رواية احببت مصارع الفصل الخامس عشر 15 بقلم يوستينا سامي
رواية احببت مصارع الفصل الخامس عشر 15
يووووم الفرح .....
كانت شمس ونور في الاوتيل من بدري ...اوي ..
وكانت هنا ومنال وتمارا وندي معاهم ..
وكان يوسف وفهد وعلي برضوووو مع بعض
في الاوضة بيجهزوا....
فهد بفرحة : هتجوووز هتجوووز ... انا هتجوووووز
انا خلاص هتجوز وهبطل ابص علي البنات ..
علي بضحك :ههههه طب والله كداب يا فهد ..كداب
يوسف :بقي انت مش خالص علي البنات ...
فهد: نص نص كدة يا عم ..انتوا مالكو ومالي انا مش فاهم الصراحة .... اومال الواد امير اتاخر ليه ما تكلموا استعجلواااا ..
يوسف: مش لما الاستاذ المحترم يفتح تليفونه الاول
فهد :امير قفل التليفون ...
يوسف :امير اي ..لا انا بتكلم مع ادهم ...
فهد بحدة: بس انا بسال علي امير ..اي اللخبطة دي
علي: خلاص يا عريس والنبي ما تزعل نفسك كدة
فهد بضحك: بيعصبوبي في اهم يوم في حياتي يا علي..كدة برضو. ينفع يا جماعة ..الله
يوسف بضحك: يا اختي كميلة يا ناس ...
ماشي يا ادهم والله لاوريك ..... كل ده وليه قافل تليفونك ...
وفاجاااااااه الباب خبط. ....
يوسف: فهد افتح ....
فهد برخامة: لا علي افتح انت احسن تكون شمس وتشوفي اصل كدة فال وحش اوي عليا انها تشوفني قبل الفرح
علي فضل يضحك ...
يوسف: يعني شمس هي الي هتيجي تطمن عليكي يا بيضة ..افتح يا علي انا عندي مرارة واحدة بس افتح ....
علي :يارووووحي .....
يوسف: مين يا علي ....
بسنت ...يا روح قلبي وجري عليها وحضنهاااااا
بسنت: انا مبسووطة اوي انك هتتجوز نور ...
انت وحشتني اووي يا يوسف ...
يوسف وهو بيحضنها : انت الي وحشتيني اوي يا قلب يوسف من جواااا ....
بسنت: ..هي فين نور انا عايزة اشوفها احسن وحشتني اوي .....
يوسف :لا يا روحي هي في اوضتها بتجهز لسه ....
بسنت :طب اىوحلها انااااا
يوسف وهو بيحضنها: لا خليكي معايا شوية ..
بسنت: حاضر ....
يوسف قام يسلم علي جد بسنت ....
انا متشكر اوي لحضرتك بجد ...
جدها: علي اي بس ...هي أصرت تيجي ..وانا اول ما عرفت ان النهاردة فرحك اصريت اني اجيبها واجي ..
يوسف :بجد ربنا يخليك ..انت مش متخيل انا فرحت ازاي ...
جدها: حبك ليها و حبها ليك ...وحرصك انك تتكلم معاها علطول وأنك تطمن عليها خلاني اطمن أن لو انا وجدتها حصلنا حاجة ..انت في ضهرها ....
فهد وهو ماسك بسنت من قفاها علشان كانت عايزه تبوظله شعره ..... لا يا حاج اطمن حفيدك هناخد بالنا منها ....وانت اكيد العمر كله ليك ....
وفجاه بسنت عضنته من أيده ....
فهد بوجع :يا جزمة يا زبالة. ....
يوسف ضحك غصب عنه ...
جدها :بينت عيب كدة ...اعتذري ..
بسنت بزعل ..متزعلش
فهد : وهو بيجري وراها ...لا وربنا لاعضك ...تعالي هنا يا بت انتي
بسنت جريت وقفت وراه يوسف الي كان عمال يضحك بسبب صغر عقل فهد ....
واخيرا..عمر وامير وصلوا الاوتيل. ...........
يا ترا اي اخر امير كل ده ......
في المستشفى عند ادهم وشاهندة ....
