رواية بداية طريقي الي الله الفصل الرابع عشر بقلم بسملة محمد
رواية بداية طريقي الي الله الفصل الرابع عشر
هتصون بنتي وتحطها فـ عنيك، بس روان لسه خارجه من علاقة خطوبه مع ابن خالتها وهوا اتخلا عنها وهيا في العمليات مقدرش يستنا حتي، واروان مدتش اي رد فعل لده ودا قلقني، فـ انا هتكلم معاها واشوف ردها بس انا مش هقدر اجبرها علي حاجه!؟.
مراد ببسمه صغيره: وانا يا عمي متفهم دا ومستني رد حضرتك وصدقني ردك سواء حلو او وحش انا مش هزعل لان انا متفهم جدا حالتها وهفضل وراها لحد ما اخليها توافق بس براضها وتكون اتخطت حبها الاول!!.
محمود بتنهيده: ربنا يقدم اللي فيه الخير، وربنا يسعدك وانا هتكلم معاها اول ما نروح!..
مراد: وانا مستني رد حضرتك!؟.
خرجو لروان اللي كانت هتفرقع منهم!!.
روان بضيق: دا انتو لو بتخططو تقتلو حد مش هياخد الوقت دا كلو.
لتكمل بفضول: قالك اي يا بابا!؟.
مراد: خليكي في نفسك!!!
روان بعبوث: ملكش دعوه بابا هيعرفني!!، صح يا بابا!؟.
محمود: لما نروح!!.
روان: طب يلاا بسرعه!!.
مراد: تسمحلي يا عمي اوصلكم!!؟.
محمود: متغلبش نفسك يا ابني احنا هنمشي!!.
مراد: ولا غلب ولا حاجه اتفضلو!؟؟
محمود: يا ابني هنتصرف احنا مش عايزين نعطلك!؟.
مراد: أبداً والله يا عمي لازم اوصلكم، يلا اتفضلو.!
بعد جدال طويل خضع محمود وقام مراد بتوصيلهم، اما منزلهم وجدو امجد خارج من العماره هوا وصافي والدته.
امجد :ازيك يا عمي محمود!!؟، ازيك يا روان.؟!.
روان ببرود: بخير!
محمود بتنهيده: عايز اي يا امجد!!؟.
امجد: بعد اذنك ممكن اخد روان نتغدا سوا ومش هنأخر!؟.
محمود: هتخدها بصفتك اي؟!..
امجد بسماجه: خطيها!!؟.
مراد بحده: كنت!؟.
امجد ببرود: وانت مين عشان تحدد كنت ولا لسه!؟.
مراد بثقه: خطيبها!!؟.
امجد بصدمه: خطيبها!؟.
روان بذهول: خطيب مين؟!!.
مراد ببسمه بارده: اطلعي انتي ياروان وانا هتصرف!!
محمود: يلا يا روان!.
صعدت روان وهيا في حالة صدمه لما يحدث معاها.
امجد بغيظ: ازاي يا عمي تخطب لروان من غير ما اعرف، انت نسيت انها خطيبتي ولا اي؟!.
محمود: كنت فين يا خطيبها وهيا تعبانه وفي العمليات، مش انت اللي قولت مش هقدر اكمل معاها!!؟.
مراد: عمي بعد اذنك متعتبش حد ميستاهلش وانت يا اخ امجد كلامك معايا!!
امجد: وانت فاكر اني هسيبهالك!؟.
مراد: هههههه مش ممكن، لي هيا مكتوبه علي اسمك ولا حاجه خطوبه واتفسخت واتفكت منك، وخطوبتنا كمان شهر ونص متنساش تبقا تيجي اتفضل بقا عشان وجودك غير مرحب بيه، اتفضل ياعمي.
محمود: يلا يا ابني!!.
بعد صعودهم.
صافي بغضب:ضيهتها من ايدك ازاي!؟.
امجد:وانا كنت اعرف منين انها هتطلع منها،بس والله ما هسيبهالو!!
