعت بيه

نجوى فيه ايه يا نجوى

الحقنى يا رفعت بيه نادرة هانم تعبانه وادهم بيه مسافر ومش عارفة اعمل ايه.

طب اقفلى وانا جاى حالا

اغلق الموبايل سريعا واخذ مفاتيح سيارته ليذهب لشقيقته سريعا وفى هذة الاثناء دخلت عليه ندى بفنجان القهوة لتجده فى غاية الانزعاج

رفعت بيه هو فى ايه حضرتك بتلم حاجتك بسرعة كده ليه

انا رايح لنادرة اصلها تعبانه وجوزها مسافر والبنت اللى عندها مش عرفه تتصرف

طب انا ممكن اجى مع حضرتك يمكن تحتاجنى فى اى حاجة

دون تفكير قال لها : ماشى ماشى بس يلا بسرعة 

حجيب شنطتى بس

ونزل الاثنان فى منتهى السرعة وفى خلال دقائق كان قد وصل لفيلا نادرة وبمجرد ان دلفا الى الداخل سمع صوتها وهى تصرخ من الالم واطفالها فى حالة فزع وبكاء شديدة من حولها فانطلق رفعت اليها على الفور وهو يقول

يلا يلا انا حخدك على المستشفى

فسندت عليه من ناحية وندى من ناحية اخرى الى ان ركبت سيارته فتجه رفعت الى ندى وقال

خليكى انتى هنا جنب الولاد حولى تهديهم لحد مانرجع

حاضر

ورجعت على الفور للاولاد واخذت تهدئهم وتخبرهم بأن والدتهم ستعود اليهم بخير وهذا الالم سيزول سريعا

صحيح يا طنط

ايوة يا حبايبى وان شاء الله حترجع لكم بسرعة . يلا يلا قوموا اغسلوا وشكم انتوا فطرتوا 

جاسمين: لاء

خلاص اغسلوا وشكم على ما احضرلكم الفطار

فقال الاثنان فى صوت واحد مالناش نفس نفطر 

لالا مش حينفع كده وماما لو عرفت حتزعل اوى وتعبها حيزيد يرضيكم كده

فقالا على الفور لاء احنا عوزنها تخف بسرعة

خلاص يبقه تفطروا كمان انا لسه مافطرتش وانا ضيفة عندكم حتجوعونى يعنى 

فستطاعت بهذه الحيلة ان تدفعهم الى الافطار ، وبعد ان انتهوا من الافطار اشارت على نجوى ان تلهى الاولاد قليلا الى ان تتصل برفعت لتعرف كيف تجرى الامور معه

كان رفعت يقف امام حجرة العمليات عندما وجد موبايله يرن ليجد المتصل ندى 

الوا . ندى الولاد عاملين ايه دلوقتى

الحمد لله عرفت اهديهم شوية المهم ايه اخبار نادرة هانم مش خير

طلعت زايدة وهى دلوقتى فى العمليات الحمدلله لحقوها على اخر لحظة

طب الحمد لله انها بسيطة ابقه طمنى لما تخرج من العمليات الباب اتفتح شكلها خرجه ايوة اهى

طب اطمن من الدكتور وانا معاك على التليفون عشان اطمن الولاد

ايوة يا دكتور طمنى

ايه هو لسه فى حد بيخاف من عملية الزايدة لحد دلوقت على العموم هى تمام وساعة وتفوق وبكرة الصبح ان شاء الله حاتخدها فى ايدك كمان

متشكر اوى يا دكتور

لا شكر على واجب

ايوة يا ندى 

خير يا رفعت بيه

الحمد لله الدكتور طمنى بس هى حتبات انهاردة فى المستشفى ممكن تفضلى مع الولاد للصبح عشان ادهم مسافر

خلاص مفيش مشكلة

شكرا ليكى سلام

سلام

توجهت ندى الى الاولاد وهى ترسم الفرح الشديد على وجهها لكى تطمئنهم على وضع والدتهم فذهبت وهى تصيح عليهم

مازن جاسمين يا ولاد

فجاء الاثنان على الفور فقد شعرا انها ستخبرهم بشىء خاص بوالدتهم حتى نجوى جاءت معهم وهى تقول

خير يا مدام ندى الهانم بخير

ايوة يانجوى نادرة هانم الحمد لله بقت كويسة جدا

ظهر الفرح الشديد على وجه الطفلان فانحنت ندى الى ان وصلت الى مستواهما ثم اخذتهما فى حضنها وقالت

