رواية فجر جديد الفصل السادس عشر 16 - بقلم إيمــــان

       رواية فجر جديد الفصل السادس عشر 16 - بقلم إيمــــان

*رواية فجر جديد الفصل السادس عشر 

تكونش يابنى صحيت قبلك ونزلت الجنينة

طب انا حروح اشوفها

خرج رفعت وبحث عنها فلم يجدها ثم ذهب لراشد وسأله عنها 

ما شوفتش مدام ندى 

لا يا رفعت بيه ابدا

فعاد لسيدة واخبرها انها غير موجوده فى الجنينة

امال حتكون راحت فين بس انا قلقانه عليها اوى يابنى

استنى بس يا دادة خلينى اعرف افكر

سكت قليلا ثم قرر ان يصعد ليبحث عنها بنفسه فى الطابق العلوى فدخل غرفته وباقى الغرف وعند مروره من امام غرفتها خطر له انها ممكن ان تكون فى الفرنده وقد اغلقت عليها الباب من الداخل فدخل سريعا ليجد الباب مغلق من الخارج اى انها لم تفتحه من الاساس فأسند رأسه على الباب بعد ان شعر بدوار شديد نتيجة قلقه عليها والافكار المتلاحقة ثم تماسك واستدار عائدا ليجدها تغط فى سبات عميق على الكرسى الذى خلف الباب فتجه نحوها بسرعة البرق وهو يريد ان يصفعها على وجنتيها بكل قوته ولكن البراءة البادية على ملامحها وهى نائمة منعته فى اخر لحظة وبدء ينادى عليها فى حنان وصوت منخفض ليوقظها فلما لم تستيقظ  مال برأسه على اذنها ورفع صوته قليلا وهو ينادى عليها ليوقظها ففتحت عينيها وانتفضت عندما وجدته قريبا منها على هذا النحو فبتعد عنها على الفور وهو فى غاية الاحراج ولكنه تدارك الامر سريعا وقال لها بعصبية

صحى النوم يا هانم

وفى هذة الاثناء دخلت عليهم سيدة والتى شعرت انه تاخر عليها فصعدت لتستطلع الامر فدخلت وهى تقول : ايه لاقتها

الست هانم نايمه هنا ولا على بالها واحنا دايخين عليها

الحمد لله انها بخير

يسلام ياختى ومش مهم القلق والفزع اللى كنا فيه

خلاص بقه يلا يا حببتى قومى كده اغسلى وشك وشوفى اى حاجة من دولاب شهيرة والبسيها عشان  تنزلى تفطرى

فنطقت اخيرا وقالت : حاضر

نهضت فى تثاقل شديد واتجهت الى دورة المياة واخذت دش كى تفيق فهى الى الان تشعر بالنعاس ثم خرجت وابدلت ملابسها وتخيرت ايشارب يليق مع اللبس الذى ارتدته لتضعه على رأسها ثم صلت الصبح ونزلت على الفور

صباح الخير يا رفعت بيه

صباح الخير يا هانم

انا عوزة اعرف بقه فى ايه انا مش فهمه حاجة

حضرتك اظاهر لما سبتينى وطلعتى بليل قعدتى على الكرسى ده وراحت عليكى نومه ولما طلعت داداة سيدة الصبح تصحيكى فتحت الباب لاقت السرير مترتب فكرتك نزلتى هنا او فى الجنينة وفضلنا ندور عليكى فى البيت كله لحد لما قولت ابص تانى فى اوضتك بنفسى فلاقيتك متلقحة على الكرسى اللى ورى الباب

أيه متلقحة دى 

وكمان مش عجبك انتى تسكتى خالص تصدقى بالله

قالت على الفور : لا اله الا الله

انا اول ما عينى وقعت عليكى كان هاين عليا اسفخك حتت الم على وشك

فقالت بفزع : ايه كنت حتضربنى

فتدخلت سيدة على الفور ما خلاص بقه يابنى يعنى هى كانت تقصد غلبها النوم وهى قاعدة تعمل ايه يعنى

ايوة ياختى ما انتى المحامى بتاعها قومى يلا هاتى الشاى

طب ما اعملك انا فنجان القهوة بتاعك

ان كان كده ممكن اعفوا عنك

فضحكت ندى وسيدة ثم توجهوا سويا للمطبخ وبعد قليل عادت له فوجدته قد خرج للجلوس فى الجنينه فاتجهت بالصينية للخارج