صافي:يلا وبعدين نبقا نشوف هنعمل اي؟!.
ــــــــــ
مراد:اسف يا عمي علي اللي قولته بس روان كان ممكن يضغط عليها،والضغط علي صحتها غلط.
محمود بتنهيده:ولا يهمك يا ابني!!.
مراد:طيب انا هستأذن انا!.
محمود:ولله ما ينفع لازم تدخل تشرب حاجه!!.
مراد: مره تانيه يا عمي، بعد اذنك!!.
محمود: اذنك معاك يا ابني!.
ــــــــــ
روان: اي اللي حصل تحت يا بابا!؟.
محمود:مراد حل الامور وواقفهم عند حدهم!!.
روان:تمام بس اي اللي هوا قاله تحت دا؛ خطيبي منين هو انتو بتكدبوو!!؟.
محمود:مراد طالب ايدك يا بنتي!؟.
روان بآلم:انا مش موافقه!!.
محمود:لي يا روان،دا ابن ناس محترمه وراجل وهأمن عليكي معاه.!!
روان:بابا اللي مراد عمله دا شفقه علي حالتي انا مستحيل ابوظ حياتي تاني!!؟
محمود:انتي فاكره انه طلبك مني تحت!؟؟.
روان:امال اي!!؟
محمود:لما خدني علي جنب في العياده ومستني ردك، وانا شايف انه ابن ناس وهيصونك ويتقي ربنا فيكي!!؟.
روان بإضطراب:طب...
محمود: مش عايز اسمع ردك دلوقتي!!، معاكي اسبوع فكري فيهم وصلي استخاره واللي فيه الخير يقدمه ربنا!!!.
روان بخجل: تمام يا بابا.
ـــــــــــــــــــــــــــــــــــــــــــــــــــ
في الكافيه الجالس به ادهم ورنيم.
رنيم: تسلم يا باشا علي الاكله الجامد دي!؟.
ادهم بحب: الف هنا علي قلبك!!.
رنيم: يوووو هنبدأ بقا فـ شغل النحنحه!!.
ادهم: يا بنتي انتي لسانك دا اي مبرد!!؟.
رنيم بضيق: نصيحه مني بطل شغل النحنحه دا عشان بيغم نفسي وببقا عايزه ارجع!!!.
ادهم: الله يقرفك يا شيخه!!؟.
رنيم: يا ابني انا واحده عندها فراغ عاطفي اجاي انت تذوده!!!؟.
ادهم بعبث: انا ممكن اعبيه!!؟.
رنيم بغباء: ازاي!!.
ادهم: دي حاجات يطول شرحها تعالي نروح الجامعه عشان محضراتك وبعدين نشوف حكاية الفراغ العاطفي دا!!؟.
رنيم:ايوه صح انا معرفش الماضي الاسود بتاعك!!؟.
ادهم:ماضي اسود!!؟.
رنيم:ايوه يعني حبيت من قلبك قبل كدا!!؟.
ادهم بسخريه:لا حبيت من صوابع رجلي الصغير!!.
رنيم بضيق:متتريقش!!؟،انا قصدي حبيت بجد قبل كدا!؟.
ادهم بهدوء:اه حبيتك انتي!!؟.
رنيم:يختااااي،قبلي يعني؟!.
ادهم بتنهيده:ايوه مره وكان اعجاب!.
رنيم بفضول:مين بقا!؟؛واي اللي خلاك متتجوزهاش!!؟.
ادهم:مش هينفع اقول اسمها،تاني حاجه بتحب حد تاني والحد دا بيحبها وانا كنت هبقا طرف تاني اول ما عرفتانهم بيحبو بعض وعدت نفسي مش هفكر فيها تاني،وبفضل ربنا قدرت انساها وحبيتك دلوقتي!؟.
رنيم: عايزه اعرف هيا مين!؟.
ادهم:لاء!!.
رنيم:وحياتي عندك!؟.
