رواية احببتها رغم انتقامي لها الفصل الرابع بقلم الاء عوض
رواية احببتها رغم انتقامي لها الفصل الرابع
تاني يوم كان سيف وداده سعاد في بيت نور
سيف / طيب يا جماعه انا بقول نحدد كتب الكتاب علطول
عاصم / لاء كتب كتاب اي انت عايز الناس تاكل وشنا
سيف / تاكل وشكو لي مش فاهم
عاصم / عايز البت تتجوز كده في يوم وليله الناس تقول عليها أي
فهم سيف كلامه وبص لنور بحزن
سيف / انا موافق نعمل خطوبه
عاصم بابتسامه / إذا كان كده ماشي
سيف / خلاص الخطوبه آخر الأسبوع انا هعملها كل اللي هي عيزاه
نور / بس انا مش عايزه خطوبه
سعاد / ازاي يا حبيبتي لازم تفرحي طبعا
نور / خلاص الي تشوفه
دخلت نور اوضتها لأن دموعها نزلت غصب عنها
نور بدموع / كان نفسي أوي اكون مبسوطه بس هنبسط ازاي باللي انا فيه ده
رنت نور على صاحبتها ساره وحكت ليها كل حاجه كل حاجه حرفيا مكنتش هترتاح غير لما تحكي لحد
ساره / متعيطتيش يا حبيبتي خلاص عشان امك متحسش بحاجه
نور بدموع/ كل اللي انا هعمله ده عشان خاطر ماما والله
ساره / طيب اهدي واسمعيني
هديت نور شويه
ساره / بصي يا حبيبتي انت عارفه قد اي انا بحبك وعايزه مصلحتك انك تحاولي تنسى اللي حصل انا عارفه انه صعب عليكي وان حياتك اتبهدلت بس هنعمل اي قدر ربنا يا حبيبتي حاولي تنسى بس عشان امك حسسيها انك مبسوطه وكده مش ممكن سيف يكون شخص كويس ويصونك وتكملي حياتك معاه متستغربيش كده يا نور كل واحد بيغلط وربنا غفور رحيم وهو يا ستي كان مش في واعيه عشان احنا نحاسبه هو غلط وندمان واعترف بغلطه
نور بوجع/ ازاي يا ساره عيزاني اكمل حياتي مع انسان حطم كل الي بتمناه انسان ضيع حياتي كلها
ساره / انا معاكي في أنه غلط بس اعترف بغلطه وحاول يصلحه وهو لو مكنش انسان محترم مكنش جالك اصلا ولا عبرك بس اللي بيعمله ده بياكدلي انو انسان كويس
نور / يعني انت عايزه اي
ساره / عيزاكي تعيشي حياتك وتحاولي تنسى وتكملي مع سيف صدقيني هو إنسان كويس يعني متزعليش مني لما يطلقك بعد الجواز بشهر الناس هتقول عليكي اي
نور فكرت في كلام ساره لها المصيبه أن كلامها صحيح ميه في الميه
نور بضعف / لييييي يارب تعمل فيااا كده انا عليا حمل كبير جدا ومش قادره أكمله لوحدي أقف معايا يارب وساعدني
✨✨✨✨✨✨✨✨
بعدها بأسبوع الايام جربت بسرعه والنهارده خطوبه نور
كانت ساره معاها طوال اليوم تحاول تهدئتها
ساره / اهدي يا حبيبتي عشان محدش يلاحظ
نور / ربنا يستر
ساره / طيب يلا عشان اعملك الميكب
✨✨✨✨✨✨✨✨✨
في منزل سيف الدمنهوري
سعاد / يلا يا حبيبي اجهز عشان هتاخر على عروستك
سيف بشرود / حاضر يا ماما
طلع سيف اوضته
سيف / لسه لغايت الوقتي مش مصدق نفسي معقول انا عملت كده في البنت البريئه الجميله دي دا انا كنت هنهي حياتها ياريت كنت قابلتها في ظروف احسن من كده كنت اتجوزتها لأنها جميله جدا يا ترى يا نور شيفاني ازاي نفسي تسمحيني وتصدق انو كان غصب عني
سيف / ايوه يا كريم انا عايزك تكمل الشغل كأني موجود فيه بظبط مش عايز غلطه واحده
قام سيف لبس بدلته واتجهه هو وسعاد لبيت نور
✨✨✨✨✨✨✨✨✨
في بيت نور
كان مزينين البيت لأن للخطوبه هتكون في البيت
وسيف اول ما شاف نور انبهر من جمالها قد اي هي جميله ورقيقه قعدو الاتنين في مكانهم المخصص
سيف / مبروك يا نور
نور بحزن / الله يبارك فيك
قد علم سيف أن نور لم تسمحه ابدا
كانت مديحه مبسوطه جدا لابنتها وانها هتخلص من العذاب اللي هي فيه
وسعاد كانت مبسوطه بسيف جدا
قربت ساره من نور
ساره / ابتسمي يا نور وأفردي وشك عشان محدش ياخد باله
هزت نور رأسها بالموافقة
مفيش اي حد جيه من عيله سيف خالص غير سعاد وبس وهذا الشئ خلي نور تستغرب
الخطوبه تمت على خير قبل ما سيف يمشي
سيف بغمزه / مبروك يا عروسه كنت قمر عقبال فرحك
استغربت نور جدا من تصرفات سيف وابتسمت من كلامه وقررت انها هتعمل زي ما ساره قالت وذهبت نامت وهي مطمنه
يتبع الفصل الخامس اضغط هنا
- الفهرس يحتوي على جميع فصول الرواية كاملة :"رواية احببتها رغم انتقامي لها" اضغط على اسم الرواية