رواية تلاتين يوم جواز الفصل الثاني 2 - بقلم اميرة محمود

رواية تلاتين يوم جواز البارت الثاني 2 بقلم اميرة محمود

رواية تلاتين يوم جواز الفصل الثاني 2

الوصيه 

بسم الله الرحمن الرحيم

اخواتي الاعزاء ارجو منكم تسامحوني علي اني بعدت عنكم انا بعدت عنكم لأن كل واحد فيكم بيكره الآخر وانا عارف انكم جايين انهارد مش حب فيا عارف ومتأكد انكم جايين عشان فلوسي عشان كده انا عملت ليكم شرط عشان التركه تنقسم بينكم انتو الاتنين أنا شارط أن سيف ابن اخويا محمد يتزوج هنا بنت اخويا انور ده شرطي الوحيد

سميه ، استحاله بنتي تتجوز ابن اخوك يا انور ده علي جستي 

يسريه ، علي اساس أننا هنوافق اصلا أن سيف ابني الدكتور المشهور اللي آلاف البنات بيجرو وراه يتجوز بنتكم 

سميه ، ابنك الدكتور المشهور اللي كل يوم مع واحده شكل وسمعته طين 

يسريه ، أنا عايزه امشي عشان مبحبش اتكلم مع الاشكال دي

المحامي ، اكمل قرايه واللا امشي

محمد ، كمل بس بقا انتو الاتنين سكت مراتك يا انور

انور ، أما تسكت مراتك الاول

هنا ، لا ده كده كتير أنا بقولكوا ايه تعالو نروح ويا دار مادخلك شر وكأننا مورسناش حاجه

المحامي ،. اكمل واللا امشي

انور ، كمل أما نشوف اخرتها ايه

المحامي ، وفي حاله رفض طرف الزواج من التاني تكون نصف التركه له والنص الآخر للجمعيات الخيرية أما إذا اعترض الطرفين فتكون التركه كلها للجمعيات الخيريه وخلافه علما بأن التركه ٣٥٠مليون جنيه مصرى وإذا وافقوا الطرفين علي الزواج فتكون لهم التركه كامله علي أن يكون الزواج يكون علي يد مأذون ويطيب خاطر من الطرفين ويكون زواج رسمي وإذا لاحظ المحامي اسعد السلاموني أنه زواج صورى علي ورق فإنه زواج باطل ولا ورث لهم وإذا كان زواج حقيقي كامل بجميع شروطه فمن حقهم اخذ التركه كامله ولا يتم الطلاق قبل ثلاثين يوم من تاريخه ولكم مني خالص الحب وسامحوني علي ما فعلت لاني فعلت هذا عشان أبقا ريحت ضميري ناحيه كلا الطرفين والسلام عليكم ورحمه الله وبركاته

هنا ، اوعوا تقولو انكم هتوافقوا لا ده انا انتحرلكم فيها

سميه ، هنديكي ٥٠مليون جنيه ليكي لوحدك بس وافقي

هنا ، هتبعيني بخمسين مليون يا ماما انتي كده يا ماما ازاي

محمد ، انت هتعمل ايه يا سيف يابني

يسريه ،. طبعا موافق صح يا حبيبي

سيف ، ده بيقولك علي أن يكون الزواج حقيقيا طب واللي مش بيحب الجواز ولا عايز يتجوز 

يسريه ، لا لازم تتجوز يا حبيبي دول ١٧٥مليون جنيه عارف يعني ايه يعني ابوك كل اللي في جينيه ميجوش ١٧٥ جنيه لازم توافق يا حبيبي عشان خاطرى 

المحامي ، وفي شرط كمان في الوصيه أن لازم الزواج في خلال ٢٤ساعه

هنا ، أنا ماشيه اتجوزيه انتي يا ماما ده علي جستي اتجوز ده

يسريه ، وماله ده يا روح امك

هنا ، بصي انتي ست كبيره ومش هرد عليكي

سيف حب يغيظ هنا ، انا موافق اتجوزها

الكل بص بصدمه لسيف

المحامي ، في الحاله دي الورث بتاعكم هتاخدوه كامل وانتو مش هتاخدوا مليم

انور ، اه قلبي قلبي هموت 

هنا ، مالك يا بابا في ايه

سميه ، ربنا ينتقم منك هتموتي ابوكي 

حسام ، متوافقي يا ستي مكنوش ام تلاتين يوم وبعدها هنعيش في ام مستوى تاني بدل الحاره الفقر اللي احنا عايشين فيها

