رواية فجر جديد الفصل الحادي والثلاثون 31 والأخير - بقلم إيمــــان

 رواية فجر جديد الفصل الحادي والثلاثون 31 والأخير - بقلم إيمــــان

* رواية فجر جديد الفصل الحادي والثلاثون

وفى الوقت المحدد ذهب شادى ورفعت لمكان كتب الكتاب لإنتظار العروستين وصلت ريهام عروس شادى وأهلها اولا مما زاد من توتر رفعت الا ان شوقى أخذ فى تهدئته وما هى الا دقائق قليلة من وصول ريهام حتى سمع رفعت اصوات كلاكسات سيارت ليجدها سيارة أدهم تليها سيارة رأفت فتحرك سريعا نحوهم وبمجرد نزول نادرة من السيارة سألها بلهفه 

فين ندى

فأمسكت بيده فتحرك معها دون شعور ففتحت الباب الخلفى قائله تفضلى ايتها الملكة فنزلت على الفور أحلى عروس بفستانها الفضى المطرز وإيشارب من نفس اللون ومزينه بأرق ماكياج مما أطار عقل وقلب رفعت فوقف ينظر لها دون ان يشعر بمن حوله وكأن الدنيا كلها قد خلت من كل شىء عداها

شهيرة : اايه ياعم هو مفيش كتب كتاب ولا ايه

رفعت بفزع : يخربيت برودك ضيعتى عليا اللحظة الحلوة ماشى ياشهيرة تقل  فى حسابك كمان

شهيرة : مش مهم مش مهم يلا بس نكتب الكتاب وبعدين نبقه نشوف موضوعنا

توجه لها رفعت قائلا بإبتسامة عذبة : حتحطى إيدك فى إيدى ولا بعد كتب الكتاب

ندى وبدون كلمه وضعت يدها فى يده ودخلا القاعة وهما مثل الامير وأميرته الذى ظل يبحث عنها طوال عمره واليوم فقط سيجتمع شملهما وللابد

وبعد انتهاء كتب الكتاب قال شادى

يلا بينا بقه انا محضر لكم حتت سهرة انما أيه

فتوجه الجميع معه الى أحد الاماكن المطلة على البحر وقضوا معا وقت ممتع للغاية ثم سلمت ريهام على ندى بعد ان اصبحا ومن اول جلسة اصدقاء ثم أخذ رفعت ندى الى البيت

وبمجرد دخولهم الفيلا تفاجأ بالورود منثورة فى كل مكان وكم من البالونات يملاء ريسبشن الفيلا فرحت ندى جدا ومعها رفعت ثم قال

اه عشان كده بقه اعتذروا كلهم عن حضور كتب الكتاب كانوا بيحضروا المفاجأة الحلوة دى

ندى : ربنا يخليهم ليا يارب حبايب قلبى

رفعت بغيظ : هما مين دول

ايه دادة سيدة وعم مسعود وعم درويش وعم راشد

الله الله ياست هانم طب سيدة وماشى لكن تقوليلى عم مش عارف مين ومين لاااااا مفيش راجل يبقه حبيب قلبك غيرى انتى فهمه

ندى بضحك: خلاص خلاص مش حعمل كده تانى يلا بقه انا حطلع انام لحسن هلكت 

وصعدت على الفور الدرج ، فنطلق رفعت على إثرها وامسكها من ذراعها قبل ان تدخل غرفتها

يسلام دخله تنامى من غير ما احسبك على اللى عملتيه فيا انهاردة والقلق اللى كنت فيه طول النهار

رفعت ربنا يخليك انا مبسوطة وفرحانه وطيرة من الفرح كمان اجل اى حاجة فيها زعل ليوم تانى وسبنى انام مبسوطة

فتراجع عن موقفة حتى لا يضيع فرحتها ثم قال : طب بلاش دى مش المفروض قبل ما تدخلى تنامى تقوليلى تصبح على خير يا حبيبى