ادهم:حياتك غاليه عليا مش هقدر!!؟
رنيم:والله لا تقولي وحياة احلي حاجه في حياتك!؟؟.
ادهم بتنهيده:شمس!!.
رنيم بصدمه:شمس صحبيتي!؟؟.
ادهم اهدي،كان مجرب اعجاب وراح.!
رنيم بذهول:شمس،شمس!!!.
ادهم بتنهيده:ايوه يا رنيم هيا بس كان مجرد اعجاب!!.
رنيم:حبيبي انا مش من حقي احاسبك علي اللي فات،اللي فات دا خاص بيك اما اللي جاي خاص بيا ومن حقي ادخل فيه!!.
ادهم:حبيبي اللي بيفهم!!!!.
رنيم:و حد قالك اني ما بفهمش!!؟.
ادهم:ابداً يا قلبي!،يلا انا حكيتلك وانتي احكيلي!!؟.
رنيم:بص يا زعامه انا طول عمري محبش النحنحه ولا بحب الاختلاط بص مبحبش اي حد مكتوب في بطاقة ذكر!!.
ادهم:معقده يعني!!؟
رنيم:لا طبعا احنا كنا بنكراش كل يوم علي واحد!!.
ادهم:مش فاهم!!؟.
رنيم:يعني مثلاً مراد ابن خالة شمس كنا بنكراش عليه انا وروان وهوا في الاخر حب روان بس روان مخطوبه.
ادهم:طب ازاي انتو الاتنين علي واحد،وازاي كل يوم واحد جديد!!.
رنيم:مراد دا اللي كان عاجبنا فيه غمزاته،يعني مثلا ابقا ماشيه في الشارع ولاقي واحد عجبني شعره،اروح اقول لشمس وروان علي جروب الوتس بتاعنا ويفضلو لحد ما يجبو قرار اللي خلفوه!!.
ادهم بذهول:انتو بتعملو كدا!؟؟.
رنيم:ايوه يا ابني اي شلة بنات بتعمل كدا!؟.
ادهم بضيق:وانتي كنتي بتحبي سي مراد دا!!؟.
رنيم:يا ابني افهم هوا كان مز جداا وانا كنت بكراش عليه مش اكتر!!.
ادهم بغضب:انتي لي ببتكلمي عادي كدا ولا كأني واحده صحبتك!!؟.
رنيم:زي ما انا قولتلك انا مليش دعوه بالللي فات انت كمان مش من حقك تحسبني انت تحاسبني علي الي بعمله دلوقتي!؟.
ادهم بهدوء مريب:ولسه بتكرشي علي مراد!؟.
رنيم:بقولك بيحب روان!!!.
ادهم:ايوه منا عارف،انا بتكلم عليكي!!؟.
رنيم:انت شكلك خدت الموضوع جد لي،احنا كنا بنهزر بنستعبط يعني عشان كنا بنشوف البنات كلها مرتبطه وشمس بتحب حمزه فـَ كنا بنحس ان احنا مش بنات فـ كنا اي حد نشوفه فوشنا نقول حلو!!.
ادهم:انتو!!؟.
رنيم:انا فضحت اصحابي سيكا قدامك!؟.
ادهم:لا ابداً،سيرك فـ بير؛طب وبنسبه ليا مكرشتوش عليا لي!!؟.
رنيم بتلقائيه:لا احنا كل ما كنا نشوفك بتبقا قافل وشك ودمك يلطش فـ مكناش بنطيقك اما مراد كان دايما يقولنا نكت تضحك!!.
ادهم:واي كمان يا ست رنيم!!؟.
رنيم:انا لو علفتلك علي اي هتصدق انها ذلة لسان صح!!؟.
ادهم:دا انا هعمل منك بطاطس محمره!!.
ــــــــــــــــــــــــــــــــ
حمزه: ايوه مش عارف ممكن تحكولي التفاصيل!!؟.
وسردا له ما يعرفانهِ.
حمزه بغضب:اسم المستشفي دي اي وفين في الامارات؟!.
فهد:في دبي مستشفي********.