اتفضل القهوة

طب وبالنسبة لكوباية الشاى دى

الشاى ليا انا طبعا

اااااه افتكرت حشرب القهوة واحبس بالشاى

يسلااااااام ثم فاجأته بسؤالها : هو حضرتك كنت حتضربنى فعلا

فأجاب بصوت حنون : عارفه يا ندى انا كنت بستغرب اوى لما اكون فى مكان عام مول نادى كده مثلا ولاقى ام بتصرخ وتعيط وهى بتدور على عيل ضاع منها وأول لما تلقيه قصاد عينها تنزل فيه ضرب

كنت بحسه موقف كوميدى انتى مش لسه كنتى حتموتى نفسك عليه طب نزله ضرب ليه فيه دلوقت

اهو انا انهاردة حقيقى حسيت الاحساس ده بالظبط

فأخفت وجهها بيديها وهى تقول : طب الحمد لله انها عدت على خير

فضحك على اسلوبها الطفولى واخذ فنجان القهوة واندمج الاثنان فى الحديث الى ان اشتدت حرارة الجو فدلفا الى داخل الفيلا فقابلتهم سيدة بابتسامة وهى تقول

هاا تحبوا تتغدوا ايه انهاردة

فقال رفعت عندك الاستاذة ندى اسأليها انا مليش فى الموضيع دى

فأجابت فى استحياء اللى حيعمله عم مسعود حاكل منه

فقال وكأنه تذكر شىء بقولك ايه يا دادة وهو يغمز لها بعينه فى ناس هنا من يومين قاعدين لا شغله ولا مشغله ومستهبلين على الاخر انا بقول كفاية استهبال ونشغلهم بقه ولا انتى ايه رأيك

فهمت سيدة ما يرمى اليه رفعت فأجابته على الفور عندك حق يا بنى الحركة بركة برضو

كده طيب 

كل هذا وهى تقف وسطهم ولا تفهم اى شىء

فنظر لها رفعت ايه حضرتك كل ده مفهمتيش

ما فهمتش ايه

يعنى تتفضلى على المطبخ وتعمللنا الغدا بنفسك

هو اللى من يومين لا شغله ولا مشغله ومستهبلين وكل الكلام ده كان عليا

أينعم

على العموم شكرا يارفعت بيه وشكرا يا دادة سيدة وعلى فكرة انا فعلا مش بحب القاعدة من غير شغل بس

بس ايه

بس عم مسعود ممكن يزعل ويحس انى بتعدى على شغله

يسلام ياختى مش حجة دى بسيطة تعالى وراى

فذهبت خلفه لترى ما سيفعل فدخل المطبخ وسلم على عم مسعود وعم درويش ثم اتجه لعم مسعود وهو يقول 

ايه ده ياعم مسعود وشك اصفر كده ليه انت تعبان

والعجيبة ان عم مسعود كان يشعر بالتعب فى هذا اليوم بالفعل فأجابه قائلا دا شوية صداع يارفعت بيه ودلوقتى يروحوا لحالهم

فانتهز رفعت الفرصة وقال لالا انت تريح انهاردة خالص وان كان ع الغدا ولا تحمل هم حخلى مدام ندى تعمله بدالك بقه انهارده وانت قوم ارتاح فى اوضتك ياراجل يا طيب 

كده انا متشكر ليك اوى يارفعت بيه

لا شكر ولا حاجة دا انت غالى عندنا اوى يا عم مسعود قوم ياراجل ارتاح

وندى خلفه لا تدرى كيف تمسك نفسها عن الضحك

ثم اتجه لدرويش وقال له ان السفرة غير مرتبة فهب على الفور ليرتبها فهو لا يحب ان يلفت احد نظره لاى خطأ فى عمله

  ثم استدار لها

ايه فى اى حجة تانية لسيادتك

فنفجرت فى الضحك وهى تقول والله انت مش ممكن ايه اللى انت عملته ده بقه الراجل وشه اصفر وقوم ياراجل ارتاح دا انت غالى اوى عندنا ايه الفيلم دا كله

المهم حتغدينى ايه انا وحشنى اكلك

شعرت برعشه عندما قال هذا الكلام فقالت سريعا انا معرفش ايه الاصناف اللى موجودة هنا عشان اقولك حعمل ايه