فقالت بسعادة : تصبح على خير ياجوزى يا حبيبى

فقترب رفعت منها قائلا : ايه ما سمعتش قولى كده تانى

فقتربت من اذنه قائلة بصوت فى منتهى النعومه تصبح على خير يا جوزى يا حبيبى

فلم يمهلها لتبتعد عنه وجذبها الى صدرة وأحكم قبضته حول خصرها

فقالت بفزع : رفعت ايه فى ايه سبنى

ايه قولتى مش حتلمسنى الا بعد كتب الكتاب والكتاب انكتب وخلاص مفيش حاجة بعد كده تمنعنى من اللى نفسى فيه وحموت عليه من اول ما قولت بحبك وانقض على شفتيها وغاب الاثنان عن وعيهما الى ان شعرت بارتخاء قبضته فدفعته بعيدا عنها وانطلقت باقصى سرعة داخل غرفتها واغلقت علي نفسها بالمفتاح

كده يا ندى كده انتى بقيتى مراتى خلاص

فأجابته من خلف الباب وهى تحاول ان تهدء لسه بعد الفرح يلا روح نام وسبنى انام انا كمان

لم يجد رفعت حيلة فذهب الى غرفة نادرة لينام فحجرته لزالت تحت التجهيز استعدادا ليوم الزفاف

ابدل رفعت ملابسه وتمدد فى فراشه لينام ولكنه لم يستطع بعد ما حدث بينهما للتو فأخذ يحادث نفسه

لالا انا لسه حستنى أسبوع كمان لا انا مش قادر بجد

كانت قد بدءت تستغرق فى النوم عندما شعرت بطرقات خفيفة على باب غرفتها تبعها صوت رفعت وهو يصيح بسمها بصوت واهن ضعيف ففزعت من نومها وانطلقت تفتح الباب على الفور لتجده ساندا رأسه على جانب الباب 

رفعت مالك فى ايه انت تعبان ولا أيه 

فقال بصوت يخرج منه بصعوبة : ايوة تعبان اوى اوى يا ندى

طب تعالى ارتاح فى سريرك وانا حطلب الدكتور فورا

سندته هى الى غرفته وبمجرد ان خطت اول خطوة داخل الغرفة دفعها رفعت الى الداخل واغلق الباب بالمفتاح والقاه فوق الدولاب

كل هذا وهى فى ذهول مما حدث الى ان رأته يتحرك نحوها فاندفعت هى على الفور تجاه الباب تحاول فتحه فطوقها بذراعية فلتفتت له تقول بعصبيه : رفعت من فضلك افتح الباب

مش فاتح انتى مراتى وحلالى

رفعت احنا فرحنا كمان كام يوم بس استحملهم عشان خاطرى

مش مستحمل مش قادر استحمل مش عاوز استحمل انا خلاص مصدقت تبقى بين ايديا ومش حتخرجى من هنا الا وانتى مراتى رسمى فهمى نظمى ندى انتى قصيرة أوى كده ليه

فقالت وهى ترفع رأسها اليه : أنا مش قصيرة أنت اللى طويل عل-------

فقاطعها ملتهما شفاهها . وانتهى كل شىء

الله أكبر                         الله أكبر

استيقظ رفعت على صوت اذان الفجر وكان يرجو الا يكون ما رأه وما حدث مجرد حلم وأخذ قلبه ينبض بشدة ولم يهدء الا عندما وجدها نائمة بين 

يديه فحمد الله وشكره على هذه النعمه ثم اخذ يتأملها قليلا وأقترب منها مقبلا جبهتها فستيقظت فزعة لتقول 

ايه ده هو مكنش حلم

يا ساتر يارب مفيش صباح الخير ياحبيبى صبحية مباركة يا عريس  اى حاجة حلوة كده ع الصبح

لا مفيش

انتى زعلانه بجد انه مطلعش حلم ندى انتى مكنتيش عوزانى اقربلك

ايوة كنت عوزة اول لمسة تبقه ليلة فرحنا

رد بعصبية بالغة : ماقدرتش حرام عليكى ارحمينى بحبك من سنة ومش قادر اتكلم ويوم لما قولت بحبك اصدرتى عليا احكام مشددة لحد لما تبقى مراتى قوم لما تبقى مراتى على سنة الله ورسوله وبعد ما حضرتك طلعالى كده بشعرك الاسود الناعم ده وقميص نوم بينك وعوزة تفلتى منى ياسنة سوخه ياولاد

