رواية فجر جديد الفصل الثاني والعشرون 22 - بقلم إيمــــان

      رواية فجر جديد الفصل الثاني والعشرون 22 - بقلم إيمــــان

*  رواية فجر جديد الفصل الثاني والعشرون

إستيقظت ندى وهى تشعر بقبضة فى صدرها لا تدرى لها سببا فقامت ووضعت يدها على صدرها وهى تقول "اللهم لا طير الا طيرك ولا خير الا خيرك ولا اله غيرك ولا حول ولا قوة الا بك " وقامت على الفور وهى تنفض عن رأسها أى تشاءم فتوضأت وصلت الفجر ثم جلست فى انتظار ان يستيقظ الجميع

وأثناء جلوسهم على الشاطئ مر أمامهم بائع للجرائد فشترى شوقى جريدة ليتسلى بقراءتها فقالت ندى

هو فى حد لسه بيشترى جرايد يا أبيه

اهو اتسلى شوية بدل ما انا قاعد كده مش بعمل حاجة

نبيلة: طب ما تنزل البحر شوية تنبسط كده مع العيال يا أبو ياسر وهما كمان ينبسطوا معاك

نزلت شوية الصبح معاهم وزهقت بقه فسبتهم وطلعت انا اصلا جاى عشانهم لو كان عليا انا لا كنت روحت ولا جيت

نبيلة: اه ما انت مش بتحب تسيب شغلك ابدا اهم حاجة عندك الشغل 

اديكى قولتيها اهو سبينى بقه اشوف اخر الاخبار

ولم يمضى كثيرا حتى تفاجأت ندى ونبيلة به وهو يقول بفزع

ينهار مش فايت مش ممكن ازاى ده حصل رفعت بيه لالا مستحيل 

فنتفضت ندى من مكانها على الفور واسرعت اليه لتعرف ما حدث فنزعت منه الجريدة دون ان تشعر ونظرت فى الصحيفة لتجد الخبر الاتى

حادث مروع لرجل الاعمال رفعت عز الدين وصديقة شادى عبد المجيد المحامى

وقبل ان تكمل التفاصيل وجدت شوقى قد هب من مكانه وامر الاولاد بالخروج من الماء واخبر زوجته بأن عليهم العودة فورا الى الاسكندرية

وبمجرد وصولهم الى المنزل قال شوقى : انا رايح المستشفى لرفعت بيه

فقالت ندى على الفور : وانا كمان حاجى معاك يا أبيه

طب يلا يابنتى بسرعة

نادرة : شوفتى يا ندى اللى جرى لرفعت

اهدى بس يا نادرة ان شاء الله حيكون بخير انا بس عوزة اعرف هو حالته ايه دلوقت وايه اللى حصل

هو دلوقتى فى العناية المركزة الدكتور بيقول ان حالته خطيرة لان الرصاصة كانت فى مكان دقيق جدا والحالة مش مستقرة لحد دلوقت وبيقول ربنا معاه وهما عملوا كل اللى يقدروا عليه

طب والاستاذ شادى

برضو حالته خطيرة بسبب الخبطة الشديدة اللى اخدها فى دماغه لما العربية دخلت فى الشجرة

هو ايه اللى حصل ومين اللى عمل فيهم كده

محدش عارف حاجة لحد دلوقتى هى كانت فى دورية معدية لاقت العربية دخله فى الشجرة والاتنين فقدين الوعى فيها اتصلوا بالاسعاف جت خادتهم

طب انا ممكن اشوفه

حاضر حستأذن لك من الدكتور تدخلى تبصى عليه من الازاز

تعالى يا ندى تعالى يا عم شوقى انا قولت للدكتور 

دخلت ندى ومعها شوقى الى غرفة العناية لتراه وبمجرد ان وقع نظرها عليه فى هذه الحالة انهارت تماما من البكاء فأخرجها شوقى من الغرفة

نادرة: بس يا ندى مش انتى اللى كنتى لسه بتهدينى دلوقت 

لم تسمع اى صوت ولا اى شئ ولم تدرى بما حولها وظلت تبكى دون توقف الى ان جلس شوقى بجانبها وأخذ يذكرها بالله

يا ندى اهدى انتى مش دايما فى المواقف اللى زى دى بتقولى ان العياط مش بيعمل حاجة الاحسن تدعيله ربنا يقومه بالسلامه 

فقامت الى نادرة وشهيرة تسألهم عن دورة المياة فأخذتها شهيرة اليها فدخلت وتوضأت ثم خرجت تبحث عن مكان يمكنها الصلاة فيه فدلتها الممرضة على المكان الذى يصلين هم به فدخلت ندى واتجهت الى القبلة وأخذت تصلى وتدعوا له ثم خرجت لتجلس معهم مرة اخرى

