رواية ويشاء القدر الفصل الرابع والثلاثون بقلم أية محمد
رواية ويشاء القدر الفصل الرابع والثلاثون
ياسمين هتهدا .
أحمد : عيطتي ليه نفسي افهم ؟
ياسمين : غصب عني .
أحمد : ماشي يستي ، المهم مش ناويه بقي و لا اي و يغمزلها
ياسمين : مش ناويه اي ؟
أحمد : نحدد ميعاد فرحنا بقي .
ياسمين : بس انا مش عايزة اتجوز غير لما اخلص جامعه
أحمد بزعيق : نعم يختي .
ياسمين : ايي ؟
أحمد : اومال خلتينا نكتب الكتاب بدري ليه
ياسمين بزعيق : انت هتستعبط ، انت اللي كنت مستعجل .
أحمد : انا اسف ، نسيت .
ياسمين : و الله .
أحمد : خلاص بقى .
و هياخدها في حضنه .
أحمد : اي رايك بعد ما تخلصي امتحانات .
ياسمين : هشوف كدا .
أحمد : تشوفي اي ؟ بصي انتي تخلصي امتحانات و نعمل الفرح بعدها علي طول و دا آخر كلام عندي .
ياسمين : طيب ، اللي تشوفه .
أحمد : اللي اشوفه ماشي يستي .
ياسمين : بقولك اي ؟
أحمد : ايي ؟
ياسمين : هتلبس اي في الخطوبه ؟
أحمد : ماجد رايح القاهره بكرا و هيجيبلي بدله معاه من هناك .
ياسمين : اممم ، عمرو هيعمل الخطوبه فين ؟
أحمد : هيعملها في قاعه في الشرقيه عشان أهل ساجدة .
ياسمين : و ساجدة عرفت ؟
أحمد : لا لسه عمرو هيقولها .
ياسمين : ابقي قابلني .
أحمد : اشمعنا ؟
ياسمين : ساجدة فرحانه إنها خلاص هتتجوز عشان تبعد عن بلدها يوم ما تيجي تعمل خطوبتها تتعمل في بلدها .
أحمد : ايي السبب؟
ساجدة : مشاكل ، شباب من البلد بيضيقوها و كلهم بيضايقوها و اللي حاول يعتدي عليها و حاجات كدا يعني .
أحمد : اممم ، عمرو حجز القاعه خلاص .
ياسمين : ربنا يستر .
أحمد : المهم ، انا خارج بكرا بدري فـ بعد اذنك صحيني بدري .
ياسمين : رايح فين ؟
أحمد : هتعرفي لما ارجع انا هدخل انا بقي يلا تصبحي علي خير .
ياسمين : استني طيب .
أحمد : تصبحي علي خير
أحمد هيدخل الاوضه و يسيبها .
_______________________
تمر الأيام و يجي يوم خطوبه ساجدة و عمرو
هتكون في القاعه اللي عمرو حجزها و البنات كلهم هيروحوا بيت ساجدة و هيقعدوا معاها هناك ، أهل ياسمين هيحضروا و أهل أيه هيكونوا نزلوا من دبي و هيحضروا و أهل تاليا كمان هيحضروا عشان علي قرر إنو يتقدملها في الخطوبه بما ان تاليا مش راضيه تحدد ميعاد مع أهلها و رفعت و الدكتور محمد و هديل و رضوي هيحضروا .
_______________________
في بيت ساجدة كلهم بيجهزوا نفسهم .
تاليا : ما تخلصي بقي ي بنتي اتاخرنا .
ساجدة بزعيق : متوترنيش اكتر ما انا متوتره عشان مجيش اجيبك من شعرك .
تاليا : خلاص اهدي مش كدا .
ياسمين : دا وقته يعني ، انا راحه لـ بابا و ماما و راجعلكوا .
ياسمين هتخرج من الاوضه و تطلع لـ باباها و مامتها .
ياسمين : اهلا بالحلوين .
محمد : اهلا ي بنتي طمنيني انتي عامله اي .
ياسمين : انا كويسه يحبيبي الحمدلله .
رغدة : امته اشوفك بالابيض و نفرح بيكي .
ياسمين : هانت يحبيبتي .
محمد : الواد عامل اي معاك .
ياسمين : متقلقش يعم انا مسيطره .
محمد : اهو دا اللي بيقلقني .
ياسمين : شايفه جوزك يحجه .
رغدة : جوزي ؟ و حجه ؟ اي الألفاظ دي .