بعد ما شاهندة خرجت من العمليات ....
وكانت بتحاول تفووق ....لقت ادهم حاضنها وقاعد علي الكرسي.....
شاهندة بصوت واطي بتعب .. ادهم ..ادهم
ادهم بحب :شاهي انت فوقتي با حبيبتي حمدالله علي سلامتك ...اخيرا يا ربي ده انا قلبي كان هيقف
شاهندة بتعب بس بحدة: انت بتعمل أي هنا
ادهم :شاهندة كفاية بقي خناق .. انت كنت محتجاني ابقي جمبك ..وانا كمان مكنش ينفع اسيبك ابدا
شاهي انا بحب.....
شاهي قاطعت كلامه . لااا مينفعش صدقني مينفعش
احنا علاقتنا انتهت يا ادهم .....
انت من حقك تحب واحدة عندها قلب. ...لكن أنا قلبي مات من يوم موت ابويا ولو فاكر انك تقدر ترجعني تاني طبيعية ..فأنت غلطان ... فوق بقي انت مش عايش في روايات ....فوق
لانك لو وافقت تجيب لعيالك ام كانت بتاجر في السلاح ..اكيد مش هتجيب ليهم ام مدمنة....
ارجووووووك اطلع برا ... وابعد عني بقي
ادهم بصدمة :انت اكيد بتهزري يا شاهندة ..اكيد بتقوليلي كدة علشان بس ابعد عنك ..مش كدة ....
شاهندة بدموع وتعب :بقولك اطلع برااااا
انا مش عايزة اشوفك تاني في حياتي. .اوعي اشوفك تاني اصلاااا...اوعي
ادهم بوجع: بس انا بحبك ...
شاهندة :بس انا لاااااا ....افهم بقي ..بطل سذاجة يا اخي انت ازاي كدة غبي ....
ادهم ابعد عني انت وجودك جنبي هيهدك انت وأهلك افهم بقي..... انا خطر عليك ..خطر علي كل الي حوالياااااا...
ادهم :انت قصدك اي لو علي اهلك انا اقدر احميكي حتي لو هنسافر اخر بلاد العالم ..صارحيني يا شاهندة وانا هقف معاكي واساعدك.......
شاهندة: انا معنديش حاجة اقدر اقولها غير انك تفوق لنفسك وخد بالك من نفسك ....
انت من حقك عليا اني أحذرك وانا بقولك اهو خلي بالك من نفسك يا ادهم سامع ...
ادهم: لا مش سامع ومش هينفع ابعد غير لما أفهم انت ليه طول الوقت بتكلميني بالغاذ وبعدين أخد بالي من مين ....
شاهندة بعصبية : انت لو كنت بتفهم اصلا يا ادهم كنت اخدت بالك مني انا اول واحدة. .. انا اول حد مفروض تاخد بالك منه ..... انت اي حد يقولك بحبك تصدقه .. انت ليه كدة يا اخي .....
افهم بقي ...انا عملت كل ده علشان اعرف ارجع مصر علشان ابعد عن اهلي ..وكان شرطهم الوحيد علشان يوافقوا اني ابعد عنهم ...هو اني اساعدهك في قتل يوسف افهم بقي .....
ادهم بصدمة :يوسف. .....
شاهندة: انت كنت فاكر أن اهلي مش هيقدروا يوصلولي بسهولة وهبقي طول الفترة دي في حمايتك انت ....
جون :ادهم لوسمحت ورقة طلاق شاهندة توصلها
وكفاية لحد كدة .....من فضلك .....
ادهم بصدمة :انت كنت عارف الكلام ده...يا جون
اكيد لاااا الكلام ده كدب اكيد هي بتكدب علياااا
جون وطي راسه بوجع ....
ادهم :يعني الكلام ده صح .... يعني انت ضحكتي علياااا ولعبتي بيا و بمشاعري ..
للاسف دموع ادهم خانته بس مسحها بسرعة بعنف
ماشي .....انا هطلقك وهمشي من هنا بس مش قبل ما افهم كل حاجة ....
