رواية فجر جديد الفصل الثاني 2 - بقلم إيمــــان
* رواية فجر جديد الفصل الثاني
مر على زيارة رفعت لشوقى اسبوعان وهو منهمك فى عمله وبعض الزيارات العائلية لشقيقتية وفى يوم وهو جالس يتناول الغداء فى منزله تذكره فجأة والجلسة العائلية اللطيفة التى قضاها معه هو وأسرته فقرر ان يذهب اليه ليزوره للاطمئنان عليه وطمعا فى جلسة عائلية ظريفة نتيجة خفة دم عم شوقى وزوجته
اتصل رفعت بشوقى ليخبره بزيارته فقال شوقى على الفور
يااااه يا رفعت بيه هو انت محتاج استأذان دا بيتك تشرفنى زيارتك فى اى وقت انا فى انتظارك
وصل رفعت لمنزل شوقى ومعه بعض الهدايا البسيطة لاسرته
ليه بس كده يابنى ايه كل ده
فرد رفعت دا مش عشانك أساسا دا لياسر وآسر هم فين
فقال شوقى ضاحكا الاستاذ ياسر وآسر مش عارف وشوشو خالتهم كده قامت وخداهم على المطبخ اكيد دبسوها فى صنف حلو من
الاصناف اللى بتعملهلهم
عمو رفعت ازيك
لسه كنت بسأل عليكم يلا كل واحد ياخد لعبته ويجربها
أخذ الاولاد اللعب وهم فى غاية الفرح وانطلقوا الى غرفتهم ليجربوهم
قال شوقى : شوف يا خويا العيال ولا شكروك ولا حاجة وخدو اللعب وجريوا
ضحك رفعت وقال: ربنا يخليهم ليك يارب وتفرح بيهم
يارب يارفعت بيه ما انت عارف ان دول اللى طلعت بيهم من الدنيا بعد سنين جرى وراى الخلفة بس عيال عفريت طلعين ل..... لا ولا بلاش لحسن تسمعنى
وانفجر فى الضحك
قهقه رفعت عاليا ومال علي اذن شوقى وقال :اه بلاش لحسن انت مش ناقص كسر تانى
وانفجر الاثنان فى الضحك وفى هذه الاثناء دخلت عليهم ندى شقيقة زوجة شوقى الصغرى و هى تحمل صينية عليها اطباق من الكريم كراميل
فصاح شوقى : اهى دى بقه ندى يا رفعت بيه اللى مغلبنها معاهم دايما آسر وياسر
لا تعب ولا حاجة يا أبيه شوقى دول حابيبى
واستدارت لتناول رفعت طبق الكريم كراميل فتناوله منها وهو يقول : تشرفنا يا ندى هانم وتسلم ايدك على الغدوة الجميلة بتاعت المرة اللى فاتت
فقال شوقى على الفور : اه بمناسبة الغدوة بقه انت حتتعشى معانا انهاردة
لا يا عم شوقى انت عاوز ندى هانم تقول عليا طفس بقه ولا أيه
لا بجد حتتعشى يعنى حتتعشى ولا اندهلك الحكومة
لالا بلاش ام ياسر الله يكرمك
وكانت ندى قد غادرت الغرفة فقال له رفعت بصوت خافت : بس قولى مين اللى حيعمل العشى
فقال شوقى على الفور : لا ما تخافش ندى طبعا
وضحكا الاثنان بصوت عالى مما دفع بأم ياسر للدخول عليهم وهى تقول خير يارب تفضلوا مبسوطين كده على طول
فرد شوقى: طول ما حسك فى الدنيا حفضل مبسوط على طول يا ام العيال ربنا ما يحرمنى منك
فردت بدلال شوووقى فتنحنح رفعت وقال مداعبا : طب اقوم انا امشى لحسن كده انا عزول
فضحك الثلاثة
وفى هذة الاثناء دخلت ندى لتخبرهم بأنها قد جهزت العشا فقام الجميع وتوجهوا لغرفة السفرة لتناول العشاء
ومثل المرة السابقة اكل رفعت بشهية مفتوحة بسبب الضحك بين عم شوقى وزوجته والاولاد وجمال الاكل نفسه وبعد العشاء تناولوا الشاى سويا وبعدها قرر رفعت الانصراف
كان رفعت فى اثناء عودته من زيارة شوقى فى غاية السعادة مثل المرة السابقة ولكن ذاد عليه فى هذة المرة شىء غريب لا يدرى لماذا لا تفارقه صورة هذه المرأة ندى
* يتـبـــــــــــــــــــــــع الفصل الثالث اضغــــــــط هنا
* الفهرس يحتوي على جميع فصول الرواية " رواية فجر جديد " اضغط على اسم الرواية