رواية معاناة الحب الفصل الخامس والعشرون بقلم مارينا عبود
رواية معاناة الحب الفصل الخامس والعشرون
تاج بحماس اترمت فى حضنه :عاااا شكرا
عمر بحب ضمها ليه :ولله متجوز طفله
تاج بكسوف طلعت من حضنه:احمم يلاه
عمر بضحك :يلاه
عمر اخد تاج وراحوا المول إشترو لبس وراحوا كافيه اتغدوا وقضوا يوم حلو وبعد وقت طويل رجعوا البيت وعمر كان حاضن تاج وداخلين بيضحكوا بس ضحكتهم اتلاشت واتصدموا لما شافوا محمود الهوارى ومعتز قاعدين مع بسمه
معتز اتعصب لما شاف تاج بتضحك مع عمر
محمود بغضب:ايه يا عمر مش هتيجى تسلم على عمك
عمر بثبات:ازاى يا عمى نورت القاهره جيتوا امته
بسمه :من شويه يابنى تعالوا
محمود بملامح غضب:تعال يا عمر عاوزك
عمر:حاضر يا عمى اتفضل وبص لتاج:اطلعى انتى دلوقتى
تاج بخوف:حاضر
عمر اخد عمه محمود على المكتب بتاعه
⭐⭐⭐فى مكتب عمر⭐⭐⭐
بقلم /مارينا عبود
محمود بعصبيه:وانا إللى فاكرك اتجوزت البنت علشان تاخد حق ابوك وانت بتتسرمح معاها
عمر بتوتر:عمى انت مش فاهم حاجه
محمود بغضب؛فاهم ايه يا عمر يا خساره كنت فاكرك راجل وهتجيب حق ابوك من عبد الحميد السويسي بس للأسف خيبت ظنى وحبيتها يا عمر
عمر بهدوء قعد على الكرسى واتكلم بوجع؛ وانت مين قلك يا عمى انا مش بنفذ انتقامى
محمود بخبث:ازاى
عمر بضحكه وجع بدا يحكيله كل حاجه وأنه بيتقرب من تاج ويخليها تحبه علشان يكسرها ويطلقها ويرجعها للبلد مكسوره كان بيحكى لكن مكنشى واخد باله من معتز اللى واقف وره الباب وسامع وبيصور كل حاجه علشان يستغل الموضوع ويقلبه لصالحه
محمود بخبث:ولله وطلعت مش ساهل يا عمر
عمر :هههه المهم قولى ايه سر الزياره المفاجآه ديه
محمود:فى صفقه كبيره بنعملها هنا فى القاهره وجيت انا ومعتز علشان نتفق وهرجع البلد اخلص الورق هناك واجى تأنى نمضى الصفقه
عمر :تمام يا عمى انت هتفضل معانا النهارده
محمود:لا يا ولدى انا من الصبح فى القاهره وقولت اجى اسلم عليك قبل مسافر البلد
عمر بحب:طيب متقعد معانا النهارده اصلانا انا وحشنى القعده معاك
محمود :معلش يا ولدى الاسبوع الجاي هاجى امضى الصفقه ابقه اجى اقعد معاك اليومين وهستنه ترجعلى البلد ومعاك بنت عبد الحميد السويسي وهى مزلزله هى وأبوها قدامنا
عمر بوجع :متقلقش يا عمى هيحصل وهقهر عبد الحميد السويسي على بنته زى ما كسرنا كلنا بموت ابويا
معتز كان واقف بره وكان بيكلم نفسه بخبث:حلوو اوى يا استاذ عمر ولله ومطلعتش ساهل يا ولد عمى بس مبسوط انك بدمر نفسك بنفسك واوعدك تاج هتكون ليه انا وبس بس فى الوقت المناسب هقلب الترابيزه واللعبه عليك وانا واثق انك بتحبها بس يا حرام محدش قلبه هيتكسر غيرك وف الوقت المناسب هلعب لعبتى
معتز نزل وقعد وعمل نفسه مستنيهم وبيلعب بالموبيل وبعد عدة دقائق عمر وعمه محمود نزلوا ومحمود ودع عمر ومعتز كان بيبص لعمر بحقد وابتسامه خبيثه
معتز :سلام يابن عمى اشوفك قريب اووى
عمر كان بيبصله بنظرات استغراب بس كان فيه
احساس من جواها بانه وره النظرات ديه مصايب محمود ومعتز مشيوا وبسمه نزلت
بسمه بخوف :ف ايه يابنى عمك قلك ايه
عمر بحزن :مفيش يا امى هو عنده صفقه وهيروح البلد يخلص شغل وبعد اسبوع جاى يقعد عندنا يومين هيخلص صفقه كبيره وهيمشى
بسمه بقلق:عمر لو حاولت تعمل اى حاجه لتاج بسبب فكره الانتقام إللى عمك ذارعها فى دماغك وقتها مش هسامحك
عمر بكسره:متخفيش يا امى روحى دلوقتى ارتاحى وانا هروح انام
بسمه بحزن :ماشى يابنى تصبح على خير
