رواية تلاتين يوم جواز الفصل الخامس 5 - بقلم اميرة محمود

رواية تلاتين يوم جواز البارت الخامس 5 بقلم اميرة محمود

رواية تلاتين يوم جواز الفصل الخامس 5

يوم الفرح

هنا ، ياربي بتخبطي ليه بدرى كده يا ماما

سميه ، اومي يابت انتي المحامي تحت ميستنيكي

هنا ، محامي مين يا امي دي الساعه تمانيه الصبح

سميه ، هيعمل الإجراءات بدرى عشان هتسافري مع عريسك اسبوعين الساحل

هنا ، ساحل مين وبتاع مين أنا مش هينفع اسافر أنا ورايا شغل وعيانين

سميه ، يولع الشغل وسنينه يا بنت دول ملايين متجييش تبوظى كل حاجه كده ياللا اومي

هنا ، ماشي يا ماما ماشي ولعلمك انتي جايه عليه اوي اووووف ده الواحد جاي من المستشفي الساعه واحده

سميه محدش قالك تروحي كان ممكن سيادتك تاخدي امبارح اجازه عشان فرحك الصبح

هنا ، ده المفروض اللي انا معملتوش ومش هعمله ياللا انزلي أنا هغير هدومي وانزل وراكي

سميه ، كويس انك عرفتي أن دي اوضتك اصل حطتلك الهدوم وخفت تيجي وانا نايمه ومتعرفيش تغيري

هنا ، ماشي يا ماما هصدق انك حفني عليه هصدقك

سميه ، طبعا يا حبيبتي والله خايفه عليكي وعمرى ما خفت علي حد اكتر منك انتي واخوكي

هنا ، اومال هتجوزوني ليه للبني ادم ده انا بحب يوسف خطيبي

سميه ، ده شهر وهترجعي ليوسف شهر وكل حاجه هتخلص خالص وهنعيش مرتاحين

هنا ، ماشي يا ماما ياللا يا حبيبتي انزلي وانا هنزل وراكي

سميه ، ماشي يا حبيبتي وراحت سيباها ونازله

هنا دخلت الحمام اخدت شاور واتوضت وصلت ركعتين لله وراحت خارجه عشان تنزل

سيف ، صباح العسل

هنا ، صباح الزفت

سيف ، اممم مش هتتظبطي معايا صح

هنا ، ايوه مش هتظبط عندك مانع

سيف ، لا معنديش خليكي كده بل**نين

هنا ، مش هرد عليك اصلا

سيف ، اصلا طب بصي يا حلوه المفروض أن بدايه التلاتين يوم انهارده يعني المفروض تغيري المعامله وتحبيني شكليا عشان المحامي

هنا ، معدش غيرك انت اللي احبه

سيف ، وانا مالي يا اوزعه

هنا ،. انا بحظرك لو قولت اوزعه دي تاني هوريك اللي عمرك ما شفته

سيف ، اوووف هتوريني ايه بالضبط عشان هموت واشوف

هنا راحت عطياه بو** في مناخيره وسابته ونزلت

سيف ، ااااه يا بنت ال وربنا ماسيبك

هنا نازله جرى تتحما في ابوها وامها وهو بيجرى وراها

سميه ، اي ده في ايه

يسريه ، مالك يا سيف مناخيرك بتنزف ليه وبتجرى ورا البت دي ليه

هنا بصتله بغل وهي واقفه ورا ابوها

يسريه ، اقعد يا حبيبي عشان الدم ده يقف هو ايه اللي حصلك

سيف ، مفيش اصل حلمت أن قطر خبطني في مناخيري صحيت لقيتها بتنزف

هنا ، قطر يشيلك يا بعيد

سيف ، وربنا ما هسيب حقي وربنا لهوريك باللي في بالي

المحامي ، خلونا في المهم هتعملو ايه أكلم المأذون

انور ، اه طبعا كلمه ياللا

المحامي ، أنا كلمت خبيره تجميل وحجزت فستان وكل حاجه جايه في الطريق وطبعا استاذ سيف جيبله بدله علي زوقي وان شاء الله زوقي يعجبكم

سيف ، ربنا يستر

المحامي ، في حاجه يا استاذ سيف

سيف ، لا ابدا حاجه ايه انا بقول ربنا يستر في اليوم الجميل ده

المحامي ، تمام بصو بقا انتو الاتنين هتسافروا الساحل عالساعه تمانيه هتقعدوا هناك اسبوعين وانا مسافر معاكم وحاجز الجناح اللي جنبكم عشان اشوف الجواز ده هيبقى لعبه واللا حقيقي أنا المراقب ليكم

سيف ، ده لو كنتي دعيالي في ليله القدر ميبقاش كل ده قصر وفلوس وعربيه وساحل لا وايه وعروسه كمان قمر

