رواية ويشاء القدر الفصل السابع والعشرين بقلم أية محمد
رواية ويشاء القدر الفصل السابع والعشرين
تدخل و هتبص حواليها هتلاقي الكل متجمع و الاوضه متزينه و بلالين كتير اوي و شكلهم حلو جدا و على الأرض ورد و تاريخ اليوم بالبلالين 22/3 و هتلاقي باباها و مامتها قاعدين و الكل موجود و كلهم هيضحكوا لها و في الاخر هتبص لـ أحمد طبعا هو نايم على السرير هتلاقيه بيضحكلها .
ياسمين بصدمه : اي دا ؟
أحمد بحنان : شايفه اي ؟
ياسمين : مش فاهمه ليه كل دا ؟ بلالين و ورد و بابا و ماما وحشتوني اوي و اعتقد ان دا مأذون .
أحمد بضحك : تعتقدي ، لا يستي دا مأذون فعلا ، حبيت افاجئك بالمفاجأة دي يمكن مش جاية في وقتها لكن حسيت ان دا وقت مناسب جدا طلبت ايديك من باباكي و وافق على فكرة جه دورك توافقي أو ترفضي بس سواء كدا و لا كدا هاخدك عافيه ذوق هاخدك .
ياسمين : هفكر و لا اي رايك يابابا .
و تبص لـ باباها و هي فرحانه
محمد : و الله ي بنتي انا شايف انك مضيعيش وقت في التفكير شكله بيحبك جدا و هيعوضك أن كل حاجه وحشه شوفتيها انا متأكد من دا و متقلقيش عليه شهرين و لا حاجه هتلاقيه زي الحصان و بقى احسن مش هيفضل على طول كدا بإذن الله .
أحمد : اي يحج شكلك وافقت بس عشان الدكتور طمنك و قالك اني همشي على رجلي تاني بإذن الله و لا اي احنا ما صدقنا .
محمد : ابدا و الله ي بني بطمنها و بعرفها اني ربيتها على الصح و ان اللي يحترمها و يحترم أهلها و يبقى حنين عليها و يعوضها مينفعش تضيع فرصه زي دي من ايديها مهما كانت ظروفه سواء كانت ماديه أو صحيه .
الدكتور محمد : و نعم التربية يحج محمد و الله .
أحمد : و الله على رأسي كلامك دا يحج ، المهم نسمع بقى رأي الآنسة و لا انا مش عاجبها و لا اي ؟
رفعت : هتوافق غصب عنها و لو مش هتوافق عليك انا موجود .
يضحكوا كلهم بصوت عالي .
أحمد بتريقة : عينيك عليها و لا اي يـاستاذ رفعت .
رفعت : اي أستاذ دي يالا ، تتهنوا ببعض يارب .
ساجدة : واقفه ساكته ليه ها ؟
ياسمين : قبل اي حاجه هو المأذون بيعمل اي هنا مش للدرجة دي نكتب كتب الكتاب على طول كدا من غير اي حاجة .
تاليا بتريقه : أسئله غير منطقيه من الدكتوره ياسمينا لازم نجاوب عليها بصي يستـ.....
و يقاطعها أحمد .
أحمد : هقولها انا ، بصي مبدأيا هنقرأ فاتحة الأول و اكيد مش شرط خطوبة لأن دي فرحتنا احنا و دي حياتنا و أهم حاجة نفرح أقرب الناس لينا و بعدين يستي لو انتي عايزه خطوبة عيوني حاضر هعملك أحلى خطوبة و أحلى فرح ، و دبلتك و دبلتي جاهزين و كمان يستي عليهم اسمائنا و نكتب الكتاب على طول .
ياسمين : تمام انا معاك في كل دا بس برضو ليه نكتب الكتاب على طول ليه ؟
أحمد : عشان مفيش حاجه تقدر تفرقنا و انك تفضلي هنا جمبي طول الوقت و اي حد هيجي اول حاجه هتيجي في دماغه ازاي انتي قاعده معايا على طول و بتباتي هنا في المستشفى معايا و انتي خطيبتي فـ اي حد يجي يسأل بعد كدا تفلقي عينيه و تقوليله انا مراته فهمتي و لا اعيد من الاول .