انا غلطانه انى اتخضيت عليك وفتحتلك يا رخم

رخم وبطولى لسانك عليا فى الصبحية انتى عارفة انا ممكن اعمل فيكى ايه دلوقتى

لف ذراعه حول خصرها واعتصرها فى صدره

رفعت خلاص خلاص سبنى

فأغمض عينيه وغاب معها فى قبله طويلة ثم فاجأة دفعها بعيدا عنه قائلا : يلا ياختى الفجر حيروح علينا فى اول يوم جواز 

وبعد ان فرغ من الصلاة جلس مثل كل يوم يدعو الى ان وصل لهيام والدعاء لها مثل كل يوم فلم يقدر فلتفت ينظر لندى فى صمت فقطعت دعاءها وقالت 

ايه يارفعت فى حاجة ولا ايه

ندى انا كل يوم بعد صلاة الفجر بقعد شوية كده ادعى لنفسى ولوالدى وولدتى الله يرحمهم وكمان بدعى لهيام ووالدها بس انهاردة

وقبل ان يكمل قالت : طب وفيها ايه دى يارفعت ما تدعلهم عادى يعنى

فأخذ رأسها بين يديه وقبلها وهم بأن ينزل الى شفتيها فدفعته وقالت : كمل دعا يا رفعت كمل كمل

ما تقومى ياختى تقلعى الاسدال ده ولا انتى مولوده بيه ولا ايه فى يومك ده

رفعت انت مستأوى عليا اوى انهاردة

فدفعها الى الخلف فتمددت على الارض مكانها ثم تمدد هو جوارها وقال: ايه مش عجبك

فأغمضت عينيها وقالت باستكانة شديدة : عجبنى اوى اوى 

فهمس فى أذنها بحبك بحبك يا ندى

مر الاسبوع سريعا وجاءت ليلة الزفاف وسط فرح الجميع الكبار والصغار

اتجه بها رفعت الى غرفتهما ففتح الباب ثم اتجه اليها وحملها لتصرخ هى 

نزلنى يا رفعت نزلنى العملية ياحبيبى 

لم يسمع لها وسار بها الى الفراش فوضعها بهدووء وتمدد بجوارها

الف مبروك يا عروستى يا قمر

الله ييارك لى فيك ويخليك ليا ولا يحرمنى منك يا ياقلبى وروحى وعنيه

ياسنة سوخة ياولاد انا كده ضعت

اقولك قلبى وروحى ترد كده

ما انا مش واخد منك على العسل اللى طالع من شفايفك ده طول عمرك بتحدفينى بالدبش 

ما كنتش جوزى لكن دلوقتى انت جوزى حبيبى 

فعلا حمار

هو مين ده

انا حمار وستين حمار كمان زى ما قال الواد شادى

رفعت ما تقولش كده

لا حقيقى انا كنت حارم نفسى من السعاده والحب ده كله دا انا كنت دافن نفسى بالحياة

خلاص بقه حننسى كل اللى فات ومن دلوقتى حنبدء صفحة جديدة

طب ما يلا بقه

يلا ايه

مش حتغيرى هدومك ونبدء الصفحة

يسلاااااام وهو انت يعنى كنت مستنى اليوم ده ما انت بدءت من أسبوع فات

الله مش انتى اللى لسه قايلة حننسى اللى فات ونبدء من جديد يلا بقه لحسن انا مستعجل ع الصفحة الجديدة دى

طب ما نقعد نتكلم سوى احسن 

ندااااا

خلاص خلاص حقوم اغير

يلا يا نودى اصحى يا حبى

سبنى انام شوية يارفعت

يلا بلاش كسل قومى عشان نفطر ونحضر الشنط

شنط . شنط ايه

شنط السفر

ايوة سفر ليه ولفين

حنروح الشالية بتاعى اللى فى العين السخنه انا وانتى وشادى وريهام هى دى المفاجأة اللى محضرهلكم 

