رواية فجر جديد الفصل التاسع عشر 19 - بقلم إيمــــان

   رواية فجر جديد الفصل التاسع عشر 19 - بقلم إيمــــان

*   رواية فجر جديد الفصل التاسع عشر 

كان واقفا مع أحد رجال الاعمال عندما رأها تدخل الفيلا برفقة شادى ولكنه لم يتعرف عليها فى اول الامر فقد كانت شىء أخر ترتدى فستان سوارية أزرق وعليه إيشارب فضى وتضع مسحة رقيقة من المكياج مما زادها رقه وجمال فوق رقتها فستأذن من الرجل وتوجه اليهما

حمدلله ع السلامة يا أستاذ حمدلله ع السلامة ياهانم اتأخرتوا ليه

شادى: الست هانم هى اللى اخرتنى تلات ساعات بتلبس

رفعت: طبعا مش فستان سوارية وميكب كامل ليها حق ياسيدى 

ندى : على فكرة بتكسف

رفعت: لا والله

ندى: اه والله

رفعت: طب يلا العيال خوتونى من الصبح هى طنط ندى مش جاية ولا ايه روحى ياختى شوفى صحابك

ندى: طيب

وقبل ان تتحرك من مكانها وجدت الاطفال الاربعة يجرون عليها حتى ليندا وعدنان والتى لم تقابلهم من قبل وجذبوها جميعا لتجلس معهم

بص بقه يا أستاذ مازن انا جبت لحضرتك هدية بسيطة خالص يارب تعجبك وفاجأة تذكرت الهدية صحيح دا انا نسيتها فى عربية أستاذ شادى

 فقامت على الفور لتطلب منه ان يحضر لها الهدية من السيارة والاطفال كلهم يسيرون وراءها فنظر لها رفعت وهو يضحك عن أخره

هو فى ايه بيضحك

اصلك وانتى ماشية كده والاربعة فى ديلك عاملة زى الست بتاعت اعلان تنظيم الاسرة مش فاضلك غير واحد على دراعك وواحد فوق راسك واكمل ضحك

اتريق اتريق ما انت عارف انى مش حعرف ارد عليك هنا

أخد رحتى شوية بقه

مااااااااااااشى

عاد شادى بالهدية والتى كانت تنبه عليه بشدة ان يمسكها برفق لدرجة انها كانت تريد ان تخرج لتحضرها بنفسها من شدة حرصها عليها

شادى : انا عاوز اعرف ايه اللى فى الشنطة دى ومرعوبة عليه اوى كده

دلوقتى تشوف

يلا يا ولاد نشوف حته رايقة كده ونقعد فيها على راحتنا

فانصرف الجميع خلفها فقال رفعت : شوف العيال ماشين ورى كلمها ازاى

بيحبوها يارفعت بيحبوها وهى فى الحقيقة تتحب ونظر لها شادى وهى تبتعد بنظرة كلها اعجاب

فوكزه رفعت وقال : اااايه ياسى شادى روحت فين

هه ولا حاجة ما تيجة احنا كمان نشوف ايه المفاجأة اللى عملاها ندى لمازن

وسار الاثنان خلفها والاولاد الى ان انتهى الجميع الى ركن به منضدة ولا يوجد به احد فوضعت ندى اللفة الكبيرة عليها بعد ان اخرجتها من الحقيبة ثم نزعت الشريط المربوطة به ليسقط عنها ورق الهداية الملفوفة به على جانبى المنضدة ويظهر سبت مصنوع من الشيكولاته السوداء متداخله مع البيضاء بشكل فنى جميل مملوء بكورات من الشيكولاته البيضاء والسوداء مزينه تزين رائع ليصفق الاولاد جميعا ويصيحوا بأصوات عالية مما لفت انتباه الجميع فأشارت لهم ندى بالسكوت فسكتوا ثم مالت على مازن وهى تقول

هااا عجبتك هديتى

فقبلها من وجننيها وقال : دى احلى هدية جاتلى يانادو

رفعت: طب مش حندوق الشيكولاته دى طب ولا دى للفرجة بس

فاجابت أستأذن مازن دى هديته وهو بس اللى يتصرف فيها . بس استنوا كده 

واخذت تقلب بين كور الشيكولاه حتى أخرجت مربع من الشيكولاه مكتوب عليه 

كل سنة وانت طيب يا زونا

ففرح مازن جدا به واحتضنها مرة أخرى وقبلها وهو يقول : أنا بحبك اوى اوى يا نادو

نظر شادى فى هذه اللحظة بطرف عينية لصديقة ليجده ينظر لمازن وكأنه يتمنى ان يكون مكانه فوكزه فى ذراعه وقال : ايه روحت لحد فين