ياسمين بتوتر : فهمت .
أحمد : موافقه و لا اقوم اجي اركعلك على ركبي عشان توافقي حضرتك .
ياسمين فرحة : و على اي ، موافقة .
ساجدة و تاليا هيزغرطوا في صوت واحد .
علي هيبص لـ تاليا و يغمزلها
على : اشطا عليك يجامد ، عقبال ما تزغرطيلنا .
تاليا بتوتر : ينهار اسود .
يضحكوا كلهم سوا و بعدين هيقطعهم المأذون
المأذون : يلا يجماعه قبل ما يبقى بدل كتب كتاب واحد يبقى اتنين .
يضحكوا كلهم و بعدين يقرأوا الفاتحة و يكتبوا الكتاب اول ما يخلصوا هيلبسوا الدبل و أحمد هيطلع الخاتم اللي كان جايبه لـ ياسمين قبل كدا و يلبسهولها هو كمان .
ياسمين بصدمة : اي دا مش دا الخاتم اللي .
أحمد : ايوا يستي هو ، هاتي ايديك لما البسهولك .
تاليا بضحك : ماشيه معاك يعم دبله الماس و خاتم الماس كمان عقبالنا يارب .
أيمن : انا لو كان عندي ولد زياده كنت جوزتهولك عشان شقاوتك دي و الله .
على : احم احم ، هو أنا مش ابنك برضو .
أيمن بتريقة : انت يالا مش كل شويه تقولي مش هتجوز ، عليا غير كل البنات عليا القلب كله عليا مش عارفه اي ، غيرت رايك دلوقتي .
على بتوتر : جرا اي يحج دا انت سيحتلي على الآخر يعني .
يضحكوا كلهم .
___________________
أحمد : انا كنت ناوي اتكلم و الله بس الحمدلله سبق ، بس هو فيه برضو حته كدا كنت عايز ازودها .
على : انت بالذات تسكت خالص ها ، يعريس فاكر و لا افكرك .
أحمد هيحاول يقوم من على السرير عشان يخبطه لكن على هيبعد عنه .
أحمد بتوتر : انا عريس ها ، عريس .
على : حاضر يبشه احنا اسفين .
أحمد : ساجدة ، مش المقال المفروض ميعاده انهارده هو ليه منزلش لحد دلوقتي .
عمرو و ساجدة و أية و ياسمين هيتفضلوا يبصوا لبعض و مش عارفين يقولوا اي و متوترين جدا .
ساجدة بتوتر : هو انا بس كنت مشغوله انهارده و للاسف ملحقتش .
أحمد : مش انتي كنتي مع عمرو انهارده في المديرية .
عمرو : اه ، روحنا بس فيه لسه أوراق هي كانت محتاجها و ملقنهاش فـ قولنا نستني لـ بكرا .
ياسمين بتوتر : ساجدة شاطرة و أكيد هتبهرك بالمقال انا متأكده من دا بس هي اتاخرت شويه بس عشان ، الـ...
أحمد : اي ؟
ياسمين بضحكه : المفاجأة اللي انت عملهالي دي صح مش كدا .
تضحك ساجدة : ايوا بالضبط كدا .
أحمد : ماشي يستي حاسس ان فيه حاجه بس ماشي هعدي .
ياسمين هتفضل تبص لـ ساجدة و بعدين عمرو و بعدين هتبص لـ سوزان و هي مطنشاها جدا و باين علي ياسمين التوتر و القلق .
محمد : نستاذن احنا بقى ياجماعه عشان منتاخرش .
ياسمين : خليك شويه يبابا .
محمد : يدوب ي بنتي نروح عشان اختك .
ياسمين : سلملي عليها كتير و على تيته .
محمد : يوصل يبنتي .
رغدة " أم ياسمين " : مش عايزة اي حاجه ؟
ياسمين : عايزه سلامتك ياحبيبتي .
ياسمين هتترمي في حضنها و تعيط اول ما تبص في عيونها .
