رواية فجر جديد الفصل الخامس عشر 15 - بقلم إيمــــان
* رواية فجر جديد الفصل الخامس عشر
ايوة ياشادى بيه أنا جبت عم فرج السفرجى فى فيلا الناجولى
عنده استعداد يحكى ولا انا اللى لسه حفتح معاه الموضوع
لالا حضرتك تسأله على طول عن اللى عاوزة انا مظبطهولك
طيب شكرا يا رائف اتفضل انت ودخل لى عم فرج
وعند دخول عم فرج استقبله شادى بترحاب شديد وكأنه يعرفه من سنين ليكى يزيل اى رهبه من قلبه ويجيبه عن كل شىء بمنتهى السهوله
اهلا عم فرج اتفضل اقعد تشرب ايه
مالوش لزوم يا شادى بيه
لا ازاى لازم تشرب حاجة
طب قهوة زيادة
ماشى وضغط على زورار بجانبه محدثا السكرتيرة قهوة زيادة من فضلك
وبعد قليل دخل الساعى بالقهوة وقدمها لفرج
قولى بقه يا عم فرج شغال من زمان عند عيلة الناجولى
بقالى دلوقت اكتر من عشر سنين
حلو اوى يعنى تعرف ندى عبد الرحمن
الست ندى اللى كانت متجوزة المرحوم شاكر
بالظبط
دى كانت احسن وحدة اتجوزها وعشان كده كانت صعبانه عليا اوى وفرحت جدا والله لما اطلقت منه قولت ربنا رحمها
للدرجة دى
ايوة شاكر بيه اصله كان بيعملها وحش جدا هو وعيلته
ليه
لانها بعد لما اتجوزته وعرفت انه يعنى
انه ايه
مدمن والعياذ بالله حاولت كتير معاه انه يتعالج وانه يبطل كمان يعرف ستات زى اى وحدة عوزه جوزها ينصلح حاله بقه يعملها اسوء معاملة
وهو كان ليه علاقات بستات كمان
ايوة اللى تعجبه يقضى معاها يومين واللى ما يقدرش عليها يتجوزها يومين برضو وبعدين كل واحد يروح لحاله
عشان كده اتجوز ندى هانم
ايوة دى غير الاصناف اللى كان يعرفها نهائى وعشان كده مكنش راضى يسبها واكتر وحدة فضلت معاه بس كان كل ايامها معاه عذاب الا مرات بسيطة كان يحاول يكون معاها كويس يسفرها ويفسحها ويوعدها انه حيتغير عشانها لكن اهله ماكنوش بيسمحوا بكده ابدا
ليه؟؟؟؟؟
عشان هما اللى حطين ايدهم على كل حاجة الثروة والشغل وبيدوروا كل حاجة على كفهم من يوم ما شاكر بيه عرف طريق البودرة وخصوصا أمير بيه اكتر واحد كان يهمه ان اخوه يفضل على دى الحال عشان يفضل مكوش على كل حاجة دا هو اساسا اللى عرفة طريق البودرة وكان بيجبهاله لحد البيت بنفسه
بس مقولتليش لما هو كان متمسك بيها اوى كده طلقها ازاى
فى يوم وبعد ما كان وعدها انه يبطل المدعوق ده دخلت عليه لاقته بيشم وقامت خناقة كبيرة بينهم وهو مكنش طبعا فى وعيه نزل فيها ضرب لدرجة انه كسر دراعها ووشها جاب دم طلعت تجرى من الفيلا باقصى سرعة وشوف ترتيب ربنا البوابه كانت مفتوحة على غير العادة وتاكسى كان بينزل زبون ادام الباب قامت نطت فى التاكسى وخلته يطلع بأقصى سرعة كل ده وشاكر بيه واقف مذهول ومش عارف يعمل ايه اتصل بأمير عشان هو اللى يتصرف ويجبهاله قلب امير الدنيا ملقهاش
ها ها وبعدين
تانى يوم العصر كده التليفون رن روحت رديت لاقيت واحد بيقولى انه صادق المحامى وعاوز يكلم شاكر بيه ضرورى
