رواية زوجى وعشيقته الفصل الخامس 5 - بقلم اميرة جمال
رواية زوجى وعشيقته الفصل الخامس
اقعدى ياندى وانا هحكيلك كل حاجه بس عايزك تعرفى انى ماكنتش اقصد والله ان كل ده يحصل ولا انا انانى انى خبيت عليكى انا بس حبيتك وكنت عايزك معايا
اتكلم ياخالد انا سمعاك
كنت طالب فى تالته ثانوى لسه مراهق وطايش عرفت واحده زميلتى فى المدرسه كنا أصحاب جدا وقريبين من بعض فضلنا مع بعض لحد مادخلنا الجامعه ومن حظنا برضودخلنا نفس الجامعه حبيتها جدا واتعلقنا ببعض واعترفتلها بده وهى كمان اعترفتلى بحبها ليا قولنا هنتجوز بعد مانتخرج بس كنا لسه فى سنه اولى وبدرى على الكلام ده ماكنتش مستحمل بعدها عنى عرضت عليها اتجوزها عرفى رفضت الأول وزعلت منى بس لما مالقتش حل غير ده وافقت وباباكان عنده شقه قريبه من الجامعه كان معايا مفتاحها علشان لو حبيت فى أيام الامتحانات ازاكر فيها وابقى قريب من الجامعه المهم اتجوزنا فعلا وكانت كل مقابلاتنا فى الشقه وعملنا حسابنا انه مايحصلش
حمل نهائى واستمرينا على الوضع ده سنتين واحنا بنعد الأيام علشان نتخرج واتجوزها رسمى بس مش عارف ازاى بقت حامل ماكنتش عارف اعمل ايه خصوصا ان بابا قالى قبل الجامعه ان اى ارتباط هيبقا بعد مااخلص قالتلى لازم اتقدملها كان معاها حق وانا. كنت عايز ده بس ماكنش فى ايدى حاجه جاتلى فى يوم الشقه وهى منهاره خايفه الحمل يبدأ بيان عليها حاولت اهديها مافيش فايده قولتلها الحل الوحيد ننزل الطفل اتعصبت عليا ورفضت تتخلى عن ابنها واتهمتنى انى مش بحبها وفضلت تغلط فيا من عصبيتى زقيتها مااخدتش بالى من الطربيزه وقعت عليها شيلتها فى نفس الوقت وطلعت أجرى بيها على المستشفى لما فاقت الدكتور قالنا ان البيبى نزل اتهمتنى انى كنت قاصد ده علشان ماكنتش عايزه لكن والله ماكنت عاايز ده يحصل انا مااستحملش يحصلها اى اذى بس هى صممت انى قتلت ابنها رغم أنه ابنى انا كمان بعدها خرجت وماشوفتهاش تانى وماعرفتش اوصلها لحد ماعرفت بعدها بشهر انها انتحرت جاتلى صدمه عصبيه انا كنت خلاص قررت افاتح بابا فى الموضوع كنت هخطبها واتجوزها. اول مانخلص فضلت فى المستشفى أسبوع كده وبعد ماخرجت
والدها عارف اننا كنا قريبين من بعض قالى لما والدتها دخلت اوضتها بعد ماتوفت لقت ظرف مكتوب عليه خاص لخالد والوحيد الموكل بفتحه اخدته منه ودخلت اوضتى فتحته ماكنش مكتوب غير جمله واحده "هرجع انتقم وهاخد ابنى معايا" انا جسمى ارتعش ماكنتش فاهم حاجه هى ماتت ولالا ولا كأن قصدها قبل ماتموت انها هتيجى تنتقم منى مش فاهم فضلت كده لحد ما مرت السنتين واتخرجت من الجامعه وتناسيت موضوع الجواب ده لان مافيش حاجه حصلت لحد اليوم اللى كلمت بابا فيه انى شوفتك وحبيتك وعايز اتقدملك بعدها دخلت اوضتى وشوفتها بس كانت مختلفه لا كانت مرعبه.......
* يتـبـــــــــــــــــــــــع الفصل السادس اضغــــــــط هنا
* الفهرس يحتوي على جميع فصول الرواية " رواية زوجى وعشيقته " اضغط على اسم الرواية