رواية حب الصدفة الفصل الخامس 5 - بقلم ملك عتمان
رواية حب الصدفة الفصل الخامس
ألين وصلت البيت خبطت على الباب
محمد فتح: ايه يبنتى التأخير ده كله
ألين: مفيش يبابا أنا هدخل أنام
محمد: طب مش هتتعشى الاول
ألين: لا يا بابا انا تعبانة خالص تصبح على خير
محمد: وإنتى من أهله يبنتى
عند عمر أول مروح طلع أوضتة علطول مكنش عارف ينام وقاعد يتقلب على السرير بيفكر فيها وبكل تفصيله فيها
عمر لنفسه: ايه يعمر فى ايه مالك معقولة تكون وقعت ولا ايه لا لا مستحيل وبعد شوية نام ( عمر شاب عنده ٣٢ سنة دكتور جراحة من أكتر الدكاترة الشاطرة فى البلد وبيشتغل مع بباه فى الشركة بتاعته كمان عايش مع مامته وبباه وليه أخ وأخت شعره ناعم بنى عيونه عسلى وجسمه رياضى)
تانى يوم ألين صحيت من النوم حضرت الفطار وصحت بباها عشان يفطروا
ألين: أمال كريم فين يا بابا
محمد: نايم يبنتى وتاعبنى معاه والله مش بيسمع كلامى ومش بيبطل لعب كورة وسايب مذاكرته وإنتى عارفة انه فى سنة مهمة ونفسى أشوفه مهندس ولا دكتور ذيك كدا
ألين: طيب يبابا أنا هدخله أشوفه
ألين دخلت عند أخوها
ألين: كريم اصحى من النوم عايزة أكلم معاك
ملقتش رد منه أصل لما بينام بيبقى فى غيبوبة
ألين: كريم يكريم اصحى يكريم يعنى مش هتصحها ومش بترد طيب
ألين طلعت جابت حلة مايه ودخلت الأوضة وهوب مرة واحدة دلقتها عليه
كريم قام إنتفض من فوق السرير انتى يمتخلفة ازاى تعملى كدا فى حد يصحى بنأمين بالطريقة ديه
ألين بضحك: منا صحيتك كتير مش بتقوم
كريم: تقومى تعملى فيا كدا وربنا لردهالك
ألين: طب أبقى إعملها كدا وتعالى بقى عشان عايزة أكلمك فى موضوع
كريم: موضوع ايه
ألين: بابا قالى انك مش بتسمع كلامه ومتعبه ومقضيها لعب كورة ومش بتذاكر وإنت فى سنة مهمة لازم تجيب مجموع حلو نفسى اشوفك أحسن دكتور فى الدنيا ( كريم أخو ألين الاصغر منها عيونه خضرا وشعره إسود فى تالتة ثانوى)
كريم: يوه أنا زهقت بقى قولتلكوا كام مرة إنى عارف مصلحتى كويس ومش محتاج نصايح من حد
ألين مرة واحدة نزلت بأديها على وشه
ألين: إنت من إمتى وانت بترفع صوتك عليا وهتسمع الكلام غصب عنك ومفيش لعب كورة من هنا ورايح تركز فى مذاكرتك وبابا لو جه اشتكالى منك تانى انت عارف انا هعمل ايه يكريم وقومت طلعت بره الأوضة
كريم كان واقف مصدوم أول مرة ألين تضربه وبقلم كمان
ألين أول مطلعت من الأوضة فضلت تعيط أول مرة تضربه ديما مدلعاه من صغره عشان هو أخوها الوحيد وملهاش غيره
ألين لنفسها: بس كان لازم أعمل كدا عشان يفوق بقى ويركز فى مذاكرته ومستقبله ويتحمل المسئولية شوية بقى معاها
ألين قامت لبست سويت شيرت وعليه بنطلون ونزلت شغلها
عند عمر صحى من النوم لبس ونزل عشان يفطر
عمر: صباح الخير يبابا صباح الخير يماما
ليلى ويوسف: صباح النور يحبيبى
عمر: أمال نوران وعلى فين
ليلى: على نزل الكلية ونوران راحت الدرس يحبيبى
وهما قاعدين يفطروا
يوسف: عمر
عمر: نعم يبابا
يوسف: أنا مشغول النهاردة شوية ومش هعرف أروح إجتماع الصفقة ال بينا وبين أحمد المحرقاوى عايزك تروح بدالى
عمر: حاضر يبابا كدا كدا مكنتش هروح المستشفى النهاردة
يوسف: تمم انا همشى أنا بقى
عمر: وانا كمان همشى يدوب فاضل ساعة على الاجتماع ألحق اروح
ليلى: مع السلامة
فى شركة المحرقاوى
فارس اتصل بتليفون المكتب على ألين: حضرى ورق الصفقة وكل حاجة عشان الاجتماع دلوقت
ألين: حاضر يفارس بيه
ألين دخلت وحطت الورق على المكتب ولسه هتطلع
فارس: استنى إنتى هتحضرى الاجتماع معايا
ألين: أنا
فارس: أيوة يلا بينا
ألين وفارس دخلوا أوضة الاجتماع ولسه هيقعدوا
فى صوت واحد عمر : انتى
ألين: انت
* يتـبـــــــــــــــــــــــع الفصل السادس اضغــــــــط هنا
* الفهرس يحتوي على جميع فصول الرواية " رواية حب الصدفة " اضغط على اسم الرواية