طيب حبعتلك دادة سيدة تقولك على كل حاجة وخلال ساعتين بالكتير يكون الاكل جاهز 

حاضر

ارسل اليها سيدة وخرج هو الى الجنينة فقد كان يقوم بكل هذا ليشغلها ويتصل هو بشادى ليعرف ما توصل اليه ولم يخبره به فى المساء

صباح الخير يا شادو

صباح الفل يا رورو

يلا بقه بسرعة قولى وصلت لايه

يابنى انت مستعجل كده على طول

انا ما نمتش من امبارح من كتر التفكير كان هاين عليا اجيلك بس مقدرتش

ليه

مقدرش اسيب البيت وندى لوحدها خايف الزفت ده يكون عرف انها هنا ويجى وانا مش موجود

يسلأاااااام خايف عليها من الزفت ولا عجباك القاعدة جنبها انا شاكك فيك ياض

شادى ما تستعبطش ندى مجرد وحدة بتشتغل معايا وبس مش اكتر وان كنت مهتم بموضوعها فده عشان حاسس انها فعلا مظلومة وعشان خاطر عم شوقى

خلاص خلاص انت مكبر الموضوع اوى كده ليه

عشان من فترة وانت عمال تلمح وترمى كلام مش عجبنى

خلاص يا سيدى انا لا حلمح ولا حصرح

يلا بقه قول عرفت ايه الكلام اللى هى وعم شوقى حكوه ليا ده فعلا صح ولا ايه

اللى حكوه ده نص الحقيقة

فرد بشك تقصد ايه

لا مش حاج وحشه لسمح الله البنت فعلا اتظلمت اوى بس عم شوقى اختصارها فى عيشة مش كويسه وطلاق وخلاص

طب ما تحكى انت بقه

مش حينفغ فى التليفون 

طب ما تيجى

هو انا لسه خلصت الموضوع اصبر عندى معاد بليل بخصوص الموضوع ده وان شاء الله يكون فيه نهاية القصة دى 

كده طب عالله تروح بعد المعاد ده تيجى على هنا فاهم

طيب خلاص امال لو كنت دافعلى فلوس كنت عملت فيا ايه

هو انت ما تعملش حاجة لوجه الله ابدا

ابدا

فضحك الاثنان وانهيا المكالمة على وعد من شادى ان يمر عليه بمجرد ان ينهى مقابلته

هااا حنتغدى ولا حنتعشى انهاردة ولا ايه انا تماسيح بطنى بتصوصو

ضحكت ندى وهى تقول انا اللى اعرفه انها عصافير مش تماسيح

   دا الموديل القديم دلوقتى بقت تماسيح

انا زى اللى سمعت الجملة دى قبل كده بس على العين الحمرا 

فقال ليغيظها بيتهيألك

كده طيب

طب فين الغدا انا ميت من الجوع وايه الروايح دى انا مش قادر

طب روح اقعد على السفرة والاكل حيكون عندك

طب لما اشوف

فذهب رفعت وجلس على السفرة وما هى الاثوان ووجد عم درويش يضع امامه اطباق كثيرة وكلها مغطاه ثم قال له 

مدام ندى بتقول لحضرتك بالهنا والشفا ويارب تعجبك المفاجأة بتعتها

امال هى فين مش حتتغدى معايا

هى بتقول لحضرتك عوزاك تتمتع بالمفاجأة لوحدك

اتمتع بالمفاجأة لوحدى ولا حطالى سم فى الاكل عشان تخلص منى

ثم هب واقفا وذهب الى المطبخ فلم يجدها فوقف يصيح

ندى يا ندى هانم دادة سيدة انتوا فين

فخرجت سيدة على الفور تقول ايوة يابنى عاوز حاجة

هى فين ندى هانم 

فظهرت ندى خلف سيدة 

تعالى هنا

فى ايه

انتى حطالى ايه فى الاكل عشان كده مش عوزة تاكلى منه

ابدا والله مش حط حاجة طب انت شوفته الاول

لشوفته ولا حمد ايدى فيه الا لما تيجى تاكلى بنفسك ادام عينى هو انا مستغنى عن نفسى

بقه كده

هو كده ادامى ع السفرة

فسارت امامه وعند وصولها وقف بجانبها وهى تكشف عن الاطباق الغطاء فقال فى ذهول

ينهار ابيض ايه ده معقول اللى انا شايفه ده

هاا مصمم برضو انى حطالك حاجة فى الاكل

لا بصراحة انا مصمم انك تقعدى تتغدى معايا وبعدين مين قالك انى بحب الكسكسى استنى اكيد سيدة طبعا

