رواية فجر جديد الفصل الثالث 3 - بقلم إيمــــان
* رواية فجر جديد الفصل الثالث
وصل رفعت الى الفيلا ليجد الجميع قد نام ما عدا دادة سيدة والتى لم تكن لتنام الا بعد الاطمئنان عليه
مساء الخير يا دادة
مساء االنور يا رفعت بيه شكلك راجع مبسوط
اوى يا دادة قضيت وقت جميل عند عم شوقى
ياريت تروح عنده على طول انت كل لما بتزوره بترجع مبسوط
فعلا عم شوقى ده ربنا يكرمه طيبة واخلاق وخفة دم محصتلش هو والست مراته ربنا يخليهم لبعض
طب احضرلك العشا
لالا دا انا متعشى عندهم عشوه تمام التمام
الف هنا وشفا طب اعملك اى حاجة قبل ما انام
لا اتفضلى انتى تصبحى على خير
وانت من أهله
صعد رفعت الى غرفته وغير ملابسه لينام وبمجرد ان اغلق عينيه راح فى سبات عميق
مر اسبوعان أخران بعد اخر زيارة لعم شوقى ليتفاجأ رفعت فى يوم بطرقات خفيفة على باب مكتبه فقال ادخل ففتح الباب ليتفاجأ رفعت بعم شوقى امامه فهب واقفا واتجه نحوه ليأخذه بالحضن وهو يقول الف حمد لله على السلامة يا عم شوقى ايه خلاص الدكتور صرحلك بالخروج
ايوة يا رفعت بيه أخيرا خرجت من حبست البيت وااااااااا فى الحقيقة كده انا جاى لحضرتك فى موضوع خاص ولو انى عارف ان حضرتك مش بتحب الواسطة ولا المجاملات فى العمل لكن الظروف والله هى اللى حكمت
فرد رفعت على الفور فى ايه يا عم شوقى ما تتكلم على طول ايه محتاج فلوس
لالالا ابدا يا رفعت بيه الحمد لله مستورة وزيادة
امال ايه يا راجل يا عجوز بتلف وتدور ليه فى الكلام ما تخش فى الموضوع على طول
ندى
نطق شوقى بإسمها ليرتعش رفعت ولا يدرى لماذا مجرد ذكر اسمها اصابه بهذه الرعشة ولكنه تماسك وقال له : مالها الاستاذه ندى الا صحيح هى مدام ولا أنسة اصل شكلها مش باين عليه
ندى يابنى بنت هادية واخلاق و جميلة لكن بختها ماكنش حلو اتجوزت شخص عديم الشخصية قصاد اهله ملوش كلمه ولا دخل بحاجة وده سبب مشاكل كتير بينهم تعبت منها صحيا ونفسيا لحد لما جابت اخرها فأصرت على الطلاق واحنا كمان وقفنا جنبها لحد لما خلصت منه يلا بقه الله يرحمه
الله هى أرملة ولا مطلقة
مطلقة من اربع شهور بس من شهر كده وصلتنا اخبار ان طلقها مات
اه ، طب ودلوقتى مطلوب منى ايه؟؟؟؟
انا عوزها تشتغل لسببين عشان تخرج لدنيا من جديد وتعيش حياتها وعشان كمان هى محتاجة للفلوس لانها عايشه فى شقة ايجار جديد وعوزها تشتغل هنا جنبى وابقه مطمن عليها دى فعلا بنتى هاا قولت ايه يا رفعت بيه
أمممممممم
مش موافق خلاص ولا يهمك بس كان املى البنت تبقه جنبى وابقه مطمن عليها
ياراجل انت استنى انا برتب حاجة كده فى دماغى اصل خطرت على بالى فكرة وبشوفها حتم ازاى
فكرة ايه يا رفعت بيه
اصل وانت بتتكلم كده الحقيقة افتكرت اكل ندى اللذيذ وقولت بدل يعنى ما انا اغلب الوقت بضطر عشان ظروف الشغل ابعت اجيب اكل
دليفيرى فاليه ما خليش ليا هنا بوفيه خاص واخلى مدام ندى مسئولة عنه وبكده اضمن اكل بيتى نضيف على طول بس ياترى هى تقبل ويناسبها الشغل ده
حسألها وارد عليك
طب خد الموبايل اهو وكلمها دلوقت اصل الفكرة عجبانى اوى
اخذ شوقى الموبايل واتصل بندى على الفور وشرح لها كل شىء
بجد بجد يا أبيه شوقى يعنى انا حشتغل وفشركة محترمة زى دى كمان ربنا يخليك يارب
يا بنتى انتى سمعنى الشغلانه ايه وايه المطلوب منك بالظبط
ايوة ايوة انا حكون مسئولة عن اكل رفعت بيه اثناء الشغل صح
ايوة بالظبط كده يعنى انتى موافقة
طبعا واشكر لى رفعت بيه اوى
طيب يابنتى حفوت عليكى اخدك معايا الصبح بإذن الله مع السلامة
حلو اوى خلاص حبعتلك عم محمد بالعربية الصبح يجيبك انت وندى على هنا
ملوش لزوم يا رفعت بيه
لا ازاى انت لسه تعبان ومش عوزك تتبهدل فى المواصلات ندلعك يومين بقه
فشكر شوقى رفعت كثيرا وسلم عليه وغادر على ان يأتى فى موعد العمل غدا ومعه ندى
فى اليوم التالى وصل رفعت للشركة فى موعد مبكر عن كل يوم ليكون فى استقبال الموظفة الجديدة لكى يطلعها على كل المطلوب منها بدقة
دخل شوقى ومعه ندى على رفعت فقال شوقى :صباح الخير يا رفعت بيه
وبعده ندى قالت : السلام عليكم
فرد رفعت صباح الفل يا أستاذ شوقى
وعليكم السلام ورحمة الله وبركاته يا مدام ندى اتفضلوا واشار لهم بالجلوس
هااا تشربوا ايه ولا اجيب فطار
فقال شوقى على الفور: فطار ايه يا رفعت بيه دا انا فطرت فطار انهارده مفطرتوش وانا عريس وانفجر بالضحك
رد رفعت: اشمعنى يعنى
شوقى : اصل ندى كانت بيته عندنا وصحيت من بدرى وجهزت احلى فطار
رفعت: ااه انت قاصد تغظنى بقه
ليه بس يا رفعت بيه
لان بعد ما دوقت اكل مدام ندى متخيل طبعا الفطار اللى ممكن تعمله يبقه ازاى
ضحك شوقى وقال ما خلاص ما انت حتخدها مننا اهو ومش حنشوف الحاجات الحلوة دى تانى
ردت بدورها ازاى يا ابيه انا برضو حفضل ازوركم واعمل لآسر وياسر كل اللى بيحبوا
فاجاب شوقى طيب حنبقه نشوف اسبكم بقه دلوقتى ترتبوا الشغل الجديد واروح اشوف شغلى لحسن رئيس مجلس الادارة بتاعنا شديد وصعب اوى وممكن يرفدنى لو اتاخرت على شغلى اكتر من كده
رد رفعت اه صعب وغتت كمان يلا روح على شغلك
* يتـبـــــــــــــــــــــــع الفصل الرابع اضغــــــــط هنا
* الفهرس يحتوي على جميع فصول الرواية " رواية فجر جديد " اضغط على اسم الرواية