ياسمين : عدي عدي ، اومال فين شروق .
محمد : انتي عارفه امتحانتها داخله علي ابواب .
ياسمين : اه ربنا معاها يارب و تحقق اللي بتتمناه .
رغده : يارب ، اومال فين أحمد صحيح ؟
ياسمين : أحمد جاي في الطريق شويه و هتلاقي جاي متقلقيش .
محمد : بس اي الحلاوه دي .
ياسمين : دي عيونك يـ احلى اب في الدنيا .
أحمد : ربنا يفرحني بيكي و بـ اختك يارب .
ياسمين : يارب يحبيبي ، يلا انا هدخل اكمل لبس و اجيلكوا .
رغده : ماشي يحبيبتي .
تدخل ياسمين الاوضه و تسيبهم .
_______________________
البنات هيخلصوا و بعدين أحمد و الشباب هيجوا عمرو هياخد ساجدة و يمشوا يروحوا يتصوروا و بعدها علي طول أحمد و ياسمين و أهلها و ام ساجدة هيمشوا بـ العربيه يروحوا القاعه و تاليا و أيه و هاجر و علي و ماجد في عربيه تانيه و يروحوا القاعه
اول ما يوصلوا هيكون هنا رفعت و أيمن و الدكتور محمد و هديل في انتظارهم
قدام القاعه
أيمن : ايي يجماعه كل دا .
ياسمين : لسه بدري يعمو .
أيمن : أهل تاليا جوا ي بنتي .
تاليا بدهشة : ايي دا بجد .
و تدخل تاليا و بعدين كلهم يدخلوا وراها و كل واحدة تروح في ناحية .
_______________________
تاليا : بابا وحشتني اويي
عادل : و انتي كمان وحشتيني اوي ، اي الحلاوه دي .
تاليا : يحبيبي طلعالك ، طمني عليك انت عامل اي .
عادل : انا كويس يحبيبتي ، طمنيني اي أحوالك .
هتبص هتلاقي علي واقف .
تاليا : ايي ؟ انا كويسه الحمدلله ، انت عامل اي ؟
عادل : كويس الحمدلله يحبيبتي .
تاليا : طب عن اذنك يـ بابا لحظه بس .
عادل : طيب ي بنتي .
تاليا هتروح لـ علي
تاليا : انت واقف بتعمل اي ؟
علي : ابدا ، كنت بشوف فرحتك لما لقيتي باباكي .
تاليا : ااه ، انت عارف ان انا من زمان اوي مشفتوش .
علي : اه عارف .
تاليا : عرفت منين ؟
علي مش عارف يرد عليها بس فجأه هيلاقيها بتضحك لحد بعيد
علي : بتضحكي لمين ؟
تاليا : اخواتي هناك عن اذنك هروحلهم .
تاليا هتروحلهم و تحضنهم جامد .
تاليا : وحشتوني اويي .
كريم : و انتي اكتر و الله .
ياسر : بس اي ي بت الحلاوه دي ، و يغمزلها .
تاليا : ي بني عيب عليك ، دا احنا اتطورنا جامد .
كريم : شوفتي باباكي و لا لسه ؟
تاليا : اه شوفته ، اومال فين الباقي ؟
ياسر : تقصدي مين ؟
تاليا : مراتك ، و بنتك فين ؟ و كريم خطيبتك فين ؟
كريم : هيجوا يعملوا اي ، احنا قولنا نيجي نشوفك .
تاليا : يحبيبي .
و تحضنه .
تاليا : يلا تعالو نقعد مع بابا .
ياسر : يلا .
و يروحوا يقعدوا جمب باباهم .
_______________________
علي هيروح يقف مع ماجد .
علي : اومال أحمد فين ؟
ماجد : بيتمشي هو و ياسمين برا .
علي : اها ، و فين أيه و هاجر .
ماجد : بيتصوروا في الدور اللي فوق .
علي : اهاا ، و...
ماجد : ما كفايه اسئله ي بني و تعالا نقف برا مع أهل عمرو .
علي : طيب .
و يطلعوا يقفوا برا مع أهل عمرو .
_______________________
ياسمين و أحمد بيتمشوا في الحديقه .
ياسمين : علي فكره ، انت لحد دلوقتي مقلتليش كنت فين من كام يوم ؟
أحمد : ما انتي شايفه كنا مشغولين قد اي الفتره دي .
ياسمين : طب هاا ، كنت فين .
أحمد : خليها مفاجاه و هقولك لما نروح .