بس فى حاجة عوزة اخد رأيكم فيها 

فأجاب الاثنان على الفور حاجة ايه يا طنط

الدكتور قال انها لازم تبات انهارده فى المستشفى عشان يرجعهالكم وهى مش بتشتكى من اى الم ولا انتوا عوزنها ترجع لكم دلوقتى على طول وترجع بعد شوية تتألم تانى هااا يه رايكم

فأجاب الاثنان على الفور لالا خليها انهاردة فى المستشفى بس انهاردة بس 

خلاص اتفاقنا انا حتصل بخالوا رفعت واقوله رايكم

وبالفعل اتصلت على الفور برفعت والذى رد على الفور

ايوة ياندى فى حاجة

لا ابدا كله تمام بس الولاد بيقولوا لحضرتك انهم موفقين على ان ماما تبات فى المستشفى انهاردة بس بيقولولك انهارده بس

هما جنبك

ايوة

طب حولى تبعدى عنهم اوخلى نجوى تخدهم اى مكان تانى

فتظاهرت انها تكمل معه الحديث فى شىء اخر وهى تفتح باب الفيلا وتخرج الى الجنينة لتتكلم معه على راحتها

ايوة يارفعت بيه انا خرجت الجنينه خير فى ايه قلقتنى

ندى انا جعان

لم تتمالك نفسها وانفجرت فى الضحك

ليرد هو بعصبية انا عاوز اعرف ايه اللى بيضحك فى كلامى

يعنى خدى التليفون وابعدى عن الولاد وفى موقف زى ده طبعا كنت متخيلة يعنى ان فى حاجة خطيرة يطلع ان حضرتك جعان

يسلام طب وفيها ايه دى

طب ما تطلب دليفيرى انا دخلى ايه

انا خلاص مشى بعرف اكل غير من ايدك دا غير انى خلاص دماغى ريحت ونسيت التفكير فى الاكل والشرب

طب انا اعملك ايه دلوقت

قوليلى اكل ايه ولا حتسبينى ميت من الجوع كده

تصدق انا بقيت بحس انى خلفتك ونسيتك

ايه ايه دا انتى اخدتى عليا خالص

على فكرة انا دلوقتى مش ندى الموظفة عندك احنا بره الشركة

كده طب فكرينى بقه انى اول ما نبقه فى الشركة ارفدك 

بس كده حاضر

يلا بقه قولى اكل ايه

اممممم هات ساندوتشات شاورمه عشان ما تعكش والمكان مايسمحش باكتر من كده

حاضر يا ماما

ماما

الله مش انتى اللى قولتى انك خلفتينى ونستينى

صحيح نادرة هانم فاقت ولا لسه

لسه

طب لما تفوق طمنى عليها يلا سلام عشان اغدى الولاد

يابختهم ولاد المحظوظة

فضحكت وقالت : يلا سلام

سلام

وفى المساء وهى تحاول ان تنام بعد ان نام الجميع رن الموبايل فنظرت به لتجدالمتصل رفعت فأجابته على الفور

السلام عليكم

وعليكم السلام ورحمه الله وبركاته

هاا ايه الاخبار عندك

الحمد لله نادرة فاقت من بدرى والدكتور طمنى عليها بس رجعت نامت تانى . ها وانتى ايه الاخبار عندك

 الحمد لله الولاد كويسين وعشتهم ونيمتهم كمان

معقول

مستغرب اوى كده ليه

يعنى اصل نادرة بتقول انهم بيغلبوها على ما ينامو

معلش يابنى دى قدرات

الصبح خلفتك ونسيتك ودلوقتى يابنى

طب ما ده التطور الطبيعى انى لما اخلفك تبقه ابنى 😃😃😃

ظريفة اوى حضرتك حد قالك قبل كده ان دمك  خفيف

كتير والله

ماشى يا خفة

المهم اتغديت ولا لا لحسن تاكل اختك الغلبانه وهى نايمة 

وانتى مالك

كده طب عوزة انام 

يعنى ايه

يعنى اقفل بدل ما اقفل انا

على فكرة انتى اخدتى عليا اوى وسايقة فيها كده انهاردة ع الاخر

بصراحة اه اصلك حتقولى ايه حرفدك مابقاش يهمنى جاسى وزونا اتعلقوا بيا وانا كمان وعوزنى افضل معاهم على طول يعنى لو رفدتنى شغلى جاهز من دلوقتى