شوقى: يلا يا ندى عشان تروحى ترتاحى

فنظرت له ومازالت الدموع فى عينيها وقالت بمنتهى الاصرار : انا مش حسيب المستشفى الا ورفعت بيه خارج منها على بيته ان شاء الله

فقالت شهيرة ونادرة: ياندى وجودك هنا ملوش لازمه لان محدش فينا بيعمله حاجة حتى احنا مروحين دلوقت 

مش حروح حفضل جنبه هو ياما وقف جنبى وجه الدور عليا عشان ارد جميلة عليا 

شهيرة :يا حببتى مش حينفع

انا خلاص قولت مش حروح

نادرة : طب كلمها انت ياعم شوقى

انا عرفها كويس محدش يقدر يخليها تتراجع عن اى قرار اخدته يلا بينا وخليها الليلادى

فتركها الجميع بعد ان فشلوا فى اقناعها بالانصراف فرجعت الى غرفة العناية المركزة وتوسلت الى الممرضة لتتركها تنظر اليه فرقت الممرضة لحالها وتركتها قليلا ثم اخرجتها بعد ان اقسمت لها ان موعد مرور الطبيب بعد قليل واذا شاهدها هنا سوف تعرضها للاذى فنصرفت لا تعلم ماذا تفعل

فذهبت وتوضأت مرة أخرى وذهبت لتصلى وتدعو له

فى اليوم التالى عادت نادرة وشهيرة وأدهم للاطمئنان عليه فقابلهم الطبيب وقال لهم ان حالته بدءت تستقر ولكنه لم يفق بعد وانه شرح 

كل شىء للمدام بتعته واشار لندى

فظهرت الدهشه على وجه الجميع مما اثار ريبه الطبيب فقال على الفور

هى مش المدام تبقه مراته ولا ايه

فلم تعطهم فرصة في ايه يا دكتور ايوة طبعا انا المدام بس اصل احنا كنا متخنقين قبل الحادثة وهما اتفاجأوا بيا هنا 

فلم يتكلم الجميع الى ان يعرفوا القصة 

بعد ان ذهب الطبيب قالت نادرة : هو فى ايه

كان لازم اقول للكل انى المدام عشان اقدر  اقعد هنا بشكل طبيعى

فقال الجميع بصوت واحد اااااه

طب هو عامل ايه دلوقت 

زى ما هو ادعوله

شهيرة : ربنا يقومه لينا بالسلامة يارب

مر كام يوم  بدء شادى تتحسن حالته وخرج الى غرفة عادية ولانه لم يكن بجوارة 

أحد فتولت هى مهمه العناية به حتى يأتى احد من اهله فى نفس الوقت التى تتابع فيه حالة رفعت

وفى يوم وهى متجهه الى غرفة العناية وجدت الغرفة بها حركة غريبة والكثير من الاطباء ومنعتها الممرضة من الدخول لان هناك حالة حرجة والاطباء يقومون بعمل الاسعافات اللازمة لها

فشعرت ندى بأن روحها كادت تخرج منها بعد ان سألت الممرضةمن يكون صاحب الحالة الحرجة وأخبرتها بأنه رفعت

فجلست مكانها على الارض وهى تلح بالدعاء لله والدموع تنهمر من عينيها 

الى ان خرج الاطباء من الغرفة وسمعت أحدهم يقول الحمد لله الحالة بقت تمام فأسرعت اليه لتسأله فقال لها بابتسامه ليطمئن قلبها بعد ان راى الفزع البادى على ملامحها 

اطمنى يا مدام الحمد لله رجع لحالته الطبيعية وهو دلوقتى كويس وممكن تبصى عليه

فأسرعت الى الغرفة لتنظر اليه وتطمئن على سلامته فلم تشعر بعدها الا ونادرة وشهيرة وأدهم من حولها وهى ممدة عل  سرير فى حجرة الممرضات

ندى: هو ايه اللى حصل

ادهم : حضرتك اغمى عليكى والحمد لله ان ساعتها كنا احنا دخلين نطمن على رفعت لحقناكى قبل ما تقعى على الارض

المهم هو . هو كويس

شهيرة : الحمد لله الدكتور طمنا عليه

نادرة : المهم انتى لازم تروحى ترتاحى فى البيت انتى شايفة حالتك بقت عاملة ازاى

ندى: لا مش ممكن كمان الاستاذ شادى معهوش حد وانا اللى برعيه

شهيرة : صحيح محدش من اهله عرف لحد دلوقت ولا ايه معقول مامته وبابا مسألوش عليه وهو فى الحالة دى 

ندى: اكيد معندهمش خبر 

نادرة: طب نبلغهم ازاى 

ندى: اكيد عم على معاه نمرتهم انا حتصل بيه واخليه يبلغهم

فى منتصف الليل وبعد ان ادت ندى صلاة القيام وسجدت تدعوا له بكل جوارحها ذهبت لتطمئن عليه قبل ان تذهب للجلوس بجوار شادى 

