رواية الخائنة الفصل الرابع بقلم أميرة محمود
رواية الخائنة الفصل الرابع
احمد ، استني انتي مأكلتيش
رهف ، لا الحمد لله كده حلو اوي
يوسف ، يابنتي دول معلقتين اللي اكلتيهم واللا اكل الحاجه معبكش
سها ، بجد يا رهف معجبكش
رهف ، لا والله يا طنط ده جميل اوي والله
سها ، اومال في ايه
رهف ، والله أنا اكلتي كده
احمد ، غلط علي فكره ممكن يحصلك هبوط زى اللي كان حصلك الصبح ياللا كلي طبقك كله
رهف ، خلاص ماشي هاكله والله خلاص
احمد ، طب ياللا
رهف بصتله هي مبتسمه أنه مهتم بيها ، شكرا يا دكتور
احمد بدلها نفس البصه ، العفو ياللا
محمود ، اومال ابوكي عامل ايه يابنتي
رهف ، بابي تقريبا مبشفوش بس تمام الحمد لله
محمود ، هو مبيجيش ازاي
رهف ، والله ما اعرف يا عمو بس هو كده طول اليوم في الشغل وبيجي بليل خالص
سها ، طب وانتي بتبقي قاعده لوحدك
رهف ، اه
مروه ، ومبتخفيش
رهف ،. اخاف من ايه
يوسف ، فكك منها دي هطله
مروه ، شكرا يا محترم
رهف ، تصدق شخصيتك عجباني جدا يا يوسف بجد والله الواحد كان نفسه في حد فرفوش كده يقعد معاه
احمد ،. احممم احممم
سها ، شرقت خد ياحبيبي اشرب
مروه ، الكلمه وقفت في زوره هههههههه
سها ، بس يا بنت
رهف ، أنا هقوم اغير هدومي بقا عشان متأخرش اكتر من كده انا مش عارفه اصلا هروح ازاي
يوسف ، خلاص اومي غيري وانا هاخدك عالموتوسيكل بتاعي اوصلك
رهف ، بجد عندك موتوسيكل أنا نفسي اركبه اوي
احمد ، ماخلاص بقا
الكل استغرب اسلوب احمد
احمد اتحرج ،، أنا داخل انام
محمود ، احمد وصل بنت عمك
احمد ، مايوسف هيوصلها
محمود ، يوسف مجنون ده انا ببقا خايف عليه وهو سايق البتاعه دي وثم أنه كل ساعه بيجلنا متخرشم أقوم اخليه يوصلها
رهف ،. هههههه لا أنا مش بايعه روحي وقامت دخلت الاوضه تغير هدومها
محمود ، ههههه أنا قولت كده بردك
يوسف ، أخص عليك يا حج فضحتني
محمود ، انت تخرس خالص عايز تموت البنيه
يوسف ، هههههه والله ابدا كنت هسوق بالراحه
محمود ، لا والله ابدا مش هيحصل ياللا يا احمد ادخل غير هدومك
احمد ، ماشي يا حبيبي وقام دخل غير هدومه
رهف خرجت ، أنا والله زعلانه أن اليوم خلص
سها ، اي رايك تيجي كل يوم تتغدي معانا
رهف ، لا عشان متقلش عليكم
سها ، بس يا مجنونه تتقلي على مين ده انتي أكلتك نفس اكله النمله
رهف ، لا والله أنا اكلت انهارده كتير
سها ، هستناكي بكره وكل يوم تيجي تقعدي معانا شويه وتتغدي وتروحي عشان ابوكي ميعرفش
رهف ، ماشي يا طنط
احمد خرج من اوضته ، ياللا أنا خلصت
رهف ، تصدق شكلك غريب من غير البدله
احمد ، غريب ازاي يعني
رهف ، عن اذنكم يا جماعه سلام
الكل ، مع السلامه
رهف نزلت عالسلم وفضلت ماشيه ورا احمد
احمد ، ماتسرعي شويه
رهف ، ماشي أنا سريعه والله بس انت اللي طويل
واحد معدي ، اموت انا في الشعر الحرير
احمد ، في حاجه يا بتاع انت
مافيش يا شيقي
احمد ، ياللا لو سمحتي سرعي منظرك ده مينفعش هنا
انتي ماشيه في حته شعبيه
رهف ،. منظري ماله
احمد ، امشي بقولك بسرعه
رهف ، والله مانا ماشيه الا بمزاجي واتفضل ارجع أنا هعرف امشي
احمد ، انتي بلبسك ده هما عشر دقايق وهنلقيكي مغتصبه
رهف ، ماتحترم نفسك
احمد ، امشي يا رهف الله يسترك
رهف ،. اول مره اسمع اسمي حلو كده
احمد ، ياسلام
رهف ، اه والله شوف انت رخم بس قولت اسمي بطريقه عجبتني
احمد ، هههههه والله انتي هربانه منك عالاخر
رهف ، شكرا
احمد ، طب ياللا امشي
رهف ، ماشي
فضلو ماشيين لحد ما وصلو لموقف العربيات
احمد ، الموقف اهو هنعدي الطريق ياللا
رهف ، ماشي
احمد ، ركزي مش عايزين يحصل زى المره اللي فاتت
رهف ، متخافش ياللا
عدو الطريق ووصلو للموقف وركبوا الميكروباص
احمد ، اي مش هتدفعي
رهف ، ماشي وجايه تفتح الشنطه
احمد ، لا ده انتي مبتحرميش
رهف ، مش انت بتقولي حاسبي
احمد ، اسكتي الله يسترك
رهف ، هو انت مش طايقني خالص ليه
احمد ، ومين قالك اني مش طايقك
رهف ، اسلوبك ،. معاملتك هو أنا زعلتك في حاجه
احمد ، وصلنا ياللا انزلي
رهف ، اووووف ونزلت وراه
احمد ، عربيتك اهي اركبيها بقا وروحي
رهف ، طب انت هتروح ازاي
احمد ، زى ماجبتك دي الوقت اظن البيت مكانه متغيرش
يتبع الفصل الخامس اضغط هنا
- الفهرس يحتوي على جميع فصول الرواية كاملة :"رواية الخائنة" اضغط على اسم الرواية