____________________
رغدة : افتكرتي جملتي اللي كنت ديما بقولهالك صح ؟
ياسمين : اه .
رغدة : لازم تكوني فكراها ديما ، خلي بالك من نفسك و من جوزك .
ياسمين : حاضر .
و ترجع تحضنها و تحضن باباها و بعدين هيمشو .
_______________________
أيمن : مش يلا يماجد انت و العريس المنتظر و لا ناوين تباتوا هنا ؟
على : لا يعمي هنروح ، مبروك يعريس .
أحمد : الله يبارك فيك يحبيبي .
علي هيروح عند أيمن .
على بهدوء : اي العريس المنتظر دي يحج
أيمن بعلو صوته : اي مش ناوي تتقدم لـ تاليا و لا اي ؟
على بتوتر : نستاذن احنا بقى ، مبروك يعروسه .
ياسمين : الله يبارك فيك .
على : يلا يماجد
ماجد : هروح أيه و البنات امشوا انتو .
على : تمام يلا يعمي عشان هنتفضح اكتر ما احنا مفضوحين .
أيمن : يلا .
على و أيمن هيمشوا .
____________________
الدكتور محمد : أيمن لسه زي ما هو متغيرش .
رفعت : عندك حق ، وقت لما بيكون فرحان بتلاقيه بيضحك و ضحكته تخطف قلب اي حد ، ربنا يفرحه و يسعده العمر كله يارب .
الدكتور محمد : امين يارب ، يلا يحبييي استأذن انا بقي عشان منتاخرش ، مبروك يدكتوره و مبروك يحضره النقيب .
أحمد : الله يبارك في حضرتك يارب .
ياسمين : الله يبارك فيك يـ مثلي الأعلى في كل حاجه .
الدكتور محمد : اوعي يكون الولا دا بيغير و لا حاجه ؟
تضحك ياسمين : لا متقلقش ميقدرش .
أحمد : نعم ؟
الدكتور محمد : عندك مانع و لا اي يالا اوعا تفتكر عشان انت نايم على السرير و تعبان يعني هتصعب عليا ها .
الدكتور محمد هيروح عند احمد و هيقرصه من ايديه .
أحمد بصوت عالي : اااه ، حاسب .
هيضحكوا كلهم و الدكتور محمد هيبعد عنه و يبوس راسه .
الدكتور محمد : ربنا يشفيك و يعافيك يارب .
أحمد : يارب يحبيبي .
الدكتور محمد : يلا يرفعت نستاذن احنا ، اومال المدام فين و بنتك كانوا لسه قاعدين هنا من شويه .
رفعت : اه لسه ماشيين دلوقتي .
الدكتور محمد : اها ، طب يلا تصبحوا على خير .
رفعت : و انت من اهل الخير .
هديل : مبروك يحلوين .
أحمد و ياسمين في صوت واحد : الله يبارك فيك يطنط .
يمشي الدكتور محمد و هديل و بعدها ماجد هياخد البنات و يمشي .
____________________
مش هيفضل غير ياسمين و رفعت مع أحمد .
رفعت : أنا همشي خلي بالك منه بقى ها .
ياسمين : في عنيا و الله .
رفعت : في رعايه الله .
أحمد : مع السلامه يحبيبي .
ياسمين و أحمد هيفضلوا سوا .
____________________
أحمد : تعالى اقعدي جمبي .
هتروح ياسمين تقعد جمبه على السرير .
أحمد بحنيه : اي القمر دا .
ياسمين : دي عيونك .
أحمد : عارف بس حبيت اجاملك بس .
ياسمين : يراجل .
أحمد هيمسك ايديها .
أحمد : عيوني احلوت بوجودك و الله .
ياسمين : طب انا بتكسف هنقضيها كلام كدا و لا اي ؟
يضحك أحمد : يااه بتتكسفي ؟
ياسمين : فيه مانع و لا اي ؟
أحمد : لا مفيش بس مش انتي ياسمين اللي شوفتها اول مره .
ياسمين : بجد ؟
أحمد : اه شوفتي .
ياسمين : ماشي .
َ تبصله و تضحك .
أحمد : بحبك .