هنا ، حتي انت يا حسام

حسام ، اسمعي الكلام ابوكي هيموت فيها

سميه ، خد يا حبيبي اشرب ربنا يهديكي يا هنا يا بنت قلبي

هنا ، بردك مش هتجوزه ده لو اخر راجل في الدنيا ده معروف بالبنات اللي بيمشي معاهم

يسريه ، وانتي عرفتي منين انتي كنتي من البنات دي

سميه ، قطع لسان اي حد يقول اي كلمه وحشه علي بنتي 

هنا ، دكتور سيف أنا ابقا دكتوره هنا دكتوره في نفس المستشفي اللي حضرتك فيها بس الحمد لله مليش علاقه بأشكالك القذره

سيف ، أنا إشكالية قذره اممم أنا هزود فوق ١٧٥ مليون بتوعكوا ٢٥ مليون من عندي مقابل اني اتجوزك واعرفك مقامك كويس

هنا ، لا ده ٢٥ مليون دول روح اصرفهم علي الشمال اللي زى حضرتك

سيف ، اقسم بالله لولا أنك بنت كنت عرفتك قيمتك

هنا ، لو راجل وريني هتعمل ايه اقسم بالله أن مالميت نفسك لهديك باللي في رجلي انت فاهم واللا لا

سيف ، ماما أنا همشي معدتش قادر اقعد مع البني ادمه دي

المحامي ، لا حضرتك القصر ده دي الوقت من حقك انت لوحدك لو هي وافقت تتجوزك كان هيبقى ليها النص فيه

سميه ، وافقي يا بنت الكلب وافقي هتضيعي كل حاجه من ايدينا وافقي يا بنتي الله يهديكي دول تلاتين يوم وهتكون كل حاجه بتاعتنا لو بتحبيني وافقي 

هنا ، مش هقدر ده يبقا جوزي ازاي يعني أبقا معاه في اوضه واحده ازاي

سيف ، أنا اللي مش عارف ازاي هصحي كل يوم علي وشك ده يا اوزعه ده انتي وصلالي لوسطي اومال لو كنتي طويله شويه كنتي عملتي ايه

هنا ، والله ده حاجه مفرحاني اصلا أما أبقا قصيره احسن ما أبقا زرافه ماشيه اخبط في النجف 

سيف ، اللهم طولك يا روح ماما أنا مش فاضي عايز اروح المستشفى ورايا كشوفات أنا مش فاضي للعب العيال ده

يسريه ، خلاص يا حبيبي دي الوقت احنا موافقين وهما رافضين هتعمل معانا ايه يا حضرت

المحامي ، تمام هخلص إجراءات الميراث وباذن الله من بكره القصر هيبقا باسم الدكتور سيف و١٧٥ مليون هيكونوا في حساب الاستاذ محمد باذن الله

انور ، طب واحنا

المحامي ، للاسف مش هتورثوا حاجه بدال الانسه هنا رافضه الجواز لان لازم يكون جواز رسمي وبطيب خاطر منها 

سميه ،عجبك كده يا ست هانم اهي حياتنا كانت هتتغير للأحسن كنا هنحس لمره واحده أننا بني ادمين ربنا يسامحك يا شيخه ربنا يسامحك

حسام ، يعني مافيش امل خالص يا هنا مفيش امل اتجوز اللي بقالي سنتين خاطبها أما خللت جنبي مفيش امل

هنا ، طب انت عايزني اتجوز واحد مبطيقوش عشان تتجوز اللي بتحبها يا حسام يعني علي حسابي يا اخويا علي حسابي

حسام ، لا حسابك ولا حسابي خلاص يا هنا ياللا نرجع للفقر تاني يا اختي ياللا 

انور ، خلاص يا حبيبتي محدش هيرغمق علي حاجه انتي حره بدالك مش موافقه خلاص انتي حره ياللا بينا يا حبيبتي

سميه ، يعني كده خلاص يا انور

انور ، خلاص يا سميه

المحامي ، يعني رفضتم العرض بتاع الجواز

انور ، للاسف

هنا ، موافقه

انور بفرحه ، ايه

هنا ، خلاص يا بابا موافقه اتجوز البني ادم ده

المحامي ، جواز حقيقي ولو شكيت فيكم انكم بتلعبوا بيا للاسف ملكمش حق في جنيه واحد

هنا ، موافقه 

المحامي،

• تابع الفصل التالي عبر الرابط: "رواية تلاتين يوم جواز" اضغط على أسم الرواية