حمزه بغضب:تمام الجتماع خلص نتقابل تاني!؟.
بدارن وفهد بستغراب:تمام حمزه باشا بعد اذنك!!؟.
حمزه بصوت عالي:نااااديه!؟.
لتأتي اليه ناديه مهروله.
ناديه:نعم يا حمزه بيه!؟.
حمزه:احجزيلي علي اول طياره طالعه دبي وبسرعهه!!؟.
ناديه بخوف:حاضر يا حمزه بيه بعد اذنك!!؟.
بعد مده قصيره من الوقت.
ناديه:حجزت لحضرتك والطياره بعد خمس ساعات في قسم رجال الاعمال،ودا كلف حضرتك كتير بنسبه ان الشركه اليومين دول عليها ضغط كتير!!.
حمزه:نتكلم في التفاصيل دي بعدين.
ـــــــــــــــــــــــــــــــــــــــــــــ
في دبي بعد دخول شمس العمليات جلس مهاب امام غرفتها في انتظارها فـ هوا قلق بشده عليها.
بعد عدة ساعات خرج الطبيب:الحمدالله نجحت العمليه محتاجينها تبقا في الرعايا عشان نطمن ان المرض منتشر ووصل للكليّ التانيه!!.
مهاب:طب وهيا هتفوق امتي؟!.
الدكتور: 24 وساعه بس مش هتخرج من الرعايا الا لما نتأكد المرض منتشرش!!!.
مهاب:تمام يا دكتور.
بعد ذهاب الطبيب اعلن هاتف مهاب عن متصل ما.
مهاب برسميه:ايوه يا باشا!!!.
شخص:شمس عامله اي دلوقتي!؟.
مهاب:الحمدالله يا فندم العمليه نجحت بس هتقعد تحت المراقبه عشان يتأكدُ ان المرض منتشرش في بقية جسمها .
شخص:تمام يا مهاب وابقا بلغني اي جديد.!.
مهاب:اوامر سعاتك يا باشا.
ـــــــــــــــــــــــــــــــــــــــــــــــ
وصل حمز دبي ذهب للمشفي التي بها شمس وجد مهاب.
مهاب:انت بتعمل اي هنا!!؟.
حمزه بغضب:ازاي شمس تسافر من غير اذني،لا وكمان بتعمل عمليه كلي وانتَ معاها!.؟
مهاب ببرود:ميخصكش والله؛وبعدين متنساش نفسك واعرف انت بتكلم مين!؟.
حمزه بجمود:مش جاي اتكلم معاك شمس حالتها اي؟!.
مهاب بتنهيده:الحمدلله وهتفضل تحت المراقبه لحد ما يتأكدُ انهم استاصلو المرض وهيا اتعافت بشكل سليم!!.
حمزه:طيب تمام!!.
ــــــــــــــــــــــــــــــــ
في منزل رنيم وادهم.
رنيم:ايوه يعني هناكل اي دلوقتي!؟.
ادهم:نطلب بيتزا!!.
رنيم بتفكير:طب متيجي نخرج احناا!.
ادهم:طب ثواني وتكوني لابسه!!.
رنيم: اشطات.
بعد قليل.
ادهم بضيق:يلا يا رنيم اتأخرنا!؟.
رنيم بحنق:جايه يا ادهم في صبر!!.
ادهم:يا بنتي بقالك ساعه بتلبسي دا انتي لو بتلبسي عفريت مش هتقعدي دا كلو!!.
رنيم:يلا طب يا ادهم!؟.
ادهم بسخريه:يلا يا اختي!؟؟.
اخذها ادهم الي احد المطاعم وجالساَ وطلب الطعام.
ـــــــــــــــــــــــــــــــــــــــــــــــــ
عند روان كانت تهاتف اسماء قريبتها.
روان بضيق:ما انا مش عارفه!!؟.
اسماء:يا روحي انتي معترضه لي،صليتي استخاره وارتحتي لازمةُ اي الهري دا اتكلي علي الله ووافقي عايزه البس فستان سواريه!!.