يسلاااااام يعنى حنقعد كلنا فى شاليه واحد

ياذكية انا وانتى حنقعد فى الشاليه بتاعى وشادى ومراته حجزتلهم الشالية اللى جنبنا

اه كده ماشى عشان نبقه بحريتنا

ايوة انا عاوز حريتنا دى ع الاخر وضمها لصدره

رفعت رفعت يلا يا حبيبى عشان نحضر الشنط

ماتسبينى اخد حريتى الاول السفر لسه بكره

ولم ينقذها منه سوى طرقات سيدة على الباب وهى تقول يلا يا ولاد الفطار جاهز 

شوفت يلا بقه قوم وبطل دلع

ماشى يا سيدة مكنتش أخصم منك تلات سنين

قامت ندى وهى تضحك منه وارتدت الروب وفتحت لسيدة والتى اندفعت على الفور وضمتها وهى تقول الف الف مبروك يا عروسة ربنا يابنتى يسعدك العمر كله بجوزك يارب

لالا انا محدش يحضن مراتى غيرى 

فخجلت ندى : بس يارفعت

فندفعت سيدة وضمته هو الاخر وظلت تدعو له ودمعت عيناها

ليه كده يا سيدة بس

دى دموع الفرح يابنى انا كان نفسى من زمان اشوفك وانت مبسوط وفرحان كده والحمد لله عشت وشوفت اليوم ده ومش فاضل غير حاجة وحدة

رفعت : ايه تانى

اشيل عيلكوا 

ندى ان شاء الله ربنا كريم 

رفعت: طب ولما انتى عوزة عيال بتصحينى ليه

ندى بذهول رفعت انت بتقول ايه

ما انا عوزاك تفطر وتتغذى كده عشان العيال تطلع حلوين

 ندى : ايه يا دادة انتى كمان 

يلا يلا هتها وتعالوا افطرو

فى اليوم التالى انطلق العرسان الى العين السخنه لقضاء إسبوع عسل مع الشمس والبحر والجو الرائع وكان الجميع فى منتهى السعادة الى ان شعرت ندى فى اليوم قبل الاخير بتعب مفاجأ أثناء الجلوس معهم على الغداء وبرغم من انها اخفت عنهم الا ان رفعت قد شعر من ملامحها انها على غير ما يرام 

فأصر على ان يعود بها الى الشالية لتستريح فهو يعلم جيدا انها ستتحامل على نفسها حتى لا تفسد فرحة الجميع

وبعد ان غادرا قالت ريهام : شكله بيحبها اوى وبيخاف عليها

دا بيموت فيها انت مش كنتى معايا خطوة بخطوة وانا بدبسهم فى بعض

فضحكت وقالت : صحيح وانت كمان واضح انك بتحب رفعت اوى انا كنت مفكراها مجرد صحبية جامدة وخلاص لكن لما شفتكم بتتعملوا مع بعض حسيت انكم أخوات مش اصحاب وبس

انا ورفعت اصحاب من اعدادى متشابهين فى حاجات كتير وفهمين بعض كويس 

ربنا يخليكم لبعض يارب ولو انك كنت حتضيعه

اه تعرفى لو كان جراله حاجة فى الحدثة دى كنت روحت فيها الحمد لله انه قام بالسلامة

بعد الشر عليك يا حبيبى . ثم أكملت بمكر ولو انى يعنى حسه ان الدكاترة معلجوش الخبطة اللى فى دماغك صح 

بقه كده بقه الخبطة ماتعلجتش صح

فقامت هى تجرى الى الشااليه ومن وراءها شادى يستحلف لها 

طب والله ياريهام لوريكى تأثير الخبطة

مالك بس يا ندى حسه بأيه ياحببتى

مش عارفة يارفعت حسه جسمى مكسر كده ومعدتى وجعانى شكلى أخدت برد من السهر بليل ع البحر

قولتلك الف مرة الدنيا بتسقع بليل تقلى فى اللبس وخدى شال على كتفك مش بتسمعى الكلام