قولت لشاكر بيه كان قاعد فى المكتب من ليلة امبارح على المحامى اللى عاوز يكلمه رفع السماعة وشاور لى اخرج
بعدها بشوية لاقيته طالع من المكتب وسمعته بيتكلم فى الموبايل مع امير بيه وبيقوله ايوة خلاص تقريبا عرفت مكانها وحاجبها وحفرجها ازاى تهرب من البيت
كمل كمل
بعدها بيومين سمعته بيحكى لاخته وبيقولها ان المحامى اللى اتصل بيه ده هو المحامى الكبير صادق الحلوانى
ايه مين معقول طب وده ايه اللى دخله فى الموضوع وازى
طلع كان جار لاهلها زمان وبينه وبين والدها صداقة قديمةلما هربت من البيت خافت ترجع لاهلها لحسن يرجعها تانى فملاقتش غيره يقدر يخلصها فلجأت له وهو اخدها ع المستشفى عدل وطلب منهم تقرير طبى عن حالتها
وطبعا التقرير طلع علاج اكتر من 21 يوم
مظبوط فصادق بيه خيره اما انه يطلقها يا حيدخل معاه فى مشاكل حتأثر على سمعته فى السوق وهو رغم جباروته فهو مايخافش الا على سمعته وشكله ادام الناس
ازاى يعنى وانت بتقول انه مدمن وبتاع ستات
كله كان بيحصل بس ع المدارى جدا يا شادى بيه
اه المهم اختار يطلق طبعا
قال للمحامى بالفظ كده : فى ستين داهيه تروح ويجى الف غيرها بس بشرط تتنازل عن كل حاجة
وفعلا تم الطلاق وارتاحت المسكينة من الكابوس اللى كانت عايشة فيه
انا متشكر ليك اوى ياعم فرج ودلوقتى حتخرج لرائف حيوصلك بالعربية مكان ما تحب
طب السلام عليكم
وعليكم السلام ورحمة الله وبركاته
وجلس شادى يفكر
أمممممم كده الحكاية مظبوط والست فعلا مظلومة طيب دلوقتى الخطوة التانية ايه. ايه يا واد ياشادى
اتصل برفعت واقوله على اللى وصلتله لالا نأجل رفعت دلوقت امال نعمل ايه زكى ايوة زكى أجيبه واخد رأيه فى الموضوع ما هو معلم قديم والناس دى شكلها لبش ع الاخر
الو زكى ازيك يا راجل من زمان يعنى ولا بتسأل ولا حد بيشوفك بقولك ايه انا محتاجك فى موضوع مهم ممكن تجيلى دلوقت كده طب انا فى انتظارك
لم يمر وقت طويل الى ان وجد السكرتيرة تخبره بوصول زكى
طب دخليه على طول
هب شادى واقفا وسلم عليه بحرارة ثم اجلسه وطلب له الشاى
ازيك يا زكى ايه خلاص نستنى
لا عيب تقول كده يا شادى بيه بس اليومين دول بسافر كتير عشان اجيب بضاعة ونفسى اكبر تجارتى
عشان اعوض عيالى عن كل اللى قسوه بسببى
خلاص بقه مش قولنا ننسى اللى فات
يلا كله بأمر الله المهم حضرتك عوزنى فى ايه
فى وحدة قربتى يهمنى امرها-------------وبدء شادى فى قص حكاية ندى على زكى حتى يعرف ان كان يمكنه مساعدته ام لا
بص يا شادى بيه الناس دى قانونى مش حيبعدوا عن قربتك بالعكس بقه حيقرفوها فى عشتها اكتر اصلهم معلش مش بيخافوا من القانون وعندهم جيش محامين يطلعوهم من اى حاجة زى الشعرة من العجينة وكمان يلبسو الست الغلبانه دى الف مصيبة ومصيبة
طب امال رأيك ايه
انا صحيح ربنا تاب عليا بس برضو بتوصلنى اخبار السوق ماهى سكك التجارة كلها منفدة على بعض وامير بتاعك ده دخل من فترة سكة التجارة بعد ما كان متعاطى بس
انت تعرفه !