روان:اااه انتو تلبسو فساتين سواريه وانا ادبس!!.
اسماء:يا بنتي دا الواد قمر ميترفضش!!؟.
روان:مش عااايزه!!!.
اسماء:يخربيتك،طب بصي لما تشوفيه بتحسي بـ اي؟!.
روان:ولا اي حاجه.!!
اسماء: يعيني بيوكحشك لما ما تشوفيه!!؟.
روان: يا بنتي هوا انا بحبه عشان يوحشني!!؟.
اسماء:امال مين كراش ثانوي؟!.
روان:دا مراد ابن خالت شمس!!.
اسماء:ومش دا اللي متقدملك برضو!؟.
روان:ايوه بس دي حاجه ودي حاجه تانيه؟!.
اسماء؛ ازاي يا بنتي!؟.
روان:يا ست مراد اللي متقدملي دلوقتي،الدكتور مراد مش مراد المز ابن خالة شمس!!؟.
اسماء:ايوه يعني هوا لما اتقدم مبقاش ابن خالة شمس!!؟.
روان بضيق:انتي مبتفهميش انا وهوا كنا متكلمين مع بعض قبل كدا وقالي انه بيحب واحده بس للاسف هيا مخطوبه والكلام دا من قريب!!.
اسماء:الحل الوحيد انك توافقي وتقعدي معاه وتفهمي منه!؟.
روان:خايفه!؟
اسماء:اقفلي يابت انا جايلك بكره اقعد معاكي ليوم فرحك.!
لايوجد رد.
اسماء:روان،بت يابت ياروان!!؟.
لا يوجد رد.
اسماءلنفسها:شكل تلفونها فصل!!.
ــــ
روان بغضب:والله يا اسماء الكلب لاعملك بلوك مكلمات!!؟.
ــــــــــــــــــــــــــــــــــــــ
بعد ان استيقظت شمس سمح الطبيب لمهاب وحمزه بدخول للإطمئنان عليها!..
مهاب بلهفة:حمدالله علي سلامتك مش قولتلك هتخرجي بخير انشاء الله!!.
شمس بتعب ظاهر:اسر فين!؟.
مهاب:في الاوتيل مستني يطمن عليكي!؟.
شمس:طب روح طمنه!!.
فهم مهاب انها تريد البقاء بمفردها مع حمزه.
مهاب:طيب.!
بعد خروج.
حمزه:حمدالله علي سلامتك!!؟.
شمس:الله يسلمك جيت امتي،وعرفت منين وجيت ليه اصلاا؟!.
حمزه:جيت امتي فـ دا امبارح،عرفت منين من العملاء الامراتين،وجيت لي فـ دا عشان انتي مراتي ولو نسيتي افكرك!!،بس اللي حابب افكرك بيه اني عمري ما هسمحك علي اي حاجه،عمري ما هسمحك علي وجعك ليا ولا احرجي قدام العملاء ولا اي حاجه ياشمس خالد البحراوي!!؟.
شمس ببسمه باهته:ومين قالك اني عايزك تسامحني،انا اصلا اللي مستحيل اسامحك علي جوازتك عليا ولا علي اي حاجه وياريت تخرج بره عايزه ارتاح!!.
حمزه ببرود:مش خارج.!!
لتغمض شمس عينها من اجل الهروب من عينها فـ هيا تراَ دائما نظرت اللوم والعتاب فيهما، و هيا لا تستطيع التحمل تريد ان تلقي نفسها بين احضانه فـ هيا تشتاق اليه ولكن ليس كل ما يريده المرء يحدث.
ـــــــــــــــــــــــــــــــــــــــــــــــــــــــ
في المطعم اثناء تناولهم العشاء سمع ادهم صوت هاتف يرن ليجد رقم شمس.
ادهم بإرتباك:مكالمة شغل ضروريه!!.
رنيم:اتفضل!!.
