رواية مرت أعوام الفصل الرابع والثلاثون بقلم نهلة جمال
رواية مرت أعوام الفصل الرابع والثلاثون
< بعد مرور عشر شهور وفي يوم زفاف جيمي وغنوه
كانت القاعه مكتظه بالحضور والموسيقى تنبعث في ارجاء القاعه وكانت فريده وشفق وفؤاد وهشام يجلسون على طاوله واحده ، كانت شفق بطنها منتفخه اثر الحمل وفريده تحمل طفلها الاول " ياسين" ❤ وهي تقول : ايه يا قلب ماما بردان ؟ التكييفات مبرداك ؟
هشام : امسكيه عدل عشان راسه مش لعبه هو
مد هشام يده يداعب ياسين وهو يقول : بس بخدود شبهي ازاي
فريده وهي تنظر لياسين : فشرت عينك دا شبه مامته انت معندكش خدود اساسا
هشام : وايه يعني لو شبه مامته حد يطول يبقى عنده ابن زي القمر كدا
فريده وهي تقول بخجل : بس عيب شفق وفؤاد قاعدين
نظر هشام لفؤاد الذي يضع رأسه على بطن شفق وهو يقول : دول اسوء مننا صدقيني ، هاتي ياسين كدا ثواني
فريده : لا صورنا سيلفي الاول
امسك هشام بهاتفه والتقط صوره
<< عند فؤاد وشفق
شفق : بس بقى بطني بتوجعني البيبي اصلا بيفرك مش هيبقى هو وابوه
فؤاد : انا سامعه بيتحرك والله
شفق : هههههههه ايوا طبعا بس ابعد بقى
هشام وهو يقول : ايه دا غنوه وجيمي اهم
دخلوا القاعه سويا وهم ممسكين بيد بعضهم البعض
جيمي : ايه يا حبيبي عجبتك القاعه
غنوه : اووووووي ربنا يخليك ليا بس في حاجه
جيمي وهو يجلس ويجلسها على كرسي العروس : ايه هي
غنوه وهي تقرب وتهمس : مش عامل بوفيه حلويات خالص ؟
جيمي : احم بعدين يا غنوه بعدين يا حبيبتي هييجي تورته اربع ادوار دلوقتي
غنوه : واشمعنا هشام عمل لفريده خمسه وانا لا ، شايف الترابيزات بتاعت فرحنا ؟
جيمي : متغطيه بمفارش بيضا ف انا ليه مش بغطيكي بمفرش ابيض
غنوه : المفارش مش متزينه بورد زي مفارش فرح فريده
جيمي : هاتي ايدك ابوسها ، ابوس ايدك بطلي نقص بقى
الدي جي : عريسنا ياخد عروسته لاول رقصه سلو يلااا
جيمي : يلا يا بيبي
غنوه : مش أرم عضمي بحتتين جاتوه ولا حاجه عشان اعرف اتعفرت
جيمي : اتعفرت ! انا لسه مدخلتش عليكي متخلنيش اطلقك
قامت غنوه معه ورقصوا ثم حملها ودار بها سريعا
غنوه : يالهوووي الحقوني يا ناس هتكفي على وشي
أنزلها جيمي واكملوا الرقص وهو يقول : انا ليه حاسس اني اتجوزت خالتي فرنسا يارب صبرني
نظرت له غنوه برومانسيه وهي تقول : عارف اكتر حاجه نفسي فيها ايه يا حبيبي
جيمي بحب : ايه يا روح حبيبك
غنوه : نفسي يجيبوا التورته دلوقتي عشان جعاانه
جيمي : يسراااااج بيييه
غنوه بضحك : هههههه بهزر والله بحبك اووووي
جيمي وهو يحتضنها ويحملها ويدور بها مره اخرى : وانا بعشق امك
لوحت غنوه لشفق وفريده ف لوحوا لها
بينما شفق تلوح لغنوه شعرت بألم في معدتها : اااااااااه
فؤاد : في ايه !!
شفق : اسعااف هات اسعااف بسرررعااه همووت
فؤاد : انتي ف اول التاسع هتولدي دلوقتي !
شفق : اتحررك بسرعه
إنتهى الفرح وذهب فؤاد بشفق الى المشفى ف خرجت فريده ك طبيبه وهي تقول : مبروك يا فؤش جالك بنوته صغننه كدا عسل
فؤاد : بتتكلمي جد !! هي فين !
فريده : في الحضانه بيغيرولها ويرضعوها
فؤاد : شفق عامله ايه !!
فريده : مجهده بس من الولاده ادخل قولها كلمتين حلوين بقى
دخل فؤاد ف اقترب هشام من فريده وهو يحمل ياسين ويقول : انا فاكر اليوم دا كان في ناس عضت الدكتور اللي بيولدها
فريده : يا سيدي كل حاجه فدا ياسين حبيب مامي ، روح هات العربيه عشان عايزه اروح ارتاح شويه
ذهب هشام
<< داخل غرفة شفق بالمشفى
اقترب فؤاد من فراشها وهو يقول : حمد الله ع السلامه يا حبيبي
شفق بإرهاق وابتسامه : الله يسلمك يا قلبي ، البيبي صحته كويسه ؟
فؤاد : قصدك البنوته
شفق بانبهار : انا جبت بنوته! كان نفسي ولد عشان اسميه باسم ع اسم اخويا
فؤاد : نجيب تاني مره واتنين وتلاته
شفق : بحبك اوي ربنا يديمك
فؤاد : جبتلك هديه اهو مدخلها المستشفى بالعافيه والله حاجه زي التهريب
شفق : ايه هي ؟
فؤاد اخرج علبه مغلقه فتحها امام شفق وما ان رأتها حتى ضحكت : هههههههههه تاني زيتون مش كفايه كنت بتوحم عليه
فؤاد : ع فكرا يا هانم دا مستورد مش اي كلام
أمسكت شفق يده وقبلتها ف اقترب منها وقبل رأسها وهو يقول : ربنا يخليكي ليا انتي ونور
شفق : نور!
فؤاد : هسميها نور لان شفق معناه جمال السما لما الشمس تبتدي تغيب ونور هي نور الشمس اللي بينور يومنا وهي نورت حياتنا فعلا
ظل ممسك بيدها وينظر اليهاا بحب الى أن جائت فريده وهي تقول : مرضتش اروح قبل ما تشوفو البنوته
حملتها شفق وهي تضع يدها على فمها وتبكي ونظر فؤاد اليها وقال : بتتشال ازاي دي انا خايف تتكسر ف ايدي
ضحك ثلاثتهم في سعاده
يتبع الفصل الخامس والثلاثون والأخير اضغط هنا
- الفهرس يحتوي على جميع فصول الرواية كاملة :"رواية مرت أعوام" اضغط على اسم الرواية