ايه ده هو انا بيتهيألى ولا ايه رفعت ايده اتحركت لالا اكيد تخيلات وفاجأة فتح عينية ثم اغلقها لالا انا اظاهر حصل لمخى حاجة من قلت النوم

انا انده راوية تشوف كده "روية الممرضة النبطشية فى هذه الليلة" فقد تعرفت على اغلب العاملين بعد الفترة التى قضتها فى المستشفى

روية روية تعالى كده

فى ايه يا مدام ندى

والنبى ركزى كده معايا بصى على رفعت

ماله ماهو زى ما هو اهو

لا انا شوفت ايده اتحركت وعنيه فتحت صدقينى ركزى بس انتى كده

وبعد قليل من تركيز روية وجدت ان كلامها صحيح فقد تحركت يده وفتح عينه للمرة الثانية واغلقهم

ايه ده دا بصحيح

بجد يعنى انا مش بيتهيألى الحمد لله الحمد لله

طب انا لازم اروح اقول للدكتور لازم يعرف حالا باللى حصل

جاء الطبيب خلفها على الفور وفحصه جيدا ثم خرج وعلى وجهه ابتسامة كبيرة

الحمد لله يا مدام رفعت ابتدا يفوق وان شاء الله يوم او اتنين وحنخرجة لغرفة عادية

مر يومان وخرج رفعت من العناية المركزة وفى نفس الوقت وصلت والدة شادى 

وشك حلو يا طنط علينا شادى اهو اتحسن خالص ورفعت خرج من العناية 

ربنا يكرمك يا شهيرة يا بنتى دا انا اول ما عم على قالى الخبر كان قلبى حيوقف ربنا يطمنا عليهم هما الاتنين ويخرجوا يالسلامة

شهيرة: ان شاء الله يا طنط

والدة شادى: وربنا يكرمها ندى اللى بتراعى ابنى طول الفترة اللى فاتت دى

نادرة: ندى والله يا طنط ماعرفين احنا كمان نعمل معاها ايه عشان نكافأها على وقفتها جنب رفعت

وبعد عدت ايام اتصلت شهيرة بنادرة ليتفقا على موعد ذهابهما لرفعت وفى الموعد المحدد مرت شهيرة بسيارتها على نادرة وهما فى طريقهما قالت لنادرة : هو احنا حنفضل ساكتين على موضوع رفعت وندى ده الاول كنا متأكدين ان رفعت هو اللى بيحبها دلوقتى مفيش شك انها هى كمان بتحبه

نادرة:فعلا بس المشكلة اخوكى مش عرفة ندخله ازاى 

شهيرة: بقولك ايه ما تيجى نكلم شادى فى الموضوع ده اهو راجل زيه وصحبه من زمان ودماغة كبيرة ايه رايك

نادرة : تصدقى فكرة خلاص احنا نقعد مع رفعت حبه  وبعدين نعمل اى حاجة نبعد بيها مامته وندى ونكلمه فى الموضوع

عند دخولهم عليه قالا الاثنين معا : أزيك يا رفعت انهاردة

الحمد لله احسن والدكتور كمان لسه من شوية قال ان الحالة بتتحسن يوم بعد يوم

شهيرة: وانتى يا ندى عمله ايه يا حببتى

الحمد لله بخير

نادرة: مش عوزة برضو تروحى ترتاحى شوية ووحدة مننا تقعد بدالك يوم واحد حتى

ندى : لا انا كويسه كده الحمد لله

قال رفعت بتثاقل : ايوة يا ندى انتى قاعدة هنا من مدة طويلة روحى ارتاحى

فأجابت على الفور: انا من يوم ما جيت وانا حلفت انى مش حطلع من المستشفى غير معاك عاوزنى اروح شد حيلك بقه وقوم بسرعة الدكتور قال ان كل ما كان عندك رغبة فى التحسن كل ما حتخرج اسرع

رفعت : ان شاء الله نخرج قريب

قال الجميع يارب

نادرة:ايه يا شوشو مش حنروح نطمن على شادى بالمرة 

شهيرة اه صحيح يلا بينا

شهيرة بعد خروجهم من عند رفعت حنسرب امه ازاى دلوقت عشان نتكلم براحتنا

نادرة ولا يهمك حنسربها يعنى حنسربها

طرقات خفيفة على باب غرفة شادى فأجابت والدته ادخل

مين شهيرة ونادرة ازيكم يا بنات

شهيرة احنا قولنا نجى نسلم على حضرتك ونطمن على شادى

شادى انا الحمد لله تمام المهم رفعت انا السبب فى اللى حصله ده

نادرة : ايوة صحيح احنا كل ده مش عرفين ايه الحكاية . بقولك ايه يا طنط والنبى تروحى تقعدى مع ندى شوية عشان رفعت نام واهو تتسلوا فى الكلام مع بعض انا عرفت انكم بتقضوا اغلب وقتكم مع بعض شوية هنا عند شادى وشوية عند رفعت