ليخرج في الحديقه الخاصه بالمطعم وتجلس رنيم تفكر في ما بينهما هوا وشمس فـ هما دائما ما يتهاتفون!؟
رنيم:ايوه منا مش هقعد اتوقع من دماغي انا هقوم اشوف هما بيتكلمو فـ اي.!!
لتقف علي مقربه منه،وتسمع حديثهم!!.
ادهم:طب والله وحشتني جداا،وحشتني لمتنا في الشقه كلنا،هههههه لا متخافيش هجبلك الي انتي عايزه.
لتدمع اعين رنيم فـ هوا وصديقتها اذن لماذا اخبرها انه يحبها لماذا لتعود ادراجها لتربيزه الذي يجلسون عليها!!.
ـــــــــــــــــــــــــــ
قام مهاب بالاتصال بـ ادهم لمعرفة اخبار اعمالهم فـ ادهم لا يعلم شئ عن عملية شمس، اخباره مهاب بأمرها وعنفه ادهم لعدم اخباره مسبقا ويخبره ادهم انه يريد محادثة شمس.
مهاب:اخرج يا حمزه معايا مكالمة شغل خاصه!!؟.
حمزه ببرود:مش خارج!؟
شمس بغضب:اخرج يا حمزه انت مش بتشتغل معانا عشان تسمعها ولا نتكلم قدامك!؟
حمزه:اتكلمو قدامي مش هقول لحد متخافوش!!.
شمس:اخرج يا حمزه خلصني!!؟.
حمزه:طيب.!
بعد خروجه،
شمس مين يا مهاب!!؟.
مهاب:ادهم عايز يطمن عليكي!!.
شمس:عامل اي يا ادهم انت ورنيم!!!.
ادهم بعتب:كدا ياشمس متعرفنيش،وبعدين حمزه عرف ازاي وجالك امتي دا انا شايفه امبارح في الشركه!!؟.
شمس بهدوء:حقك عليا بس والله ما حبيت اقلقك وبعدين عشان رنيم!؟؟.
مهاب:هوا انا ما وحشتكش ياااه!؟.
ادهم:طب والله وحشتني جداً.
شمس:اتلهي يا مهاب!!.
ادهم :وحشتني لمتنا في الشقه كلنا.
شمس بضيق:اكتر حاجه بكرها اني اتلم عليكم في حاجه،عمركم ما فكرتو تجيبو اكل علي زوقي ولا اللي بحبه!!؟.
ادهم بضحك: هههههه لا متخافيش هجبلك الي انتي عايزه.
شمس:اما نشوف!!؟.
ادهم:طيب يا ست هقفل دلوقتي عشان رنيم في المطعم جواه لوحدها!!
شمس:هيا عامله اي؟!.
ادهم:كويسه الحمدلله!!،سلام بقا!.
ــــــــــــ
بعد ان اغلق معها اتجه لداخل المطعم لرأيتها جالسه شاردة الزهن!!.
ادهم ببسمه:الجميل سرحان في اي؟..
رنيم:أبداً يلا خلينا نروح تعبانه!؟..
ادهم بقلق:مالك يا قلبي اوديكي لدكتور!؟؟.
رنيم:لا ابداً ارهاق بس!!؟
ادهم:لا يلا اوديكي لدكتوور!؟.
رنيم بسخريه:امال انت اي؟!.
ادهم:طب في اي حاسه بـ إي؟!.
رنيم:صداع بس يلا اروح اخد بندوله ويروح!!.
ادهم:متأكدَ؟.
رنيم:ايوه،يلا بقا!؟
ادهم:طيب يلا!.
بعد ان وصلا للمنزل رنيم لادهم:عايزه اقولك حاجه!؟..
ادهم:سامعك اتفضلي!؟.
رنيم بجمود:طلقني...!؟
ادهم بصدمه:...........
يتبع الفصل الخامس عشر اضغط هنا
- الفهرس يحتوي على جميع فصول الرواية كاملة :"رواية بداية طريقي الي الله" اضغط على اسم الرواية