رواية تلاتين يوم جواز البارت الأول 1 بقلم اميرة محمود
رواية تلاتين يوم جواز الفصل الأول 1
الحق يا انور اخوك تعبان وبيموت
انور ، أخيرا
سميه ، جرا ايه يا راجل ده اخوك بردك
انور ، اخويا اللي معاه ملايين واحنا مش لاقييين قرش أخيرا هنبقي أغنياء
سميه ، طب ياللا نروح له اتصلوا بيا من الفيلا وعايزنا نروح له حالا اياكش بس منقبلش اللي ميتسموش
انور ، اكيد راحوا يطبطبوا ويبغددوا
سميه ، طب ياللا يا راجل البس بسرعه عشان نروح قبل ما يقوشوا كل حاجه
انور ، ماشي بس روحي خلي ولادك يلبسوا ونكمل الدور أننا زعلانين وكده
سميه ، من غير ماتقول بس مقصوفه الرقبه بنتك ماسكالي يا منافقين يا كدابين يا معرفش ايه بت بنت كلب صحيح
انور ، تشكرى يا غاليه
سميه ، والنبي ماتزعل يا خويا بس هي بتخرج الواحد عن شعوره
انور ، ماشي ياله يا وليه روحي اجهزي وخليهم يجهزوا عما اخلص حاكم أنا عارف انك لو قعدتي تتكلمي مش هخلص روحي يا وليه
سميه ، ماشي يا خويا
محمد ، ياللا يا يسريه أجرى نلحق قبل ما الروح تطلع
يسريه ،. اهو اديني بجرى والنبي ماعدا قادره
سيف ، والله مانا عارف انتو بتعملو كده ليه عمالين تجروا ورا بعض كنتو فين اما كان عيان دي الوقت حلو عشان الفلوس ملعون ابو الفلوس اللي تخليكم تعملو كده
محمد ، والنبي نقطنا بسكاتك وامشي وانت ساكت
يسريه ، عارف يا سيف أن فتحت بؤك جوه انا هقاطعك العمر كله انت فاهم
سيف ، اديني ماشي زي الاهطل في ايديكم اهو
محمد ، ايوه وياريت منسمعش حسك خالص ياللا قدامي
سيف ، لسه كتير
محمد ، لا اهو القصر اللي هناك ده
سيف ، اوووه القصر ده بتاع اخوك انت
محمد ، عرفت بقا احنا كنا بنتمناله الموت ليه عشان ربنا فتحها عليه وكان حرمنا واهو ربك حرمه من الخلفه وادينا هنقش كله
يسريه ، اكيد اللي ميتسموش جوه عمالين يتسهوكوا عشان يقشوا الورث كله وميسبولناش حاجه أنا عرفتهم
سيف ، مين دول
يسريه ، عمك ومراته وولاده
سيف ، اممم ماشي
جوه في الفيلا
محمد ويسريه دخلو بسرعه لقوا انور و سميه وولادهم واقفين
سميه ، الحمد لله لحقنا قبل ما يطلعوا
انور ، اه ده انا كنت مرعوب ليجوا قبلنا
سميه ، الحمد لله
الممرضه ، ايمن بيه بيحتضر ونفسه يشوفكم قبل ما يموت ياريت تطلعوا كلكم تطمنوا عليه
محمد ، يا حبيبي يا خويا أنا جيلك يا حبيبي
سميه مصمصت شفيفها ، شوف الراجل
انور ، ياللا مالناش دعوه ياللا يابت يا هنا انتي وحسام قدامي
هنا ، ياربي ماشي يا بابا ماشي
الكل طلع فوق غرفه ايمن
محمد ، سلامتك يا حبيبي أن شاله كنت أنا وأنت لا
انور ،. سلامتك يا غالي هتسيبنا لمين بعدك يا حبيبي اوم اقف ع رجليك اوم
هنا بهمس لاخوها ، والنبي ده لو قام كلكم هتموتوا من الحسره
حسام ، بس اسكتي لابوكي يسمعك احنا مش قده
هنا ، ومش قده ليه سحبنا زى الخرفان
ايمن ، سامحوني يا اخواتي سامحوني أنا قسمت التركه وكل حاجه عليكم وكله مع المحامي سامحوني يا حبايبي
محمد ، لا والنبي متسبناش يا غالي
انور ، هنعيش لمين بعدك يا حبيبي
هنا ، يخربيت النفاق ده ايه القرف ده