خلاص بقه كلها بكرة وحنرجع ما تحسس شادى وريهام بحاجة بلاش تبوظ فرحتهم

انا فى شادى وريهام دلوقتى ولا فيكى انتى

عاد الجميع بعد انتهاء اسبوع العسل وكانت سيدة تنتظر عودتهم بفارغ الصبر ولكنها انزعجت بشده عندما رأت رفعت ينزل من السيارة ويهرول الى ندى ليسندها فخرجت اليه على الفور لتسندها معه

ايه يابنى مالها ندى

مش عارف يا دادة من يومين وهى تعبانه

طب ما جبتهاش ورجعت ليه

رفضت الهانم وفضلت ماسكه نفسها عشان ما تنكدش على شادى ومراته

ندى بوهن : خلاص بقه ادينا رجعنا وان شاء الله حبقه كويسة . طلعينى اوضتى يا دادة

طيب حطلعك واحضرلك حاجة تاكليها دا انتى وشك اصفر 

رفعت : ايوة يا دادة ياريت دى فضلت ترجع طول السكه 

سيدة وبصوت منخفض: قوليلى انتى حاسه بأيه بالظبط

وصلينى سريرى ارتاح وبعدين حقولك كل حاجة

صعدت بها الى غرفتها وجعلتها تتمدد فى فراشها وترتاح تماما 

هااا قوليلى انتى حاسه بأيه

انا من يومين حاسه كده بجسمى مكسر وبحس بدوخة وانهاردة مش طايقة ريحة الاكل وكل لما باكل حاجة برجع . دا برد فى معدتى يا دادة صح

ابتسمت سيدة ابتسامة عريضة وهى تقول حقولك ده ايه بس لما نعمل حاجة كده تخلينى اتأكد

حاجة ايه؟؟؟؟ 

ارتاحى انتى بس ع الاخر

لم يمضى كثيرا من الوقت حتى فوجئ رفعت وندى بسيدة تدخل عليهم ومعها أنسة صغير السن فأشارت لها سيدة على ندى قائلة : التحليل للمدام

فأمرت ندى بالكشف عن ذراعها وأخذت منها عينة من الدم وقبل ان تنصرف أخبرت سيدة انها ستتصل بها على رقمها التى طلبتها منه لتخبرها بالنتيجة فور تأكدها منها وانها لن تستغرق كثيرا من الوقت ثم انصرفت

رفعت : ايه يادادة مين دى وليه اخدت دم من ندى

لا يابنى مفيش حاجة دا تحليل كده عشان نطمن على صحتها

ثم غادرتهم ونزلت تنتظر مكالمة المعمل . مرت ساعة ووجدت سيدة الهاتف يرن فأجابت على الفور أيوة أنا كده طيب

انطلقت تصعد السلم فى سرعة شديدة وبمجرد ان دخلت عليهم اخذت تحتضن ندى وتقبلها وهى تقول الف الف مبروك يا حببتى ربنا يتمم لك على خير وتقومى لينا بالسلامة

كل هذا وسط دهشة رفعت وندى مما يحدث

رفعت: فى ايه يا سيدة ايه اللى حصل 

كل ده وما فهمتش انك حتبقه اب

ايه بجد قولى والله طب طب عرفتى ازاى ومنين

والله وبجد وعرفت من الاختبار اللى عملتهولها هو انا بلعب ولا ايه

اه منك يا أروبه

كل هذا وندى فى عالم اخر ولا تدرى بشىء والدموع تنساب على وجنتيها

ايه ده انتى بتعيطى يابنتى دى بتقولك حبقه اب وانتى ام

ندى بصوت متقطع الحمد لله الحمد لله عارف يارفعت كنت خايفة اوى لحسن اتحرم من نعمة الاولاد بسبب انى كنت منعه نفسى من انى اخلف من شاكر لكن ربنا طلع كريم اوى

الحمد لله يا ندى ربنا كريم وعاوز يجبر بخاطرى وخاطرك بعد كل العذاب اللى اتعذبنه

واهو كمان عشان سيدة تبقة جدة وتبطل يجلها عرسان

فضحكت ندى رغم المها عن اخرها  . واخذت سيدة  تبكى

رفعت : يا سنة سوخة يا ولاد هو انا اسكت وحدة تعيط التانية فى ايه يا سيدة

صحيح بتعتبرنى جدة ولادك يا رفعت بيه

امال يا سيدة دا انتى والله معزتك عندى من معزة امى وطول عمرى بتعامل معاكى على الاساس ده ولا انتى بقه حاسه غير كده