ياسمين : و انا كمان بحبك .
أحمد : جوايا كلام كتير نفسي اقوله ليكي ، بس مش عارف ابدا اقول اي و لا اي ؟
ياسمين : عايزاك تعرف حاجه بس ، انت دلوقتي جوزي يعني اي حاجة تخصك تخصني يعني نفضل زي ما احنا نحكي لبعض تفاصيل حياتنا ، نتخانق ، نزعق بس في الاول و في الاخر ملناش غير بعض .
أحمد : اوعديني إنك تستحمليني بكل عيوبي بـ مشاكلي بـ عصبيتي بكل حاجه وحشه فيا ، و انا أوعدك ابقى فعلا عوض ليكي و أقدر اعوضك عن كل حاجه في الدنيا و هبقي آب ليكي قبل اي حاجة رغم أن حنان الأب الحقيقي عمره ما بيتعوض بس مش هحرمك من اي احساس ، انا ابوكي و اخوكي و صاحبك و حبيبك و زوجك و ابو عيالك في المستقبل أن شاء الله و انتي تكوني ليا ام و أخت و صاحبه و حبيبة و زوجتي و ام عيالي برضو أن شاء الله نكمل بعض عشان نقدر ، عارف اني هظلمك معايا كتير اوي الايام الجايه انا بتاسفلك من قبل اي حاجه و عمر ما كان الأسف عيب أو ضعف بالعكس دي أنسب كلمة تتقال في اي وقت و في اي موقف حقيقي انا اسف .
ياسمين : انا اللي اسفه بجد اللي انت فيه دا برضو في الاخر بسببي انا ، اوعدك أن هبقي سندك في الدنيا بإذن الله .
أحمد : اللي حصل دا خلاني اعرف مين اللي يستاهل و مين ميستاهلش ، المهم ربنا يخليكي ليا يارب و لا يحرمني منك ابدا .
ياسمين : و يخليك ليا ياجمل حد في الدنيا .
أحمد : كان علي عيني آخدك في حضني و الله بس انتي شايفه ايدي هتبقى تقيله جدا على ضهرك .
ياسمين : عمرك ما هتبقى حمل تقيل عليا ، بقولك اي ما تخرج من المستشفى و انا هفضل جمبك لحد ما تخف .
أحمد : مش عايز اتعبك معايا عشان كدا هستحمل و أفضل هنا .
ياسمين : طب ممكن لو سمحت تخليني ارد جزء من افضالك اللي عملتها معايا قبل كدا .
أحمد : لا .
ياسمين : طب خلاص ، مش انا مراتك دلوقتي رسمي خلاص .
أحمد : اه .
ياسمين : يبقى من حقي اقوم دلوقتي اقولهم احنا هنمشي من هنا و ان انا هرعاك طول الفتره دي في البيت .
أحمد : لا مش عايز اتعبك معايا .
ياسمين : هنشوف كلام الدكتور لو قال ينفع انك تخرج هتخرج اتفقنا .
أحمد : بس يـياسمينا....
ياسمين : اتفقنا .
أحمد : ابوك كان عنده حق لما قال ربنا يكون في عونك .
ياسمين : انا متعوضش هاا .
أحمد : طبعا .
و يضحكوا سوا
ياسمين : هقوم اجيب الموبايل و نتفرج على الفيديو بتاع كتب الكتاب سوا .
أحمد : اوك .
و تقوم تجيب الموبايل بتاعها .
ياسمين : ماجد هيجي يصورنا هنا بكرا صح ؟
أحمد : اه بإذن الله انا ماكد عليه .
ياسمين : تمام و خليه يبعت صور انهارده ضروري ياريت .
أحمد : كلميه من على موبايلي .
ياسمين : اوك لما نتفرج على الفيديو الأول .
أحمد : اوك ، صحيح يـ ياسمينا .
ياسمين : نعم
أحمد : اي اللي خلى ساجدة متنزلش المقال انهارده ؟
يتبع الفصل الثامن والعشرين اضغط هنا
- الفهرس يحتوي على جميع فصول الرواية كاملة :"رواية ويشاء القدر" اضغط على اسم الرواية