مين جاسى وزونا دول 

جاسمين ومازن ما احنا خلاص بقينا اصحاب انا بقولهم جاسى وزونا وهما بيقولولى نادو

يا ماشاء الله وانا اقول ايه الجراءة اللى بقيتى فيها دى، طب واهون عليكى تسبينى

ايوة كده ناس مش بتيجى غير بالعين الخضرا

انا اسمع ياختى كده انها العين الحمرا

لالا دا كان الموديل القديم جددوه دلوقت

فنفجر رفعت فى الضحك ثم تذكر انه فى المستشفى منك لله يا شيخه حتخليهم يكرشونى من المستشفى

وانا مالى هو انا قولتك تضحك

بس تعرفى ان كل يوم بجد بكتشف فيكى حاجة جديدة وجميلة

يسلاااااام

اه والله يعنى انهاردة اكتشفت اد ايه انتى حنينه عشان كده عرفتى تسيطرى على جاسمين ومازن اللى محدش بيقدر عليهم

وايه تانى يا باشمهندس

دمك خفيف 

لا والله 

اه والله

طب يلا تصبح على خير انا عوزة انام البيت كله نام

طب وانا مالى عاوز حد ارغى معاه بدل ما انا قاعد كده مش عارف اعمل ايه

ياعم شوفلك ممرضة من اللى سهرنين فى المستشفى وارغوا زى ما انت عاوز دى ما حتصدق حد يسليها

ندى

ايوة

انتى مرفودة

وانت من أهله سلام بقه

واغلقت الهاتف فنظر رفعت للهاتف ليتأكد فوجد انها بالفعل انهت المكالمة فقال بمنتهى الغيظ 

كده طيب يا زفته لما اشوف وشك

الف حمدلله على السلامه ياهانم

الله يسلمك يادكتور

الحمد لله كل شىء تمام وحكتب لحضرتك على خروج

متشكرة اوى يا دكتور

فقام رفعت بالاتصال بعم محمد ليأتى لتوصيلهم الى البيت فهو غير متزن بسبب عدم نومه فى الليلة السابقة وبعدها اتصل بندى ليخبرهم انهم على وصول هو وشقيقته

عادت نادرة الى منزلها وصعدت غرفتها على الفور برفقة ندى ومن وراءها الاولاد 

فستراحت على فراشها وجلس الاولاد حولها فأخذتهم تحت ذراعيها وهى تقول

وحشتونى يا ولاد يارب ماتكونوش تعبتوا طنط ندى معاكم

لا ابدا يا نادرة هانم دول ظراف خالص والله وقضينا وقت جميل اوى مع بعض

فرد الاثنان : ايوة يا ماما طنط ندى دى جميلة وعوزنها تفضل معانا على طول

وكان رفعت قد وصل الى باب الغرفة على جملة الاخيرة

نعم ياختى انتى وهو مين دى اللى عوزنها تفضل معاكم على طول

طنط ندى ياخالوا

هو ابوكم شوية وانتوا شوية انسو

هو مش حضرتك رفدتنى بليل

ينهار اه صحيح فكرتينى حسابنا فى الشركة بكره 

يلا نسيب نادرة هانم ترتاح بقه

ندى هانم ايه نادرة كفايه

ماشى يا نانا

الله أكبر جاسى وزونا ونانا طب وبالنسبة لنجوى

لا مفيش نجوى بقت نوجه

الله الله كل ده فى يوم واحد بس امال لو كملتى اسبوع حتعملى فيهم ايه

ردت نادرة ضاحكة ايه يا رفعت انت متغاظ ولا ايه عشان بتدلعنا

لا ابدا واتغاظ ليه

على فكرة انا عملت لحضرتك شوربة الخضار زى ما الدكتور قال

احنا قولنا ايه نانا

خلاص يا نانا اجبلك طبق شوربة دافى دلوقت 

طب وبالنسبة ليا انا والاتنين الغلابة دول مفيش اكل ولا ايه

استنى شوية

خلاص هاتيلى اكل عشان بعدها انام شوية 

طيب ثوانى وحيكون الاكل عندك تعالى معايا يانجوى

فنزلت ندى واعدت طبق من الشوربة وناولته لنجوى لتصعد به لنادرة ، فنتهز رفعت الفرصة ودخل المطبخ ليشاكسها