لحد الشيكولاته يلا ياعم مازن بقه فرقها علينا ولا دى للصور بس

ايوة صورهالى يا خالوا ربنا يخليك

فاخرج رفعت الموبايل وصورها له وكانت قد انضمت اليهم فى هذة الاثناء نادرة وشهيرة وعند رؤية نادرة للسبت قالت على الفور: ايه الجمال ده ياندى انتى اللى عملاه

أيوى

ماشاء الله عليكى فنانه

رفعت: طب ايه يا جدعان عوزين ناكل من الشيكولاته فى الليلة دى

طيب استنى بس اعرف شهيرة على ندى دى اول مرة تشوفها

اتفضلى ياستى

مد الاثنان يديهما فى نفس الوقت لبعض فبادرت ندى : تشرفت بمعرفتك يا شهيرة هانم

لالا مفيش هوانم انا شهيرة وانتى ندى هانم 

فضحك الاثنان ثم قالت ندى طب يلا ناكل الشيكولاته لحسن فى ناس مش صبره

رفعت: انا بقول كده برضو

اخذ مازن يوزع كورات الشيكولاته على الجميع

فتناولت نادرة وشهير الشيكولاته وقالا فى صوت واحد : تحفة يا ندى تسلم ايدك

رفعت: لا تحفة ولا حاجة

نادرة: حرام عليك يارفعت بقه دى مش تحفة

رفعت: هو الحقيقة انا مركزتش فى الاولنية بس يمكن فى التانية او التالته اعرف احدد راى

فضحك الجميع وقال مازن: اه يا خالوا يالئيم عاوز تخلص ع الشيكولاته

بقه كده يا مازن طب انا زعلان منك

لالا ياخالوا انا مقدرش ازعلك خد وحدة تانية

وحدة بس اتصالح بيها طب قول خمسة سته

فردها مازن مرة اخرى للسبت وقال ازعل احسن ياخالوا

فانفجر الجميع فى الضحك ثم اشارت اليهم نادرة الى البوفيه فغنى الجميع لمازن واطفئو الشمع وقطعوا التورته ووزعت فأخذ كل واحد من المدعوين طبقه 

هااا ياندى هانم مش حنروح ولا ايه انا عندى محكمه بدرى 

وانا كمان عندى شغل والوقت اتأخر يلا بينا حسلم بس على نادرة وشهيرة

سلمت عليهم سريعا على وعد بلقاء أخر ثم توجهت الى شادى والذى ما ان اقتربت منه حتى مال على أذنها ليحدثها حتى يشعل النار فى قلب

صاحبه ،فقام رفعت من مكانه وتبعهما الى الخارج وصدق ظن شادى فقد راهن نفسه على ان رفعت سيخرج ليتابع الموقف للنهاية وبمجرد وصولهما للسيارة تقدمها شادى وفتح لها الباب ثم قام بإغلاقه ومال عليها وهى جالسه بالداخل كى يرى باب الفيلا ويتأكد من متابعة رفعت لهما وبالفعل وجده واقفا يتابع ما يجرى فأطلق ضحكه عالي ثم دار حول السيارة وركب بجوارها وانطلق

عاد رفعت للداخل ولا يدر لماذا يشعر بأن درجة حرارته مرتفعة جدا فستأذن من اخوته وغادر على الفور

انصرف جميع المدعوين وصعد ادهم لينام وجلس الاطفال سويا لمشاهدة هدايا مازن ولم يتبقى معا سوى نادرة شهيرة

هااا ايه رأيك فى ندى يا شوشو

أخوكى بيحبها

ايه ده انتى كمان لاحظتى

طبعا رفعت من النوع اللى مشاعرة بتبان عليه على طول

بس للاسف مش عاوز ينسى هيام ولا يعترف بحبه الجديد دا انا يادوب كده كنت بلمحله ان ندى بنت حلال وكويسة وكفاية انها قريبت عم شوقى وحكمل فى الموضوع هب فيا زى وبور الجاز

طب واحنا حنسيبه كده ع الوضع ده

لااااا انا حطتهم فى دماغى وانتى عارفة بقه لما نادرة تحط حد فى دمااغها

قشطة يا نادور كده يبقه الموضوع خلص

وانفجر الاثنان فى الضحك

يلا حمدلله ع السلامة يا ندى هانم وصلنا لارض الوطن

طب الحمد لله لحسن عوزة انام بأى شكل يلا تصبح على خير

وانتى من اهله

صعد شادى سريعا وتوجه على الفور الى غرفة نومه فأبدل ملابسه وتمدد على الفور فى فراشه وتذكر فاجأة ماحدث ملامح رفعت عند دخوله بجانب ندى وعندما مال على اذنها وعندما خرج معها فى اخر الحفل وانفجر فى الضحك وهو يقول : والله لخليك تجنن يا رفعت لحد ما تفوق من الهبل اللى انت فيه ده وتعترف لنفسك وللناس كلها انك بتحبها ومش حسيبك الا لما اجوزهالك ولما اشوف انا ولا انت