عمر:وانتى بخير
عمر راح اوضه الرياضه بتعته وخلع بدلته وفضل يلعب ملاكمه وبيتكلم بانهيار
عمر بانهيار:لييييييييه لييييه ليييه قلبى حبك يا تاج بس انتى بنتهم ودمك نفس دمهم العيله إللى بتجرى فى دمها الخيانه إللى كانت سبب فى موت ابويا ليه قدرك انك تبقى بنتهم ليييه يوم ما احب الحب ده يبقه بالنسبالى معاناه ليييه انا بتوجع الف مره وانا معاكى وعارف انه كل حاجه بينا مش هتدوم عارف لو عرفتى الحقيقه هتكرهينى انا عارف بس مش بايدى حاجه سامحينى بس انتى الكارت الوحيد إللى اقدر اكسر بيه عبد الحميد السويسي سامحينى انك هتكونى الضحيه بسبب ابوكى انا بحبك اووى بس وجعى وكرهى لابوكى فوق حبى ليكى انا مضطر ادوس على قلبى يا تاج لانه انا مش قادر انسه موت ابويا والخمس طلقات إللى دخلوا فى جسمه بدون اى رحمه مش قادر انسه اليوم ده مش قادر عمر وقع فى الارض وبقااا بيبكى زى الطفل الصغير وبعد وقت
عمر مسح دموعه وراح اوضه لقه تاج نايمه دخل اخد شاور ولبس ترنج وطلع قعد جنبها ودموعه نزلت
عمر بهمس:سامحينى غصب عنى ولله بحبك بس مقدر انه الحب ده يبقه معاناه انا عارف انك ممكن متسمحنيش على إللى هعمله بس ولله غصب عنى انتى هتفضلى حب عمرى مهما حصل قرب واخدها فى حضنه ونام
بقلم /مارينا عبود
⭐⭐⭐فى فيلا امير الباشا ⭐⭐⭐
امير رجع من شغله ملقاش ماسه فى اوضتها دور عليه ملقهاش اتعصب وحس انها ممكن تكون هربت
نزل تحت وناده على الخادمه
امير بعصبيه :سعاااااد
سعاد :نعم يا امير بيه
اميرر:ماسه فين
سعاد:الانسه ماسه طلبت تنزل الجنينه قولتله ترتاح وحاولت امنعها بس هى اصرت وقاعده بره من بدرى
امير بهدوء:طيب روحى دلوقتى
امير طلع لقاها قاعده كرسى فى الجنينه وماسكه صوره وبتعيط راح وقعد جنبها
امير بحزن:ماسه ممكن تتكلمى بلاش إللى بتعمليه فى نفسك ده طيب قوليلى مامتك ماتت ازاى اتكلمى
ماسه بصتله واتكلمت بدموع :انا اتحرمت منها وانا عندى 10 سنين كانت كل حاجه بالنسبالى وف يوم كنا طالعين نشترى حاجات من المول وكنت واقفه عند العربيه وهى دخلت تجيب حاجه من جوه وفجاه وهى ماشيه فى نص الشارع جت عربيه وخبطتها مكنتش عارفه اعمل ايه بوقتها الناس اخدوها المستشفى بس الدكاتره مقدروش ينقذوها بابا كان بيحاول يغطى غيابها بس معرفش يملا مكانها هو كان دايما فى شغله وجابلى داده تخلى بالها منى كنت بحب اقعد لوحدى وأمسك صورتها واتكلم معاها لحد دلوقتى مش مستوعبه انه مشيت وسابتنى وماتت قدام عنيا بابا دايما فى شغله وانا مش فى دماغه حته الشخص اللى اطمنتله سابنى وطلع بيضحك عليه وعرض حياتى للخطر اوقات بحس انى بنت وحشه علشان كده كل إللى بحبهم بيبعدوا عنى
امير كان بيسمعها وحاسس بوجع ف قلبه بس مكانش عارف سبب الوجع ده يمكن علشان هو كمان خسر ابوه وهو فى سن صغير
ماسه بدموع:عارف انا معنديش صحاب دايما لوحدى مش بحس بالأمان مع حد اول مره حسيت بالأمان كان لما جيت هنااا لما مامتك حضنتنى اول مره كنت حاسه انى لقيت حنان الام إللى مفتقداه انا مش عاوزه حاجه غير احس بالأمان وبس انا بقيت بخاف اتعلق بحد ويسيبنى
امير قام وقعد على ركبه قدامها ومسك ايدها :طيب اى رايك نكون أصحاب
ماسه بدموع:وديه بقاا شفقه ولا من ضمن المهمه