ايوة يا بنتى هما اغلب الوقت بيكونوا نايمين وانا وهى بنقعد بقه نسلى بعض بالكلام بنت حلال اوى ندى دى

شهيرة ايوة يا طنط فعلا بنت حلال اوى

نادرة:طب روحلها واحنا اهو جنب شادى

طيب يا بنات بعد اذنكم 

اتفضلى

بمجرد انا خرجت والدته نظر لهما شادى وقال : انتوا بتوزعوا أمى ليه

فنظرت نادرة لشهيره وانفجرا فى الضحك

نادرة: حلو انك فهمت لوحدك عشان ندخل فى الموضوع على طول

ندى ورفعت أجابهما شادى

شهيرة: لا انت فظيع مش ممكن

امال ايه انتوا فكرين الحادثة لغبطت دماغى ولا ايه

نادة: يعنى انت عارف انه بيحبها

ايوة يمكن قبل هو نفسه ما يعرف

شهيرة:بس مش عاوز يعترف ابدا

ولا يهمكم انا حخليه ينطق ويبطل الحمرية اللى هو فيها دى

شهيرة :لا ما تشتموش

شادى : ماشى يا دلوعته بس دى ااقل حاجة يتوصف بيها وهو مش بيحبها وبس دا بيموت فيها ومش مستحمل عليها الهوا الطاير ومع كده مش عاوز يعترف بحبه ده حتى لنفسه قال ايه مش عاوز يخون هيام ما ماتت خلاص والحى ابقه من الميت

نادة:عندك حق والله يا شادى فى كل كلمة بس نخرجه من اللى هو فيه ده ازاى

شادى: حفكر واقولكم وتكونوا جهزين لتنفيذ اى خطة معايا اتفاقنا

فاجاب الاثنان فى صوت واحد  اتفاقنا

شهيرة: قول بقه الحادثه حصلت ازاى

دا واحد معندوش ضمير كان متجوز وحدة ومطلع عينيها اهانه وضرب من اللى ما يستحملوش حتى راجل فجتنى ورفعتلها عليه قضية 

خلع ولما عرف جه وهددنى انا ما اخدتش فى بالى وقولت عبيط ومشيت فى القضية عادى لحد ما فعلا اتحكم للمسكينة بالخلع منه فبينتقم بقه

نادرة : طب وانت ذنبك ايه

اهو غباء والسلام الحمد لله انها جت على قد كده

مالك مكشر انهاردة وبوزك شبرين وفطرت بالعافية

لا مفيش

دا انا قولت انك حتطير من الفرح عشان حتخرج انت كمان من المستشفى زى استاذ شادى انا عارفة انك مش بتحب المستشفيات

اه خلاص خارج بكرة وحتروحى بقه بيتك وترتاحى منى مش حلفتى ما تروحى الا لما اطلع من المستشفى

ان جيت للحق اه سريرى ومخدتى حببتى وحشونى اوى

اديكى بكرة حتروحلهم وانا بقه دادة سيدة والبنات حيخدوا بالهم منى كتر خيرك تعبتى معايا الايام اللى فاتت

اه كانت ايام صعبة اوى الحمد لله عدت على خير

بس انا حاسس انى لسه محتاج افضل فى المستشفى شوية كمان

ليه حاسس بأيه اندهلك الدكتور طب يشوفك

لالا مفيش حاجة انتى مالك اتخضيتى اوى كده

بس على العموم وللاسف برغم من ان حضرتك مروح بيتك بكرة وحترتاح من المستشفى الا انك مش حترتاح منى

يعنى ايه مش فاهم

يعنى نادرة هانم وشهيرة هانم دبسونى فى حضرتك حتى فى البيت 

ازاى؟؟

قالوا انى خلاص حفظت علاجك و موعيدة واكلك وشوربك وهما خايفين يلخبطوا الدنيا فترجونى افضل مع جنابك لحد ما تخف تماما

فقال بفرح : بجد يعنى انتى حتروحى معايا على بيتى بكرة

الله هو مش انت بتقول عاوز تقعد هنا كام يوم

لالا انا بقول اروح البيت احسن

طب اندهلك الدكتور يطمنا

فقال بحزم : ندى بطلى

* يتـبـــــــــــــــــــــــع الفصل الثالث والعشرون اضغــــــــط هنا

* الفهرس يحتوي على جميع فصول الرواية " رواية فجر جديد " اضغط على اسم الرواية