طب يعنى مفيش تصبيرة للراجل اللى على لحم بطنه من امبارح ولا حتى كوباية شاى ولا حد معبره كده خالص

فأوقدت ندى الكاتل وفتحت الثلاجة واخرجت منها قطعتان كاب كيك شيكولاته واحضرت فنجان ووضعت به الشاى والسكر وصبت عليه الماء المغلى ووضعت طبق الكيك وفنحان الشاى اامامه دون كلمه

ايه مفيش اتفضل

فلم تنطق ايضا

يع الكيك ده وحش اوى ولا الشاى ياساتر ملوش طعم

فابتسمت وهى مازالت تقشر البطاطس التى بيدها ولم ترد عليه

فقال بغيظ : بكلم نفسى انا ايه يالى هناك انتى

فوضعت البطاطس واشارت اليه والسكينة مازالت بيدها: نعم عاوز حاجة

لالا خلاص لحسن السلاح يطول ثم اكمل بصوت واطى وادب جم 

ممكن بس اسأل حضرتك حتغدينا ايه انهارده لو سمحتى يعنى

لا مش لازم تعرف اللى حعمله تاكله وانت ساكت

اوامرك وانا اقدر اتكلم احنا بره الشركة ثم قال بغيظ وبصوت منخفض ودينى بس لما ترجعى الشركة

بتقول ايه سمعنى

انا لا ابدا بقول كتر خيرك

وفاجأة دخل الاولاد وهم يقولون يا نادو يا نادو عوزين نشتغل معاكى زى امبارح

بس كده ماشى ياروحى وذهبت الى البوتاجاز واخرجت منه حله كبيرة بها عجين واخذت منه قطعتان ناولتهما للاولاد وامرتهما بالجلوس على مائدة صغيرة فى ركن المطبخ كى يلعبوا بها وهو جالس وسطهم متفرج ولكنه معجب جدا بما يحدث ولوهله سرح بخياله فى ان مازن وجاسمن اولاده وندى والدتهم وانهم عائلة سعيدة ليفيق من سرحانه على صوت الاطفال

كمان وحدة شيبسى يا نادو كمان وحده

وهى تقول لهم ياولاد حتخلصوا الشيبسى كله خلاص انت وحده وهى وحده وخلاص كده ماشى

موافقين

فقام من مكانه وتوجه اليهم وهو يقول بصوت طفولى وانا كمان وحدة يا نادو وانا كمان 

فضحك الثلاثة عليه فتوجهت بالحديث للاولاد ها ايه رايكم اديله ولا لاء

فقالت جاسمين معلش يا نادوا اديلو وحدة وخلاص

فقال لها رفعت بغيظ ماشى ياست جاسمين عيد ميلادك قرب ومفيش هدية السنة دى يلا بقه

فقهقهت جاسمين واقتربت منه وجذبته ليصل الى مستواها واحتضنته وطبعت قبله على وجنته وهى تقول انت حبيبى يا خالوا 

ثم نظرت لندى وقالت اديلو تلاته عشان خاطرى يا نادو

ندى : اه يا اونطجية

طبعا يا بنتى هو انتى بس اللى تعرفى تسيطرى هنا

انتهت ندى من اعداد الغداء وجهزت السفرة وجلس الجميع لتناول الغداء فندهش رفعت وقال

ايه ده شاورمه بتغشى منى عشان قولتلك حاكل شاورمة امبارح عملتيها انهاردة

اه صحيح انت اللى قولتلى

وبعد فترة من بدء الاكل قال : لالا الشاورمة بتاعت امبارح كانت احلى كتيير

اه صحيح وعرفت كده بعد الساندوتش التالت ولا الرابع اللى فى ايدك ده

فنظر له الجميع ولم يتمالكوا انفسهم من الضحك

نجوى : بالعكس يارفعت بيه والله دا تحفه 

طبعا مش دلعتك وخلتك نوجه لازم تبقى فى صفها انتى كمان انا حقوم اروح بيتنا احسن

ندى: ايه ده انت ماشى بجد

لا طبعا لما تشربينى الشاى

تصدق انا قولت كده برضو

فبتسم الجميع على طريقة الحوار بينهما ثم نهضت وتوجهت للمطبخ لعمل الشاى وفى هذة الاثناء سمعت صوت جرس فخرجت تسال نجوى عن هذا الصوت فأخبرتها ان هذا الجرس يعنى ان نادرة هانم استيقظت من النوم وتطلبها وغادرتها وصعدت على الفور