سيف ، مش عيب تقولي كده بردك علي ابوكي وعمك أنا واقف وسامع كل حاجه
هنا ، وانت مين أن شاء الله انت كمان
سيف ، أنا سيف ابن عمك
حسام ، احنا ملناش ولاد عم احنا جايين هنا لمهمه ومروحين تاني
سيف ، اممم شكلك زى ابوك وعمك
حسام ، ملكش دعوه بيا ولا بأبويا فاهم واللا لا
هنا ، هشش خلاص ياللا يا جدع انت روح اقف هناك مع ابوك ومتجييش تقف جنبنا تاني
سيف ، ويعني أنا اللي هموت واقف جنبكم اوي ده ايه الجحود ده وراح وقف جنب أبوه وأمه
يسريه ، ايه اللي وقفك جنب اللي هناك دول
سيف ، ليه حصل ايه أما وقفت جنبهم
يسريه ،. اقف جنبنا هنا متتحركش
سيف ، لا والله لا ناقص هتقوليلي لو اتحركت من جنبك هتضربيني
يسريه ، لا انت كبرت عالضرب يا سيف بس دي الوقت أو من بكره هيبقي معانا ملايين و لو الكلام متسمعش هيبقا فيه حرمان
سيف ، يارب صبرني عليهم الاتنين
سيف بيبص لهنا راحت بصاله من فوق لتحت راح واقع علي نفسه من الضحك
انور ، هو ايه ده انتو جايين تضحكوا علي اخويا وهو تعبان
محمد ، سيف بتضحك علي ايه جبتلنا الكلام من اللي يسوا واللي ميسواش
انور ، مش هرد عليك احتراما لاخويا الكبير سلامتك يا حبيبي
ايمن ، بطلو خناق حبوا بعض بقا انتو كبرتوا وبقيتوا معديين الخمسين وشعر كل واحد فيكم بقا ابيض وبردك شغل الأطفال اللي فيكم مرحش حبوا بعض بقا وراحت الروح طالعه
سميه ، ده ايه ده هو كده مات
ايمن ، مش عارف
الممرضه ، البقاء لله
محمد بتمثيل ،. اخويا حبيبي سبتنا لمين يا غالي
انور ، مع السلامه يا حبيبي مع السلامه يا غالي
خلصوا شغل التمثيل بتاعهم وخلصوا إجراءات الدفن وراحوا دفنوه ورجعوا القصر بسرعه
محمد ، خلاص القصر ده كله بقا بتاعنا
يسريه ، خيرا هنعيش في عز يا محمد أخيرا
سيف ، تعرفوا انتو الاتنين أنا مش مصدق أن في حد زيكم كده انتو الاتنين عديتو الحدود ده اخوك يا بابا للدرجه دي مفيش وفاء خالص ليه كله تمثيل
انور ، أخوه وهو من أمتي ابوك يعرف أخوه
محمد ، انت اي اللي دخلك في كلامنا أنا وابني
انور ، ماهو قال حاجه غير الحقيقه
محمد ، اسم الله عليك انت بقا اللي كنت بتود اخوك وبتراعيه انت اللي شيلت مسؤوليته لا بجد أنا مش عارف ايه ده بص لنفسك وأحكم عليها قبل ماتبص علي غيرك وتحكم عليه
انور ، لا هبص ولا هتزفت ومتتكلمش معايا يا جدع انت تاني فاهم واللا لا
محمد ، انت اللي خسرت نفسك فينا
المحامي ، بس في ايه انتو لسه دافنين اخوكم وجايين تمسكوا في بعض طب احترموا الميت اللي قاعدين في بيته وبتتخنقوا
محمد ، وانت مين انت يا جدع انت كمان
المحامي ، أنا محامي ايمن بيه ومعايا ورق الوصيه وفي كل حاجه عن التركه وازاي مقسمها عليكم
انور ، اتفضل اقعد يا حضرت اتفضل
محمد ، اقعد يا حبيبي وعرفنا ايه اللي في الاوارق دي
المحامي ، اول حاجه هقرأ ورقه الوصيه الأول دي اللي هتحكم تاخدوا التركه واللا لا لأنها في ايديكم تاخدوها أو ترفضوها والطرف اللي هيرفض التاني هياخد نصيبه
- تابع الفصل التالي عبر الرابط: "رواية تلاتين يوم جواز" اضغط على أسم الرواية