وصل رفعت لمنزله وبمجرد دخوله قابلته سيدة وهى تقول اخبار العيد ميلاد ايه يارفعت بيه كان حلو

داداة ربنا يخليك انا مش فايق دلوقتى بكرة احكيلك تصبحى على خير

وتركها وصعد على الفور الى غرفته ، دخل رفعت الى  الغرفة فخلع ملابسه واتجه على الفور الى دورة المياة ليأخذ دش بارد عله يطفئ النار التى اشعلها شادى به ثم خرج واتجه لفراشه لينام فوجد القلق يأكل قلبه فقام للجلوس فى الفراندة فوجد الهواء باردا يلفح وجهه فشعر براحة قليلا فأسند رأسه على ظهر الكرسى وأغمض عينية وفجأة ظهرت أمامه صورتهما وهما يدلفان الى الفيلا جانبا الى جنب فقال محدثا نفسه 

دخلين كده كتف فى كتف ولا كأنه البيه والست بتاعته لا وايه الجبان يقرب منها ويوشوشها فى ودنها وهما خرجين ويجرى يفتح لها باب العربية وكان بيضحك اوى كده ليه وهو مايل عليها من ازاز العربية والهانم قاعدة جوه

فرد عليه الصوت بسرعة البرق : طب وأنت ايه اللى مزعلك

أنا ابدا يعنى 

يعنى ايه مش يمكن شادى بيحبها

ايه لالا مش ممكن

ومش ممكن ليه

يعنى مش مناسبين لبعض شادى مسبقش ليه الجواز وندى مطلقة

طب وايه يعنى مشفتوش وهى صعبانه عليه بسبب حكاياتها كمان مش هو اللى اقترح انها تسكن جنبه 

ايوة صحيح ازاى ما اخدتش بالى

شوفت بقه

بس لالا ندى مجروحه اوى من جوزتها اللى فاتت ويدوب ابتدت تفوق معتقدش انها ممكن تدخل تجربة جديدة بسرعة دى

حتى دى مش مشكلة هى ابتدت خلاص توقف على رجلها من جديد والست عوزة ايه غير راجل حنين يوقف جنبها وشادى بالفعل حنين ومحترم ومركز وعيلة كويسة

بس بس خلاص مش عاوز اسمع حاجة

انت كده كلمة الحق مش عاوز تسمعها

أنا بحب هيام ومش ممكن اخونها ابدا مش ممكن مش ممكن

صباح الخير يا رفعت بيه اتفضل القهوة

قال لها شكرا دون ان ينظر اليها

فوضعت القهوة وانصرفت

ثم بعد قليل فوجئت بجرس منه فعادت اليه

نعم

انا حمشى كمان ساعتين مفيش داعى تعملى غدا انهاردة

ليه خير فى حاجة

لا أبدا

وفى هذة الاثناء رن الهاتف

أيوة يا أدهم طيب حخلص كده شوية شغل هنا وكمان عندى مقابلة مهمه مع عميل وحجيلك على الموقع على طول لالا هما يدوب ساعتين بس وحكون عندك طب سلام

هو حضرتك عندك شغل بره انهاردة

أيوة

طيب وانصرفت على الفور

عادت الى البوفية واخرجت بعض اللحم المفروم والفلفل والبصل ودقيق وحضرت كل شىء وانهمكت فى اعداد وجبة سريعة لرفعت حتى يأخذها معه فهى تعلم جيدا انه دائما ينسى ان ياكل عند عمله بالخارج واكثر من مرة يقول لها انه قضى اليوم كله دون طعام لانه نسى ذلك

كانت قد جهزت كل شىء عندما رن الجرس فأسرعت اليه وفى يدها حقيبة الطعام

ندى ممكن تروحى انا خلاص ماشى دلوقت

طب اتفضل

فنظر لها باستغراب وهو يقول ايه ده 

دى شوية ساندوتشات عملتهالك عشان تاخدها معاك

فقال ضاحكا : ودى اكلها فى الفسحه ياميس

فظهر عليها الغضب وقالت :بتتريق انا غلطانه انا عارفة انك بتنسى حكاية الاكل دى خالص لما بتكون فى الموقع وفى الغالب بتروح ميت من الجوع فقولت اعملك حاجة خفيفة تاخدها معاك وعلى العموم لو مش عوزهم ادهم بيه موجود ابقه اديهم ليه

أدهم . أدهم مين ورحمة أمى ما حقوله اصلا ان معايا اكل كفاية اللى عمله معايا فى العين السخنه