خرجت ندى من المطبخ لتجد الاولاد يكملون طعامهم وهو ممدد على كنبه الانترية مغمض العينين فشعرت بالاحراج فتنحنحت قليلا لتشعره بوجودها 

ففتح عينية ونهض جالسا على الفور

لا خليك مستريح شكلك مرهق 

اوى مرهق اوى اوى اوى ونفسى اوصل لسريرى باى شكل

طب وانا كمان عوزة اروح خلاص مهمتى خلصت ومليش لزوم هنا

خلاص نشرب الشاى واخدك ونروح زمان عم محمد جاب عربيتى 

نعم وانت عاوزنى اروح معاك وتسوق بيا وانت نايم على نفسك كده

لالا ما تقلقيش العربية عارفة الطريق لوحدها ياختى انتى حتتامرى كمان مش كفاية حضطر اروحك الاول وبعدين ارجع اروح نفسى وانا بالشكل ده ياختى احمدى ربنا

الحمدلله والشكر لله حقوم  بقه انا اغير هدومى 

انتى جبتى الهدوم دى منين

من نجوى يلا انا حغير بسرعة ونتوكل على الله

فخرجت بعد ان ابدلت ملابسها وهى تقول ها يلا ولا ايه

طب نطلع بس نسلم على نادرة والولاد

اه صحيح يلا

صعد الاثنان الى نادرة وبمجرد دخولهما قفذ الاولاد الى جانب ندى وامسكها كل واحد منهم من يد وقالا ايه ده انتى ماشية ياطنط ندى لالا ما تمشيش خليها معانا على طول يا ماما

نادرة:  مش حينفع يا ولاد

فبدء الاثنان بالبكاء فنزلت ندى الى مستواهما واحتضنتهما سويا وهى تقول بحنان ورقة

مش انتوا عندكم بيت وبتحبوه ومش بترتاحوا الا فى بيتكم الجميل

ايوة

طيب انا كمان عندى بيت ومش برتاح غير فيه فلازم اروح عشان ارتاح

طيب بس احنا حبناكى اوى وانتى قولتلنا اننا بقينا اصحاب

ايوة طبعا وعشان كده ان شاء الله حبقه ازوركم وتزورونى ولا ايه

خلاص اتفاقنا

طب يلا بقه كل واحد فيكم يدينى حضن كبير وبوسة حلوة عشان اروح وانا مبسوطة

فاحتضنتها جاسمين وقبلتها ثم مازن وهبت واقفة لتجده يقف قبالتها فقالت يلا نمشى بقه

فقال بابتسامه: هو مش انا فى الطابور ده ولا ايه

فحمر وجهها خجلا وارتبكت ارتباك شديد

فانفجرت نادرة ونجوى بالضحك وفاجأة توجعت نادرة فالتفت لها رفعت على الفور بفزع يقول فى ايه يا نادرة مالك تعبتى تانى ولا ايه

لالا الضحك بس خلا الجرح شد شوية

طيب يلا حفوت عليكى بكرة قبل الشغل

فسلمت عليهما وتركتهم يغادرا بسلام

بعد قليل من سيرة بالسيارة تنبه الى انها لم تنطق باى كلمه فظن انها مازالت محرجة من تصرفه امام الجمبع فنظر بطرف عينه عليها فوجدها تسند رأسها على جانب الكرسى وهى فى سبات عميق فنده عليها بصوت عالى

ندى ندى

أيه فى ايه

لا مفيش حضرتك بس حابب اقولك ادخلى نامى فى اوضتك

طب وهى فين بس . حرام عليك والله كانت نومه حلوة اوى

اه ما انا السواق اللى اشترتيه من السوق

هو انا قولتلك وصلنى انا كنت حتصل بعم محمد يجى يخودنى انت اللى اصريت اروح معاك

تصدقى انا غلطان انى ماخلتكيش تستنى عم محمد وحلنى بقه على ما يجيلك

ايه ده ايه اللى جاب الزفت ده هنا وعرف مكان بيتى ازاى

* يتـبـــــــــــــــــــــــع الفصل الرابع عشر اضغــــــــط هنا

* الفهرس يحتوي على جميع فصول الرواية " رواية فجر جديد " اضغط على اسم الرواية