حاشة لله يابنى انت طول عمرك بتتعامل معايا وكل اللى فى البيت بكل حب واحترام وعمرك فى حياتك ما زعلت حد فينا

رفعت وهو يأخذها فى حضنه : بس انت حاجة تانية يا جميل واخذ يمسح دموعها بيده

فتصنعت ندى البكاء وقالت بصوت طفولى : لاء لاء مليش دعوة ما تخدش حد فى حضنك غيرى

فأخرج لها لسانه وأخذ يغيظها 

كده يارفعت كده طيب بكرة اخد عيالى فى حضنى ومش حعبرك

حلنى بقه لسه تسع تشهر 

بكرة يجروا بسرعة وأغيظك انا كمان

بس بقه يا ولاد حتموتونى من الضحك عليكوا يلا حنزل احضرلك اكلة حلوة ترم جسمك كده وإغصبى على نفسك وكلى عشان تقدرى تصلبى حيلك وتكملى على خير ماشى

ندى : حاضر

رفعت : تعالى ياحبيبى فى حضنى

ندى : ابعد عنى مش كنت لسه بتغظنى

انا مش بقولك انتى انا بكلم ابنى

يسلااااااام

وحياة عبد السلام

انت عاوز ولد يا رفعت

واد بنت كله حلو المهم ابقه بابا وابوس واحضن واعفص والعب بقه معاهم واتنطط

الراجل لسع من اول عيل

بقه كده يا أم تفيدة

ينهار ابيض ندى تخلف تفيدة

مش لسعت بقه يا عقلة  . يالهووووى دا فى حاجة مهمه نسينها

ايه؟؟؟

البنات شهيرة ونادرة نكلمهم ونقولهم اننا رجعنا ونقول لهم الخبر الحلو ده

بدء رفعت يتردد مع ندى على الطبيب لمتابعة حملها ليتفاجأ الاثنان بأنها حامل فى توأم 

يا فرحتك يا سيدة وهناكى

خير يابنى فى ايه طلعوا اتنين مش واحد

بجد يابنى توأم ربنا يجبهم بالسلامة ويحفظلك امهم

رفعت : يارب يادادة يارب يحفظ لى امهم نور عينى

ندى بخجل: ايه ده مش دى كلمه باباك لمامتك انت بتغش 

ايوة بغش عندك مانع

ابدا ياريت نكون زيهم كده فى حبهم لبعض دا من يوم ما حكيت لى عنهم وانا كان نفسى لوولدك كان عايش عشان اتجوزه

ينهارك مش فايت تتجوزى ابويا طب وانا

ماخلاص بقه ممنوش فايدة الراجل الله يرحمه وادبست فيك والسلام

ادبستى فيا كده طب انا زعلان

لالا ما تزعلش انا بهزر معاك

لالا بجد زعلت خلاص ولو عوزة تصلحينى بوسينى 

دا انت بتتلكك بقه

اى والله بتلكك

مرت الشهور سريعا وأصبحت ندى وريهام والتى كانت هى الاخرى حامل فى أواخر الشهر الثامن ولان ندى كانت حامل فى توأم فكانت بطنها كبيرة بشكل مبالغ فيه

ندى فين يا دادة عاوز افطر بسرعة عشان اروح الشركة عندى شغل مهم

طب ما تفطر وهى سبها تنزل على مهلها

انتى عرفة انى مش بعرف اكل من غيرها

ربنا يخليكم لبعض اهى ندى جت افطر بقه

ايه ده يا ناس الفيلة بتعتى وصلت

ندى بغضب: انا فيلة يا رفعت طب مش فطرة معاك

اعملك ايه ما انتى بقيتى مكعبرة ومكببه كده زى الفيل بالظبط وأخذ يضحك ويغيظها

شايفة يا دادة بيتريق على ازاى عشان الحمل خلانى تخنط شوية

شوية حرام عليكى يا شيخة دا انا مش عارف انام جنبك فى السرير

فقالت بعصبية: كده طب خلاص هو شهر اللى فاضل حروح اقضية عند أبيه شوقى عشان تنام برحتك فى السرير