شاهندة بوجع :وانا مش هقدر اقولك حاجة اصلا
وفاجاه.... ادهم بغل ضرب شاهندة بالقلم جامد
ادهم: لا ياروح ... انا مش هامشي من هنا غير لما أفهم كل حاجة .فاهمين ولا لااااء انتوا الاتنين .....
جون طلع المسدس في وش ادهم ...
ادهم 😏😳😳😳
وفااااااااجااااااااااااااااااه ........
في أوضة نوور .....
نور كانت لبست الفستان وكان حلو اوي عليهااااا...
منال زغرطت :ايه القمر ده ماشاءالله عليكي يا حبيبتي ....
هنا: اي الجمال ده كله يخربيت حلاوتك ....
وفجاه خرجت شمس برضو بالفستان والحجاب ..وكانت فعلا قمورة جدا وكيوت اوي
هنا: يالهووي يالهوووي اي الطعامة دي ....
شمس: بجد حلوووو...
نور بفرحة :اوي يا شمس اوي شكلك حلو بجد ..
شمس :وانت اوي برضووو. شكلك جميل ....
وفعلا جهزوا كلهم ....حتي الشباب. ..بس نور مكنتش عرفت أن بسنت جات الاوتيل .....
لحد ميعاد القاعة ....
ونزل يوسف وفهد تحت و كل صحابه ....
ابراهيم هو الي قدم شمس لفهد ...
وعادل هو الي قدم نور لي يوسف ...
يوسف بنبهاااار: بسم الله ماشاء الله
هو في كدة برضووووو. طب انا ذنبي اي ...
عادل: يوسف انا مديك حتة من قلبي خلي بالك منها يا ابني انا ماليش غيرها دي البكرية ...
يوسف بحب وهو بيبوس رأسها :دي في عيني قبل ما تكون في قلبي يا عمي ..ماتخفش عليها صدقني ...
في الناحية التانية..
ابراهيم وهو بيسلمه شمس ...عارف لو زعلتها عارف هعمل فيك اي هعلقك من ودنك ....
فهد بحرج: اي يا حاج جاي تهزقني في فرحي ...
اتكل علي الله يا حاج...في رعاية الله.
شمس كانت بتضحك علي فهد وأبوه بس كانت ليه واخدة موقف من فهد ...
فهد :ماشي يا ستي اضحكي ....بقولك اي
شمس ببرود: نعم. ..
فهد :ما صافي بقي يا لبن عايز احضنك ونعمل الحركات الناس الي بتحب بعض ديه عرفاها ...
شمس :لا والله وانت بتحبني بقه ..
فهد: لسه بتسالي يا شمس ..انا اه ابهدلك وازعلك ..
شمس بحدة: لا والنبي ..
فهد قرب وباس ايديها :وانا الي اعتذرلك واصالحك
شمس ابتسمت ..
فهد قرب وشالها ولف بيها جامد .....
لدرجة أن يوسف عمل زيه وحضن نور هو كمان ...
والناس كلها بدأت تصفر و كانوا فرحانين اوي ...
علي في ودن تمارا: امتي بقي اشيليك الشيلة دي
تمارا بفرحة: قريب يا علي ..قريب ...
علي: يارب ..الستر من عندك .ده احنا غلابة ....
سراج: اخرس شوية يا علي وسبب ودن البت ..انا سامعك
تمارا ضحكت ....
علي اتوتر :امير ...بالنادي يا حبيبي جايلك طيب
وفعلا بدوا اللحفلةةةةةة ...وفعلا الجو كان لذيذ اوي ...... بس هنا كانت عمالة تدور علي ادهم ومكنتش لقيااه وكانت مضايقة اوي لانه مش موجود .....
هنا في جنب كانت واقفة بقلق ....
فريدة :هنا مالك بعيد ليه كدة ..ما تيجي ناخد صورة مع العرسااان
هنا بخوف واضح ..رد بقي
فريدة: مالك يا هنا في اي ....
هنا :تصوري يا فريدة لسه مش بيرد انا مش. عارفة هو فين اصلا ...انت بجد اتوترت عليه اوي
فريدة: هنا هو انت فعلا بتحبيه ...ولا هو بالنسبه ليكي تحدي وانك عايزة تخديه من شاهندة ....