امال دا كان من زباينى
عم زكى انت رجعت تانى ولا ايه
ابدا اقسملك بالله
طب كمل شكلك عندك حل كويس
الناس دى ما توقفهمش عند حدهم غير المصالح وانه يحس انه حيخسر اكتر ما حيكسب لو قرب منك
طب ازاى ده يحصل
احنا نروح للحاج فتحى صديق
ايه اكبر تاجر فى الصنف
انت تعرفه
ومين ما يعرفوش وما يعرفش انه من التجار التقال كمان بس عمره ما وقع
طبعا لانه عمره ما عمل اى حاجة بنفسه هو بيخطط وبيقبض بس وفى جيش جرار بيقوم بكل شئ
المهم ده حيعملنا ايه
انا زمان كنت من رجلته المقربين وامير دلوقتى بيشتغل معاه وهو الكبير بتاعه ولما بسلامته يتهدد فى شغله حيمسح اسم قربتك من دماغه نهائى
عفارم عليك يا زكى ، طب يلا اتصل وخدلنا معاد معاه
فتصل زكى بفتحى واتفق معه ان يقابله غدا فى السادسة مساء ثم انصرف من عند شادى
بعدها امر شادى السكرتيرة والساعى بالانصراف وغادر المكتب هو ايضا
انا اكل حاجة خفيفة وانام طوالى لحسن دماغى مشمشت من كتر الحكايات انهارده
بس انا كده اطمنت على رفعت سيبه بقه غرقان فى الحب اللى مش عاوز يعترف بيه لحد لما افوقله واخليه يتجوزها غصبن عن عينه
وعلى ذكره لسيرة رفعت وجد اتصال منه
ايوة يا رفعت
ايه بترد كده ليه
احمد ربنا انى برد من اصله انا من الصبح فى حوديت وحكايات لما الدنيا بتلف بيا وكله بسببك
فقال بسرعة طب قولى عرفت القصة ولا عملت ايه قول بسرعة
ماتحاولش وربنا ما انا متكلم انا مش فايق
شادى حبيبى
متحاولش بقولك بكرة بكرة بليل حقولك كل حاجة
طب وحتسيب دماغى تودى وتجيب
اه يلا عاوز انام سلام
واغلق الهاتف دون ان ينتظر رد
كده ماشى ياجبان
وفى هذه الاثناء كانت ندى تبحث عنه
رفعت بيه عماله ادور عليك جوه وحضرتك فى الجنينه
ليه بتدورى عليا ليه
عوزة اعرف الاستاذ شادى عمل ايه فى موضوعى
لسه اصبرى المواضيع دى عوزة طولت بال
ححاول
مالك فى ايه ؟؟؟؟
تعرف حضرتك كنت بحلم بعد بابا وماما ما ماتوا انى اتجوز راجل احبه ويحبنى ويكون حنين معايا ونخلف طفلين تلاته كده يروح شغله ويرجع اكون مجهزة الغدا نتغدى ونام شوية وبليل نخرج احنا والولاد اونسهر ادام التلفزيون واعملهم حاجة حلوة وفشار ولب وسودانى ونضحك والعيال يتخانقوا ونخلص بينهم وفى الصيف نروح البحر سواوفى الشتا يدخلوا المدارس ونبدء بقه فى المصاريف والدروس والطلبات اللى مش بتخلص
يااااااااه حلم حلو اوى يا ندى ان شاء الله قريب جدا تحققيه
فين بقه ما خلاص
خلاص ايه ؟؟
انا حاسه ان كل شىء انتهى
مفيش حاجة انتهت طول ما انتى عايشه تقدرى تحققى اى حلم بتحلمى بيه ربنا كبير وفى اى وقت تقدرى تبدءي من جديد
طب وحضرتك ما عملش كده ليه
نظر لها رفعت وهو متفاجئ فتداركت الامر على الفور وقالت أنا أسفة
واستدارت سريعا لتعود الى داخل الفيلا فنده عليها رفعت فعادت وهى تنظر فى الارض
ندى انا حكايتى غير حكايتك فرق كبير بين اللى كانت بتكره جوزها وعوزة تتخلص منه باى شكل وبين اللى كانت مراته كل حياته
هيام دى كانت كل الستات بالنسبة ليا انا بعد حكاية هبله كده ما كنتش بفكر غير فى دراستى و شغلى وبس وكنت متأكد ان اللى مكتوبة ليا حتجينى من غير ما اتعب نفسى وادور عليها
فقالت بعد تردد
ممكن اسال سؤال
اتفضلى
ممكن يعنى بعد إذن حضرتك وسكتت فحثها على تكملت حديثها ايه عوزة تقولى ايه
هو حضرتك اتعرفت على هيام هانم ازاى؟؟؟؟