ياسمين : طيب اما نشوف اخرتها ، بس وراك وراك هعرف يعني هعرف .
أحمد : ماشي يحبيبتي ، بس اي الحلاوه دي ؟
ياسمين : انت احلى .
_______________________
هاجر هتنزل هي و أيه و ينادوا علي ياسمين فـ ياسمين هتروحلهم و أحمد هيروح وراها ، ساجدة هتكون جات هي و عمرو .
_______________________
الحفله هتبدا اول حاجه علي هيروح لـ أبو تاليا هو مخطط معاه قبل كدا لكن ، هيروحله و يطلب ايد تاليا منه
على : هاا مواقف يحج ؟
عادل : رأي العروسه أهم حاجه ي بني .
تاليا بدهشة : انت تعرفه ؟
عادل : اه اعرفه و يضحكلها .
كريم هيقرب من تاليا و يقولها : وافقي و انجزي خلينا نفرح بيكي بقي .
ياسر : يلا بقي متعطليش الواد .
تاليا : هو فيه حاجه غريبه و لا انا بتهألي .
عادل : كلمني و هو اللي عازمني علي الخطوبه عشان يتقدملك و انا موافق انتي رايك اي بقي ؟
تاليا هتضحك ضحكه خفيفه و تبص في الأرض
تاليا : اللي تشوفه يبابا .
كريم : يبقي موافقه ، الف مبروك يباشا
و يقوم يسلم علي علي و يبوسه .
علي : الله يبارك فيك يحبيبي .
عادل : أهم حاجه ، بنتي تحافظ عليها و متزعلهاش ابدا .
علي : عنيا يحج ، ها تحبي نكتب الكتاب مع ساجدة و عمرو و لا انتي ناويه تخلعي .
تاليا : موافقه و بعدين تبص في الارض و هي طايره من الفرحه .
علي بفرحة : عن اذنك يعمي .
يمشي علي و يقف مع ماجد و هو فرحان ماجد هيحضنه و يبوسه .
_______________________
ساجدة و عمرو هيكتبو الكتاب الأول و بعدين تاليا و علي و بعدها عمرو و ساجدة هيلبسوا الدبل و يرقصوا سوا و علي و تاليا هيرقصوا مع بعض .
ماجد : ما تيجي نرقص .
أيه : مليش مزاج .
ماجد بزعيق : نعم يختي انتي هتقضيها نكد طول عمرك .
أيه بزعيق : بقولك اي انا مش ناقصه .
ماجد : طب تعالى معايا عاملك مفاجاه ، انا عارف انك زعلانه مني عشان كدا عملتلك مفاجاه .
أيه : مفاجاه اي دي ؟
ماجد : تعالي بس
و يمسك ايديها و يشدها بالعافيه من مكانها و يطلعوا برا .
_______________________
أحمد و ياسمين قاعدين .
أحمد هيقرب من ياسمين و يقولها : أنا اشتريت شقة .
ياسمين : اشتريت شقه ؟ فين دي ؟
أحمد : في المنصورة الجديدة .
ياسمين : اشمعنا ؟
أحمد : شغلي بقي هناك و كمان اطلع من البيت .
ياسمين : هو دا بقي المشوار اللي كنت روحته .
أحمد : اه يستي .
ياسمين : اممم ، بس كدا ؟
أحمد : لا و حجزت فيلا لـ فرحنا .
ياسمين : ايي ؟ انت بتقول اي ؟
أحمد : حجزت فيلا لـ فرحنا فيها حاجه دي ؟
ياسمين : اشمعنا فيلا ؟
أحمد : بابا هو اللي حجزها و فجأني بالموضوع .
ياسمين بفرحة : اممم ، الله اخيرااا انا مبسوطه اويي .
أحمد : انتي مش كنتي مش عايزه تتجوزي دلوقتي اي اللي حصلك مره واحده كدا .
ياسمين هتتوتر : لا ابدا مفيش .
أحمد : ماشي يستي .
_______________________
برا ماجد و أيه واقفين علي الرصيف .
أيه : بقالك ساعه موقفني في البرد دا و محصلش اي حاجه .
ماجد : اهدي الصبر نهايته حلوه .
أيه : هديت اهو اما اشوف اخرتها .
ماجد : وصلوا اهو الحمدلله .
هتيجي عربيه من بعيد و هتقف قدام ماجد و أيه .