يسريه ، قمر اوي وراحت مم**صه شفايفها ماهو باين

هنا في سرها ، اهو القمر ده هيوريك النجوم في عز الضهر

المحامي ، المأذون وصل

هنا ، مأذون الساعه تسعه اول مره اشوف كده

سيف ، لا ده احنا هنشوف العجب

هنا ، شوفه لوحدك

سيف ، هههههه ماهو كل حاجه شركه احنا الاتنين

هنا ، اللهم طولك يا روح

المأذون ، اين العروس ووكيل العروس والاتنين شهود

هنا ، ماما متفكرى كويس

سميه ، ايه هتيجي للآخر وترجعي في كلامك

هنا ، أنا مش هرجع في كلامي بس انا حاسه اني بتظلم

سميه ، خلاص بقا يا ست هنا خلاص

هنا ، ماشي يا ماما ربنا يسامحكم

حسام دخل بياسمين

ياسمين ،. حسام بجد القصر ده بقا بتاعكم

حسام ، اه بس قولي ماشاء الله

ياسمين ،. ماشاء الله بجد ده جميل اوي

حسام ، طب ياللا ندخل المأذون جوه عشان أنا شاهد ياللا لازم ادخل

ياسمين ، ماشي وراحت داخله معاه

المأذون ، والد العروس حط ايدك في ايد العريس

انور مد أيده وهو جواه نار أن يجوز بنته لابن اخوه اللي بيكرهه

سيف مدوايده في ايد انور وكتب المأذون الكتاب

المأذون ، بارك الله لكما وبارك عليكما وجمع بينكما في خير

سيف راح جنب هنا ، بدأنا اللعبه يا مراتي يا حبيبتي

هنا بصتله وعنيها حمرا وكلها دموع

سيف ، للدرجه دي بتحبيه

هنا ، ملكش دعوه انت فاهم

سيف ، لا ليه دعوه انتي نسيتي انك مراتي نسيتي واللا ايه ده المأذون لسه موجود حتي

المأذون ، العروس تيجي تمضي

هنا بصتلهم كلهم بعين م**وره ابوها بص في الارض عشان بنته صعبت عليه وراحت مسكت القلم ومضت وراحت سيباهم وطلعت جرى اوضتها

بعد ساعه الميكب ارتيست وصلت والفستان وصل

سميه ، اهلا يا حبيبتي تعالي هطلعك اوضتها

الميكب ارتيست ، تمام وطلعت معاها

سميه طلعت خبطت علي هنا

هنا ، لا رد

سميه ، هنا يا هنا وراحت فاتحه الباب لقتها واقعه في الارض مغمي عليها فضلت تسرخ جامد دخل سيف لانه كان في الاوضه اللي جنبها

سيف ، في ايه

سميه ، بفتح الباب لقيتها واقعه في الارض كده يا هنا فوقي

سيف ، عن اذنك حضرتك كده وراح موطي شيلها وراح منيمها علي السرير وشعرها جه علي وشها راح مرجعه لورا

سيف بص لهنا يخربيت جمال امك ايه الشعر ده

سميه ، اجبلك ايه تفوقها

سيف باصص وسرحان في هنا

سميه ، يا حضرت اجبلك ايه

سيف ، هاا هاتي ازازه برفيوم كده و انا هحاول افوقها وقعد يفوق فيها لحد ما فاقت

هنا ، اااه راسي

سيف ، حمد الله على السلامه

هنا بصدمه ، انت اي اللي مدخلك هنا وراحت شاده فوطه حطاها ع راسها تداري شعرها

سيف ، أمم سيادتك كنتي واقعه مغمي عليكي وانا كنت بفوقك

هنا ، خلاص فوقنا ياللا بالسلامه بره

سيف ، هي د*كلمه شكرا بتاعتك ده انتي حقنه

الميكب ارتيست ، حمد الله على السلامه يا عروسه

سيف ، ايه القمر ده انتي مين اوعي تكوني قريبتي اصل قرايبي كلهم قصيرين أنا بس اللي طويل

الميكب ارتيست ، لا أنا الميكب ارتيست اللي هزوقها

سيف ، تشرفنا يا قمر مانا بقول مش معقول الجمال ده من العيله دي

الميكب ارتيست ، ميرسي ليك يا فندم

هنا ، اجبلكم اتنين لمون

سيف ، ياريت

هنا بزعيييق ، اطلع بره اوضتي يا دكتور سيف لو سمحت

سيف ، ماشي ماشي

سيف خرج والميكب ارتيست بدأت تزوقها ولبست الفستان وخلصت

المحامي لسميه ، ايه العروسه خلصت

سميه ، اه خلصت ونازله حالا ورايا

سيف عاطي ضهره للسلم وواقف بيكلم المحامي وفجأه نور نزلت بفستان الاميرات كانت تشبه بجمالها اميرات ديزني العيون الزرقاء والفستان المنفوش والملامح الربانيه الغايه في الجمال

المحامي بزهول ، بسم الله ماشاء الله ايه الجمال ده كله

سيف بيبص ، اوووف مين دي

المحامي حب يختبر سيف يشوف هيغير واللا لا ، تخبل صح أنا كنت عارف ان الفستان ده هياكل منها حته

سيف ، ماتلم نفسك يا جدع انت احترم اللي واقف قدامك

المحامي ، يا بختك

سيف ، لا اله الا الله وراح سايبه وراح لهنا

سميه ، احنا هنبتدي من دي الوقت التمثيل معلش يا بنتي حاولي تبيني انك بتحبيه

هنا ، ماشي يا ماما

سيف راح مد أيده لهنا

هنا بصت في الارض وراحت مده أيدها

سيف ، بجد برنسيسه

هنا ،. شكرا

سيف ، ماشي ياللا تعالي نقعد

هنا ، ماشي بس ابعد شويه كده انت لازقه كده ليه

سيف ،. لازقه يارب صبرنيييييي

فضلو قاعدين شويه لحد ما الحفله خلصت

المحامي ، الساعه بقت تسعه ياللا بينا

هنا ،. انا هروح الساحل ازاي وانا مش معايا هدوم

المحامي ، عامل حسابي هدومكم انتو الاتنين في الجناح بتاعكم هناك متعلقه في الدولاب

سيف ،. ده انت مخطط كل حاجه

المحامي ،. طبعا ده شغلي ياللا بينا عالعربيه

هنا ، استنوا هو مين

• تابع الفصل التالي عبر الرابط: "رواية تلاتين يوم جواز" اضغط على أسم الرواية