امير بحزن :على فكره انا اكتر واحد حاسس بيكى علشان عارف وجع انك تخسر اقرب حد ليك امير قام وقعد جنبها وكمل بوجع:عارفه انا كمان خسرت ابويا لما كان عمرى 17 سنه مات لما كان مكلف بمهمه مسك مجموعه مجرمين وكان نفسه انى ادخل شرطه دخلت وقتها فى حاله نفسيه صعبه بس قررت اقوم علشان أحقق حلمه وأدخل كليه الشرطه وطبعنا امى كانت دايما معايا لحد ما دخلت كليه الشرطه وبقيت سياده الرائد امير الباشا واخدت نفس شجاعه بابا
ماسه بدموع:انا وانت عشنا نفس الوجع انت خسرت باباك وانا خسرت ماما بس الفرق انك قدرت تكمل وحققت حلمه بس انا لا هى كان نفسها تشوفنى مهندسه وانا عملت المستحيل علشان ادخل كليه الهندسه كنت بذاكر وبتعب علشان احققلها حلمها بس جيت فى اخر سنه وتعبت تعبت اوووى ومقدرتش اكمل واجلت السنه وحته السنادى مش عارفه هعمل ايه واللى المفروض تكون سنه التخرج وادينى موجوده هناا ومش قادره انزل الكليه بسبب إللى حصل وامتحاناتى قربت
امير :طيب انا عاوزك متزعليش لانها فى مكان احسن وانا اوعدك انه حلمها هيتحقق وهتشوفك اجمل مهندسه
ماسه بدموع:طيب ازاى انا اصلانا منزلتش الكليه خاالص ولا حته اعرف اى حاجه عن مواد السنادى
امير :اول حاجه انتى قبلتى نبقا صحاب
ماسه هزت رأسها بمعنى موافقه
امير بابتسامه:تمام اووى كده يلاه امسحى دموعك وانا هقولك هنعمل ايه
ماسه مسحت دموعها :هنعمل ايه بقااا
امير:بصى يا ستى انا هروح الكليه بتعتك بكره وهقدملك علشان امتحاناتك وبخصوص انك مروحتيش خالص ف ده سيبيه عليه وكمان هجبلك كل الكتب إللى هتحتجيه ولو احتجتى اى حاجه انا مستعد اساعدك
ماسه بفرحه؛بجد
امير؛بجد
ماسه بدون وعى اترمت فى حضنه وهو ضمها ليه ماسه بعد دقائق حست على نفسها وطلعت من حضنه
ماسه :احمم اسفه
امير :متتاسفيش يلاه علشان ترتاحى
ماسه :ماشى
امير وماسه قاموا بس ماسه كان باين عليها التعب وحست بدوخه وكانت هتقع بس امير مسكها
امير :مالك حاسه ب ايه
ماسه بتعب:مش عارفه دايخه اوى
امير قرب وشاف حرارته بس كانت مرتفعه اووى قرب وشالها
ماسه:عاااا نزلنى
امير:هششش اسكتى
امير اخدها وطلعها اوضته وحطها على السرير بهدوء
ماسه بخوف:انت ليه جبتنى اوضتك
امير:علشان حضرتك بوظتى الأوضه بتعتك
ماسه بإحراج:اسفه
امير "على ايه كمان
ماسه بضحك :علشان كسرت كل حاجه فى الأوضه ونسيت انى ضيفه
امير بضحك:طيب نامى
ماسه بابتسامه :حاضر
امير طلع وطلب من سعاد تجبله ميه بارده علشان يعمل كمادات لماسه علشان حراراته عاليه
ماسه كانت قاعده وحاسه ب احساس جميل بوجوده معاها يمكن لانها بتحس بالامان معاه وبعد وقت راحت فى النوم امير دخل لقاها نايمه قعد جنبها وبدأ يعملها كمادات
بقلم/مارينا عبود
♡♡⭐⭐عند سليم وريتال ♡♡♡♡
سليم خلص شغل وراح مكتب ريتال
سليم:ريتال يلاه اوصلك علشان متتاخريش على مامتك
ريتال :متقلقش ماما راحت لخالتى لو فيه شغل كمان ممكن اقعد اخلصه
سليم:لا كفايه يلاه علشان نمشى
ريتال :ماشى
ريتال لبست شنطتها وطلعوا من الشركه وركبوا العربيه ومشيوا
ريتال:اسفه
سليم:على ايه
ريتال:عل إللى حصل النهارده
سليم:انسى بس الموضوع ده مش عاوزه يتكرر
ريتال بابتسامه :حاضر
سليم :عجبك الشغل فى الشركه
ريتال:اااه اووى وكل إللى هناك محترمين
سليم:تمام اووى لو حد ضايقك قوليلى
ريتال:حاضر
سليم كان بيسوق وفجاه
ريتال بصراخ:سليم حاااااااااسب
يتبع
قولولى رايكم فى البارت
يا تره ايه هيكون مصير علاقه عمر وتاج
وامير وماسه ياتره علاقتهم هتطور ولا هتحصل مشاكل
وسليم وريتال ايه هيحصلهم ومعتز هتكون خطته ايه
يتبع الفصل السادس والعشرون اضغط هنا
- الفهرس يحتوي على جميع فصول الرواية كاملة :"رواية معاناة الحب" اضغط على اسم الرواية