هنا بتوتر :طب ما هي هي ..انا بحبه علشان كدة عايزاهم سيبوا بعض ...
فريدة :لا علفكرة ...تفرق كتير اوي
لو انت فعلا بتحبي مستحيل تاذي يا هنا. ..
هنا :اذي ..وانا اذيت مين يا فريدة بقي
فريدة ..هنا لازم تعرفي اني مش بعدل عليكي وأن واقفة بتكلم معاكي وانا واثقة أن الي حصل منك ده عدم خبرة. ... انت يوم ما حصلت بينك وبين شاهندة المشكلة عمرك ما كنتي تتوقعي أن يحصل كل ده ....
هنا بوجع: أيوة والله كلهم معتقدين أن انا اقصد اعمل فيها ...اينعم بكرها بس اكيد مكنش قصدي كدة ..
فريدة: بس الي بيحب بجد مش بيوجع حد كدة ..
انت شوفتي بعينك حالة ادهم بعد ما شاهندة بعدت عنه بقي عامل ازاي .. هو بيحبها اوي يا هنا ...
انت بقي لو فعلا كنتي بتحبيه مكنش هان عليكي منظره ده ... صدقيني يا هنا انت وخداكي الجلالة لكن انت مش بتحبيه اصلا .....
.هنا سابت فريدة وخرجت برا القاعة ....
عمر جيه من ورا فريدة . في حاجة يا فري
فريدة: لا مافيش ...
عمر :طب تعالي نرقص ....
فريدة بضحك: يلااااا......
وفعلا عمر وفريدة كانوا بيرقصوا مع بعض وكانت عينيهم هي الي بتتكلم .......
ساعات لما تبقي معةشخص بتحبه مبتبقاش محتاج اتكلم علشان يفهم انت عايز تقول اي ...
امير قاعد علي جنب بعيد .....
ندي :اي بقي واقف وحدك ليه ....
امير بخنقة: لا عادي بس مرهق شوية ...
ندي؛ أيوة طبعا هو في حد يعمل كل التعب ده في يوم واحد يا أمير يعني شغل ومستشفى وفرح ...
امير بغل: قصدك اي مثلا أن صحتي مبقتش جايباني
ومش هعرف اروح شغلي ...
ندي مسك أيده ..حبيبي قطع لساني لو قولت حرف واحد يضايقك ...
امير مسك ايديها و باسها: لا بعد الشر عليكي ...
انا بس مودي وحش يا ندي بسبب اكتر من حاجة
بس بحاول اعدي ... وبيني وبينك موضوع الي ضربوا عليا نار دووول انا هموت واعرفهم ....
ندي :يوه يا أمير ...يا حبيبي مش وقتوا
بقولك اي تعالي تسرق حاجة من البوفيه ...
امير :يا بنتي لسه ما فتحشي اصلا ...
ندي: لا ما انت اول ما تشوف الشيف قوله انا مخابرات ولازم ادوق الاكل ...يلا بس
امير فضل يضحك ...يلا يا مجنونة ...
وفعلا عدي وقت في الجووووووو ده ...
لحد ما الفرح خلص ......
ويوسف ونور وفهد وشمس طلعوا للاوض في الاوتيل ....بس منال كانت مش عايزة تسيب نور خالص من ايديها
عادل بضحك: ما خلاص يا منال هي هتروح فين يعني وهي هتبقي مع جوزها
منال بدموع: لا هتوحشني هتوحشني قوي
يا عادل ......
نور حضنتها وعيطت : وانت كمان يا ماما بس انا مش رايحة في حته يعني انا معاكم ...
عمر: خلاص بقى يا ماما سيبها تطلع مع جوزها الوقت اتاخر قوي
وفعلا يوسف قدر ياخذ نور من يد منال بالعافيه بعد ما سلم عليهم كلهم وعلى اللواء سراج تحديدا
وكان في حاجه غريبة منها غياب ادهم وتوتر امير الي كان مبالغ فيه .....
تفتكروا ايه ممكن يحصل ومين اللي ضرب امير بالرصاص .....
- تابع الفصل التالي عبر الرابط: "رواية احببت مصارع 2" اضغط على أسم الرواية