كنت لسه فى بداية حياتى العملية وعن طريق مبلغ بسيط كنت محوشه على مساعدات من اخواتى ودهب امى بدءت شركة صغيرة وكنت باخد عمليات بسيطة وبدءت اتعرف وحدة وحدة لحد لما فى يوم دخلت مناقصة ورست عليا ونفذتها وصاحب الشغل انبسط اوى من الشغل بتاعى وبعدها بفترة كبيرة لاقيته بيتصل بيا وطالب يقابلنى
روحتله المكتب لاقيت فى انتظارى عبد العزيز بيه راجل اعمال وعاوز يعمل مول تجارى وصاحب المناقصة السابق رشحنى ليه بعد ما عجبه شغلى عند صديقه
وفعلا اتفاقنا على كل حاجة وابتدينا الشغل وكان عبد العزيز بيه من وقت للتانى بيعدى عليا فى الموقع عشان يطمن على سير العمل وفيوم وهو عندى اغمى عليه فأخدته لاقرب مستشفى واتصلت بالشركة عنده عشان يبلغوا اهله وفضلت انا جنبه
وكان عنده ايه
طلعت ازمة قلبية بس خفيفة المهم لاقيت وحدة جاية تجرى وبتعيط شابة صغيرة وجميلة ورقيقة وبرغم من الموقف اللى كان غير
مناسب لاى شىء الا انى حسيت بشىء غريب من اول نظرة فى وش هيام برغم من العياط والاسئلة المتتالية والسريعة عن حالة والدها وعامل ايه دلوقتى والدكاترة قالو ايه الا انى كنت متنح كده فى وشها وتقريبا لولا انها مكنتش فايقه كانت رزعتنى الم يفوقنى من الحالة اللى كنت فيها
لاتدرى ندى لماذا شعرت فاجأة بالندم لسؤالها عن قصته مع هيام فعندما وصل للجزء الخاص بها كان يتكلم والابتسامه والفرح قد ملاء ملامحه فشعرت فاجأة بالبروده واخذت تفرك ذراعيها فانتبه لها وهى على هذا الوضع
ايه انتى سقعتى ولا ايه
ايوة الدنيا بردت كده فاجأة
طب يلا بينا على جوه
طيب
وبمجرد دخولهم استأذنت منه لتصعد غرفتها لتنام
تصبحى على خير
وانت من اهله
وصعدت سريعا واغلقت عليها الباب ثم جلست على اقرب كرسى وهى تشعر انها تريد ان تبكى
فى ايه مالك بتعيطى ليه دلوقتى واحد وبيحكى عن مراته اللى بي----------وتوقفت الكلمه على لسانها ولم تقدر على نطقها
ايه مش قادرة تنطقيها ليه تكونيش بتحبيه
فقالت لنفسها فزعة
ايه احبه . دا انا معرفوش غير من تلات شهور بس
بس شوفتى فيه الفارس اللى طول عمرك بتحلمى بيه جد فى شغله حنين على اخواته والناس اللى شغلين معاه شهم راجل بجد غير انه وقف جنبى وقف جنبك عشان خاطر هو بيحب عم شوقى دماغك ما تروحش لبعيد وما تطمعيش فى اكتر من كده ولا تحلمى بحلم مستحيل
استيقظ رفعت على اذان الفجر فصلى وجلس يدعو ثم قراء قليلا فى المصحف
نزل رفعت لطابق الاول لعله يجدها قد استيقظت هى الاخرى فيكمل معها الحديث الذى لم يكتمل فى الليلة السابقة ولا يدرى لماذا يريد ان يخبرها هى بالذات عن تفاصيل قصته مع هيام والتى لم يخبر بها احد من قبل وكان يعتبرها من اسراره المقدسة
افاق رفعت من تفكيره على صوت دادة سيدة وهى تقول
صباح الخير يا رفعت بيه
صباح الخير يا دادة
اقول لمسعود يحضر الفطار
هى الساعة كام
تسعة
ايه معقول دا انا نزلت الساعة سته ونص معقول كل الوقت ده عدى من غير محس
اللى واخد عقلك يتهنابه
شكلك صحية فايقة يا سيدة
امال فين ندى
شكلها لسه نايمة اطلعى صحيها
صعدت سيدة وفتحت باب الغرفة لتجد سريرها متساوى وهى غير موجودة فنزلت مرة اخرى لتخبر رفعت
ايه ازاى مش فوق
* يتـبـــــــــــــــــــــــع الفصل السادس عشر اضغــــــــط هنا
* الفهرس يحتوي على جميع فصول الرواية " رواية فجر جديد " اضغط على اسم الرواية