طبعا . انا سالتها عن اكتر اكله بتحبها وماكلتهاش من زمان وهى جوبتنى على طول فقولت اعملهولك غلط انا

لا ابدا استنى بقه لما ادوق واقولك اللى انتى بتعمليه ولا اللى كانت امى بتعمله احلى

اكيد طبعا اللى كانت والدتك بتعمله الناس بتوع زمان كانوا بيعملوا كل حاجة على اصولها وببال رايق عشان كده اكلهم احلى بكتير

كانت تتحدث وهو فى عالم اخر فبعد اول ملعقة حدث معه مثل يوم الكيك ورجع بذاكرته الى اكل امه الحبيبة 

وبعد قليل انتبهت هى انها تتكلم وهو مغمض العينين ولا يجيب عليها فصاحت به

رفعت بيه رفعت بيه

فانتبه على صوتها فى ايه

ايه روحت فين

لحد امى الله يرحمها اكلك دايما بيفكرنى بيها

افهم من كده ان الاكل عجبك

بجد اكلك تحفة دا غير انه قريب جدا من طعم اكل امى

احم احم يعنى اطمع بقه فى زيادة فى المرتب 

نعععععععععععععععم دا انتى مبألكيش تلات شهور شغاله معايا دا غير انك دخله فى اسبوع اهو متعطل بسببك وقاعدة فى فيلا طويلة عريضة وكله شاربه نايمه 

تنبهت ندى فعلا انها على وشك اتمام الاسبوع فى بيته فشعرت بالاحراج الشديدوظهر هذا بوضوح على ملامحها

فشعر رفعت انه تسبب فى احراجها دون ان يدرى فقال على الفور ندى انا بهزر واسف لو كان هزارى زعلك

لا ابدا انا فعلا عطلت حضرتك عن شغلك وانا عرفة انت بتحب شغلك اد ايه

اه طبعا بحب شغلى جدا بس ان جيتى للحق انا انبسط بالاجازة دى اللى جت من غير ما رتب لها فعلا انا كنت محتاج للكام يوم الراحة 

دول بس ما كنتش عارف

طب انا حروح  بيتى امتى

مش لما مشكلتك تتحل

حضرتك قولت يومين ودخلين فى اسبوع

بصى شادى وعدنى انها حتتحل انهاردة بإذن الله

بجد

ان شاء الله ممكن بقه تاكلى وماتنكديش عليا ما انا عرفكم الستات دى تموت فى النكد

شكرا

كلى بقه وانتى ساكته خلينى اتمتع

واخذ ملعقة من الكسكسى وعليها كفته الرز وهو يقول يسلام دا ايه النعيم دا بس ياربى

مش قولنا ناكل واحنا سكتين

حاضر

انتهى من الغداء وقام وهو واضعا يده على بطنه ويقول يالهوى دا انا دبتها اوى منك لله يا ندى

طب وانا ذنبى ايه

مش انتى اللى عملتى الاكل

خلاص مش حعملك اكل تانى

يسلام امال انتى جاية تشتغلى ايه

فأجابت على غرار المسرحية الشهيرة سواااقة

وانفجر الاثنان فى الضحك ثم قال بكل حزم يلا اجرى اعملى الشاى

يلا اجرى . حسبى الله ونعم الوكيل

ايه بتقولى حاجة 

انا لا ابدا

واتجهت الى المطبخ لتصنع له الشاى فوجدتهم يتناولون غداءهم فقالت لهم هااا ايه رأيكم فى الاكل

فقال الجميع مفيش بعد كده

ثم قال درويش بجد تسلم ايدك

شكرا يا عم درويش امال فين عم مسعود

ردت سيدة انا دخلت اقوله ان الغدا جهز لاقيته نايم

كده طب انا خلصت الشاى ابقى وديه يا دادة لرفعت بيه وانا حروح اطمن على عم مسعود

اخذت ندى طبق ووضعت به بعض الطعام وذهبت لعم مسعود وطرقت طرقات خفيفه على باب غرفته فسمعته يقول ادخل ثم نهض جالسا عندما رأها