فرد بغضب : ايه انتى بتقولى ايه سمعينى كده تانى

فتدخلت سيدة على الفور : ايه بس يا ولاد فى ايه هو انتى مش وخده على معاكست رفعت ليكى ياندى واد ايه بيحب يغيظك

سبيها يا دادة سبيها تدلع لكن الكلمة اللى قلتها دى انا مش حعديها بالساهل يلا سلام انا ماشى

عجبك كده اهو زعل ومشى من غير فطار

طب انا مش عوزاة يمشى زعلان منى يا دادة انا مش بستحمل زعله

طب هو لسه مركبش عربيته انا حجرى اقوله انك تعبتى وانتى امسكى بطنك وعليكى الباقى بقة

طب بسرعة يادادة بسرعة قبل ما يمشى

الحقنى يا رفعت الحقنى

رفعت بفزع: ايه يا دادة فى ايه

ندى ندى مسكه بطنها وبتصرخ

اندفع عائدا للداخل على الفور فوجدها تستند على السلم وتمسك بطنها وتتوجع بشدة

ندى فى ايه حاسه بايه ومال عليها يسندها بيد ويده الاخرى على بطنها فأصبح وجهه قريبا منها فقبلته من وجنته وقالت حاسه انى مش عوزاك تمشى وانت زعلان منى

حسبى الله ونعم الوكيل فيكم طب والله كان قلبى حيوقف

قالت بدلع : بعد الشر عليك يا حبيبى

ما تحوليش لسه زعلان عالله اسمعك تقولى اطلع من بيتى دى تانى واروح اقعد عند اى حد ايا كان 

فأجابته بضعف شديد : سامحنى أخر مرة مش حعمل كده تانى

ينهار مش فايت يابت عندى شغل مهم انهارده وكده مش حخرج مالبيت

فهمست له بحبك يارفعت بحبك

طب وربنا ما انا خارج تعالى اطلعك ي----

يا أيه؟؟؟

لالا مش حقولك يا فلتى عشان ما تزعليش انا مقدرش على زعلك أنتى يا روح قلبى دبتى

رفعت

ياعيون قلب روح اللى جابو رفعت

فى المستشفى امام حجرة العمليات وقف رفعت وسيدة وشوقى ونبيلة ونادرة وشهيرة ينتظرون خروج ندى مع اطفالها ومعهم شادى وريهام والتى شعرت بتعب شديد فاتجه بها ومعه نادرة وشوقى للطبيب والذى قرر ان تلد هى الاخرى وفورا

خرجت ندى واطفالها بنت وولد مثل القمر وصعد معها لغرفتها الحريم فيما انتظر رفعت وشوقى مع شادى خروج زوجته هو الاخر 

رفعت : سبحان الله شوف تدبير ربنا نعمل فرحنا فى يوم واحد ومرتتنا تولد فى يوم واحد

شادى : الحمد لله رب العالمين اسمع بقه البت للواد انت فاهم

رفعت : بت ايه وواد مين

انت مش جالك واد وبت البت لابنى

شوقى : ايه يا استاذ شادى احنا فى الصعيد ولا ايه

شادى : ايوة يا عم شوقى هو حضرتك ما تعرفش انى اصولى صعيدية ولا ايه وشوية كده ونجيب بنت وناخد الواد للبت 

شوقى : كمان طيب على بركة الله 

رفعت: يابنى انت فى ايه ولا فى ايه دلوقتى مراتك بتولد وانت واقف تهزر وتحجز الولاد مش حتكبر وتعقل بقه

شادى وبكل برود : لاء

هاااا ياست ندى حنسمى القمرين دول ايه حازم ودهب مش دول اللى اخترناهم سوى 

خلاص ياستى ماشى والواد شادى سمى ابنه رامى

حلو اوى يارفعت 

ربنا يحفظهم كلهم

                                         تمت

* الفهرس يحتوي على جميع فصول الرواية " رواية فجر جديد " اضغط على اسم الرواية