فنفجرت فى الضحك وهى تقول: يعنى حتخدهم

عشان حلفتى بس 

انا محلفتش على فكرة

انا اعتبرتك حلفتى يلا سلام لحسن اتاخرت عليه

وصل رفعت الموقع فاستقبله ادهم بترحاب ثم توجها معا لمتابعة سير العمل الى منتصف النهار فى الشمس الحارقة الى ان قال رفعت فاجأة

انا الشمس اورت دماغى وحاسس بعطش فظيع

وانا كمان حاسس بجوع افظع انا حطلب اكل اطلبلك ايه معايا يا رفعت

لالا مش عاوز حاجة

معقول ماجوعتش لحد دلوقت

اه عادى اطلب انت بس لنفسك اطلب

وتركه وانصرف بعيدا وهو يبتسم ابتسامه اقرب للضحك لم يمر وقت طويل وجاء الطعام الذى طلبه ادهم فتوجه به الى منضدة فى جانب الموقع ووضع عليها الطعام واشار لرفعت كى يأتى ليأكل معه والذى تركه وتوجه الى سيارته فتعجب ادهم وقال

رايح فين ده

ظل يتابعة الى ان فتح السيارة واخرج منها الحقيبه ثم عاد اليه

وادى قاعدة

ايه ده يا رفعت

انا نفسى مش عارف بس حعرف دلوقتى

فتح الحقيبة وأخرج ما بها فوجد ثلاث علب بشكل هرمى فبدء بالصغيرة وفتحها ليجدها مملوءة مخلل مشكل والثانية بها كمية من الشيبسى ثم فتح الثالثة فوجد بها اربعة من الحواوشى والرئحة زكمت أنف أدهم فقال سريعا

دا أكيد عمايل ندى لالا انا اركن ده بقه وعازم نفسى معاك

نععععععععععم ليه ان شاء الله

يعنى يا رفعت ياحبييى حتعرف تاكل لوحدك وبعدين ما الخير كتير اهو وعلى فكرة اكيد ندى عمله حسابى معاك ماهو مش معقول عملالك كل ده لوحدك

ياساتر انت حتبصلى فى الاكل كمان

ايوة وشوف بقه لو أكلت لوحدك ممكن يجرالك ايه

ارحمنى يارب منه طب خد يا ادهم واحد حووشى اهو

فقطم قطمه مع قطعة من المخلل يسلام وسلم ايه الجمال ده تسلمةايدك يا ندى

كل وانت ساكت

حتدينى واحد تانى

طب خلص اللى فى ايدك الاول ارحم نفسك وارحمنى يا أدهم

وفى طريق عودته اتصل بها ليشكرها

السلام عليكم

وعليكم السلام ورحمة الله وبركاته

ايوة يارفعت بيه فى حاجة

مالك بتردى رسمى اوى كده ليه

ابدا بس اتفاجأت يعنى بتصالك

كنت بس بش------

ايه مش سمعه حاجة فى دوشة عندك انت فى الشارع ولا ايه

ايوة بكلمك وانا مروح

يعنى بتكلمنى وانت سايق

ايوة

طب اقفل دلوقتى وكلمنى لما توصل البيت

ولم تمهله واغلقت هى

تانى مرة تعملها فيا البت دى طيييييييييب

بمجرد دخوله الفيلا اخذ يكرر الاتصال بها بعد ان سلم على سيدة

ايوة يا هانم انتى ازاى تقفلى السكه فى وشى وانتى مالك سايق ولا لا 

فسمعت سيدة صوتها على الطرف الاخر وهى تقول له

الحق عليا انى خايفة عليك تاخد مخالفة ولا تتص فى العربية اللى ادامك

فقتربت منه سيدة وهى تقول 

رفعت بيه ندى دى اللى بتكلمك

ايوة ندى هانم

طب والنبى يابنى هات اسلم عليها

اتفضلى ما هو انا السكرتير بتاع جنابها

فتناولت سيدة منه الهاتف على الفور وهى تقول : ازيك ياحببتى وحشتينى اوى كده المده دى كلها مشوفكيش مش وعدتينى انك تزورينى خلاص حستناكى سلام

اغلقت الهاتف وناولته لرفعت ثم قالت :احضر لحضرتك الغدا 

لا دى ندى عملت معايا احلى واجب انهاردة

ثم تذكر شوفتى اخدتنى فى الكلام وانا اللى كنت بتصل بيها عشان اشكرها يلا تستاهل

* يتـبـــــــــــــــــــــــع الفصل العشرون اضغــــــــط هنا

* الفهرس يحتوي على جميع فصول الرواية " رواية فجر جديد " اضغط على اسم الرواية