مدام ندى

خليك زى ما انت مستريح انا بس عرفت انك ما تغدتش جبتلك الغدا بتاعك

ربنا يخليك يا بنتى

ها اخبار الصداع ايه

لسه زى ما هو

كده طب انا حعملك حاجة كده وان شاء الله يكون فيها الشفا

كان واقفا امام باب الفرندة يتأمل الطبيعة والسماء عندما سمع سيدة تقول اتفضل الشاى يا رفعت بيه

الله امال فين ندى

دخلت تطمن على عم مسعود

فقال باستغراب وكان قد نسى انه مريض اه صحيح دا انا نسيته خالص

وذهب الى غرفته على الفور وهم بالدخول الا انه وقف مكانه يراقبها عندما رأها جالسه بجانب سريرة وهى تمسك برأسه وتقوم بدلكها بشىء لم يتبينه وهو مغمض العينين ومستسلم لها تماما ثم قامت بعدها بربط رأسه بإيشارب اخذته من عند سيدة فقال مسعود تسلم ايدك يابنتى تصدقى حاسس براحة كبيرة ربنا يكرمك وفتح عينية ليجد رفعت واقف عند الباب فهتف قائلا

رفعت بيه اتفضل

فاستدارت على الفور لتجده مستندا بكتفه على الباب وواضح انه كان يتابع الموقف من مده

انت واقف هنا من امتى

من وانتى بتدلكى راسه والبيه مستسلم مش خايف على نفسك

اخاف ليه بس يا رفعت بيه دى مدام ندى تتحط على الجرح يبرد طب والله انا حاسس انى بقيت زى الفل

كده يعنى اطلع انا منها طب مخصوم منك شهرين

كله يهون عشان خاطر مدام ندى

بقه كده طب خليها تنغعك

لم ترد واتجهت لعم مسعود قائله بص دلوقتى تاكل وترتاح شوية وحتبقى كويس ان شاء الله

اسيبك دلوقتى وحبقه ارجع اطمن عليك قبل ما انام

وخرحت متجهه للمطبخ فألقت شىء كان بيدها فى سلة المهملات ثم غسلت يدها وهو مازال يتابعها

طبعا اتخلصتى من جسم الجريمة ايه اللى رمتيه ده وكنتى بتعملى ايه فى الراجل الغلبان

عارفة حتموت وتعرف كل حاجة بس انا حسييبك كده

طب اهون عليكى اموت

فارتبكت ثم قالت بحزم : دى طريقة اتعلمتها من بابا الله يرحمه لما كان حد فينا بيكون مصدع يدلك له راسه بالليمون ويربطها ويسيبه يرتاح شوية خف يبقه خلاص مخفش يخده للدكتور . قولت اعملها لعم مسعود وتقريبا اهو بدء يحس انه كويس

ماشى يا ست الدكتورة

اه مش عرفت اللى انت عوزة خلاص ترجع لاقديمه

بالظبط كده وعلى فكرة الشاى برد وتلج وعاوز شاى غيره

عند حضرتك دادة سيدة وعم درويش تقدر تطلب منهم اللى انت عوزة

ليه ان شاء الله وانتى على ايدك نقش الحنه

ينهار ابيض انت حتفرش لى الملايه ولا ايه

اه اوعى تكونى فكرانى من اللى اتولد وفى بؤه معلقة دهب لاااااا انا اتولدت وترعرعت فى منطقة شعبية 

خلاص خلاص 

خلاص ايه

حعملك الشاى وامرى لله

خليهم اتنين

حتشرب كوبايتين شاى مرة وحدة

ياظريفة وحده ليا والتانية ليكى اكيد انتى كمان اندمجتى مع عم مسعود ونسيتى الشاى بتاعك

تصدق صح

طب بسرعة وهتيهم فى الجنينة المغرب قرب والقاعدة بره فى الوقت ده بتبقه حلوة اوى

بعد خروجه بقليل وجدها امامه بالشاى فاشار لها بالجلوس فجلست واخذا يتبادلان الحديث وهم يحتسوا الشاى

* يتـبـــــــــــــــــــــــع الفصل السابع عشر اضغــــــــط هنا

* الفهرس يحتوي على جميع فصول الرواية " رواية فجر جديد " اضغط على اسم الرواية