باب العربيه هيتفتح و هيطلع منه واحده ، أيه هتبص هتتفاجيء
أيه بصدمة : ايي داا ؟ مااااماااا
هتجري عليها و تحضنها جامد .
إيمان : اهدي مش كدا هتفعصيني .
أيه : وحشتينيي اوييي .
إيمان : و انتي كمان وحشتيني اوي .
أبوها هيخرج من العربيه و يبصلها و عيونه مليانه دموع لكن بيحاول يحبسها .
أحمد : يااه كبرتي و بقيتي عروسه .
أيه : يحبيبي يبابا ، وحشتني اوي
هتعيط و بعدين تحضنه جامد .
ماجد : خلاص بقي بلاش عياط .
أحمد : الضني غالي اوي ي بني .
أيه هتمسح دموعها و بعدين تبوس ايد والدها و والدتها .
أيه : يديمكوا ليا نعمه كبيره في حياتي يارب .
إيمان : يارب يحبيبتي .
ماجد : يلا ياجماعه ندخل جوا .
أحمد : اه يلا ، مينفعش وقفتنا دي .
يدخلوا جوا القاعة و يقعدوا سوا .
ماجد : هاا ، اي رأيك ؟
أيه : احلى و أجمل مفاجاه حصلتلي في حياتي ، ربنا يخليك ليا يارب و لا يحرمني من وجودك ابدا يارب .
ماجد : يارب يحبيبتي .
يجي أيمن من بعيد و يسلم عليهم .
أيمن : اهلا وسهلا يـ أحمد بيه نورت مصر انت و المدام .
أحمد : دا نورك يـ استاذ أيمن
يقعد أيمن معاهم و يتكلم مع أحمد و ماجد و أيه قاعدين بيضحكوا سوا .
_______________________
فقره رقص الاسلوه هتنتهي و كلهم هيطلعوا يرقصوا ما عدا أحمد لأنه مش هيقدر يقوم يقف .
البنات هيرقصوا سوا و الشباب سوا .
ياسمين هترقص شويه مع ساجدة و بعدين هتنزل عشان أحمد و تقعد جمبه
أحمد : مفضلتيش مع صحابك ليه ؟
ياسمين : انت اهم .
رغدة : قومي انتي عشان صحبتك متقلقيش انا قاعده معاه و هونسه قومي .
أحمد : اسمعي كلام مامتك و قومي .
ياسمين : طيب .
ياسمين هتقوم تاني .
_______________________
رغدة هتقرب من أحمد .
رغدة : بتحبها ؟
أحمد : مبحبش حد قدها و الله .
رغدة : ربنا يخليكوا لبعض يارب و اشوف ولادكوا يارب .
أحمد : يارب يحبيبتي .
_______________________
الخطوبه هتنتهي و كل واحد هيروح بيته ساجدة هتروح مع مامتها و تاليا و هاجر هيروحوا مع الدكتور محمد و هديل و أيه هتروح مع باباها و مامتها شقتهم ، و ياسمين هتروح مع أحمد و رفعت ، علي و ماجد و أيمن و عمرو هيروحوا سوا .
اول ما يوصلوا كل واحد هينام .
_______________________
هتمر الأيام و ياسمين هتفضل قاعده مع أحمد و للأسف مش هتروح تقعد مع البنات تاني رغم ان أحمد بقي كويس لكن أحمد مش عايزها تبعد عنه لحظه و رضوي هتكون سافرت و رجعت ياسمين في الوقت دا هتكون خلصتلها الشقه و جهزتها و هتيجي تسكن فيها علي طول ، امتحانات البنات هتكون خلصت و في آخر يوم ليهم في الامتحان كلهم هيتجمعوا في بيت أيمن .
قاعدين في الحديقه هيخلصوا غدا و بعدين يقعدوا يشربوا شاي و يتكملوا سوا .
_______________________
ياسمين : ياه اخيرا الواحد عدي السنه دي علي خير .
هاجر : هم و راح الحمدلله .
تاليا : الحمدلله .
الدكتور محمد : عارفه يياسمين رغم أن كل اللي حصل إلا اني متأكد انك هتطلعي الأولى السنه دي و ثقي في ربنا .
ياسمين : ان شاء الله يدكتور يارب .
أحمد : ان شاء الله هتطلعي انا متأكد .
ياسمين : بإذن الله يحبيبي
يتبع الفصل الخامس والثلاثون اضغط هنا
- الفهرس يحتوي على جميع فصول الرواية كاملة :"رواية ويشاء القدر" اضغط على اسم الرواية